Morgunblaðið - 22.12.2006, Blaðsíða 14
14 FÖSTUDAGUR 22. DESEMBER 2006 MORGUNBLAÐIÐ
FRÉTTIR
Eftir Einar Fal Ingólfsson
efi@mbl.is
TALSVERT hefur verið rætt um að
nýir möguleikar muni opnast fyrir
stangveiðimenn við virkjun Jökulsár
á Dal við Kárahnjúka. Áin minnkar
verulega og jökulleirinn hverfur að
mestu. Litlum sögum fer af veiðum
á svæðinu til þessa, þó dæmi séu um
að lax og göngusilungur hafi veiðst í
ósum bergvatnsáa og lækja sem
renna í fljótið. Nú hefur veiðifélagið
Strengir, undir forystu Þrastar El-
liðasonar, gert samning við Veiði-
félag Jöklu, um að taka þátt í að
kortleggja veiðimöguleikana og
rækta svæðið upp í samræmi við
getu þess. Verða seldar tólf
tilraunastangir á svæðið á dag, á
2.000 krónur dagurinn. Verður sam-
starf við veiðifélagið Flúðir á Ak-
ureyri um sölu veiðileyfa.
Strengir hafa bætt við sig fleiri
veiðisvæðum á norðausturhorninu,
því nýverið var gengið frá langtíma
samningum um tvær veiðiár í Jök-
ulsárhlíð. Fögruhlíðará ásamt
Fögruhlíðarósi, sem er þekkt sjó-
bleikjusvæði, og Kaldá.
Nýtt tímarit um stangveiði
Nýtt mánaðarrit fyrir stangveiði-
menn kom út í vikunni, nefnist það
Vötn & veiði og er gefið út í sam-
vinnu við samnefndan vefmiðil. Rit-
stjóri er Guðmundur Guðjónsson.
„Okkur fannst vanta svona tíma-
rit, til að standa með vefnum sem
við höfum haldið úti síðan vorið
2005,“ segir Guðmundur. „Vefurinn
er orðinn rótgróinn en þetta vinnur
saman sem heilsteyptur miðill. Vef-
urinn mun breyta um stíl, verður
eindregnari frétta- og þjónustumið-
ill, afþreyingarefnið færist í tímarit-
ið.“
Guðmundur stendur í enn frekari
útgáfu, þar sem út er komin í
nítjánda sinn Íslenska stangaveiði-
árbókin í ritstjórn hans, nú í annað
sinn undir nafninu Vötn & veiði.
„Nýlundan sem byrjaði í bókinni í
fyrra heldur áfram, það er persónu-
leg umfjöllun um reynslu af tiltekn-
um veiðisvæðum. Að þessu sinni eru
tekin fyrir Víkurá í Hrútafirði,
Skálmardalsá, Steinsmýrarvötn,
Gljúfurá í Húnavatnssýslu, eystri
bakki Hólsár og Breiðdalsá.“
Stangaveiðifélag Reykjavíkur
hefur sent út umsóknir um veiði-
leyfi, sem skila á inn fyrir 4. janúar.
Félagsmönnum hefur fjölgað mik-
ið í SVFR á síðustu tveimur árum,
eða um 900. Hafa stjórnarmenn
þakkað fjölgunina því að stangveiðin
er að verða vinsælli, og þá auðnaðist
félaginu að standa á bremsunni þeg-
ar veiðileyfi voru að hækka víða.
Meiri hækkun í forúthlutun
Á dögunum var frá því greint að á
þeim vatnasvæðum, þar sem félagið
hefði verið að framlengja samninga,
hækkuðu veiðileyfi talsvert. Bjarni
Júlíusson, formaður félagsins, og
Páll Þór Ármann framkvæmda-
stjóri, segja hækkunina almennt
ekki jafn mikla og fréttir hefðu gefið
í skyn, heldur rétt rúmlega 7% að
meðaltali, umfram vísitölu.
„Það teljum við býsna vel slopp-
ið,“ segja þeir. „Á mörgum svæðum
er óbreytt verð, þar sem ekki er ver-
ið að breyta eða framlengja samn-
inga, eins og í Norðurá. Hún er að
hækka í söluskránni um 8%, þ.e. 1%
umfram verðbólgu. Svæði þar sem
er verið að endurnýja og framlengja
samninga hækka milli ára; eins og
Hítará og Gljúfurá. Þar hækka verð
á veiðileyfum um ríflega 20% um-
fram verðbólgu. Svo er Stóra-Laxá
sér á parti.
Við beittum okkur fyrir því að
netin færu upp, við það jókst veiðin
og veiðiréttareigendur vildu fá
hærri leigugjöld. Leigugreiðslur til
veiðiréttareigenda hækka um 72%
en við hækkum þó ekki verðið í sölu-
skránni nema 45%, þannig að við
tökum á okkur töluverðan skell.“
Bjarni og Páll segja að í rekstri
félagsins sé allt kapp lagt á að vera
réttum megin við strikið.
„Við erum með góðan rekstur,
mikla þjónustu, skuldum ekki
krónu, og erum samt að keyra á
núllinu, þrátt fyrir þessar hækkanir,
því þær eru fyrst og fremst að skila
sér til veiðileyfasala.“
Á svonefndum forúthlutunartíma,
besta tíma bestu ánna sem félagið
er með, er hækkunin meiri; um 20%
í Norðurá og Hítará, og 13% í Kjós.
Veiðisvæði takmörkuð auðlind
„Stangardögum á hvern félaga
fækkar örlítið vegna fjölgunarinn-
ar,“ segir Bjarni. „Mér finnst samt
nokkurt afrek hjá okkur að halda
sjó í þessu samkeppnisumhverfi.
Veiðisvæðin eru takmörkuð auðlind.
Með þessari fjölgun í félaginu þurf-
um við að bæta við okkur 1.000
stangardögum í laxi á ári, bara til að
halda óbreyttu framboði á hvern fé-
lagsmann; það eru þrjár þriggja
stanga ár eða ein tíu stanga. Það eru
ekki margar slíkar ár á lausu, en ef
við ætlum að standa okkur í þessum
slag þá þurfum við fljótlega að bæta
við okkur einni stórri á, auk þess að
halda áfram að ná litlum veiðisvæð-
um undir okkar hatt.“
Þeir Bjarni og Páll segja slaginn
um veiðisvæði vissulega verða harð-
ari með hverju árinu sem líður.
„Þessvegna lögðum við svo mikið
kapp á það núna að framlengja
samninga á okkar helstu veiðisvæð-
um. Við erum nú víða með samninga
alveg til 2012.“
Tilraunaveiðar að hefjast í Jöklu
Veiðileyfi SVFR hækka að meðaltali um rúm 7% umfram vísitölu – leyfi í forúthlutun hækka meira
Í HNOTSKURN
» Tilraunaveiðar á tólfstangir munu hefjast í Jök-
ulsá á Dal og þverám hennar
næsta sumar. Veiðifélögin
Strengir og Flúðir annast sölu
leyfanna.
» Guðmundur Guðjónssonritstýrir Vötnum & veiði,
nýju mánaðarriti fyrir stang-
veiðimenn.
» SVFR tekur á sig skellvegna hækkunar veiði-
leyfa í Stóru-Laxá
» Miðað við fjölgunina í fé-laginu þarf að bæta við
1.000 laxveiðidögum á ári, eða
sem nemur 10 stanga á.
Morgunblaðið/Einar Falur
Sjóbirtingur Kristinn Á. Ingólfsson með vænan sjóbirting úr Tungufljóti í
Skaftártungum. SVFR hefur framlengt samninginn um þessa vinsælu á.
UTANRÍKISMÁLANEFND Al-
þingis sótti Eystrasaltsríkin heim
dagana 11.–15. desember en mark-
mið heimsóknarinnar var að eiga
fundi með utanríkismálanefndum,
varnarmálanefndum og Evrópu-
nefndum ríkjanna.
Á fundunum var rætt um öryggis-
og varnarmál, einkum samstarfið
innan NATO, orkumál, orkuöryggi,
umhverfismál og samstarfið innan
EES, auk tvíhliða samskipta
ríkjanna, að því er fram kemur í til-
kynningu.
Þar segir að nefndin hafi einnig átt
fundi með þingforsetum og embætt-
ismönnum í utanríkis- og varnar-
málaráðuneytum Eystrasaltsríkj-
anna.
„Þá kynnti nefndin sér starfsemi
nokkurra fyrirtækja sem hafa haslað
sér völl í Eystrasaltsríkjunum og eru
að fullu eða hluta til í eigu íslenskra
aðila. Í Litháen heimsótti nefndin
MP-Fjárfestingarbanka, arkitekta-
stofuna Arso og verkfræðistofuna
Hnit-Baltic,“ segir í tilkynningunni.
Heimsóttu Lateko-banka
„Í Lettlandi var farið í heimsókn
til Lateko-banka sem er í meirihluta-
eigu Jóns Helga Guðmundssonar í
Norvik og kynnti nefndin sér starf-
semi bankans og fyrirtækja Norvik
og tengdra félaga. Í Eistlandi var út-
gerðarfyrirtækið Reyktal Ltd. heim-
sótt,“ segir þar ennfremur.
Ennfremur heimsótti nefndin söfn
sem geyma sögu um áratugalanga
hersetu og þjáningar þjóðanna í
Eystrasaltslöndunum. Þá heimsótti
hún nýja skrifstofu ræðismanns Ís-
lands í Vilnius.
Í íslensku sendinefndinni voru
Halldór Blöndal formaður, Jón
Kristjánsson varaformaður, Össur
Skarphéðinsson, Drífa Hjartardótt-
ir, Bjarni Benediktsson, Steingrím-
ur J. Sigfússon og Jón Gunnarsson,
auk Einars Farestveit, forstöðu-
manns nefndasviðs Alþingis.
Í Litháen Nefndin hitti m.a. Justinus Karosas, formann utanríkismálanefndar litháíska þingsins (fyrir miðju).
Alþingismenn heim-
sóttu Eystrasaltsríkin
HÉRAÐSDÓMUR Reykjavíkur
hefur dæmt þrítugan karlmann í
eins og hálfs árs fangelsi fyrir að
naugða ungri konu á heimili hans í
miðbænum vorið 2004.
Að mati dómsins var framburður
konunnar trúverðugur en hún sagð-
ist hafa farið heim með manninum af
bar, þótt hún hefði ekki haft í hyggju
að eiga kynferðisleg samskipti við
hann. Hún sagðist hafa drukkið tvo
bjóra áður en hún kom heim til
mannsins. Þar hefði maðurinn farið
fram í eldhús og komið með tvær
opnar bjórflöskur og þau drukkið af
bjórnum. Sagðist konan ekki muna
eftir því þegar hann opnaði flöskurn-
ar. Fór hún inn á baðherbergið en
áður hefði hún verið farin að finna
fyrir einkennilegum sljóleika. Sagð-
ist hún telja að maðurinn hefði sett
eitthvað út í bjórinn sem hefði orsak-
að ástand hennar.
Nokkru síðar rankaði hún við sér í
rúminu þar sem maðurinn hafði
samfarir við hana. Sagði hún „ekki“
við hann en það hefði verið hálfkæft
enda hún orkulaus á þeim tíma-
punkti. Síðan hlyti hún að hafa dottið
út af aftur en hefði rankað við sér í
sófanum og vaknaði við að maðurinn
var að klæða hana úr að ofan. Hefði
hann dregið hana ofan á sig og þann-
ig haft mök við hana. Stórir og ljótir
marblettir voru á konunni eftir
manninn sem viðurkenndi að hafa
slegið hana, þótt hann neitaði sök um
nauðgun.
Þegar litið var til áverkanna og
þess lostsástands sem konan var í
eftir atburðinn sem og þeirra and-
legu erfiðleika sem hún hefur glímt
við í kjölfar atburðarins og loks vald-
beitinga mannsins, taldi dómurinn
hafið yfir skynsamlegan vafa að
maðurinn hefði þröngvað henni til
samræðis. Var hann dæmdur til að
greiða konunni eina milljón króna í
bætur auk fangelsisrefsingarinnar.
Dómurinn var fjölskipaður hér-
aðsdómurunum Símoni Sigvaldasyni
dómsformanni, Sigríði Ingvarsdótt-
ur og Söndru Baldvinsdóttur. Skilaði
síðastnefndi dómarinn sératkvæði
og taldi að sýkna ætti manninn
vegna sönnunarskorts.
Verjandi var Brynjar Níelsson
hrl. og sækjandi Sigríður J. Frið-
jónsdóttir, saksóknari hjá ríkissak-
sóknara.
Karlmaður
dæmdur í 18
mánaða fangelsi
Nauðgaði og barði unga konu – Einn
þriggja dómara taldi að sýkna ætti
Í HNOTSKURN
»Konan krafðist 1,2 milljónakróna í bætur vegna nauðg-
unarinnar og dæmdi héraðs-
dómur henni eina milljón króna.
»Maðurinn viðurkenndi aðhafa slegið konuna en á
henni voru stórir og ljótir mar-
blettir.
»Þegar dómurinn lagði mat áframburð ákærða varð ekki
litið fram hjá sérkennilegri kyn-
lífshegðun hans.
»Ákærði var einnig sakfelldurí nóvember 2005 af ákæru
fyrir kynferðisbrot gegn stúlku
sem bar áverka eftir hann.