Lesbók Morgunblaðsins - 17.02.2007, Page 4

Eftir Arnar Eggert Thoroddsen
arnart@mbl.is
É
g og Benni hittumst á
heimili hans í miðbæ
Reykjavíkur eitt morg-
unsárið í vikunni og
supum á rótsterku
kaffi. Undir spjallinu
hlýddum við á hljóm-
sveit frá San Fransisco
sem ég kann ekki að nefna, en tónlistin var
dægigóð. Plötuna fékk Benni fyrir stuttu frá
Paul Lydon, bandarískum tónlistarmanni
sem hefur átt heimili á Íslandi í bráðum tutt-
ugu ár.
„Þetta var afmælisgjöf,“ tjáir Benni mér.
Á morgun mun Benni Hemm Hemm leika
á baráttutónleikum í Héðinshúsi, þar sem
fyrirhuguðum vegaframkvæmdum í Álafoss-
kvosinni verður mótmælt en ásamt Benna
leika Amiina, Pétur Ben, Bogomil Font og
Flís og Sigur Rós. Og svo er það Evrópa sem
kallar en fyrstu tónleikarnir fara fram í Par-
ís, 1. mars. Þaðan liggur leiðin til Þýska-
lands, Sviss, Austurríkis, Hollands og Belgíu.
„Þetta er unnið með bókara úti, en hann
hefur unnið mikið með Morr Music (sem er
útgefandi Benna í Evrópu). Við erum níu
sem förum út en um miðjan túr verður
tveimur skipt út og tveir aðrir koma inn í
staðinn,“ segir Benni. Þess má geta að alls
eru sautján manns skráðir í sveitina á heima-
síðu Benna, bennihemmhemm.com.
„Ég fer út einum degi fyrr og mun keyra
hljómsveitarbílinn frá Berlín til Parísar, ein-
hverja 1.300 km. Sem betur fer kemur Hjör-
leifur Örn Jónsson, slagverksleikari og trym-
bill sem býr í Berlín með mér ásamt konu
sinni en Hjörleifur mun tromma tvenna tón-
leika með okkur. Við þetta jukust lífslíkurnar
hjá mér um svona 60%. Ég gæti ekki keyrt
einn, ef ég myndi ekki sofna þá myndi ég
deyja úr taugastrekkingi.“
Brenglað
Benni Hemm Hemm hefur nú gefið út þrjár
plötur. Sú fyrsta, SummerPlate, kom út í
takmörkuðu upplagi árið 2003. Þar er m.a. að
finna nokkur lög sem áttu eftir að rata í
nokkuð breyttri mynd inn á tvær nýjustu
plöturnar. Þær eru samnefnd plata frá 2005
og svo kom Kajak út síðasta haust. Kajak
kom út í Evrópu við enda janúarmánaðar, á
geisladiski og vínylplötu og með henni fylgir
sjötomma með upphafslagi plötunnar,
„Skvavars“ og laginu „Aldrei“ þar sem hinn
sænski Jens Lekman kemur einnig við sögu.
„Ég veit ekki nákvæmlega hvernig plöt-
unum hefur gengið í sölu. Ég veit af ein-
hverjum dómum sem ég hef fengið senda.
Þeir eru á frönsku og mér er sagt að þeir
séu góðir,“ segir Benni og glottir.
Hljómsveitin Benni Hemm Hemm varð til
í kjölfar tónleika sem Tilraunaeldhúsið stóð
að.
„Ég sem tónlistina mína ennþá líkt og ég
sé að vinna að sólódæmi í tölvunni,“ útskýrir
Benni. „Á sínum tíma var ég ekkert að pæla
í því að spila á tónleikum, ég var bara að
dúlla mér í tölvunni. Svo þegar ég var beðinn
um að spila á tónleikum þekkti ég svo marga
sem voru heima hjá sér, að búa til tónlist, en
vissu ekkert hvernig átti að koma henni á
framfæri á tónleikum. Fólk var að bögglast
við þetta vandamál og mér finnst alveg ein-
staklega óspennandi að ýta á „play“ á tölv-
unni og spila svo með. Þannig að þegar ég
var beðinn um að spila á tónleikum datt mér
í hug að hringja í vini og kunningja og fór al-
veg út fyrir það sem ég lét mig dreyma um.
Þetta var svona: „Ef líf mitt væri fullkomið,
þá myndi ég vilja spila svona tónlist með
þessum og þessum og þessum…“ Ég hringdi
svo á línuna í einhverju bjartsýniskasti eitt
kvöldið og það kom í ljós að allir voru þvílíkt
til í þetta.“
Benni segist hafa verið á taugum yfir því
að hann gæti ekki borgað fólkinu, enda mikið
af æfingum framundan. En allir gengu inn í
verkefnið af heilum hug og sögðu Benna að
gleyma öllum fjárhagsáhyggjum hið snar-
asta.
„Þessi bransi á Íslandi býður eiginlega
ekki upp á það að þú sért ekki til í svona. Ég
leitaði þannig til vina og kunningja sem leita
líka til mín í svipuðum aðstæðum. Þetta er
einhvers konar tengslanet.“
Benni segist ekki hafa hugsað þetta lengra
en eina tónleika.
„Þetta átti bara að vera svona „Benni og
Sinfó“. Eitt verkefni og svo búið. En svo
spurði fólkið hvenær næstu tónleikar yrðu og
þá fór ég að endurhugsa þetta. Og í dag er
kominn einhvers konar sjálfsmynd á hópinn,
þó að hún sé mjög brengluð. Það hefur nefni-
lega aldrei verið ákveðið hvað þessi hljóm-
sveit er. Þetta er t.a.m. ekki sólóverkefni
með leiguspilurum og þetta er ekki heldur
vinahljómsveit eins og svo margar popp/
rokksveitir.“
Áhugi Benna á Benna Hemm Hemm-
verkefninu glæddist semsagt við hinar góðu
undirtektir hjá hljóðfæraleikurunum.
„Þá fékk ég áhuga á að kanna þessa mögu-
leika, kanna þennan hljóm sem hljómsveitin
er að búa til saman. Fyrri platan (sú sam-
nefnda) hafði minni hljómsveitarhljóm en
Kajak. En nú er kominn fram einhver kar-
akter sem skapast af þessari stóru hljómsveit
og ég vil sjá hvert ég kemst með hann.“
Svigrúm
Benni er í tónsmíðanámi við LHÍ sem hann
útskrifast úr í vor. Tónlistin fyrir Benna
Hemm Hemm er þannig skrifuð, upp að
vissu marki.
„Fyrir ákveðin hljóðfæri, já. Eða flest
reyndar,“ segir hann. „Ég skrifa þetta gróf-
lega út, misgróflega samt. Fyrir Kajak bjó
ég til prufuupptökur að lögunum sjálfur, tók
upp hin ýmsu hljóðfæri og brenndi svo út-
komuna á disk. En það er ekki nóg fyrir spil-
arana að fá bara svoleiðis upp í hendurnar.
En ég skrifa þetta semsagt ekki nákvæmlega
út og nú er kominn sá skilningur að hverjum
spilara er uppálagt að bregða á leik, það þarf
ekki að fylgja þessu nákvæmlega. Þetta er
Benni í Evrópu
Tónlistarmaðurinn Benni Hemm Hemm, eða
Benedikt H. Hermannsson, hefur vakið verð-
skuldaða athygli fyrir tvær síðustu plötur sín-
ar. Þar teflir hann fram stórsveit sem auk
hefðbundinna rokkhljóðfæra mundar hina og
þessa lúðra en sjálfur leiðir hann sveitina
áfram með söng og kassagítarslætti. Hinn 1.
mars næstkomandi fer hljómsveitin í sína
fyrstu tónleikaferð um Evrópu, og mun snara
upp tólf tónleikum á fjórtán dögum.
4 LAUGARDAGUR 17. FEBRÚAR 2007 MORGUNBLAÐIÐ
lesbók