Lesbók Morgunblaðsins - 06.01.2007, Blaðsíða 3
MORGUNBLAÐIÐ LAUGARDAGUR 6. JANÚAR 2007 3
lesbók
Morgunblaðið/Ásdís
Hann bað vin okkar segja mér
að hann væri með ólæknandi sjúkdóm
og ætti stutt eftir,
samt var hann á bezta aldri.
Í nótt dreymdi mig hann alheilan
og útlitið eins og bezt varð á kosið,
kannski var það óskhyggja, ég
veit það ekki, en þegar ég vaknaði
og veruleikinn blasti við leið mér
eins og sviknum manni
og ég reyndi að átta mig á landamærum
lífs og dauða,
ég leit út um gluggann og sá kónguló
fikra sig að flugu sem lá föst í vefnum
eins og hún lægi vængjalaus í loftinu,
áttfætlan lagðist ofaná bráðina
unz hún hvarf
að eilífu,
en ég fór að velta fyrir mér
hvaða kónguló nærðist á dauða okkar
því allt hefur sinn tilgang,
einnig vanmáttur okkar í veraldar-
vefnum.
Kóngulóin
í kastljósinu
Matthías Johannessen
Þegar ég horfi á þig sé ég að þú ert
á ferð um minn innra mann
og veit að þú ert komin á þær slóðir
þar sem ilstigar daglegs lífs
hafa skilið eftir sig spor á víðum
sléttum minnar löngu reynslu
veit þú ert eins og landkönnuður
á ókunnum stigum og kvíðir því þú
rekist á óvelkomin spor
ljónynjunnar,
en það er þögn á gresjunni og kyrrðin
blá fjarlægð í háu gulu grasi þar sem gnýir
og sebrar blasa við spyrjandi
augum þínum,
en sporin sem þú óttaðist mest eru grafin
í velkomna víðáttu gleymskunnar.
Í fótspor
Ovids
Dauðinn verndar vel sín leyndarmál
og vistar þau sem hvítan sinureyk
og þegar kulnar glóð við gamalt bál
og gleymskan snarkar enn við brunninn
kveik
þá týnist hún, þín ævi í ösku og sót,
en lífið er þó einkum stefnumót
og oddhvasst hik við dauðans
kompásnál.
Ábending