Morgunblaðið - 18.01.2007, Blaðsíða 4

4 FIMMTUDAGUR 18. JANÚAR 2007 MORGUNBLAÐIÐ
FRÉTTIR
Við höldum með þér!
... ef þú kemur við á næstu Olís-stöð og lætur
fylla bílinn af eldsneyti. Þannig færðu fría
áfyllingu á rúðupissið í kaupbæti.
Meðan við fyllum á geturðu svo fengið
þér pylsu og kók á tilboði.Þorratilboð
á þjóðarrétti Íslendinga
pylsa og kók
199kr.
Í KJÖLFAR aukinna niðurgreiðslna frá Reykjavík-
urborg hefur mikill meirihluti dagforeldra í borginni
ákveðið að lækka gjaldskrá sína, samkvæmt nið-
urstöðum úr könnun sem þjónustumiðstöðvar í
Reykjavík gerðu í byrjun mánaðarins.
Sjá má af niðurstöðum könnunarinnar sem kynntar
voru í leikskólaráði Reykjavíkurborgar í gær að 85%
þeirra dagforeldra sem náðist í höfðu ákveðið hvernig
niðurgreiðslu borgarinnar yrði háttað, en um áramót
hækkuðu niðurgreiðslur til dagforeldra um 32%. Hjá
84% dagforeldra verður lækkun á gjaldskrá og hjá
57% nemur upphæðin helmingi þeirrar aukningar
sem varð á niðurgreiðslum borgarinnar eða meira.
„Markmiðið var tvíþætt og þess vegna er ég mjög
ánægð með þessa niðurstöðu,“ segir Þorbjörg Helga
Vigfúsdóttir, formaður leikskólaráðs. „Markmiðið var
ekki aðeins að lækka gjöld fyrir foreldra heldur einn-
ig að tryggja þjónustuna. Margir dagforeldrar höfðu
ekki hækkað gjöldin í mörg ár og við vissum að þeir
þyrftu að fara að taka til sín launahækkun. Dagfor-
eldrum hefur fækkað um 40% frá árinu 2000 og við
vorum því einnig að passa upp á að fleiri myndu ekki
hætta.“
Á fundi leikskólaráðs var jafnframt ákveðið að setja
á laggirnar starfshóp til að semja verklagsreglur um
málsmeðferð vegna daggæslu í heimahúsum og á hóp-
urinn m.a. að skila tillögum um viðbrögð við kvört-
unum foreldra.
Dagforeldrar í Reykja-
vík lækka gjaldskrá sína
Morgunblaðið/Ásdís
Skemmtun í snjónum Þessi börn höfðu ekki miklar
áhyggjur af gjaldskrám og renndu sér glöð í bragði.
HÉRAÐSDÓMUR Reykjavíkur dæmdi í gær
rúmlega þrítuga konu í fjögurra ára fangelsi og
fjóra aðra í þriggja ára fangelsi fyrir þátt þeirra
í innflutningi á tveimur kílóum af kókaíni til
landsins í ágúst í fyrra.
Maðurinn sem lögregla telur höfuðpaur máls-
ins náðist ekki en hann er eftirlýstur erlendis.
Ákærðu voru öll dæmd sem aðalmenn í málinu
þar sem dómurinn taldi að þáttur hvers og eins
þeirra hefði verið mikilvægur og þau með einum
eða öðrum hætti stuðlað að því að flytja kókaínið
til landsins.
Sú sem þyngsta dóminn hlaut var Elísabet
Arnardóttir en dómurinn taldi hlut hennar í mál-
inu langalvarlegastan og veigamestan. Hún hefði
átt frumkvæðið að því að útvega mann til að
flytja efnin til landsins, setið fundi með sam-
verkamönnum þar sem skipulag ferðarinnar var
rætt, miðlað upplýsingum og haft „flesta þræði í
hendi sér“. Að mati dómsins átti hún sér engar
málsbætur og ekkert hefði komið fram í málinu
um að hún hefði framið brot sitt vegna ótta um
ofbeldi af hálfu þeirra ónafngreindu manna sem
hefðu fjármagnað smyglið, líkt og hún sagði
sjálf. Þar sem Elísabet rauf skilorð fjögurra
mánaða dóms með þessu broti sínu var dóm-
urinn tekinn upp og refsing dæmd í einu lagi.
Friðjón Veigar Gunnarsson sem tók við fíkni-
efnunum á Spáni og lét þau í hendur burð-
ardýrsins hlaut þriggja ára fangelsi en til refsi-
mildunar var horft til þess að hann var
samvinnuþýður við rannsókn málsins. Arnar
Sindri Magnússon sem tók við fíkniefnunum úr
hendi ónafngreinds aðila og lét þau í hendur
Friðjóns hlaut sömu refsingu, sem og Guðmund-
ur A. Ástráðsson sem hafði milligöngu um að út-
vega burðardýrið.
Refsing burðardýrsins skilorðsbundin
Burðardýrið sjálft hlaut einnig þriggja ára
fangelsi. Refsing viðkomandi var, ólíkt hinna
fjögurra, hins vegar skilorðsbundin vegna þess
að stúlkan er einungis 19 ára gömul með engan
sakarferil að baki og hefur sýnt viðleitni til að
koma lífi sínu í réttara horf. Auk þess tók dóm-
urinn tillit til þess að verknaður hennar var að
mestu bundinn við að flytja efnin til landsins, án
beinnar þátttöku í skipulagningu verknaðarins.
Dóminn kváðu upp þau Ingveldur Einarsdóttir
sem dómsformaður, Pétur Guðgeirsson og Sig-
ríður Ólafsdóttir. Af hálfu ríkissaksóknara flutti
málið Sigríður Elsa Kjartansdóttir saksóknari en
verjendur voru Jón Höskuldsson hdl., Jón Eg-
ilsson hdl., Bjarni Hauksson hdl., Guðmundur
Ágústsson hdl. og Guðmundur A. Ástráðsson.
Öll dæmd sem aðalmenn
í smygli á 2 kg af kókaíni
Í HNOTSKURN
» Fimm voru ákærðir og dæmdir fyririnnflutning á 2 kílóum af rótsterku kók-
aíni til landsins.
» Maðurinn, sem lögregla telur höf-uðpaurinn náðist ekki en hann flúði
land fyrir nokkru til að komast hjá því að
afplána dóm.
» Styrkur kókaíns í sýni sem var rann-sakað var 83% og styrkur kókaínklóríðs
var um 93%.
» Kókaínið fannst innan í fóðri tösku enrifinn saumur kom tollverði á sporið.
ÞORGERÐUR Katrín Gunnars-
dóttir, menntamálaráðherra, skip-
aði í gær Halldór Björn Runólfsson
í embætti for-
stöðumanns
Listasafns Ís-
lands til fimm
ára, frá 1. mars
næstkomandi.
Alls bárust átta
umsóknir um
embættið.
„Þetta leggst
mjög vel í mig,
alveg skínandi,“
sagði Halldór
Björn skömmu eftir að hann fékk
fréttirnar í gær, sem hann segir að
hafi komið mjög á óvart. „Ég var
alls ekki öruggur. Ég vissi að ég
var einn af kannski tveimur til
þremur sem voru líklegir, en mig
grunaði ekki að ég fengi stöðuna.“
Halldór Björn segir að erfitt sé
að segja til um hvort hann muni
gera einhverjar breytingar á starf-
semi safnsins. „Ég held að ég taki
við ágætu búi. Fjármagn til inn-
kaupa var hækkað nýverið og það
sem skiptir jafnvel enn meira máli
er að nú er aðgangur að safninu
ókeypis, sem býður upp á rosaleg
sóknarfæri,“ segir Halldór Björn,
og leggur áherslu á mikilvægi þess
að fjölga gestum í safninu. „Svo vil
ég opna safnið og gera það að lif-
andi og frjóum vettvangi og upplýs-
ingaveitu. Ég mun einhenda mér í
að vinna að þessu.“
Halldór Björn lauk doktorsprófi
frá sjónlista- og fagurfræðideild við
Sorbonne-háskóla í París í fyrra og
er nú lektor og yfirmaður listfræða
við Listaháskóla Íslands.
Skipaður
forstöðu-
maður LÍ
Halldór Björn
Runólfsson
ÞEGAR jafnkalt er úti eins og um þessar mundir er svo
sannarlega gott að hafa einhvern sem getur fengið
mann til að hlýna um hjartarætur.
Hún leyndi sér ekki ástúðin hjá þessu unga pari sem
ljósmyndari Morgunblaðsins rakst á í Bankastrætinu í
gær.
Morgunblaðið/Ásdís
Ástfangin í kuldanum
„ÞAÐ er tiltölulega skýrt að ég tala
fyrir ákveðnum áherslum og hef
hugsað mér að gera það áfram,“ seg-
ir Kristinn H.
Gunnarsson sem í
gær gaf út að
hann myndi ekki
taka sæti á lista
Framsóknar-
flokksins í Norð-
vesturkjördæmi
fyrir komandi Al-
þingiskosningar.
„Niðurstaða próf-
kjörsins í nóvem-
ber sl. er að meirihluta til stuðningur
við þá stefnu sem rekin hefur verið
undanfarin ár,“ segir í yfirlýsingu
Kristins en hann hafnaði í þriðja sæti
prófkjörs flokksins í nóvember og
telur að áhrif sín á stefnu flokksins
séu minni við þá niðurstöðu en verið
hefur.
Kristinn mun eftir sem áður sinna
þing- og nefndarstörfum en vildi lítið
tjá sig um á hvaða vettvangi hann
mun tala fyrir áherslum sínum í
framtíðinni. Hann segist þó reikna
með að framtíðaráform liggi fyrir
fljótlega.
Tekur ekki
sæti á lista
flokksins
Kristinn H.
Gunnarsson
LÖGREGLAN á höfuðborgarsvæð-
inu handtók í gær sex einstaklinga
vegna gruns um aðild að innbroti
sem framið var í Keflavík í gær.
Þýfi úr innbrotinu fannst í fórum
mannanna sem voru í kjölfar hand-
töku afhentir lögreglunni á Suð-
urnesjum. Yfirheyrslur stóðu fram
á kvöld en ekki fengust upplýsingar
um framgang málsins.
Tilkynnt var um innbrotið laust
fyrir kl. 13 í gærdag en farið hafði
verið inn í einbýlishús í Keflavík og
þar unnin töluverð eignaspjöll auk
þess sem munum hafði verið stolið.
Sex handteknir
eftir innbrot
♦♦♦