Morgunblaðið - 29.12.2006, Blaðsíða 17
MORGUNBLAÐIÐ FÖSTUDAGUR 29. DESEMBER 2006 17
Ashgabat. AFP. |
Talið er víst að
starfandi forseti,
Gurbanguly
Berdymuk-
hammedov, verði
kjörinn arftaki
hins einvalda
Saparmurats
Niyazovs í Mið-
Asíulandinu
Túrkmenistan.
Niyazov, öðru nafni Turkmenbashi,
lést nýlega eftir að hafa ríkt í 21 ár
og hefur verið boðað til forsetakosn-
inga í febrúar. Æðsta valdastofnun
landsins, Þjóðarráðið, þar sem sitja
2.500 manns, breytti lögum á þriðju-
dag til að gera Berdymukhammedov
kleift að bjóða sig fram en áður mátti
starfandi forseti ekki vera í fram-
boði.
Fimm aðrir verða í framboði og
eru það lítt þekktir embættismenn
sem ráðið valdi. Stjórnarandstæð-
ingum, sem margir eru í útlegð,
verður meinað að bjóða sig fram.
Arftakinn er 49 ára gamall, lærði á
sínum tíma tannlækningar, varð
heilbrigðisráðherra 1997 og síðar að-
stoðarforsætisráðherra. Hann stýrði
þá m.a. þeirri ráðstöfun Turkmen-
bashis að loka öllum spítölum í sveit-
um landsins. Yfirmaður kjörnefndar
hét því að sögn BBC að „gera allt“ til
að tryggja sigur Berdymukhamme-
dovs.
Er arf-
takinn
fundinn?
Berdymukham-
medov spáð sigri
Berdymukham-
medov
INDÓNESI skefur aur af stétt við
kínverskt hof í Aceh-héraði í
Indónesíu þar sem að minnsta kosti
109 manns hafa látið lífið af völdum
flóða. Um 400.000 manns hafa þurft
að flýja heimkynni sín. Björg-
unarsveitir reyndu í gær að bjarga
hundruðum manna, sem urðu inn-
lyksa á flóðasvæðunum, en björg-
unarstarfið tafðist vegna óveðurs.
AP
Mannskæð flóð í Aceh
New Orleans. AP. | John Edwards,
varaforsetaefni demókrata í for-
setakosningunum í Bandaríkjunum
fyrir tveimur árum, tilkynnti í gær
að hann sæktist eftir því að verða
forsetaefni demókrata í næstu
kosningum.
Edwards skýrði frá ákvörðun
sinni í New Orleans í gær og
kvaðst hafa valið þá borg til að
vekja athygli á efnahagslegri mis-
munun í Bandaríkjunum.
Edwards kvaðst ætla að leggja
áherslu á að tryggja öllum Banda-
ríkjamönnum heilsugæslu, efla
miðstéttina, uppræta fátækt í
Bandaríkjunum, beita sér fyrir al-
þjóðlegum að-
gerðum til að
stemma stigu við
loftslagsbreyt-
ingum í heimin-
um og gera ráð-
stafanir til þess
að Bandaríkin
yrðu ekki eins
háð olíu. Þá
sagði hann að
fækka þyrfti í bandaríska herliðinu
í Írak.
Hugsanlegt er að John Kerry,
forsetaefni í síðustu kosningum,
gefi einnig kost á sér aftur í for-
kosningum demókrata.
John Edwards
boðar framboð
Leggur áherslu á baráttu gegn fátækt
og loftslagsbreytingum í heiminum
John Edwards
UM 6.000 Afríkumenn hafa týnt lífi
á árinu við tilraunir til að komast
yfir hafið til Kanaríeyja sem til-
heyra Spáni, að sögn yfirvalda á
Spáni. Í frétt á vefsíðu breska rík-
isútvarpsins, BBC, segir að 31.000
ólöglegir innflytjendur hafi komist
alla leið eða sex sinnum fleiri en
árið 2005.
Flest ferðast fólkið á litlum tré-
bátum sem eru oftast mjög of-
hlaðnir. Strandgæslan reynir að
finna bátana í tæka tíð en hún er
fámenn og þorri fólksins stígur á
land án þess að strandgæslumenn
hafi haft afskipti af þeim fyrr en
við sjálfa landtökuna. Spánverjar
hafa margoft beðið önnur ríki Evr-
ópusambandsins um aðstoð við að
stemma stigu við innflytjenda-
straumnum.
Kanaríeyjar eru einn helsti
áfangastaður fátækra Afríkumanna
sem reyna að komast til Evrópu-
landa í von um betra líf og atvinnu.
Ekki er vitað með vissu hve margir
láta lífið á leiðinni en talið víst að
um þúsundir sé að ræða. Næst-
æðsti maður innflytjendamála á
Kanaríeyjum, Froilan Rodriguez,
segir að alls hafi fundist um 600 lík
á eyjunum og á ströndum nálægra
Afríkulanda á árinu en fórnarlömb-
in séu tíu sinnum fleiri.
Harmleikur á hafinu