Lesbók Morgunblaðsins - 13.10.2007, Qupperneq 5
mögulegt var.“ Ólafur hafði átt þátt
í gerð listaverka fyrir óperuna í
Kaupmannahöfn og það var í kjölfar
þess sem Teiknistofa Hennings
Larsens bað hann að vinna með
þeim að hönnun Tónlistarhússins.
Það gerði dýnamíkina töluvert öðru-
vísi en vaninn er. „Venjulega eru
arkítektar öðrum megin og verk-
fræðingar hinum megin, að toga
hvorir í sína áttina – það var hress-
andi tilbreyting að hafa allt í einu
listamann hinum megin borðs.“ Um-
ræddur glerhjúpur er byggður upp
á svokölluðum „quasi bricks“ – eins
konar glæru stuðlabergi þar sem
sumir steinarnir eru litaðir og kasta
frá sér ljósi, bæði úr umhverfinu og
úr földum kösturum, þannig að
byggingin mun ávallt glóa og skipta
litum í samspili við umhverfið.
Þak hússins verður nær algjör-
lega flatt. Eða öllu heldur, efra þak
hússins. „Það eru venjulega alls
konar hlutir ofan á húsþökum. Loft-
net og ýmiss konar búnaður til þess
að hindra leka og fleira. En á þessu
húsi mun vera þak ofan á þakinu
sem hylur þetta allt saman,“ segir
Ósbjørn sem telur að reykvíska
rigningin muni ekki bíta á bygging-
unni.
Tónlistarhúsið,
Hallgrímskirkja og Perlan
Eitt af skilyrðunum í samkeppninni
var að húsið yrði táknmynd Reykja-
víkur, íkon. „Við erum alltaf beðnir
um að gera táknmynd, kennileiti. Í
öllum svona keppnum er það skil-
yrði. Þannig að þetta snýst mikið til
um að hugsa ekki um að þú sért að
skapa kennileiti og einbeita þér ein-
faldlega að því að vinna verkefnið af
alvöru og metnaði.“ Byggingin mun
verða sýnileg um langan veg þegar
ekið er inn í borgina og Ósbjørn seg-
ir að ásamt Hallgrímskirkju og
Perlunni myndi hún eins konar
þrenningu sem setji sterkan svip á
Reykjavík.
Hann er bjartsýnn á að húsið
verði tilbúið á réttum tíma. „Ís-
lenskir aðalverktakar, sem byggja
húsið, virðast vinna af mikilli fag-
mennsku og við erum mjög ánægðir
með samstarfið við þá hingað til.
Það er mjög stór hópur að vinna að
þessu, tugir arkítekta, verkfræðinga
og annarra, og það er mikil vinna að
samhæfa allan þennan stóra hóp.“
Hönnunin hefur hingað til öll farið
fram í Danmörku en einnig fer stór
hluti verksins fram hér á Íslandi, til
dæmis á skrifstofu Portus þar sem
viðtalið er tekið. Portus er félag sem
stofnað er sérstaklega vegna bygg-
ingarinnar og annarra verkefna sem
eru á svæðinu.
Á næsta ári er hins vegar líklegt
að margir arkítektanna flytji til
Reykjavíkur og það kæmi Ósbjørn
ekki á óvart að hann myndi sjálfur
flytja. Stór hópur frá fyrirtækinu er
raunar fluttur nú þegar til Íslands
vegna byggingar nýs húsnæðis Há-
skólans í Reykjavík, en Teiknistofan
vann einnig samkeppni um bygg-
ingu þess og sú hönnun mun mest
fara fram hérlendis. Færeyingurinn
Ósbjørn hefur greinilega unnið
heimavinnuna sína um íslenska
menningu vel og við spjöllum heil-
lengi um Hallgrím Helgason, Einar
Má Guðmundsson og Halldór Lax-
ness eftir að við erum búnir að út-
tala okkur um Tónlistarhúsið. En
skyldi hann dreyma um að byggja
eitthvað álíka í Færeyjum? „Fær-
eyjar eru Íslandi það sem Ísland er
Danmörku. Við erum svo smá
ennþá. En það hefur bara ekki kom-
ið upp á borðið ennþá – það hefur þó
eitthvað aðeins verið rætt að byggja
þar tónlistarhús.“
Að búa til líf
Tónlistar- og ráðstefnuhúsið er risa-
vaxin framkvæmd. Húsið verður um
28 þúsund fermetrar á stærð, 43
metra hátt og áætlaður kostnaður er
um 14 milljarðar króna. Fáar borgir
á stærð við Reykjavík eiga hús á
borð við þetta og því er ljóst að með
byggingunni er ekki nema hálfur
sigur unninn. Þegar húsið er tilbúið
gætu um 6.000 til 7.000 manns verið
í því í einu þegar mest er. Þetta eru
háar tölur fyrir jafn fámenna þjóð
og það þarf metnaðarfulla og öfluga
starfsemi til þess að laða fólk að.
Þannig að í desembermánuði árið
2009 hefst verkefnið fyrir alvöru –
þá reynir á hvort Íslendingar standa
í raun og veru undir nafni sem mikil
menningarþjóð. Þá reynir á hvort ís-
lenskir listamenn hafa dug og
hugmyndaauðgi til þess að fylla slíkt
hús reglulega og eins hvort
stjórnmálamenn og athafnamenn
hafa dug í að standa á bak við þá til
þess að gera þeim það kleift. Það
styttist í að kastalinn verði tilbúinn –
en erum við tilbúin til þess að búa í
honum?
höfnina
Salurinn Svona gæti hann komið til með að líta út. Tölvumynd með útsýni yfir sal og svið frá öðrum svölum.
Frá hafi Húsið mun gerbreyta hafnarmynd Reykjavíkur og sjást langar leiðir þegar ekið er inn í borgina.
MORGUNBLAÐIÐ LAUGARDAGUR 13. OKTÓBER 2007 5
Baráttusaga
Margrét J. Benedictsson
helgaði líf sitt
jafnréttisbáráttu kvenna.
Saga hennar má ekki
gleymast.
holar@simnet.is