Morgunblaðið - 27.12.2006, Blaðsíða 31
MORGUNBLAÐIÐ MIÐVIKUDAGUR 27. DESEMBER 2006 31
VM, Vélar og skip ehf. og LÍÚ halda fræðslufund um keyrslu véla á
svartolíu. Sérfræðingar frá Wärtsilä vélaverksmiðjunum í Finnlandi
munu halda fyrirlestra um efnið. Fjallað verður um olíueyðslu, minnkun
á útblæstri mengandi efna, koltvísýrings (CO ) og köfnunarefnisoxiðs
(NOx), nýjungar í Comon Rail brennsluolíukerfum, skrúfukerfi og
almennt um það helsta sem er að gerast varðandi þróun eyðsluminni og
umhverfisvænni skipavéla.
Einnig mun Bjarni Ásmundsson, skipatæknifræðingur á STS teiknistofu
ehf., fjalla um þær breytingar sem í flestum tilfellum eru nauðsynlegar til
að brenna svartolíu í íslenskum fiskiskipum.
Fyrirlestrarnir eru opnir öllum félagsmönnum VM og LÍÚ og öðrum
áhugamönnum um efnið. VM og LÍÚ bjóða félagsmönnum sínum til
hádegisverðar.
Skráning í síma 575 9800 eða á kristin@vm.is.
VM minnir á félagsfund á Grand Hótel kl. 9:00 sama dag.
Grand Hótel Reykjavík, 28. desember 2006
Dagskrá
Fyrirlestrar 11:00 til 12:30
Hádegishlé 12:30 til 13:30
Fyrirlestrar 13:30 til 16:00
2
Fræðslufundur um keyrslu véla á svartolíu
Laugavegi 170, 2. hæð.
Opið virka daga kl. 8-17.
Sími 552 1400 ● Fax 552 1405
www.fold.is ● fold@fold.is
Þjónustusími eftir lokun er 694 1401.
Kögursel - 109 Reykjavík
Vorum að fá í einkasölu þetta fallega og
vel staðsetta einbýlishús í Kögurselinu.
Húsinu hefur verið vel við haldið og er
mikið endurnýjað á vandaðan hátt.
Húsið er 183,5 fm auk 32,2 fm bílskúrs.
Auk þess er risloft yfir allri efri hæðinni.
Bílskúr með hita og rafmagni, góður
garður og verönd. V. 46,9 millj. nr. 7474
Hrefnugata - 105 Reykjavík
Mjög góð 4ra herbergja íbúð. 3 svefn-
herbergi, stofa og fallegt eldhús. Eignin
er mikið endurnýjuð. Frábær staðsetn-
ing. LAUS VIÐ KAUPSAMNING. V.
19,9 millj.
Fífulind - 201 Kópavogur
Glæsileg og vönduð 140,8 fm íbúð á
tveimur hæðum í litlu fjölbýli á þessum
vinsæla stað í Kópavogi og með sérinn-
gangi af svölum. Fjögur svefnherbergi.
V. 29,9 millj. 7332
Njörvasund - 104 Reykjavík
Sérlega notaleg 81,8 fm íbúð innst í
botnlangagötu með stóru eldhúsi,
tveimur svefnherbergjum, stofu með
gluggum á tveimur hliðum og fallegu
eikarparket á gólfi. Tvær geymslur og
sameiginlegt þv.hús. V. 18,9 millj.
7438
Þórðarsveigur - Grafarholt - Laus fljótlega
Falleg 3ja herbergja íbúð með stæði í
bílgeymslu. Eldhús með vönduðum inn-
réttingum og góðum tækjum. Úr stofu
er útgengt á stórar svalir/verönd. Tvö
rúmgóð herb. m. fataskápum. V. 21,9
millj. 7445
Breiðavík - Úrvalsíbúð
Sérlega vel skipulögð ca 100 fm, falleg
3ja herbergja íbúð á 5. hæð með góð-
um svölum til suðurs. Íbúðin stendur
beint við golfvöll. Vandaðar og góðar
innréttingar, flísar og parket á gólfum.
Rúmgóð svefnherbergi. Þvottahús inn-
an íbúðar. V. 21,5 millj. nr. 7345
Þórufell - Breiðholt
56,7 fm íbúð á þriðju hæð. Stofa með
útgengt á svalir. Eldhús með fellanlegu
borði, baðherbergi m. sturtuklefa.
Svefnherbergi m. fataskáp. V. 12,3
millj.
Laugarásvegur - Verslunarhúsnæði
Vorum að fá í sölu þessa vel staðsettu
eign við Laugarásveginn. Í húsnæðinu
hefur verið rekin vinsæl sjoppa og grill-
staður í langan tíma. Samtals stærð
verslunarhúsnæðis með lager er um
160 fm en einnig fylgir eigninni 24 fm
bílskúr. Verð 36 milljónir. nr. 7471
Þverholt - Mosfellsbæ
Vorum að fá í einkasölu verslunarpláss
á góðum stað við Þverholt í Mosfells-
bæ, plássið er um 40 fm og er í útleigu
eins og er. V. 9,5 millj. Nánari upplýs-
ingar hjá Fold s. 552 1400. nr. 7500
Starfsfólk fasteignasölunnar Foldar
óskar viðskiptavinum sínum og
landsmönnum öllum gleðilegs árs og
þakkar viðskiptin á árinu sem er að líða.
ÞAÐ er eins og að drekka vatn að
skreppa út fyrir land-
steinana. Eða það held-
ur maður. Það var samt
ekki svo hjá hjónunum
sem ætluðu að skreppa
til „Köben“ á dögunum.
Í fyrsta lagi var bilun í
flugvélinni svo það
þurfti að snúa við. Í
öðru lagi, þegar þau
komust loks á leið-
arenda hafði flætt vatn
á einni hæðinni á hót-
elinu svo að þau þurftu
að flytja sig um hótel. Í
þriðja lagi höfðu þau
pantað sér miða í leik-
hús á sjálfan Faust í
Det Kongelige Teater.
Þau rétt náðu í tæka
tíð, en þegar sýning átti
að hefjast kom fram
starfsmaður leikhúss-
ins og baðst afsökunar
á því að sýningunni
yrði að fresta vegna bil-
unar í sviðsbúnaði!
(Þessi upptalning
minnir mig nú á Jón
Baldvin, í 1., 2. og 3.
o.s.frv! Það var nú töff á sínum tíma.
Startaði nýju „trendi“.) Svona mis-
tök hélt maður að gerðust ekki í Det
Kongelige hvað þá að viðgerðin tæki
sex daga!
Stjórnmálin á Íslandi minna um
margt á þessa hrakfallasögu. Virkj-
anavæðing og sparifé hirt af ellilíf-
eyrisþegum svo eitthvað sé nefnt og
er af nógu að taka. Nú síðustu daga
hefur Faust meira að
segja stokkið fram á
sviðið í líki formanns
Framsóknarflokksins.
Ég verð því miður að
segja að innkoman var
misheppnuð. Gott ef
hann braut ekki sviðið
með fílaspörkunum og
áhorfendurnir sitja
með brotin framan í
sér. Bæði kjósendur og
stjórnarandstaðan
virðist kolrugluð í rím-
inu. Hvað er nú að ger-
ast? Ég hef oft verið
gáttuð á hátterni ís-
lenskra stjórnmála-
manna upp á síðkastið
en aldrei sem nú.
Heldur maðurinn
virkilega að hann geti
komið núna, yppt öxl-
um og sagt að þessi
mikilvæga ákvörðun
um innrásina í Írak
hafi bara verið svona
smámistök? Hjálmar
Árnason, kollegi
hans, minnti helst á
pörupilt í Kastljósinu á dögunum
sem situr hjá skólastjóranum og
reynir að sannfæra hann um að hann
og vinir hans hafi bara verið plataðir
til að taka þátt í skammarstrikunum.
Þetta var ekki þeim að kenna. Held-
ur hinum, þessum í Ameríkunni. Æ,
„komm’on“, svona eru bara strákar.
Það má vel fara í orðaleik með
orðið pólitík. Það mætti halda að það
væri nýyrði og ætti eitthvað skylt
við orðið tík og þá samlíkingu sem
oft er notuð við kvenkyn hunda en
ekki þýðingu á enska orðinu politic.
(Ungar sjálfstæðiskonur hafa áttað
sig á þessu fyrir löngu og halda úti
vefsíðu sem kallast tikin.is.) Aum-
ingja Íslendingarnir áttuðu sig ekki
á því að strákarnir í Ameríkunni eru
í sama leik og þeir, lóðarísleiknum
sem íslenskir stjórnmálamenn
þekkja mætavel.
Ég held að ég hafi verið nokkuð
ung þegar ég áttaði mig á því að
stjórnmál snúast að mestu um hags-
muni. En þau eiga að snúast um al-
vöru hagsmuni og hugsjónir en ekki
eigin hagsmunapot. Eins og maður
lítur upp til Det Kongelige hélt mað-
ur að það gæti bara ekki orðið bilun í
sviðsbúnaði þar. Hvað þá að við-
gerðin tæki sex daga. Eins hélt ég að
þeir menn sem tóku þessa ákvörðun
væru vandari að virðingu sinni. Að
taka að eigin frumkvæði og í einrúmi
svona hrikalega ákvörðun sem
stríðsyfirlýsing hjá yfirlýstri frið-
arþjóð er – þvílík skrumskæling á
lýðræðinu.
En hvað með kjósendurna? Sam-
kvæmt nýjustu tölum veit fjórð-
ungur þjóðarinnar ekki hvað borg-
arstjórinn í Reykjavík heitir. Þetta
er því áskorun til íslenskra kjósenda
að vakna til vitundar um að þeir
verða að hafa skoðun og vera virkir
þegnar í lýðræðisríki. Vandamálið er
að pólitíkusarnir koma í viðtal með
kjaftavaðal og urmul af frösum til að
þyrla upp nógu miklu ryki. Það
miklu að hinn almenni kjósandi
verður hálfblindur og skilur hvorki
upp né niður þegar yfir lýkur. Þetta
er einmitt sterkt einkenni á áð-
urnefndum lóðarísleik. Hann verður
oft mjög áberandi í kringum kosn-
ingar og þetta áhlaup núna vekur
mann til vitundar að það er aðeins
kortér í kosningar (svo maður reyni
nú að vera svolítið með í frösunum).
Ekki láta plata ykkur með einu sinni
enn.
Mistökin, svokölluðu, hafa ekki
bara haft áhrif á okkur og ímynd
okkar, sem Íslendingum er svo kær.
Það er hreinn og beinn hroki að
koma fram núna og segja ææ og óó
aumingja ég. Við, smáborgaralegu
Íslendingarnir (oft á tíðum), þurfum
að hugsa aðeins lengra en okkar litla
nef nær. Heimurinn snýst ekki bara
um okkur og ímynd okkar heldur
eins og í þessu tilviki mannslíf og
heilt þjóðfélag. Þessi sviðsviðgerð á
„egóflippi“ aumra stjórnmálamanna
á Íslandi mun taka mun lengri tíma
en sex daga, og það þarf meira til en
bara „sorry“.
Faust í Framsókn
Hanna Margrét Einarsdóttir
fjallar um þjóðmál
»Nú síðustudaga hefur
Faust meira að
segja stokkið
fram á sviðið í
líki formanns
Framsókn-
arflokksins.
Hanna Margrét
Einarsdóttir
Höfundur er kennari.
UM HVER áramót
er skotið upp ógrynn-
unum öllum af flug-
eldum, með tilheyrandi
ljósadýrð og gleði.
Þetta getur þó breyst í
harmleik ef ekki er far-
ið eftir öllum leiðbein-
ingum og fyllsta örygg-
is gætt.
Tíðni flugeldaslysa
Um hver áramót
verða slys af völdum
flugelda. Flestir slas-
ast á höndum en
augnslys eru líka algeng þó svo að
alvarlegum augnslysum hafi fækkað
undanfarin ár, sem þakka má al-
mennri notkun flugeldaglerauga. Al-
gengasta orsök þessara slysa er
vangá og/eða vankunnátta, þ.e. ekki
farið eftir leiðbeiningum. Um ára-
mótin sjálf eru það fullorðnir karl-
menn sem slasast mest en dagana
undan og eftir er mest um að ungir
strákar slasist og er stærsta vanda-
málið þar að þeir taka vörunar í
sundur og búa til sínar eigin
sprengjur. Slys tengd því fikti hafa
mörg hver verið mjög alvarleg og
áverkar oft bæði á andliti og á hönd-
um þar sem einstaklingar hafa jafn-
vel misst hluta af útlim, fengið ævi-
langt lýti eða tapað sjón. Til að geta
spornað við þessum slysum er mik-
ilvægt að foreldrar ræði þessi mál
við börnin sín og fylgist vel með hver
iðja þeirra er dagana kringum ára-
mótin.
Hvað ber að hafa í huga
Til að fyrirbyggja slys er mik-
ilvægt að gera hlutina rétt. Geyma
þarf flugelda á öruggum stað, ekki
þar sem börn hafa aðgang að þeim,
og ekki skal setja þá í vasa þegar
verið er að skjóta upp. Umgangast
skal flugelda með varúð. Ekki á að
vera með leikaraskap og læti þar
sem þeir eru notaðir og muna að
áfengi og flugeldar eiga ekki sam-
leið. Öryggisgleraugu eiga allir að
nota, ekki bara þeir sem eru að
skjóta upp heldur líka þeir sem eru
að horfa á. Fara skal yfir allar leið-
beiningar sem fylgja flugeldunum
og fara eftir því sem þar stendur.
Mörgum börnum finnst spennandi
þegar verið er að skjóta upp og þarf
að gæta þess vel að þau
fari ekki of nærri.
Skorða þarf alla flug-
elda og kökur áður en
skotið er til að fyr-
irbyggja að skoteld-
urinn fari á hliðina og
skjótist í þá sem standa
nærri. Til varnar hand-
arslysum, sem eru al-
gengust, þarf sá sem
skýtur upp og þeir sem
eru með blys að nota
ullar- eða skinnhanska
þar sem þeir veita
vernd gegn bruna.
Þegar skotið er má
ekki halla sér yfir flugeldana heldur
kveikja í þeim með útréttri hendi og
víkja vel frá um leið og logi er kom-
inn í kveikiþráðinn. Ef eldur hefur
verið borinn að kveikiþræði og flug-
eldur ekki tekið við sér má ekki
reyna að kveikja aftur í honum held-
ur hella vatni yfir. Glóð getur leynst
í marga klukkutíma og skoteldurinn
farið upp án nokkurs fyrirvara. Ef
slys verður skal kæla brunasárið
strax með vatni.
Megið þið eiga ánægjuleg og
slysalaus áramót.
Flugeldar og slysavarnir
Sigrún A. Þorsteinsdóttir
fjallar um flugelda og
slysavarnir
» Glóð getur leynst í marga klukkutíma
og skoteldurinn
farið upp án nokkurs
fyrirvara.
Sigrún A.
Þorsteinsdóttir
Höfundur er sviðsstjóri slysavarna-
sviðs Slysavarnafélagsins Lands-
bjargar.