Lesbók Morgunblaðsins - 03.03.2007, Blaðsíða 4
Ég er flökkutík
Eftir Atla Bollason
atli@filmfest.is
T
ónlistarmanninn Mugison
þarf vart að kynna, en
hann hefur vakið mikla
lukku hér á landi og ytra
fyrir grípandi tölvupopp,
auk þess sem hrein og bein
framkoma hans hefur hitt
fólk úr öllum áttum í
hjartastað. Ímynd hans sem vinalegur og heil-
brigður fjölskyldufaðir er greypt í huga
þeirra sem hafa flett blöðunum eða kveikt á
skjánum síðastliðin ár og fyrstu kynni blaða-
manns af honum styrkja þá ímynd til muna:
„Blessaður, geturðu hringt aftur eftir fimm
mínútur? Ég þarf nefnilega að skjótast og
sækja strákinn minn. Þetta er hérna rétt hjá
svo ég verð kominn aftur eftir smástund.“
Mugison sá um tónlistina í Mýrinni og hlaut
meðal annars Edduverðlaun fyrir, auk þess
sem myndin er á skömmum tíma orðin ein
vinsælasta kvikmynd Íslandssögunnar. Nú er
tónlistin komin út á geisladiski hjá útgáfufyr-
irtækinu Mugiboogie sem hefur höfuðstöðvar
sínar á Ísafirði. Eins og ráða má af nafninu er
útgáfan í eigu Mugisons sjálfs, en hana rekur
hann með föður sínum – Mugi.
„Hérna í gamla daga þá gaf ég fyrstu plöt-
una mína út sjálfur og sá um allt heila klabbið
héðan frá Ísafirði. Það var helvíti gaman; við
pabbi gerðum þetta saman, fórum saman með
diskana í póst og stússuðumst í hinu og þessu.
Síðan gerðist það eiginlega ósjálfrátt að
strákarnir í 12 Tónum tóku við þessum prakt-
ísku málum.“
Fyrsta plata Mugisons, Lonely Mountain,
kom hlustendum og gagnrýnendum gríð-
arlega á óvart þegar hún kom út síðla árs árið
2002. Þar var kominn nýr og ferskur tónn í ís-
lenska tónlist og ekki spillti að Mugison þótti
ekkert minna en stórgóður á sviði. Erlend
eyru voru ekki lengi að kveikja á rafpopp-
bræðingnum sem Mugison reiddi fram og
hann var fljótlega kominn í kynni við hús-
tónlistarmanninn Herbert sem gaf plötuna út
á merki sínu Accidental í Evrópu.
Læt hlutina bara gerast
Plötur Mugisons hafa síðan komið út hjá 12
Tónum. Mesta athygli vakti önnur breiðskífa
hans, Mugimama – Is this Monkeymusic? sem
kom út árið 2004. Auk hennar hefur tónlistin
úr kvikmyndunum Niceland og Little Trip to
Heaven komið út, en báðar fengu prýðilegar
viðtökur. Hvers vegna ætli Mugison vilji fara
að sjá um eigin útgáfumál á ný?
„Ég er bara að herma eftir hetjunum mín-
um; Mike Patton, Matthew Herbert, Aphex
Twin og Gillian Welch gera þetta öll svona.
Þetta er svolítið í tísku núna og ég er bara að
elta strauminn eins og ég geri alltaf,“ segir
hann og hlær.
„En svona í alvöru þá voru útgáfusamning-
arnir sem ég var með í Bretlandi og Banda-
ríkjunum útrunnir. En ég var á tónleika-
ferðalagi á síðasta ári og hitti alls kyns fólk
sem hefur verið að dreifa plötunum mínum
gegnum þessi merki. Það voru allir meira en
til í að vinna áfram með mér þótt ég væri ekki
lengur á samningi hjá þessum fyrirtækjum. Í
þessu ljósi ákvað ég bara að kýla á þetta sjálf-
ur. Þetta er ekkert svo dýrt – þetta er bara
hættulegur yfirdráttur.“
Minnugur þeirrar góðu kynningar sem
blaðamaður varð vitni að þegar Mugimama
kom út í Frakklandi spyr hann hvort Mugison
sé ekkert hræddur við að leggja upp í þetta
mikla ævintýri hér um bil einn síns liðs.
„Ég veit það ekki. Þessi tónlistarbransi er
ansi sérstakur. Hann gengur eina stundina út
á að glamra á gítarinn og semja góð lög,
stundum gengur hann út á að vera heppinn.
Peningahliðin er síðan enn önnur hlið sem er
mjög langt frá öllu því sem tengist að gera
tónlist. Ég er ekki með fimm ára áætlun – ég
læt hlutina bara gerast. Ég sendi til dæmis
tölvupóst til tveggja vina minna í bransanum
og spurði þá hvar væri best og ódýrast að
framleiða plötur. Þeir svöruðu um hæl og
Mýrin fór í framleiðslu. Ef fólk er sjálft að
pæla í þessu þá getur það bara sent mér eða
Rúnari Júl tölvupóst og fengið ráð. Ég er
bara trillukarl sem tekur einn dag í einu.“
Á leiðinni að gera þungarokksplötu
Stendur til að Mugiboogie gefi út aðra lista-
menn?
Mugison er fluttur til Súðavíkur. Hann hefur
stofnað útgáfufyrirtækið Mugiboogie með
föður sínum Mugi. Hann er samningslaus í út-
löndum. Hann mun semja tónlistina við kvik-
myndina On the Road í leikstjórn Walter Sal-
les. Mugison er á krossgötum. Hann segist
líka vera flökkutík.
4 LAUGARDAGUR 3. MARS 2007 MORGUNBLAÐIÐ
lesbók