Morgunblaðið - 28.12.2006, Blaðsíða 11
MORGUNBLAÐIÐ FIMMTUDAGUR 28. DESEMBER 2006 11
FRÉTTIR
Eftir Silju Björk Huldudóttur
silja@mbl.is
„ÉG HVET alla sem hafa fengið
gjafir sem þeir ætla sér að skila
til að gera það sem allra fyrst.
Komist fólk einhverra hluta vegna
ekki í búðirnar strax ætti það
engu að síður að setja sig sem
fyrst í samband við viðkomandi
verslun símleiðis og semja um skil
eða skipti,“ segir Sesselja Ásgeirs-
dóttir, fulltrúi í kvörtunarþjónustu
Neytendasamtakanna. Bendir hún
á að þar sem útsölur hefjist sífellt
fyrr sé betra að huga að skilum og
skiptum sem fyrst eftir jólin.
Fjöldi fyrirspurna berst
ár hvert á þessum tíma
Aðspurð segir Sesselja samtök-
unum berast fjöldi fyrirspurna á
þessum árstíma um hvaða viðmið
gildi við skil og skipti á vörum, en
nokkuð misjafnt getur reynst milli
verslana hvernig staðið er að þeim
málum. Segir hún nokkurn fjölda
verslana tileinka sér verklags-
reglur sem iðnaðar- og við-
skiptaráðuneytið setti í ársbyrjun
2001 í samvinnu við Neytenda-
samtökin, Alþýðusambandið (ASÍ)
og Samtök verslunar og þjónustu
(SVÞ).
Inneignarnótur miðast við
upprunalegt verð vöru
Að sögn Sesselju er í þeim
verklagsreglum kveðið á um að
viðskiptavinir hafi 14 daga til þess
að skila ógallaðri vöru frá afhend-
ingu gegn framvísun kassakvitt-
unar. Ef um jólagjafir er að ræða
geta þær hafa verið keyptar allt
frá byrjun aðventunnar, en Sess-
elja segir venjuna að miða við 24.
desember, þ.e. daginn þegar gjaf-
irnar eru gefnar. Miðað við það
hefur fólk tímann fram til 7. jan-
úar til þess að skipta eða skila
gjöfum. Vörur sem merktar eru
með gjafamerki gera kassakvittun
óþarfa við skil.
Að sögn Sesselju skulu inneign-
arnótur miðast við upprunalegt
verð vöru. Tekur hún fram að það
geti stundum verið vandamál að
sanna hvenær vara var keypt, sér-
lega ef nokkuð sé liðið á jan-
úarmánuð og enginn skilarétt-
armiði hafi fylgt.
Aðspurð segir Sesselja inneign-
arnótur aldrei gilda skemur en
eitt ár í þeim verslunum sem til-
einki sér verklagsreglur samtak-
anna. Sé ekkert kveðið á um gild-
istíma gildi nótan í fjögur ár. Að
sögn Sesselju er nokkuð misjafnt
milli búða hvort inneignarnótur
gildi á útsölum. Bendir hún á að
samkvæmt fyrrgreindum skila-
réttarreglum gildi inneignarnóta á
útsölu fjórtán dögum eftir að hún
var gefin út.
Þess má að lokum geta að á vef
Neytendasamtakanna, á slóðinni:
www.ns.is/skilarettur/, er að finna
lista yfir þær verslanir sem fylgja
skilaréttarreglum Neytenda-
samtakanna. Að sögn Sesselju er
listinn ekki tæmandi þar sem ein-
hverjar verslanir fylgi reglunum
án þess að hafa tilkynnt það sér-
staklega til samtakanna.
Nú þegar útsölur eru að bresta á velta margir fyrir sér hvenær best sé að skila og skipta jólagjöfunum
Morgunblaðið/G. Rúnar
Bókaskil Fjöldi fólks var mættur í bókabúð Máls og menningar í gær til þess að skipta jólabókunum.
Hvetur fólk til
að draga það
ekki að skipta
Í HNOTSKURN
»Réttur til að skila ógall-aðri vöru er 14 dagar frá
afhendingu samkvæmt verk-
lagsreglum sem margar versl-
anir fara eftir.
» Inneignarnótur skulu mið-ast við upprunalegt verð
vöru.
ÚTSÖLUR hefjast sífellt fyrr eftir jólin. Í gær
hófust t.d. útsala bæði hjá Ikea og Dressmann
og í dag hefst útsalan í Debenhams. Að sögn
Birtu Flókadóttur, markaðsstjóra Kringl-
unnar, byrjar útsalan þar formlega 4. janúar
en eitthvað er um að nokkrar verslanir hefji
sínar útsölur þegar 2. janúar.
Hjá Theódóru Þorsteinsdóttur, markaðs-
stjóra Smáralindar, fengust þær upplýsingar
að þar hefjist útsalan formlega 2. janúar. Að-
eins örfáar verslanir hefji sínar útsölur fyrr,
þ.e. Dressmann sem hóf sína útsölu í gær,
Debenhams sem byrjar sína útsölu í dag, auk
þess sem Theódóra segir að allar líkur séu á að
Hagkaup hefji sína útsölu strax á þessu ári.
Að sögn Theódóru segir hún þróunina er-
lendis vera á þá leið að útsölur hefjast sífellt
fyrr og víða þekkist það að fataverslanir hefji
útsölur sínar fyrir jól. Segir hún þess ábyggi-
lega ekki langt að bíða að verslanir hérlendis
fari að dæmi verslana erlendis. Bendir hún á
að nú þegar sé komin sú venja á hérlendis að
jólavörur séu seldar með allt að 40% afslætti
síðustu daga fyrir jól.
Morgunblaðið/Ómar
Kostakjör Útsölurnar fara senn að bresta á en útsala hófst í verslunum Dressmann í gær.
Útsölurnar hafnar
í einstaka búðum
EINAR K. Guðfinnsson sjávarút-
vegsráðherra hefur úthlutað níu
styrkjum samtals að upphæð 25 millj-
ónir króna úr samkeppnisdeild Verk-
efnasjóðs sjávarútvegsins.
Þetta er í samræmi við tillögur
stjórnar deildarinnar. Jakob K. Krist-
jánsson, formaður hennar, segir að
mun fleiri umsóknir hafi borist en
bjartsýnustu menn hafi gert ráð fyrir,
eða þrjátíu og þrjár og sótt hafi verið
um 117,5 milljónir króna.
„Stjórnin, með aðstoð utanaðkom-
andi sérfræðinga í sumum tilfellum,
mat tólf stærri verkefni og þrjú
smærri afburðagóð. Ekki var unnt að
leggja til að veittur yrði styrkur til
þeirra allra og við endanlega for-
gangsröðun urðu því sex stór og þrjú
minni fyrir valinu.“ Stjórnin lagði til
að allar umsóknir í stærri flokki yrðu
skertar um 20% og í sumum tilfellum
meira.
„Sjónarmið stjórnarinnar er að þar
sé um málefnalegan niðurskurð að
ræða sem komi ekki í veg fyrir að
mikilvægustu hlutar verkefnanna
verði framkvæmdir, þó að í sumum
tilvikum vinnist þau hægar en stefnt
var að. Stjórnin telur að það sé mikils-
vert sjónarmið að geta styrkt fleiri
verkefni í ljósi þeirrar miklu sóknar
og fjölda afburðagóðra verkefna sem
nú var sótt um styrk til. Fjöldi góðra
umsókna var a.m.k. tvöfalt meiri en
hægt var að styrkja og því ljóst að
mikil þörf er fyrir fjármagn til rann-
sókna á þessu sviði,“ segir Jakob K.
Kristjánsson.
„Niðurstaðan úr þessu umsóknar-
ferli sýnir svo ekki verður um villst og
kom ekki á óvart, að mikill fjöldi frá-
bærs vísindafólks með góðar hug-
myndir um rannsókna- og nýsköpun-
arverkefni á sviði sjávarrannsókna
starfar nú víðs vegar um landið.
Stjórnin er sammála um að með
þessu ferli hafi öll helstu markmið
náðst sem sett voru fram við tilurð
deildar Verkefnasjóðs sjávarútvegs-
ins um sjávarrannsóknir á samkeppn-
issviði,“ segir meðal annars í frétt um
úthlutunina.
Stjórn deildarinnar skipa dr. Jakob
K. Kristjánsson formaður, Rannveig
Björnsdóttir og Kristján G. Jóakims-
son.
Úthlutað 25 milljón-
um til rannsókna
Sex stór verkefni í sjávarútvegi og þrjú smærri voru styrkt
en sótt var um styrki að upphæð 117,5 milljóna króna
Í HNOTSKURN
» Umsóknir voru þrjátíu ogþrjár og sótt var um 117,5
milljónir króna.
» Stjórnin lagði til að allarumsóknir í stærri flokki
yrðu skertar um 20% og í sum-
um tilfellum meira.
» Góðar umsóknir vorua.m.k. tvöfalt fleiri en
hægt var að styrkja.
ÚR VERINU