Morgunblaðið - 28.12.2006, Blaðsíða 14

14 FIMMTUDAGUR 28. DESEMBER 2006 MORGUNBLAÐIÐ
MENNING
Skráning skuldabréfa í Kauphöll Íslands
Sparisjóður Reykjavíkur og nágrennis (SPRON), kt. 610269-5089, hefur birt lýsingar
vegna skráningar skuldabréfa félagsins í Kauphöll Íslands og gert aðgengilegar almenn-
ingi frá og með 28. desember 2006.
Eftirfarandi skuldabréfaflokkar hafa verið gefnir út:
Skuldabréfaflokkur að fjárhæð kr. 3.000.000.000 var gefinn út þann
1.mars 2006 og er auðkenni flokksins í Kauphöll Íslands SPR 06 1 og
verða skuldabréfin skráð í Kauphöll Íslands þann 28. desember 2006.
Skuldabréfin eru verðtryggð og bundin vísitölu neysluverðs með
grunnvísitölu í febrúar 2006, 249,5 stig en bera ekki vexti . Höfuðstóll
skuldabréfanna skal greiðast allur í einu lagi þann 1. mars 2011.
Skuldabréfaflokkur að fjárhæð kr. 3.000.000.000 var gefinn út þann 15.
ágúst 2006 er auðkenni flokksins í Kauphöll Íslands SPR 06 3 og verða
bréfin skráð í Kauphöll Íslands þann 28. desember 2006. Skuldabréfin eru
verðtryggð og bundin vísitölu neysluverðs með grunnvísitölu í júlí 2006,
263,1 stig. Skuldabréfin eru gefin út til 5 ára og greiðist verðbættur höfuð
stóll skuldarinnar með fimm jöfnum afborgunum, einu sinni á ári, fyrst 15.
ágúst 2007 og síðast 15. ágúst 2011. Skuldabréfin bera 5,3% fasta vexti.
Vextir greiðast á sömu dögum og afborganir.
Útgefandalýsingu er hægt að nálgast hjá útgefanda, SPRON, Ármúla 13a, 108 Reykja-
vík og á vefsetri útgefanda http:\\www.spron.is
Verðbréfalýsingar er hægt að nálgast hjá útgefanda, SPRON, Ármúla 13a, 108 Reykja-
vík og á vefsetri Kauphallar Íslands http:\\news.icex.is.
Útgefandalýsingu og verðbréfalýsingar má nálgast á prentuðu formi hjá SPRON, Ár-
múla 13a, 108 Reykjavík innan 12 mánaða frá dagsetningu tilkynningar þessarar.
Umsjónaraðili skráningarinnar í Kauphöll Íslands hf. er SPRON Verðbréf hf.
28.desember 2006. SPRON Verðbréf hf.
TÓNLEIKAR til styrktar
Styrktarfélagi krabbameins-
sjúkra barna fara fram í Há-
skólabíói í kvöld. Uppselt er á
tónleikana sem eru nú haldnir
áttunda árið í röð. Allir þeir
sem koma að tónleikunum gefa
vinnu sína, auk þess sem Há-
skólabíó leggur frítt til hús-
næðið. Þeir tónlistarmenn sem
koma fram í kvöld eru: Sálin,
Gospelkór Reykjavíkur, Bubbi
Morthens, Paparnir, Skítamórall, Á móti sól, Páll
Óskar, Garðar Thór Cortes, Jónsi, Stebbi og
Eyvi, Birgitta Haukdal, Nylon, Snorri, Ingó og
Bríet Sunna.
Tónleikar
Spila til styrktar
veikum börnum
Sálin og Gospelkór
Reykjavíkur.
SÆUNN Þorsteinsdóttir selló-
leikari hefur vakið gríðarlega
athygli fyrir leik sinn erlendis
á undanförnum árum, en hún
hefur búið í Bandaríkjunum
frá sjö ára aldri. Í kvöld kl.
20.30 fá Íslendingar loks að
heyra í Sæunni, en þá hefjast
tónleikar hennar í Laugarborg
í Eyjafirði. Sæunn hefur unnið
til verðlauna eða sigrað í hverri
einleikarakeppninni á fætur
annarri og þykir afburða hljóðfæraleikari. Á tón-
leikunum í Laugarborg leikur hún Svítu nr. 3 eftir
Bach, Per Slava eftir Penderecki og Sónötu ópus
8 eftir Zoltán Kodály. Sæunn er 22 ára.
Frumraun á Íslandi
Bráðefnilegur sell-
isti í Laugarborg
Sæunn
Þorsteinsdóttir
KAMMERSVEITIN Aþena
heldur sína fyrstu tónleika
undir sínu gríska nafni í Nes-
kirkju í dag kl. 17. Sveitin er þó
ekki ný af nálinni og hljóðfæra-
leikararnir, sem flestir eru
fastráðnir í Sinfóníuhljómsveit
Íslands, hafa leikið saman
lengi. Á efnisskrá eru verk eft-
ir Rossini, Bach og Mozart.
Sérstakir gestir Aþenu á tón-
leikunum eru Freyr Sig-
urjónsson flautuleikari og Daniel Carranza gít-
arleikari sem báðir búa og starfa í Bilbao á Spáni.
Freyr hefur starfað sem fyrsti flautuleikari í Sin-
fóníuhljómsveit Bilbao frá 1982.
Tónleikar
Aþena kveður sér
hljóðs í Neskirkju
Nokkrir félagar
Aþenu.
Eftir Ingveldi Geirsdóttur
ingveldur@mbl.is
AÐ UNDANFÖRNU hefur verið
fjallað um stefnu Reykjavíkurborgar
um veggjakrot. Þar er allt veggja-
krot bannað og viðurlögum beitt
gegn þeim sem það stunda. Graffiti-
listamenn eru að reyna að fá því
breytt og stuðla að bættri graffiti-
menningu í borginni. Í nágranna-
sveitarfélagi Reykjavíkurborgar,
Hafnarfirði, hefur verið tekið á
veggjakroti á jákvæðan hátt og hefur
það skilað sér í minna kroti.
„Síðastliðin sumur hef ég unnið
fyrir Hafnarfjarðarbæ í æskulýðs-
starfi sem gengur undir nafninu tóm-
stund. Þetta er sumarstaf uppfullt af
vikulöngum námskeiðum fyrir 11 og
12 ára krakka. Þar er haldið graffiti-
námskeið sem hefur alltaf verið lang-
vinsælasta námskeiðið,“ segir Freyr
Árnason, ungur graffiti-listamaður í
Hafnarfirði, sem hefur verið einn af
kennurunum á þessum graffiti-
námskeiðum og fór sjálfur á slíkt
námskeið á sínum tíma.
Fóru að gera flottar myndir
„Við kennum undirstöðuatriðin í
graffiti og hvetjum þau til þess að
mála flott verk á löglegum stöðum í
stað þess að fara út að krota. Ég hef
séð hvernig þeir sem voru byrjaðir að
krota áður en þeir mættu á nám-
skeiðið hættu því eftir það og fóru að
gera flottar myndir á viðeigandi stöð-
um.“
Freyr er á því að svona námskeið
hafi jákvæð áhrif og beini þeim sem
hafi áhuga á graffiti á rétta braut.
Hann segir samstarfið á milli Hafn-
arfjarðarbæjar og unglinganna skila
sér og fleiri sveitafélög ættu að taka
það til fyrirmyndar.
„Það hefur góð áhrif að bæj-
arfélagið sjálft stillir upp fyrirmynd-
unum og setur leikreglurnar að ein-
hverju leyti. Ef menn fá ekki staði til
að mála á þá fara þeir bara eitthvað
og krota. Það er betra að vera í sam-
starfi en baráttu og svo þarf líka að
aðgreina hvað er krass og hvað er
list. Reykjavíkurborg er að skemma
fyrir sjálfri sér með þessum ströngu
reglum, enda sést það á því að það
hefur aldrei verið jafn mikið af gaur-
um þar sem eru bara að krota.
Ég held að besta ráðið sé að fara
með fyrirlestra í félagsmiðstöðvar.
Það þýðir mjög mikið fyrir 13 og 14
ára krakka sem eru að graffa að sjá
fyrirmyndir sínar í graffi tala um að
það að fara út og krota sé ekki mál-
ið.“
Veggjakrot minnkað
Ástráður Sigurðsson, verkstjóri í
Þjónustumiðstöð Hafnarfjarðar, seg-
ir veggjakrotið þar í bæ fara minnk-
andi.
„Ég er búinn að vera í þessu starfi
í fimmtán ár og á undanförnum árum
er minna af svona kroti hingað og
þangað, t.d. eru strætóbiðskýli nú
nánast látin í friði. Í heildina marka
ég það að þetta sé að minnka og það
er meiri list í krotinu en áður og
minni sóðaskapur.
Bæjaryfirvöld hafa gefið skólunum
leyfi til að skreyta ákveðna veggi og
það hefur mælst mjög vel fyrir, það
er margt fallegt af þessu veggjakroti
þó við köllum þetta nú krot,“ segir
Ástráður. „Samstarf bæjarins og
unglinganna er að skila árangri og
umgengni um veggi, biðskýli og
bekki hefur skánað. Það hafa reynd-
ar líka orðið þónokkrar breytingar í
þjóðfélaginu, maður sér miklu minna
af krökkum vera á flakki en áður, þau
sitja orðið heima í tölvum í staðinn
fyrir að krota á veggi.“
Hafnarfjarðarbær heldur sumarnámskeið í graffiti fyrir unglinga
Meiri list
í krotinu
Í HNOTSKURN
»ÍTH heldur nokkurvikulöng graffiti-
námskeið á hverju sumri
þar sem krökkum er kennt
að krota ekki.
»Verkstjóri hjá Þjónustu-miðstöð Hafnarfjarðar
segir meiri list í krotinu en
áður og minni sóðaskap.
„EF MENN fá ekki staði til að mála á fara þeir bara eitthvað og krota. Það
er betra að vera í samstarfi en baráttu og svo þarf líka að aðgreina hvað er
krass og hvað er list,“ segir Freyr Árnason, ungur graffiti-listamaður í
Hafnarfirði.
Graffiti-listaverk
FYRSTI keisarinn, ný ópera eftir
amerísk-kínverska tónskáldið Tan
Dun, fær slaka dóma, en óperan
var frumsýnd í
Metropolitan-
óperunni í New
York á fimmtu-
dagskvöldið,
með Placido
Domingo í aðal-
hlutverki.
Anthony
Tommasini
gagnrýnandi
New York Times
og International
Herald Tribune lofar hljómsveit-
arpartinn og kóratriði, en segir
söngatriðin of löng og allt of hæg-
fara. Tommasini hrósar Domingo
fyrir áræðið, að hafa tekist á
hendur að læra og skapa nýtt hlut-
verk, 66 ára gamall, en það hefur
hann ekki gert áður á 38 ára ferli
við Metropolitan. Tommasini segir
að Domingo hafi þó greinilega átt
í góðu sambandi við hvíslara Met-
ropolitanóperunnar á frumsýning-
unni, og augljóst hafi verið að
hlutverkið hafi verið honum snúið
og erfitt. Mestanpart hafi hann þó
sungið af krafti og með þeirri fág-
un sem alla tíð hafi einkennt
stjörnusöng hans. Tan Dun samdi
hlutverkið fyrir Domingo.
Tan Dun
semur fyrir
Domingo
Óperan Fyrsti keis-
arinn fær slaka dóma
Domingo í Fyrsta
keisaranum.
„ER þetta ekki enn eitt dæmið um
menningarlega forheimskun sem
leiðir til lélegra útvarps?“ spurði
breski þingmaðurinn Michael Fall-
on í þingumræðu um umdeilda
ákvörðun Breska útvarpsins, BBC,
að draga verulega úr tónleika-
útsendingum á BBC3, en lifandi
tónlistarflutningur hefur verið einn
af hornsteinunum í dagskrá henn-
ar. Forsvarsmenn BBC3 hafa sagt
að ekki verði dregið úr lifandi tón-
listarflutningi á rásinni, þótt tón-
leikaupptökum fækki. Hins vegar
er útsendingarleyfi BBC3 háð því
að 50% tónlistar sem þar heyrist sé
í lifandi flutningi eða sérstaklega
hljóðrituðum tónlistardagskrám.
Alls verður rásin lögum samkvæmt
að senda út minnsta kosti 500 tón-
listardagskrár af þeim toga á ári.
Dagskrá BBC 3
rædd á þingi
LEIKSÝNINGIN 100 ára hús eftir
Jón Atla Jónasson í uppsetningu
leikhópsins Frú Emilíu er til sýn-
ingar á alþjóðlegu leiklistarhátíðinni
„Midwinter Night’s Dream“ sem
Borgarleikhúsið í Tallinn í Eistlandi
heldur 27. desember til 1. janúar
2007.
Leiklistarhátíðin er nú haldin í
fjórða sinn og að þessu sinni er því
fagnað að hundrað ár eru liðin frá
stofnun Borgarleikhússins í Tallinn.
100 ára hús er sýnt tvisvar sinnum
á hátíðinni, í dag og á morgun, á einu
leiksviða Borgarleikhússins í Tallinn.
Leikhúsið Frú Emilía frumsýndi
verkið í apríl síðastliðnum í gömlu
hersjúkratjaldi á Ylströndinni í
Nauthólsvík.
Útsendari hátíðarinnar kom hing-
að til lands til að sjá sýninguna og
bauð leikhúsinu í kjölfarið á áð-
urnefnda leiklistarhátíð.
Heimsfrægir leikhúsmenn hafa
gist leiklistarhátíð þessa og má þar
nefna leikstjórana Frank Castorf frá
Þýskalandi, Anatoly Vassilyev og
Kamas Ginkas frá Rússlandi og
þannig er einnig að þessu sinni og
eru námskeið og ráðstefnur haldnar
með gestum hátíðarinnar.
Leikritið 100 ára hús fjallar um
þrjár manneskjur sem komið hefur
verið fyrir í herbergi á elliheimili.
Allar þjást þær af elliglöpum á mis-
háu stigi.
Verkið lýsir degi eða nótt í lífi
þessa fólks og samskiptum þeirra
þar sem þau berjast fyrir því að
halda í reisn sína og minningar í
heimi sem er hægt og hægt að verða
þeim framandi staður.
Frú Emilíu boðið á alþjóðlega
leiklistarhátíð í Tallinn
Sviðið 100 ára hús var sýnt í gömlu hersjúkratjaldi í Nauthólsvík.
♦♦♦