Lesbók Morgunblaðsins - 13.10.2007, Blaðsíða 14

14 LAUGARDAGUR 13. OKTÓBER 2007 MORGUNBLAÐIÐ
lesbók
Þegar við göngum þröngar götur Hafnarvogs
eru fáir á ferli enda
kvöldmatur og bókasafnið að loka.
Gæfur gulbröndóttur köttur
fylgir okkur að húsi skáldsins
– George Mackay Brown
bjó hér 1968-1996 –
Handan vogsins blasir Háey við
þarsem öldungurinn stendur vörð.
Í þröngri götu þorpsins
er hugsun skáldsins víð einsog
vegurinn blái.
Sigurður Jón Ólafsson
(Til skýringar: George Mackay Brown er þekktasta skáld
Orkneyinga. Aðalsteinn Ásberg Sigurðsson hefur þýtt
nokkur ljóða hans og gaf út undir heitinu Vegurinn blái.
Hafnarvogur er eldra heiti á bænum Stromness. Við Háey
(Hoy) er stór drangur áfastur eynni sem jafnan er kall-
aður Gamli maðurinn frá Háey.)
Í Hafnarvogi
Höfundur er bókasafnsfræðingur.