Morgunblaðið - 22.12.2006, Blaðsíða 27
Fréttir
í tölvupósti
mælt með …
MORGUNBLAÐIÐ FÖSTUDAGUR 22. DESEMBER 2006 27
Jól í Dimmuborgum
Íslensku jólasveinarnir hafa búið
frá örófi alda í Dimmuborgum en
þar hefur hann sinnt hlutverki sínu
að gleðja börn á öllum aldri. Tilvalið
er að heimsækja þessa skrítnu og
skemmtilega karla í fögru umhverfi
Mývatnssveitarinnar en þeir taka á
móti gestum með bros á vör á Hall-
arflöt í Dimmuborgum í dag og á
morgun, Þorláksmessu, kl. 13–15.
Aftansöngur í Dóm-
kirkjunni í Reykjavík
Jólin verða hringd inn klukkan
sex á aðfangadagskvöld með aftan-
söng frá Dómkirkjunni í Reykjavík
og þjóðin leggur við hlustir. Mess-
unni verður útvarpað að venju á
Ríkisútvarpinu og sr. Jakob Ágúst
prédikar og þjónar fyrir altari
ásamt sr. Hjálmari Jónssyni og
Dómkórinn syngur. Jólalegra verð-
ur það ekki og Íslendingar um heim
allan geta tekið vel undir í Heims
um ból. Ástæða er líka til að minna
landsmenn á jólakveðjurnar á Rás 1
sem hefjast kl. 13 á degi heilags
Þorláks og standa fram á nótt.
Tónlist í kyrrð Neskirkju
Nú mitt í jólaamstrinu er þörf á
að slaka á en í kvöld klukkan 21
munu Hallveig Rúnarsdóttir
sópransöngkona og Steingrímur
Þórhallsson orgelleikari halda ár-
lega kyrrðar- og íhugunartónleika
sína í Neskirkju. Tónleikarnir eru
hugsaðir sem mótvægi við hinn
mikla hraða sem einkennir jólahald-
ið en kirkjan verður aðeins lýst upp
með kertum og fólk kemst í snert-
ingu við hinn sanna jólaanda.
Skakkamanage og
FM Belfast á Barnum
Ef þú átt leið um miðbæ Reykja-
víkur í kvöld væri ekki úr vegi að
skella sér á hressandi tónleika
Skakkamanage og FM Belfast á
Barnum, Laugavegi 22, sem hefjast
um tíuleytið. Jólalag Skakkaman-
age, Costa Del Jól, hefur slegið í
gegn á aðventunni og FM Belfast
mun hafa hljóðritað eitt jólalag á
dag frá 1. desember.
Blysför niður Laugaveginn
Áður en hátíð ljóss og friðar
rennur upp skyldi hvert okkar
staldra við og minnast þess að ekki
hafa allir það jafngott í heiminum.
Íslenskir friðarsinnar standa að
blysför niður Laugaveginn á Þor-
láksmessu, friðargöngu, en göngu-
fólk leggur stundvíslega af stað frá
Hlemmi kl. 18. Bærinn verður ef-
laust líka fullur af þeim sem vilja
fanga jólastemninguna eða kaupa
síðustu gjafirnar.
Náttúran í öllu sínu veldi
Á jólum er bráðnauðsynlegt að
hverfa á vit náttúrunnar, anda að
sér hreinu lofti og fá jólaroða í kinn-
ar. Leitaðu í upprunann og stökktu
á vit ævintýra með hesti eða hundi
og ef þú mögulega getur farðu í
fjárhús og hlustaðu á kindurnar éta.
Morgunblaðið/Birkir Fanndal
Hermann Jóhannesson hefurfylgst með umræðum um
hleranamálið og telur það
verðskulda sonnettu:
Í ráðuneyti forðum lá í leyni
einn lítill kall og hleraði þar síma.
Hann eyddi í þetta ærnu fé og tíma
og illum kommum hugðist verða að
meini.
Þótt verkið styddi herinn djarfi og hreini
varð harðsótt mjög og langvinn þessi
glíma.
Og hvernig sem hann lagði sig í líma
þá leyndist alltaf fiskur undir steini.
En seinna rann upp farsæl friðartíð,
og fólkið skildi loks hvað þurfti að gera.
Nú vantar bara njósnaglaðan her.
Í skjóli hans dafnar löggan ljúf og blíð.
Að lokum mun hún alla síma hlera.
Þá sef ég vært. Hún vakir yfir mér.
Þorláksmessa er á morgun,
dagur skötunnar, en Hálfdan
Ármann Björnsson Hlégarði mælist
til þess að skötusuða verði bönnuð í
fjölbýli:
Ekki mest fyrir andfýli
eða gáfur ringar,
fara illa í fjölbýli
flestir Vestfirðingar.
pebl@mbl.is
Af skötu og
hlerunum
VÍSNAHORNIÐ
J
J
Kælið matvæli fljótt eftir suðu.
Hitastig í kæli á að vera 0-4°C.
Þvoið hendur oft og vel.
Borð, ílát, áhöld og skurðarbretti
eiga að vera hrein.
Krossmengun verður ef bakteríur
berast frá hráum matvælum yfir í
tilbúin matvæli. Haldið hráum og til-
búnum matvælum aðskildum.
Gegnsteikið eða gegnsjóðið kjöt.
Heit matvæli á hlaðborði eiga að
vera við amk 60°C.
J
J
J
J
J
J
J
J
J J
Umh v e r f i s s t o f n u n S u ð u r l a n d s b r a u t 2 4 1 0 8 R e y k j a v í k s í
J
J
Njótið jólamatarins!
Gleðileg jól og farsælt komandi ár