Morgunblaðið - 23.12.2006, Blaðsíða 21

MORGUNBLAÐIÐ LAUGARDAGUR 23. DESEMBER 2006 21
LANDIÐ
Eftir Gunnar Kristjánsson
Grundarfjörður | Tíu nýstúdentar
voru brautskráðir frá Fjölbrauta-
skóla Snæfellinga við slit haust-
annar. Fimm þeirra luku prófi af
náttúrufræðibraut, fjórir af félags-
fræðibraut og einn nemandi út-
skrifaðist með viðbótarnám til stúd-
entsprófs.
Oddný Assa Jóhannsdóttir, nem-
andi á náttúrufræðabraut, hlaut
þrenn verðlaun við útskriftina. Hún
hlaut verðlaun fyrir bestan árang-
ur á stúdentsprófi en þau verðlaun
voru gefin af sveitarfélögunum sem
standa að skólanum, fyrir góðan ár-
angur í íslensku hlaut hún verðlaun
gefin af Eddu-miðlun og verðlaun
frá Fjölbrautaskóla Snæfellinga
fyrir góðan árangur í spænsku.
Verðlaun fyrir góðan árangur í líf-
fræði gefin af KB banka hlaut Ingi-
björg Eyrún Bergvinsdóttir.
Fjölbrautaskóli Snæfellinga hóf
starfsemi sína haustið 2004. Tveir
útskriftarnemanna þau Jón Óskar
Ólafsson og Ingibjörg Eyrún hafa
stundað allt sitt framhaldsskóla-
nám á Snæfellsnesi, Jón Óskar í
framhaldsdeild Fjölbrautaskóla
Vesturlands í Stykkishólmi en Ingi-
björg í fjarnámsetri sem starfrækt
var í Grundarfirði. Þau hófu síðan
bæði nám við Fjölbrautaskólann
þegar hann tók til starfa og luku
því námi til stúdentsprófs á þremur
og hálfu ári.
Morgunblaðið/Gunnar Kristjánsson
Tíu stúdentar
útskrifast
Eftir Jón H. Sigurmundsson
Þorlákshöfn | Þeir félagarnir Ró-
bert Karl Ingimundarson og Stefán
Þorleifsson hafa gefið út bæjarblað í
Þorlákshöfn í fimm ár. Þeir voru
sammála um að þetta hefði oft verið
erfitt en aldrei leiðinlegt, eða eins og
Stefán orðaði það. „Þar sem tveir
rugludallar eru saman komnir, þar
er aldrei leiðinlegt.
„Við Stefán höfum þekkst lengi,
ég er borinn og barnfæddur Þorláks-
hafnarbúi og Stefán flutti hingað um
fjögurra ára. Við byrjuðum snemma
að spila saman í Lúðrasveit Þorláks-
hafnar, þannig að tónlistin leiddi
okkur saman,“ sagði Róbert.
„Ástæða þess að við byrjuðum á
blaðaútgáfu má ef til vill rekja til
þess,“ sagði Stefán, „að þegar ég
kom heim frá tónlistarnámi í Dan-
mörku tók ég eftir því að allskonar
ruslpóstur kom inn um bréfalúguna,
þar voru verslanir og fyrirtæki að
auglýsa, þetta var misvel unnið og
því datt mér í hug að setja þetta allt á
einn stað og gera úr því blað. Við ætl-
uðum bara að prófa í sex mánuði og
gefa út eitt blað í mánuði, þessi mán-
uður er nú orðinn að fimm árum.“
Góðar undirtektir
„Undirtektir hafa verið frábærar,
við gefum okkur ekki út fyrir að vera
blaðamenn heldur söfnum saman
efni frá öðrum og gefum það út og
dreifum um allt Ölfusið. Það hafa
orðið miklar breytingar á þessum
fimm árum, ég man að fyrsta blaðið
urðum við að pikka allt sjálfir. Þetta
brenndum við á disk sem við keyrð-
um í Prentlist á Hellu og sóttum svo
blaðið tveim dögum síðar. Í dag kem-
ur allt á rafrænu formi og er sent í
prentsmiðju með tölvupósti.“
RS-útgáfan eins og þeir félagar
kalla útgáfufyrirtæki sitt hefur frá
upphafi haldið úti heimasíðu, baej-
arlif.net. Hefur sú starfsemi notið
mikilla vinsælda og eru heimsóknir
að meðaltali 80 til 100 á dag.
Róbert Karl hefur verið ráðinn
framkvæmdastjóri bæjarhátíðarinn-
ar Hafnardaga næstu þrjú árin, eða
til 2008 en það ár verður einmitt
Landsmót ungmennafélaganna
haldið í Þorlákshöfn og hugmyndir
eru uppi um að hafa Hafnardaga á
sama tíma. Róbert er ekki allsendis
ókunnur stjórnun Hafnardaga því
hann hefur stjórnað þeim í mörg ár.
Róbert sagðist hafa mjög gaman
af félagsmálum. „Ég hef tengst þess-
um málum frá unga aldri, ég var einn
af stofnendum Lúðrasveitar Þor-
lákshafnar og var formaður hennar í
mörg ár. Í mörg ár stóðum við fyrir
skemmtun sem nefndist Þorláks-
vaka, segja má að hún hafi verið und-
anfari Hafnardaga, það er draumur
hjá mér að endurvekja Þorláksvöku
2008 en þá verða 20 ár frá fyrstu
Þorláksvökunni. Stefán hefur líka
verið áberandi í félagslífinu, hann
hefur stjórnað mörgum kórum,
sönghópum og kennt tónlist.
Tónlistin leiddi útgef-
endur blaðsins saman
Morgunblaðið/Jón H. Sigurmundsson
Útgefendur Róbert Karl Ingimundarson og Stefán Þorleifsson gefa út
Bæjarlíf og eru áberandi í félagsmálunum í Þorlákshöfn.
Í HNOTSKURN
» Ætluðu að setja allan aug-lýsingapóstinn á einn stað.
» Tilraun sem standa átti í 6mánuði er orðin fimm ára.
» Fréttavefur Bæjarlífs ermikið sóttur.Refasveit | Bíll fór út af veginumvið Laxá í Refasveit í fyrrakvöld.
Bíllinn hitti ekki á hina einbreiðu
brú sem liggur yfir ána á veginum
milli Blönduóss og Skagastrandar.
Mikil mildi þykir að menn komust
óskaddaðir frá þessu.
Bíllinn lenti í skyndilegu hríðar-
kófi og lenti utan vegar og fyrir til-
viljun lá leið bílsins á milli tveggja
kletta. Allir voru í bílbeltum og
komust að mestu heilir frá þessu
óhappi.
Hitti ekki
á brúna
yfir Laxá
Morgunblaðið/Jón Sigurðsson
Húsavík | Stéttar-
félögin í Þingeyj-
arsýslu héldu sitt
árlega jólakaffi í
sal félaganna á
Húsavík. Að venju
var fjölmennt þenn-
an dag, vel á fjórða
hundrað manns litu
við og þáðu kaffi,
tertur og konfekt
auk þess sem boðið
var upp á tónlist og
söng.
Aðalsteinn Árni Baldursson, for-
maður VH, var að vonum ánægður
með daginn sem er fyrir löngu orð-
inn einn af þeim föstu viðburðum
sem í boði eru á aðventunni.
Margrét Sverrisdóttir, tónlistar-
kennari á Húsavík, spilaði ásamt
nemendum sínum, m.a. þeim Rafn-
ari Berg Agnarssyni t.v. og Arnóri
Heiðarssyni.
Fjölmenni í jólakaffi
Morgunblaðið/Hafþór Hreiðarsson
Eftir Björn Björnsson
Skagafjörður | Gerður hefur verið
nýr þjónustusamningur milli félags-
málaráðuneytisins og Sambands
sveitarfélaga á Norðurlandi vestra
(SSNV), um málefni fatlaðra á svæð-
inu. Magnús Stefánsson félagsmála-
ráðherra og Adolf Berndsen, for-
maður SSNV, undirrituðu
samninginn við athöfn sem efnt var
til á Löngumýri.
Í máli Magnúsar Stefánssonar fé-
lagsmálaráðherra kom fram að hinn
nýi þjónustusamningur væri byggð-
ur á því góða samstarfi sem verið
hefði á milli aðila og helgaðist af
þeirri reynslu sem fengin væri.
Traust og trúnaður hefði ríkt og
stjórnvöld hefðu þá sýn á málið að öll
þjónustan væri best komin sem næst
notendunum, þannig næðist best
skilvirkni og gæði.
Adolf Berndsen sagði mjög margt
hafa verið vel gert á undanförnum
árum en þennan nýja samning sagði
hann vera áskorun til heimamanna
að gera enn betur með því góða
starfsfólki sem sveitarfélögin hefðu
innan sinna vébanda.
Þór G. Guðjónsson, skrifstofu-
stjóri fjölskylduskrifstofu félags-
málaráðuneytisins, gerði grein fyrir
nýrri stefnu ráðuneytisins sem
væntanlega verður fullmótuð á fyrri
hluta næsta árs og hvernig undir-
búningi og vinnu hafi verið háttað við
mótun hennar. Sagði hann markmið
ráðuneytisins að vera í fremstu röð
hvað þennan málaflokk varðaði.
Tekur mið af nýrri stefnu
Gréta Sjöfn Guðmundsdóttir,
verkefnisstjóri málefna aldraðra, var
ánægð eftir undirskrift samningsins.
Hún sagði þennan metnaðarfulla
samning lýsa vel framsýni og vilja
ráðuneytisins og viðkomandi sveit-
arfélaga til að samhæfa hluta fé-
lagslegrar þjónustu sveitarfélaga og
ríkis með það fyrir augum að allt
skipulag og framkvæmd yrði skýrari
og markvissari, með það að leiðar-
ljósi að þeir sem búa við fötlun nytu
jafnréttis og sambærilegra lífskjara
á við aðra þjóðfélagsþegna.
Hún sagði hér um tímamótasamn-
ing að ræða þar sem hér væri í fyrsta
sinn gerður samningur sem tæki mið
af nýrri stefnu ráðuneytisins, en
samningurinn er til sex ára og er
gert ráð fyrir að hann kosti ríkið
nítján hundruð milljónir.
Þannig kæmu allverulega aukin
framlög til málaflokksins, enda
mundi nú þurfa að takast á við ný
verkefni, meðal annars mundi ráðist
í byggingu nokkurra þjónustuíbúða
á Sauðárkróki, í samvinnu við
Landssamtökin Þroskahjálp.
Félagsmálaráðherra sagðist
ánægður með gerð þessa samnings,
sá samningur sem í gildi er rennur út
nú um áramótin. „Hér hafa mál
gengið mjög vel og samstarfið hefur
verið eins og best verður á kosið,“
sagði Magnús Stefánsson. Hann
sagði áhuga á því að færa málaflokk-
inn alfarið til sveitarfélaganna, en
það mál þurfi að undirbúa vel þannig
að sátt væri um verkefnið.
Þjónustan best komin
sem næst notendum
Morgunblaðið/Björn Björnsson
Undirritun Adolf Berndsen og Magnús Stefánsson undirrituðu þjónustu-
samning um málefni fatlaðra á Norðurlandi vestra.
Þjónustusamningur
um málefni fatlaðra
á Norðurlandi vestra