Morgunblaðið - 29.12.2006, Blaðsíða 1

STOFNAÐ 1913 353. TBL. 94. ÁRG. FÖSTUDAGUR 29. DESEMBER 2006 PRENTSMIÐJA MORGUNBLAÐSINS mbl.is
ÖRLAGASAGA
LEIKVERK BYGGT Á UPPVEXTI KK
SETT UPP Í BORGARNESI >> 18
SJÓNRÆNN DANS-
GJÖRNINGUR Í SAFNI
TÍSKUTÁKNIN
MARGRÉT SARA >> 48
BRÆÐURNIR Haraldur og Björn eru hér með
kanínur í gamla fjósinu í Kristnesi skammt frá
Akureyri en þær eru þó langt frá því einu gælu-
dýrin á bænum því að foreldrar þeirra, þau Helgi
Þórsson og Beate Stormo, eru líka með í fjósinu
kött, geitur, „algjör gleðidýr“, svartar landnáms-
hænur, gullfiska, fasana og stundum hesta líka.
Gullfiskarnir eru í polli úti í garði á sumrin en
teknir inn og hafðir í baðkari yfir veturinn. | 24
Morgunblaðið/Skapti Hallgrímsson
Gæludýra-
fjósið
í Kristnesi
Mogadishu, Washington. AP, AFP. | Tom Casey,
talsmaður bandaríska utanríkisráðuneytisins,
sagði í gær eftir innrás hersveita bráðabirgða-
stjórnar Sómalíu og eþíópískra hermanna inn í
Mogadishu, höfuðborg landsins, að langtíma-
lausn ástandsins í Sómalíu fælist ekki í ofbeldi
og hvatti til samningaviðræðna stríðandi fylk-
inga.
„Við erum komnir til Mogadishu,“ sagði
Mohamed Ali Gedi, forsætisráðherra bráða-
birgðastjórnarinnar, eftir að hafa rætt við leið-
toga ættflokka um samstarf við að koma bráða-
birgðastjórninni til valda í höfuðborginni án
blóðsúthellinga. Nokkrum klukkustundum áð-
ur höfðu leiðtogar hreyfingar, sem höfðu reynt
að stofna íslamskt ríki í Sómalíu, hörfað frá
borginni. „Við erum að ræða leiðir til að
tryggja að glundroði taki ekki við í Moga-
dishu,“ sagði forsætisráðherrann. „Við ætlum
ekki að láta Mogadishu brenna.“ | 16
„Ætlum ekki að láta
Mogadishu brenna“
Reuters
Kaflaskipti Hermenn bráðabirgðastjórnar Sómalíu mættu engri mótspyrnu í Mogadishu.
Eftir Rúnar Pálmason
runarp@mbl.is
ALDREI áður hafa lögregla og toll-
gæsla lagt hald á viðlíka magn af
kókaíni og amfetamíni og á árinu
sem nú er að líða. Á þessu ári hefur
verið lagt hald á 12,8 kíló af kókaíni
og 46,4 kíló af amfetamíni, sem er
örlítið meira magn en lagt var hald
á samanlagt á síðustu sex árum á
undan, 2000–2005.
„Auðvitað er ánægjulegt að
leggja hald á svo mikið magn af
efnum því það segir sig sjálft að það
hefði verið slæmt ef þetta hefði
komist inn á markaðinn,“ sagði Ás-
geir Karlsson, yfirmaður fíkniefna-
deildar lögreglunnar í Reykjavík, í
samtali við Morgunblaðið í gær.
Hann segir erfitt að meta þróunina
á fíkniefnamarkaðinum út frá þess-
um tölum, en ljóst sé að fíkniefna-
sendingarnar séu stærri en áður.
Jóhann R. Benediktsson, sýslu-
maður á Keflavíkurflugvelli, segir
það alveg ljóst að lögregla og toll-
gæsla hafi náð mjög háu hlutfalli,
og hærra en áður, af þeim efnum
sem smyglað var inn í landið á
árinu sem er að líða. Hann vildi þó
ekki gefa upp hvernig þjálfun og
tækjabúnaður hefði verið bættur til
að ná þessum árangri.
„Við höldum rannsóknaraðferð-
um okkar kirfilega leyndum því um
leið og ég fer að útskýra hvernig við
bætum rannsóknaraðferðir okkar
er ég að upplýsa hvernig við
vinnum. Þessi árangur er ekki til-
viljun, hann er árangur þrotlausrar
vinnu í mörg ár og markvissrar
uppbyggingar.“
Jóhann segir smygltilraunir sí-
breytilegar og ákveðnar bylgjur
gangi í smyglinu eins og öðru. Í ár
hafi til að mynda verið mikið um að
reynt hafi verið að smygla í far-
angri, en minna um smygl innvortis.

Tóku | Miðopna
„Árangurinn ekki tilviljun“
Í HNOTSKURN
» Lögregla og tollgæslahafa lagt hald á 12,8 kg af
kókaíni það sem af er ári, og
46,4 kg af amfetamíni.
» Söluverðmæti amfetamínsog kókaíns sem lagt hefur
verið hald á í ár hefði getað
numið um 330 milljónum kr.
hefði það sloppið inn í landið.
» Magnið af hassi og e-töflum sem tekið hefur
verið á þessu ári er hins vegar
minna en meðaltal sl. 6 ára.
Lögregla og tollgæsla hafa aldrei lagt hald á meira af kókaíni og amfetamíni
Rio De Janeiro. AP. | Meðlimir glæpa-
samtaka í Brasilíu kveiktu í stræt-
isvögnum og lögreglustöðvum í Rio
De Janeiro í gær með þeim afleið-
ingum að að minnsta kosti 19 týndu
lífi og 20 særðust.
Sjö manns fórust þegar kveikt var
í strætisvagni, þrír lögreglumenn
létust í átökunum og tveir borgarar
voru skotnir til bana. Sjö meðlimir
glæpasamtakanna létust í 12 skipu-
lögðum árásum.
Árásirnar voru gerðar til að mót-
mæla innsetningu nýs ríkisstjóra 1.
janúar nk. og hafði lögreglan varað
við þeim fyrir nokkru.
Blóðbað
í Brasilíu
♦♦♦
FÉLAG íslenskra flugumferðar-
stjóra (FÍF) mun greiða flugumferð-
arstjórum sem ekki hafa ráðið sig til
Flugstoða, og ekki eiga rétt á bið-
launum, laun næstu þrjá mánuði,
gerist þörf á því. Þetta var samþykkt
á félagsfundi í gærkvöldi, en áður
hafði verið ákveðið að greiða laun
fyrir einn mánuð.
Loftur Jóhannsson, formaður
FÍF, segir að til séu sjóðir sem dugi
til að greiða hluta launanna, en til að
fjármagna greiðslurnar þurfi trú-
lega að taka lán eða selja eignir, en
félagið á m.a. skrifstofu í Borgartúni
og tvo sumarbústaði. Lítil þörf sé á
því að félagið eigi eignir ef fé-
lagsmenn séu að hætta störfum.
Loftur segir að á fundinum í gær-
kvöldi hafi komið í ljós að yfirmenn
Flugmálastjórnar Íslands hafi sett
mikinn þrýsting á nokkra flugum-
ferðarstjóra, í það minnsta tvo eða
þrjá, sem ekki hafi ráðið sig til Flug-
stoða um að koma til starfa, eða vera
ella tilbúnir að koma til aðstoðar ef
brýn þörf verði á eftir áramót.
„Það er greinilegt að þeir hafa
sjálfir ekki mikið traust á áætluninni
sinni,“ segir Loftur og vísar þar til
viðbúnaðaráætlunar sem Flugmála-
stjórn kynnti flugrekendum í gær.

Skert þjónusta | 2
FÍF greiðir
laun í þrjá
mánuði