Lesbók Morgunblaðsins - 06.01.2007, Blaðsíða 1
Laugardagur 6. 1. 2007
82. árg.
lesbók
SKAUPIÐ OG HÚMORINN
ÞETTA SKAUP VAR LAUST VIÐ FYRIRLITNINGU Á
ÍSLENSKU SAMFÉLAGI OG ÍSLENSKU GILDISMATI >> 2
Börn var minnisstæðasta íslenska kvikmyndin á árinu » 12
LOKSINS
FÁANLEG
AFTUR Á
ÍSLANDI
BÓKIN SEM BREYTT HEFUR
LÍFI MARGRA TIL HINS BETRA
Ástráður Eysteinsson, pró-fessor í almennri bók-menntafræði við HáskólaÍslands, segir í grein í Les-
bók í dag greinilegt að Einar Már
Guðmundsson sé ekki sáttur við sinn
hlut í því völundarhúsi sem íslensk
bókmenntastofnun sé. Hann hafi not-
ið velgengni og vinsælda, oftar en
ekki fengið góðar viðtökur gagnrýn-
enda, iðulega notið mikillar athygli í
fjölmiðlum og stundum verið hampað
vel og rækilega. Samt sé honum mót-
lætið hugstætt, segir Ástráður sem
svarar í greininni athugasemdum
Einars Más í sinn garð í Frétta-
blaðinu nýlega en þar hélt Einar Már
því fram að Ástráður hefði gert at-
lögu að sér sem rithöfundi.
Í umræddu viðtali segir Einar Már
að það hafi ekki þótt fínt að vera
strákur og skrifa bækur á níunda
áratugnum. Telur hann að Helga
Kress og Ástráður séu „andlegir
arkitektar þeirrar múgsefjunar sem
stundum sé kallað tossabandalagið“.
Það hafi einkum sett sig upp á móti
strákasögum og Vogasögum. Segir
hann að Ástráður hafi verið gerður út
af örkinni til þess að taka sig niður en
þetta sé „einhver misheppnaðasta af-
taka sem farið hefur fram, enda er ég
sprelllifandi og enn í fæting við vind-
myllur orðanna“.
Ástráður segist í svari sínu hafa
sinnt öðru í gegnum tíðina en að
skrifa um verk Einars Más. Hann
hafi aðeins skrifað einn ritdóm um
hann. Hann sé hins vegar áhugamað-
ur um bókmenntir um drengi og
æskuvitund enda skrifað talsvert um
það efni. » 16
Einari Má mótlætið hugstætt
Morgunblaðið/Kristinn
Einar Már Er hann fórnarlamb
bókmenntastofnunarinnar?
Ástráður Eysteinsson svarar athugasemdum höfundarins
Morgunblaðið/Kristinn
Arcade Fire Í Kanada er nú ein mesta uppspretta áhugaverðra ungra rokksveita, að mati Arnars Eggerts Thoroddsen. » 13
Ég lýsi frati á fordómafulla gagnrýnendurog skammast mín sem leikhúsmann-eskja fyrir að þeir skuli starfa og hafaáhrif á lesendur blaðanna sem þeir
skrifa fyrir,“ segir Sigrún Sól Ólafsdóttir í grein í
Lesbók í dag þar sem hún svarar þremur dag-
blaðadómum um leiksýninguna Þjóðarsálina sem
hún setti upp í Reiðhöll Gusts í Kópavogi sl.
haust. Hún segir að gagnrýnendur standi fyrir
forpokuð viðhorf, einsleitni og þröngsýni og bætir
við: „Þeir eiga að taka pokann sinn og leyfa ham-
ingjublómunum í leikhúsinu að vaxa, svo það fái
að þroskast, þróast og opnast enn betur fyrir
áhorfendum framtíðarinnar.“
Sigrún Sól gagnrýnir harðlega skrif leik-
húsgagnrýnenda blaðana sem hún segir hafa verið
mjög ófaglega og opinbera mikla fordóma gagn-
vart ákveðnum þjóðfélagshópum og þá sérstaklega
fötluðum einstaklingum. Hún segir að eftir sitji
óbragð í munni sér yfir því að í „okkar litla leik-
húsheimi skuli starfa fólk sem fær laun fyrir það
að níða og rífa niður sköpunarverk annarra, án
nokkurs faglegs rökstuðnings“.
Að hennar mati fékk Þjóðarsálin eina verstu út-
reið frá gagnrýnanda sem sögur fara af, en hins
vegar hafi aðstandendur sýningarinnar fengið
„dásamlegar viðtökur áhorfenda og djúpt þakklæti
frá fólki úr ólíkum afkimum samfélagsins“. » 6-7
Lýsir frati
á gagn-
rýnendur
Leikstjóri Þjóðarsálarinnar segir
gagnrýnendur fordómafulla og
skilja eftir óbragð í munni sér