Morgunblaðið - 22.12.2006, Blaðsíða 4

4 FÖSTUDAGUR 22. DESEMBER 2006 MORGUNBLAÐIÐ
FRÉTTIR
MIKILVÆGUM áfanga var náð við
skipsflak Wilson Muuga í gær þegar
tókst í fyrsta skipti að dæla nokkru
magni af svartolíu úr botntönkum
skipsins upp í síðutanka, þaðan sem
á að dæla olíunni á land um leið og
færi gefst. Gottskálk Friðgeirsson,
verkefnastjóri við björgun olíunnar,
sagði að nú væri athugunum lokið
og sjálfar framkvæmdirnar hafnar.
Auk þess kom í ljós að botntankar
skipsins eru ekki rifnir eins og Um-
hverfisstofnun taldi áður.
Þyrla Landhelgisgæslunnar flutti
sjö manns um borð í skipið um há-
degið í gær, þar af þrjá starfsmenn
Vélsmiðjunnar Framtaks, einn lög-
reglumann, tvo björgunarsveit-
armenn og einn sérfræðing. Unnið
var um borð fram til klukkan rúm-
lega 15.
Olíubrák frá skipinu
vegna gasolíu
Fluttur var dælubúnaður út í
skipið og dæling hafin. „Hugmyndin
er að dæla olíunni í land,“ sagði
Gottskálk. „Þegar við fórum af stað í
[gær]morgun héldum við að botn-
tankarnir væru ansi mikið skemmd-
ir með tilheyrandi hættu á að það
læki út úr þeim. En eftir mælingu í
þeim tveimur tönkum sem innihalda
70 tonn af svartolíu kom í ljós að ol-
ían virtist öll vera á sínum stað.“
Er því talið nú að botntankarnir
séu alls ekki skemmdir og að olían
ætti að haldast í skipinu. Spurður að
því hvort staðhæfingu Umhverf-
isstofnunar frá því á miðvikudag,
um að botntankarnir væru rifnir,
hefði þar með verið hrundið með
nýjum athugunum sagði Gottskálk
að fyrri staðhæfing hefði byggst á
þeim upplýsingum sem þá lágu fyr-
ir. „Það er einhver olíubrák frá skip-
inu sem gæti verið gasolía frá tanki í
botni skipsins, undir aðalvélinni.
Það hefur ekki verið hægt að mæla í
þeim tanki. Ef eitthvað hefur lekið
þá er það þunnfljótandi gasolían
sem ekki er eins slæm fyrir um-
hverfið og svartolían. Gasolían gufar
mikið upp og berst hugsanlega ekki
mikið upp á land í öldurótinu
þarna.“
Gottskálk er bjartsýnn á fram-
haldið. „Björgunarsveitarmenn
gengu í kringum skipið og sáu alls
staðar undir botninn. Það situr á
kletti og virðist vera mjög stöðugt
og miðað við hvernig það hefur látið
í veðrum undanfarið held ég að það
verði þarna áfram.“
Svartolían á sínum stað
Morgunblaðið/ÞÖK
Morgunblaðið/ÞÖK
Björgunaraðgerðir Unnið var um borð í Wilson Muuga til klukkan rúmlega þrjú í gærdag.
Eftir Örlyg Stein Sigurjónsson
orsi@mbl.is
HÉRAÐSDÓMUR Reykjavíkur
hefur dæmt fjóra karlmenn í fang-
elsi fyrir tilraun til að smygla 15
kílóum af amfetamíni og 10 kg af
hassi til lands í BMW bíl, falin í
bensíntanki. Málið kom upp í vor
og voru sakborningarnir hnepptir í
gæsluvarðhald.
Sá sem þyngstan dóminn hlaut
var Ólafur Ágúst Hraundal Æg-
isson sem fékk 8½ árs fangelsi.
Tveir meðákærðir í málinu, Johan
Hendrik Engelsman og Eyjólfur
Hilmarsson fengu 6 ára fangelsi
hvor, og þá var fjórði maðurinn,
Ársæll Snorrason, dæmdur í 4 ára
fangelsi. Ólafur Ágúst rauf skilyrði
reynslulausnar en hann hefur áður
hlotið 9 ára fangelsisdóm fyrir
fíkniefnasmygl.
Fíkniefnin voru gerð upptæk
með dómi og bíllinn sömuleiðis,
auk fartölvu, hnúajárns, rýtinga og
rafstuðbyssu.
Skýringarnar
ótrúverðugar
Í dómi segir um skýringar
flestra mannanna á málinu að þær
séu ótrúverðugar. Þannig var
framburður Harðar mjög óstöðug-
ur og óljós en þegar virtur var
framburður hans taldi dómurinn
hafið yfir skynsamlegan vafa að
hann hefði vitað eða mátt vita að
fíkniefnin hefðu verið falin í bíln-
um við flutning hans til landsins.
Framburður Ársæls var frá upp-
hafi mjög á reiki og var það mat
dómsins að skýringar ákærða á
breyttum framburði sínum væru
vægast sagt sérkennilegar og í
sjálfu sér mjög ótrúverðugar.
Framburður Ólafs Ágústs var að
mati dómsins allur mjög ótrúverð-
ugur og að engu hafandi. Var talið
hafið yfir skynsamlegan vafa að
hann hefði aðstoðað við að flytja
bílinn í iðnaðarhúsnæðið á Krók-
hálsi vitandi um að fíkniefni væru í
honum og unnið þar með með-
ákærðu, Johan Hendrik og Ársæli,
að töku efnanna úr honum í þeirri
trú að þau væru umrædd fíkniefni.
Dómurinn var fjölskipaður hér-
aðsdómurunum Ásgeiri Magnús-
syni dómsformanni, Friðgeiri
Björnssyni og Jónasi Jóhannssyni.
Verjendur voru hæstaréttarlög-
mennirnir Jón Magnússon fyrir
Ársæl, Björgvin Þorsteinsson fyrir
Hörð, Sveinn Andri Sveinsson fyr-
ir Ólaf og Brynjar Níelsson fyrir
Johan. Sækjandi var Kolbrún
Sævarsdóttir saksóknari hjá rík-
issaksóknara.
Hlutu margra ára fangelsi
fyrir 25 kg af fíkniefnum
Sá sem þyngstan dóminn hlaut fékk 8½ árs fangelsi
HÉRAÐSDÓMUR Reykjavíkur
hefur dæmt Ívar Smára Guð-
mundsson í fjögurra ára fangelsi
fyrir tvö rán, líkamsárásir og
fíkniefnabrot auk þjófnaðar, fjár-
svika og fleiri brota.
Fyrra ránið var framið í verslun
við Fiskislóð í júlí 2005 þar sem
ákærði stal 12 þúsund krónum og
barði starfskonu verslunarinnar.
Seinna ránið var framið 31. júlí
2006 í Bónusvídeói í Hafnarfirði.
Þar voru tvær konur barðar og
komst vitorðsmaður ákærða á
brott með 1,4 milljónir króna. Til
frádráttar fangelsisrefsingunni
kom um hálfs mánaðar gæsluvarð-
hald sem ákærði sætti alls vegna
rannsókna málanna. Hann var
einnig dæmdur til að greiða Bón-
usvídeói 1,4 milljónir kr. í skaða-
bætur
Að mati dómsins voru ránsbrot-
in gróf og líkamlegt ofbeldi
ákærða í garð starfsmanna sem
fyrir honum urðu, sérlega fólsku-
legt. Einkum átti það við um ann-
að ránið þar sem starfsmaður nef-
brotnaði.
Þá var hluti brotanna unninn í
félagi með öðrum og verðmæti
sem stolið var í þjófnaðarbroti
voru töluverð, auk þess sem verð-
mæti í öðru ránsbrotinu voru tölu-
verð og komst ekki nema lítill hluti
þeirra til skila.
Ákærði á að baki nokkurn saka-
feril og rauf skilorð með brotum
sínum nú.
Ingveldur Einarsdóttir héraðs-
dómari dæmdi málið. Verjandi var
Jón Egilsson hdl. og sækjandi
Dagmar Arnardóttir, fulltrúi lög-
reglustjórans í Reykjavík.
Fjögurra
ára fangelsi
fyrir rán
Hálfs mánaðar gæslu-
varðhald til frádráttar
BEIN útsending var í fyrsta sinn í
gær á vefvarpi mbl.is frá vatna-
vöxtum í Ölfusá við Selfoss.
Notendur tóku þessari nýbreytni
vel. Um hádegið, skömmu eftir að
útsendingin hófst, horfðu að jafnaði
um 1.600 manns samtímis á útsend-
inguna, sem stóð yfir í tvo klukku-
tíma eða á meðan birtu naut.
Tæknileg útfærsla var í sam-
vinnu við Símann.
Bein útsend-
ing á vefvarpi
mbl.is
♦♦♦