Morgunblaðið - 22.12.2006, Blaðsíða 44
44 FÖSTUDAGUR 22. DESEMBER 2006 MORGUNBLAÐIÐ
MINNINGAR
✝ Árný Guð-mundsdóttir
fæddist á Sæbóli á
Ingjaldssandi 31.
desember 1924.
Hún lést á Land-
spítalanum – Há-
skólasjúkrahúsi í
Fossvogi 11. desem-
ber síðastliðinn.
Foreldrar hennar
voru Guðmundur
Guðmundsson frá
Sæbóli á Ingjalds-
sandi, f. á Kleifum í
Seyðisfirði við Djúp
12. febrúar 1889, d. 15. október
1969 og Ingibjörg Guðmunds-
dóttir, f. á Arnarstapa á Snæfells-
nesi 15. desember 1890, d. 22.
september 1965. Árný var
fimmta í röðinni af átta systk-
inum.
Eiginmaður Árnýjar er Högni
Jónsson, f. 2. júlí 1921. Foreldrar
hans voru Jón Högnason, f. á
Eystri-Sólheimum í Mýrdal 13.
febrúar 1891, d. 1. maí 1989 og
Stefanía Vilborg Grímsdóttir, f. á
Nikhól í Mýrdal 20. ágúst 1889, d.
16. febrúar 1942. Börn Árnýjar
og Högna eru: 1) Vilborg, f. 1. júlí
1950, d. 23. apríl
1951. 2) Jón V., f.
10. júní 1952,
kvæntur Þórunni E.
Baldvinsdóttur, f.
16. maí 1951. Börn
þeirra eru: a)
Guðný Steinunn, f.
17. nóvember 1974,
gift Arnari Halls-
syni, f. 28. sept-
ember 1972, börn
þeirra eru Valdís
Birta, f. 3. ágúst
1993 og Hilmir Vil-
berg, f. 31. október
2002; b) Högni Baldvin, f. 12.
október 1979, í sambúð með Birg-
ittu Bjarnadóttur, f. 24. nóv-
ember 1979 og c) Þorsteinn Bald-
vin, f. 7. janúar 1993. 3) Gunnar,
f. 18. desember 1957. 4) Svein-
björn, f. 26. maí 1960, kvæntur
Sigríði Jónsdóttur, f. 17. janúar
1966. Börn þeirra eru Íris Ósk
Ingadóttir, f. 2. október 1988,
Reynir Viðar Ingason, f. 9. sept-
ember 1990 og Árný Stella Svein-
björnsdóttir, f. 16. maí 2000.
Útför Árnýjar verður gerð frá
Neskirkju við Hagatorg í dag og
hefst athöfnin klukkan 13.
Hún tengdamóðir mín var mikill
persónuleiki og hafði ákveðnar
skoðanir á mönnum og málefnum.
Slíkt fólk hefur sterka návist og
Addý var sterk kona og hrein-
skiptin. Enda krafðist lífið þess af
henni að hún sýndi styrk. Högni
var sjómaður og í löngum fjar-
vistum. Hún ól önn fyrir sonunum
þremur, kom þeim til manns og
fórst þar vel úr hendi. Ég kynntist
Addýju þegar leiðir okkar Jóns
lágu saman. Ég var að rembast við
læra efnafræði og Jón kenndi mér
heima. Addý spurði mig spjörun-
um úr: Hverra manna ég væri,
hvar ég væri fædd og uppalin. Og
raunar mundi hún eftir mér lítilli í
kerru á Laugaveginum. Hún sagði
mér að ég minnti sig á dóttur sína
sem var á svipuðu reki og lést í
bernsku. Hún sagði mér þegar við
Jón trúlofuðum okkur að sér fynd-
ist hún hafa eignast litlu stúlkuna
sína aftur. Þessi orð snertu mig
djúpt.
Ég hef oft hugsað til hversu erf-
itt líf hennar hefur verið á stund-
um. Hún var ein heima með dreng-
ina þrjá, Högni á sjónum.
Barnsmissirinn sótti á hana, óyndi
settist að henni á einverustundum.
Þrátt fyrir þetta var Addý dag-
farslega létt og kát. Hún hreif fólk
með sér og fólk sóttist eftir návist
hennar. Samvistir við annað fólk
voru henni sem leikur, hún var
spurul um fólk og með afbrigðum
ættfróð og minnug. Samvistir fjöl-
skyldunnar voru tíðar og barna-
börnin voru hænd að ömmu sinni
og afa.
Addý var 82 ára þegar hún lést.
Síðustu árin voru henni ekki sér-
lega auðveld eftir að veikindi sóttu
að, en Högni annaðist konu sína af
stakri umhyggju og nærgætni.
Þrátt fyrir veikindi finnst mér
Addý hafa haldið persónuleika sín-
um og reisn til hinstu stundar. Að
leiðarlokum er mér þakklæti efst í
huga, þakklæti fyrir að hafa
kynnst þessari konu, lært af henni
og notið samvista við hana.
Þórunn.
Með þessum orðum langar okk-
ur systkinin að minnast ömmu
okkar, Árnýjar Guðmundsdóttur.
Amma í Heiðó, eins og við köll-
uðum hana, jafnvel þótt hún væri
flutt á Grandaveginn, var okkur
mjög kær. Hún var mjög lífsglöð
og sá oftast það skemmtilega í
hlutunum. Hún og afi bjuggu í Ár-
bænum og þar kynntumst við
þeim.
Garðurinn í Heiðarbænum var
stolt hennar og þar dundaði hún
sér heilu og hálfu dagana. Við
systkinin fengum stundum að
tjalda á grasfletinum í góðu veðri
og þar voru handahlaup æfð af
kappi. Kartöflugarður var í bak-
garðinum og þaðan komu bestu
kartöflur í heimi, bornar fram ný-
uppteknar, með miklu smjöri.
Amma var mikil saumakona og
saumaði út margar fallegar mynd-
ir. Hún var mjög hugmyndarík og
föndraði oft fallegt jólaskraut.
Þegar amma og afi bjuggu í Ár-
bænum gistum við systkinin
stundum hjá þeim. Í þá daga var
amma duglega að ganga með okk-
ur niður að Elliðaám, sýna okkur
stífluna og leiða okkur um Árbæj-
arsafnið. Hún var líka dugleg að
fara með okkur í barnamessur á
sunnudögum og söng mikið með.
Dæmigerður matseðill í Heiðar-
bænum var á þá leið að í morg-
unmat var boðið up pá Cheerios
með soðnu vatni og Nesquick, oft-
ar en ekki var ýsa með tómatsósu í
hádegismat og heimabökuð hjóna-
bandssæla með kaffinu. Með skær-
bleikan varalit fór hún svo með
galdraþulu og þá birtist sælgæt-
ispoki, sem vakti ávallt mikla
lukku hjá okkur barnabörnunum.
Amma var yndisleg kona og við
munum sakna hennar mjög. En nú
er hún komin til litlu stelpunnar
sem hún missti fyrir svo mörgum
árum og við vitum að henni líður
vel þar.
Guðný Steinunn, Högni Bald-
vin og Þorsteinn Baldvin.
Árný Guðmundsdóttir
REYNSLA • UMHYGGJA • TRAUST
Þegar andlát ber að höndum
Önnumst alla þætti útfararinnar
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
✝
Innilegar þakkir fyrir auðsýnda samúð og hlýhug
vegna andláts og útfarar elskulegrar móður okkar,
tengdamóður, ömmu og langömmu,
MÁLFRÍÐAR ÞORVALDSDÓTTUR,
dvalarheimilinu Höfða,
Akranesi.
Tómas Runólfsson, Kristrún Guðmundsdóttir,
Jón Rafns Runólfsson, Inga Harðardóttir
og ömmubörn.
✝
Innilegar þakkir fyrir samúð og hlýhug við andlát
og útför móður minnar, tengdamóður, ömmu, lang-
ömmu og langalangömmu,
EMILÍU BIERING.
Sérstakar þakkir viljum við færa starfsfólki Selja-
hlíðar fyrir frábæra umhyggju og umönnun á síð-
ustu æviárum hennar.
Fyrir hönd allrar fjölskyldunnar,
Rafn Biering Helgason, Ásthildur Sigurðardóttir,
Emil Ágústsson, Rut Hallgrímsdóttir.
✝
Innilegar þakkir fyrir auðsýnda samúð við andlát
og útför systur okkar og mágkonu,
SIGRÍÐAR KRISTINSDÓTTUR,
Öngulsstöðum,
Eyjafjarðarsveit.
Sérstakar þakkir til starfsfólks á hjúkrunarheimilinu
Seli.
Helga Kristinsdóttir,
Ásta Kristinsdóttir, Hörður Frímannsson,
Guðrún Kristinsdóttir,
Þórdís Kristinsdóttir,
Regína Kristinsdóttir,
Baldur Kristinsson, Elín Methúsalemsdóttir
og fjölskyldur.
✝
Innilegar þakkir til allra þeirra er sýndu okkur hlý-
hug og vináttu við andlát og útför
ERLINGS ARNÓRSSONAR
bónda,
Þverá í Dalsmynni.
Sérstakar þakkir færum við starfsfólki Skógarhlíðar
fyrir einstaka umönnun.
Friðrika Jónsdóttir,
Helga Arnheiður Erlingsdóttir, Þórhallur Bragason,
Arnór Erlingsson, Elín Eydal,
Hólmfríður Erlingsdóttir,
Ragna Erlingsdóttir, Jón Aðalsteinn Illugason
og fjölskyldur þeirra.
✝
Hjartans þakkir fyrir auðsýnda samúð við andlát og
útför
SIGURBORGAR GÍSLADÓTTUR
frá Blönduósi.
Megi Guð gefa ykkur gleðileg jól.
Fyrir hönd ástvina hinnar látnu,
Ásgeir Ingi Þorvaldsson, Guðfinna Sveinsdóttir,
Hrefna Þorvaldsdóttir, Valgeir Benediktsson,
Olgeir Þorvaldsson, Sigríður Óskarsdóttir,
barnabörn og barnabarnabörn.
✝
Hjartans þakkir færum við öllum þeim sem sýndu
okkur samúð og hlýhug við fráfall móður okkar,
tengdamóður, ömmu og langömmu,
KRISTJÖNU MARGRÉTAR
SIGURÐARDÓTTUR,
Granaskjóli 12,
Reykjavík.
Sérstakar þakkir færum við þeim ættingjum og
vinum sem heimsóttu hana í veikindum hennar og starfsfólki á Hrafnistu í
Hafnarfirði fyrir góða umönnun.
Við óskum ykkur öllum gleðilegra jóla og farsældar á komandi ári.
Guðmundur Pétursson, Þórunn Kristjánsdóttir,
Ingibjörg Pétursdóttir, Einar Gylfi Jónsson,
Sigurður Pétursson, Hansína Hrönn Jóhannesdóttir,
barnabörn og langömmubörn.
✝
Innilegar þakkir til allra sem sýndu okkur samúð og
vinarhug við fráfall og útför föður okkar, sonar,
bróður og mágs,
GUÐMUNDAR SVAVARS BÖÐVARSSONAR,
Berkeley,
Kaliforníu.
Róbert Daníel Böðvarsson, Erik Ma Böðvarsson,
Böðvar Stefánsson,
Stefán Magnús Böðvarsson, Anna Björg Þorláksdóttir,
Reynir Eyvindur Böðvarsson, Ann Olanders Böðvarsson
og fjölskyldur.
Morgunblaðið birtir minning-
argreinar alla útgáfudagana.
Skil | Greinarnar skal senda í gegn-
um vefsíðu Morgunblaðsins: mbl.is –
smella á reitinn Senda efni til Morg-
unblaðsins – þá birtist valkosturinn
Minningargreinar ásamt frekari
upplýsingum.
Skilafrestur | Ef birta á minning-
argrein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er á
mánudegi eða þriðjudegi). Ef útför
hefur farið fram eða grein berst ekki
innan hins tiltekna skilafrests er
ekki unnt að lofa ákveðnum birting-
ardegi. Þar sem pláss er takmarkað
getur birting dregist, enda þótt
grein berist áður en skilafrestur
rennur út.
Lengd | Minningargreinar séu ekki
lengri en 3.000 slög (stafir með bil-
um - mælt í Tools/Word Count).
Ekki er unnt að senda lengri grein.
Hægt er að senda örstutta kveðju,
HINSTU KVEÐJU, 5-15 línur, og
votta þeim sem kvaddur er virðingu
sína án þess að það sé gert með
langri grein. Ekki er unnt að tengja
viðhengi við síðuna.
Minningargreinar