Morgunblaðið - 22.12.2006, Blaðsíða 30
aðventan
30 FÖSTUDAGUR 22. DESEMBER 2006 MORGUNBLAÐIÐ
Hvað vilja konur fá í jólagjöf ?
Margur karlmaðurinn æðir ráðvilltur milli verslana rétt fyrir jól í leit að hinni einu sönnu jólagjöf fyrir sína heittelskuðu. En konur eru sem betur fer eins
misjafnar og þær eru margar og vilja ekki allar það sama. Sumar vilja list, aðrar vilja dýra skartgripi og enn aðrar vilja eitthvað sem kostar ekki neitt eða
óska þess að andvirði gjafarinnar renni til góðgerðarmála. Kristín Heiða Kristinsdóttir fékk þrjár konur á ólíkum aldri til að segja sér hvað þær vildu helst
sjá í jólapakkanum og hvað þær vildu allra síst fá í jólagjöf. Heimilistæki voru ekki efst á vinsældalistanum og gjafabréf eða peningar þóttu líka glataðar
gjafir. Allar voru þær sammála um að gjöfin þyrfti að vera persónuleg og sýna að gefandinn þekkti þær og langanir þeirra og vissi hvað þær vildu.
Ein af verstu jólagjöfunum sem ég get hugsað mér er aðfá ilmvatn sem ég hef ekki valið sjálf. Það er hræði-legt. Ég hef tvisvar fengið svoleiðis jólagjafir og ég
tók þær ekki einu sinni upp úr pakkningunum,“ segir Diljá
Rudolfsdóttir 18 ára menntaskólamær.
„Mér finnst líka frekar fúlt að fá sokka, nema þeir séu frá
mömmu, af því mér finnst það sýna að viðkomandi hafi ekki
haft hugmynd um hvað mig gæti langað í jólagjöf. En allra
leiðinlegast væri að fá peninga í jólagjöf. Það væri ógeðslega
leiðinlegt að fá fimm þúsund kall í umslagi, af því það er
miklu frekar eitthvað sem maður var sáttur við að fá í ferm-
ingargjöf.“
Þegar Diljá er spurð hvað væri besta jólagjöfin er hún fljót
til svars. „Ég er ennþá svo mikill krakki að mér þætti rosa-
lega gaman að fá lítinn sætan kettling í jólagjöf. Reyndar vor-
um við mamma að fá okkur kettling í dag, litla átta vikna
læðu sem er ótrúlega mjúk og sæt og hún er einskonar fyr-
irfram jólagjöf sem við mæðgurnar gefum okkur sjálfar. Ég
yrði líka mjög glöð að fá utanlandsferð í jólagjöf, þó það sé
kannski dálítið dýr gjöf. Best væri að fá gjafabréf frá flug-
félagi þannig að ég gæti sjálf valið áfangastaðinn, það væri
frábært.“
Í jólapakkanum frá kærastanum finnst Diljá skipta mestu
máli að einhver hugsun búi þar að baki. „Hann má ekki kaupa
bara eitthvað handa mér, heldur verður það að vera eitthvað
sem sýnir að hann þekki mig.“
Alls ekki peninga
Morgunblaðið/G.Rúnar
Jólaknús Diljá elskar jólakettlinginn sinn nýja.
Ég yrði mjög ánægð með að fá eitthvert dekur í jólagjöf.Til dæmis tíma í nudd, SPA eða andlitsbað, ég fæ svo-leiðis alltof sjaldan,“ segir Guðbjörg Guðjónsdóttir 29
ára viðskiptafræðingur.
„Ég á orðið svo mikið af hlutum, þess vegna er eitthvert
svona dekur efst á ósklistanum hjá mér. Ég er líka alltaf hrif-
in af því að fá eitthvað hlýtt á þessum árstíma, hanska, trefil
eða flík sem veitir skjól í kulda. Svo er ég búin að merkja við
ansi margar bækur í Bókatíðindunum sem mig langar í. Ég er
mikið fyrir spennusögur og nýjasta bókin eftir Dan Brown
væri kærkomin jólagjöf.“
Guðbjörg segir að allra síst myndi hún vilja fá heimilistæki í
jólagjöf. „Ég yrði frekar svekkt að fá heimilistæki. Ég myndi
ekki heldur vilja fá gjafakort, vegna þess að það er svo óper-
sónulegt. Ég vil frekar fá gjöf sem sýnir að einhver hugur er á
bak við hana, það skiptir ekki öllu máli hver hún er. Ég held
mikið upp á óróa frá Georg Jensen sem mamma og pabbi hafa
gefið mér undanfarin átta ár, en það er alltaf nýr órói hann-
aður á hverju ári. “
Guðbjörg segist ekkert hafa á móti því að fá kynþokkafull
undirföt frá manninum sínum en þó hafi það ákveðna ókosti.
„Það er náttúrulega stórhættulegt fyrir karlana ef þeir
slysast til að kaupa ranga stærð af undirfötum fyrir konurnar
sínar. Þá er voðinn vís. Slíkum fatnaði er þar að auki oftast
frekar óþægilegt að klæðast þó körlunum finnist þetta
kannski flott.“
Dásamlegt dekur
Morgunblaðið/G.Rúnar
Hugur Guðbjörg segir hugsunina að baki gjöfinni skipta mestu.
Verst af öllu væri að fá hrærivél, hakkavél, pastavéleða eitthvað annað heimilistæki ætlað í eldhúsið íjólagjöf. Mér finnst það alveg glatað. Ég held ég
myndi bara skipta svoleiðis gjöf hið snarasta. En sjónvarp
eða þess konar heimilistæki hefði ég ekkert á móti því að
fá,“ segir Ingibjörg Sigurðardóttir, 43 ára ferðamálafræð-
ingur.
Hún segist ekki alveg vita hvernig hún myndi bregðast
við ef maðurinn hennar gæfi henni undirföt í jólagjöf.
„Ég hef reyndar engar áhyggjur af því að maðurinn minn
taki upp á því að gefa mér nærföt í jólagjöf, af því ég held
að hann myndi ekki leggja í það, hann veit ekkert hvaða
stærðir ég þarf. Helst af öllu myndi ég vilja að í jólapakka
til mín væri eitthvað fyrir mig persónulega, til dæmis eitt-
hvað til að snyrta mig með eða eitthvað sem lætur mig ilma
vel. Og ef ég leyfi mér að vera aðeins gráðug þá myndi ég
alveg vilja vandaða skartgripi, það er alltaf gaman að fá
slíka gjöf. Bækur finnst mér líka mjög gaman að fá í jóla-
gjöf, svo framarlega sem þær innihalda eitthvað sem ég vil
lesa. En flottasta jólagjöf sem ég hef fengið og sú sem hef-
ur hreyft mest við mér er gjöf sem kostaði ekki krónu. Það
var ástarljóð sem maðurinn minn samdi til mín og gaf mér
á þeim jólum sem við höfðum verið saman í fimmtán ár.
Ljóðið fjallaði um það hvað ég væri honum. Eins finnst mér
líka ómetanlegar allar þær gjafir sem börnin mín hafa búið
til í gegnum tíðina og gefið mér í jólagjöf.“
Ástarljóðið best
Morgunblaðið/Ásdís
Ástarljóð Ingibjörg með bestu jólagjöfina, frumsamið ljóð.
Eftir Kristínu Heiðu Kristinsdóttur
khk@mbl.is
Ég ætla ekki að reyna að flytja íslensk jól með mér út til SriLanka en í staðinn ætla ég að taka með mér íslensktbrennivín, hákarl og harðfisk, því mig langar til að kynna
fyrir vinum mínum og samstarfsfólki þarna úti á hverju við Íslend-
ingar höfum verið aldir upp. Ég ætla líka að fara út með íslenskt
nammi, ópal, tópas, hrískúlur og Síríus-súkkulaði. En ég verð að
sleppa maltinu og appelsíninu af því það tekur svo mikið pláss,“
segir Aðalbjörn Sigurðsson sem hefur starfað sem friðargæsluliði
á Sri Lanka frá því í ágúst síðastliðnum og verður þar yfir jól og
áramót.
„Ég mun halda jól með samstarfsfólki mínu frá hinum ýmsu
hjálparsamtökum og -stofnunum og það fólk kemur frá mörgum
og ólíkum löndum, þannig að þetta verða mjög alþjóðleg jól.“
Kjúklingur, hrísgrjón og karrí á aðfangadagskvöld
Aðalbjörn er með bækistöðvar í bæjunum Batticaloa og Ampara
ásamt þremur Norðmönnum og íslensku stúlkunni Maríu Jesper-
sen frá Akureyri sem ætlar líka að halda jólin úti. „Ég ákvað
snemma að vera úti bæði um jól og áramót vegna þess að ég er ekki
kvæntur og ég á ekki börn og því vildi ég gefa samstarfsmönnum
mínum sem eiga fjölskyldu færi á því að fara heim. Það er mikil
ásókn í að fá frí á þessum tíma en eðli málsins samkvæmt geta ekki
allir farið heim.“
Sá hópur sem Aðalbjörn heldur jólin með úti á Sri Lanka er
ákveðinn í að hafa það notalegt.
„Þarna verða vinnufélagar mínir meðal annars frá Belgíu, Hol-
landi, Þýskalandi, Frakklandi og Íran. Kokkurinn okkar, sem er
heimamaður, er algjör snillingur og við munum semja við hann um
að gera litla jólaveislu fyrir okkur á aðfangadagskvöld. Uppistaðan
verður líklega kjúklingur, hrísgrjón og karrí, því í þau skipti sem
við höfum reynt að láta hann elda vestrænan mat hefur það ekki
komið vel út. Ég held það sé heillavænlegast að hann eldi það sem
hann er bestur í, enda er það úrvalsmatur. Þótt eitthvað verði sett
upp af jólaskrauti verða þessi jól afskaplega ólík því sem ég er van-
ur en það er bara mjög spennandi.“
Ekki íslensk jól án fólksins míns
Aðalbjörn segist ekki hafa viljað koma til Íslands í versl-
unarbrjálæðið sem hér ríkir síðustu dagana fyrir jólin, svo hann
skrapp heim í stutt frí snemma í desember. „Ég var heima á Egils-
stöðum í rúma viku og þá hélt fjölskyldan mín eins konar litlu-jól
fyrir mig og eldaður var hamborgarhryggur, önd og gæs. Þar sem
ég sat með fjölskyldunni áttaði ég mig á því að ég get ekki tekið ís-
lensku jólin með mér út. Jólin fyrir mér eru ekki hangikjöt heldur
fyrst og fremst það að vera með fólkinu mínu. Og fyrst ég get ekki
tekið fjölskylduna mína með mér ætla ég að sleppa því að taka ís-
lenskan jólamat með mér út.“
Aðalbjörn segir að starf friðargæsluliða sé spennandi og athygl-
isvert en vissulega erfitt. „Sri Lanka er stríðshrjáð land og þar af
leiðandi verður maður vitni að alls konar hörmungum. En á móti
kemur að það er alltaf fróðlegt að kynnast nýjum löndum og nýjum
siðum og nauðsynlegt að safna sem mestu og ólíkustu í reynslu-
sarpinn.“
Brennivín og
hákarl á jólum
á Sri Lanka
Morgunblaðið/Ásdís
Óvenjuleg jól Aðalbjörn fór klyfjaður dæmigerðu
íslensku nammi, hákarli og íslensku brennivíni til
að kynna fyrir vinnufélögunum á Sri Lanka.