Lesbók Morgunblaðsins - 21.07.2007, Blaðsíða 15
MORGUNBLAÐIÐ LAUGARDAGUR 21. JÚLÍ 2007 15
Dimmblár himinn
veturlangrar nætur
stráir stjörnum
yfir kjarrið
glitrandi perlur
í líkhárum jarðar
hvílir ein
í köldum
foldarfaðmi
látin dóttir
langholts og lyngmós
í blárri kápu
hverfur með trega sínum
til lands
hinna löngu drauma
Hrafnabjörg
hafa enn lagst til sunds
vestur yfir vatnið
vonir og þrár
heillar þjóðar
á veðurlúnu baki.
Ljóðið varð til eftir stutta skemmtiferð snemma vetrar
með erlenda vini um svokallaðan Gullinhring hér á
suðvesturhorninu. Meðan við vorum á okkar glaðværu
ferð stóð yfir á svæðinu leit að konu sem var saknað og
við hittum leitarfólk þar sem við stönsuðum á leiðinni.
Konan fannst látin þegar við vorum á heimleið.
Dauði á
Þingvöllum
Morgunblaðið/Kristinn
Ljóðabækur Sveinbjörns I. Baldvinssonar: Í skugga mannsins (1976), Ljóð handa hinum og þessum (1981), Lífdagatal (1984), Felu-
staður tímans (1991), Stofa kraftaverkanna (1998).
Ljóðskáldið | Sveinbjörn I. Baldvinsson fæddist í Reykjavík árið 1957
Morgunblaðið/Ásdís
Arna Kristín „Fáir tónlistarmenn hafa verið jafn ötulir við að miðla tónlist og náð jafn al-
mennum vinsældum og Jónas.“
LESARINN
Síðustu ár hef ég lítið lesið annað en skóla-bækur. Eftir að náminu lauk hef ég farið
að glugga í léttara efni. Um daginn renndi ég
loks í gegnum ævisögu Jónasar Ingimund-
arsonar, Á vængjum söngsins, sem ég hafði
fengið að gjöf fyrir löngu. Ég hef mikinn
áhuga á miðlun klassískrar tónlistar. Raunar
fjallaði meistararannsókn mín um með hvaða
hætti Sinfóníuhljómsveit Íslands geti stækkað
áheyrendahóp sinn. Fáir tónlistarmenn hafa
verið jafn ötulir við að miðla tónlist og náð jafn
almennum vinsældum og Jónas. Jónas setti
meðal annars á stofn verkefnið Tónlist fyrir
alla þar sem haldnir eru klassískir tónleikar
fyrir grunnskólabörn á skólatíma. Mér fannst
sérstaklega athyglisvert að kveikjan að þeirri
hugmynd Jónasar var lítil grein sem birtist í
tónleikaskrá 31. október 1964, en þann dag
hélt Sinfóníuhljómsveit Pittsburgh tónleika í
Háskólabíói. Í greininni segir að árið1955 hafi
Pittsburgh-hljómsveitin fyrst efnt til tónleika
fyrir börn og unglinga sem hafi strax orðið að
föstum lið hjá hljómsveitinni. Árið 1963, ári
áður en hljómsveitin heimsótti Ísland, lék hún
43 tónleika fyrir um 120.000 börn! Í dag eru
tónleikar sem þessir eitt helsta sóknarfæri
sinfóníuhljómsveita um allan heim. Hljóm-
sveitin í Pittsburgh hefur því greinilega verið
frumkvöðull á þessu sviði – líkt og Jónas í ís-
lensku tónlistarlífi.
Arna Kristín Einarsdóttir útskrifaðist með meist-
arapróf í menningarstjórnun frá Háskólanum á Bif-
röst í febrúar síðastliðnum. Hún er nýráðin tónleika-
stjóri Sinfóníuhljómsveitar Íslands.
HLUSTARINN
Þessa dagana hef ég sveiflast alda á milli ítónlistarhlustun þar sem nú stendur yfir
lokahlustun og frágangur texta fyrir nýjan
geisladisk minn sem kemur út á vegum Naxos
síðar á þessu ári. Á diskinum verða valin ein-
leiks- og kammerverk eftir fyrsta tónskáld Ís-
lendinga, Sveinbjörn Sveinbjörnsson (1847-
1927) og eru flytjendur auk mín Auður Haf-
steinsdóttir, Sigurður Bjarki Gunnarsson og
Sigurgeir Agnarsson. Þótt mér sé bæði ljúft
og skylt að hlusta á tónlist Sveinbjörns er
nauðsynlegt að geta skipt yfir í aðra tónlist til
hvíldar því „vinnuhlustun“ getur verið lýjandi
fyrir tóneyrað. Þá finnst mér endurnærandi
að hlusta á Kristin Hallsson og Árna Krist-
jánsson flytja lag Árna Thorsteinssonar „Fög-
ur sem forðum“ útg. 1907 við ljóð Guðmundar
Guðmundssonar. Þetta frábæra lag er túlkað
af miklum trega og innileik í hljóðritun lista-
mannanna frá 1965 en útgefið 2002. Árni
Thorsteinson heimsótti reyndar Sveinbjörn í
Edinborg 1890 og söng í kór í Kaupmanna-
höfn undir stjórn Grieg 1893, vafalítið eini Ís-
lendingurinn með þá lífsreynslu undir beltinu.
Fimm ára sonur minn tók svo að sér að kippa
mér inn í nútímann með því að syngja dag-
langt frekar flókna en grípandi strófu úr
popplagi sem ég kannaðist ekki við, sem er nú
ekki endilega saga til næsta bæjar. Ég fékk
lagið samt á heilann og ákvað að grafast fyrir
um uppruna þess og flytjendanna. Svo heppi-
lega vildi til að í næstu innkaupaferð í hverf-
isbúðinni var umrætt lag spilað í hátalarakerf-
inu og vatt ég mér að ungum afgreiðslumanni
sem virtist líklegur til að þekkja betur til nýj-
ustu vinsældalistanna en ég og spurði hvort
hann vissi eitthvað um lagið. Eins og við
manninn mælt kom svar: „Patience með
hljómsveitinni Take that.“ Klukkutíma síðar
sátum við sonur minn og sungum hástöfum
með þessu hugljúfa lagi á www.youtube.com.
Nína Margrét Grímsdóttir er píanóleikari.
Morgunblaðið/Ásdís
Nína Margrét „Þá finnst mér endurnærandi að hlusta á Kristinn Hallsson og Árna Krist-
jánsson flytja lag Árna Thorsteinsonar „Fögur sem forðum.“ “