Morgunblaðið - 18.01.2007, Blaðsíða 15
MORGUNBLAÐIÐ FIMMTUDAGUR 18. JANÚAR 2007 15
ERLENT
Múlakaffi
Aðeins2.980 kr.í hádeginu3.980kr.á kvöldin
Hið víðfræga
þorrahlaðborð
Múlakaffis
Sími 553 7737
Það er ekkert ofsagt þótt gestir okkar til fjölmargra
ára haldi því fram að við séum sjálfkjörnir kóngar
þorrans enda koma hinir sömu ár eftir ár og halda
þorrann hátíðlegan í Múlakaffi.
föstudaginn 19. eða 26. jan.
laugardaginn 20. eða 27. jan.
sunnudaginn 21. eða 28. jan.
Ekki bara þorramatur
• Allur hefðbundinn súrmatur
• Hefðbundnir kaldir þorraréttir
• Heitir réttir, s.s. hreindýraragúmeð eplasalati,
glóðarsteikt lambalæri með tilheyrandi og
saltkjöt og uppstúf
• Eldreiktur lax með graslaukssósu á klettasalati
auk alls annars sem er ómissandi í eðalþorraveislum
– kóngar þorrans
Tryggðu þér sæti í tíma Hi
m
in
n
o
g
h
a
f
/
SÍ
A
Eftir Davíð Loga Sigurðsson
david@mbl.is
ÞAÐ bendir allt til þess að Shawn
Hornbeck, sem undanfarin fjögur og
hálft ár hefur búið með manni sem í
október 2002 rændi honum frá
heimabæ hans í Missouri, hafi haft
næg tækifæri til að strjúka eða láta
vita af sér. Hornbeck, sem nú er 15
ára, hafði aðgang að tölvu á meðan
barnsræninginn var í vinnu og hann
lék sér líka með krökkum í nágrenn-
inu, án þess að nokkurn grunaði, að
eitthvað væri bogið við þá sögu að
þeir Devlin væru feðgar.
Fjölmiðlar vestanhafs hafa verið að
reyna að komast til botns í þeirri ráð-
gátu, sem mál þetta er. Ýmsum
spurningum er ósvarað en líklegt er
að heldur fari mál að skýrast í dag
þegar barnsræninginn, Michael Devl-
in, kemur fyrir dómara.
Hornbeck fannst á heimili Devlins í
Kirkwood, sem er úthverfi St. Louis,
á föstudag ásamt þrettán ára dreng,
Ben Ownby, sem Devlin rændi fjór-
um dögum fyrr. Enginn hafði átt von
á því að finna Hornbeck, lögreglan
hafði fyrir löngu sagt foreldrum hans
að sennilega væri hann dáinn.
Ekkert er vitað um það enn hvers
vegna Devlin rændi drengjunum.
Devlin, sem er 41 árs og hefur starfað
hjá sömu pítsugerðinni síðan hann
var fimmtán ára, er sagður vera bú-
inn að játa á sig ránið á Ownby og
lögreglan segir ekkert liggja á að hún
heyri sögu Hornbecks. Þeir hafi
mannræningjann í haldi, mikilvægast
sé nú að gefa Hornbeck tækifæri til
að vera með fjölskyldu sinni á ný.
Stjúpfaðir Hornbecks, Craig
Akers, hefur sagt að Devlin, sem mun
vera 150 kg að þyngd og skapstór,
hafi hrætt drenginn þannig að hann
óttaðist um líf sitt. Og í blaðinu St.
Louis Post-Dispatch var fullyrt, að
Devlin hefði hótað Hornbeck því að
hann myndi drepa hann og alla fjöl-
skyldu hans ef hann reyndi að flýja.
Mörgum finnst engu að síður stór-
furðulegt að drengurinn skuli hafa lif-
að að því er virðist eðlilegu lífi með
Devlin í fjögur og hálft ár.
Hornbeck var rænt í október 2002
en hann sást síðast á hjóli sínu nærri
heimili sínu sem er dreifbýlisbær ná-
lægt Kirkwood.
Athygli vekur, að eftirgrennslanir
hafa leitt í ljós, að einhver sem kallaði
sig „Shawn Devlin“ skrifaði 1. desem-
ber 2005 á vefsíðu sem foreldrar
Hornbecks opnuðu eftir hvarf hans.
„Hversu lengi hyggist þið halda
áfram að leita sonar ykkar?“ spurði
viðkomandi. Síðar sama dag skrifaði
„Shawn Devlin“ aftur, baðst afsök-
unar á fyrirspurn sinni og spurði svo
hvort hann mætti setja frumsamið
ljóð á vefsíðuna.
Á Netinu fundust líka myndir af
Hornbeck, m.a. á Yahoo, en umrædd-
ur vefari kallaði sig Shawn Devlin og
kvaðst eiga heima í Kirkwood.
Lögreglan eða aðrir, sem hugs-
anlega hefðu getað þekkt Hornbeck,
gripu slíkar vísbendingar hins vegar
aldrei á lofti. Börn í Kirkwood hafa þó
sagt frá því, að þau hafi stundum
gantast um það við Hornbeck að
hann líktist drengnum á myndunum
sem dreift var er honum var rænt.
Átti farsíma
Hornbeck mun ekki hafa gengið í
skóla á meðan hann bjó með Devlin.
Larry og Tony Douglas, ungir ná-
grannar Hornbecks, segjast á hinn
bóginn oft hafa leikið sér á hjóli eða
skautabretti með Hornbeck.
Í september í fyrra hafði lög-
reglumaður afskipti af Hornbeck,
spurði um nafn og fæðingardag eftir
að hann hafði mætt honum úti við
undir miðnætti. Ekkert þótti hins
vegar grunsamlegt við ferðir hans
eða háttalag. Þá mun Rick nokkur
Butler, sem var nágranni Michaels
Devlins, hafa fundið farsíma sl. haust
og hringt í númer sem hann fann í
minni símans. Kom Hornbeck seinna
heim til Butlers og sótti símann.
Ljóst er skv. þessu að Hornbeck
hafði yfrið nóg af tækifærum til að
hafa samband við lögregluna eða
hringja í foreldra sína. Sérfræðingar
segja þetta frelsi hans þó ekki þýða,
að hann hafi ekki verið fangi.
Mál þetta þykir minna á mál Nat-
öschu Kampusch, austurrísku stúlk-
unnar sem í fyrra hitti fjölskyldu sína
á ný eftir átta ára dvöl með mann-
ræningja, Wolfgang Priklopil. Hún
bjó þó ekki eins frjáls og Hornbeck
virðist hafa gert. Hann er sagður hafa
verið farinn að kalla Devlin „pabba“,
heimsótti Mexíkó með „pabba sínum“
og hann mun skv. The Daily Tele-
graph hafa sagt öðrum börnum, að
mamma hans hefði dáið í bílslysi.
Sérfræðingar segja þetta mál til
marks um það að börn umfram allt
búi yfir þeim eiginleika að geta aðlag-
ast aðstæðum á hverjum tíma. „Í
málum sem þessum þá setja mann-
ræningjarnir yfirleitt einhvers konar
reglur, sem þeir segja að fórn-
arlambið þurfi að fylgja til að lifa af,“
hefur Los Angeles Times eftir Terri
Weaver, sálfræðingi við háskólann í
St. Louis. Weaver bendir á að Shawn
hafi aðeins verið 11 ára þegar hann
var tekinn. „Ótti er svo öflug tilfinn-
ing, sérstaklega þegar óttanum fylgja
aðgerðir … þegar fram líða stundir
verður alltaf erfiðara og erfiðara að
hefja upp raustina.“
Hafði næg tækifæri til að flýja
Mál Shawns Hornbecks þykir mikil ráðgáta en honum var rænt í október 2002
AP
Fundinn Shawn Hornbeck var ellefu ára þegar hann hvarf. Vel var tekið á
móti honum í Richwoods í Missouri þegar hann sneri heim um sl. helgi.
ÁRIÐ 1947 kom
hópur kjarnorku-
vísindamanna
saman í Chicago
og útbjó „dóms-
dagsklukku“, sem
átti að gefa til
kynna hversu
nærri heimurinn
stæði andspænis
hyldýpi kjarn-
orkustyrjaldar,
eða „miðnættinu“ í sögu mannkyns.
Nú, fimmtíu árum síðar, hafa
fræðimenn tímaritsins „Bulletin of
the Atomic Scientists“, BAS, í Chic-
ago fært mínútuvísinn fram um tvær
mínútur, eða þangað sem hana vant-
ar fimm mínútur í miðnætti.
Nóbelsverðlaunahafar
í ráðgjafahópi BAS
Ákvörðunin var tekin í samráði við
ráðgjafahóp BAS, sem inniheldur 18
nóbelsverðlaunahafa, auk vísinda-
mannsins Stephen Hawkings, og eru
ástæðurnar sagðar lítill árangur í
baráttunni gegn útbreiðslu kjarna-
vopna og loftslagsbreytingum.
Þessi tvö vandamál eru sögð
skyld, áherslan á að draga úr losun
gróðurhúsalofttegunda og skortur á
öryggi í olíuframboðinu hafa endur-
vakið áhugann fyrir kjarnorku.
Kjarnorkutilraunir N-Kóreu og
úranauðgun Írana hafa sitt að segja,
sem og hryðjuverkaógnin. Þá hefur
hópurinn áhyggjur af getu Rússa til
að tryggja að geislavirk efni, sem
henta í kjarnorkusprengjur, berist
ekki til rangra aðila. Klukkan var
upphaflega sjö mínútur í 12 og hafði
verið stillt þannig frá árinu 2002.
„Dómsdags-
klukkan“
færð fram
Nú hefur vísirinn
verður færður til.
Eftir Baldur Arnarson
baldura@mbl.is
TALSMENN flughersins á Srí
Lanka fullyrtu í gær að hann hefði
gert loftárásir á búðir uppreisnar-
manna úr röðum Tamíl-Tígranna í
bænum Vakarai á austurströnd eyj-
arinnar. Árásirnar komu í kjölfarið á
hörðum bardögum í austurhlutan-
um, en talið er að hátt í 90 hafi beðið
bana í átökum hersins og Tígranna á
þriðjudag. Frásögnum af mannfall-
inu ber ekki saman, sumar heimildir
hermdu að 16 hefðu fallið, aðrar 85.
Bardögum stórskotaliðssveita í
héraðinu Batticaloa á austurströnd-
inni linnti í fyrradag, eftir að sér-
sveitir hersins, STF, tóku yfir búðir
Tígranna í Ampara-héraði.
Talsmenn Frelsishreyfingar Tam-
íla, LTTE, fullyrða að minnst 45 her-
menn stjórnarinnar hafi fallið og 150
særst í bardögunum, sem hafi kostað
15 uppreisnarmenn lífið. Varnar-
málaráðuneytið hafnar þessum töl-
um og segir fjóra hermenn og a.m.k.
30 uppreisnarmenn hafa fallið.
Norðar í bænum Vavuniya skutu
vígamenn sex Tamíla til bana í fyrra-
kvöld, þ. á m. starfsmann góðgerða-
samtaka. Fyrr um daginn höfðu
fimm hermenn og tveir lögreglu-
þjónar látist í jarðsprengjuárásum.
Ásakanir um pyntingarklefa
Fyrr í vikunni sakaði herinn Tígr-
ana um að nota „pyntingarklefa“,
þar sem uppljóstrurum og liðhlaup-
um sé refsað grimmilega, ásakanir
sem komu í kjölfar þess að sérsveitir
töldu sig hafa fundið slíka klefa í
Ampara-héraði. Tígrarnir hafa vísað
þessu á bug og fullyrt að klefarnir
séu notaðir til að hýsa fanga.
Keheliya Rambukwella, talsmað-
ur varnarmálaráðuneytisins, sakaði
jafnframt Tígrana í gær um að fjár-
magna starfsemi sína með ræktun
hamps, sem er notaður í eiturlyfið
marijúana. Rambukwella sagði Tígr-
ana hafa gripið til þessa úrræðis, eft-
ir að þeir gætu ekki lengur beitt veg-
farendur á helsta þjóðvegi
eyjarinnar fjárkúgun, í kjölfar þess
að honum var lokað.
AP
Dauðinn nálægur Hermenn stjórnarinnar virða fyrir sér hálfsmíðaðar
líkkistur í búðum Tígranna í Madurakavi í Ampara-héraði fyrr í vikunni.
Harðir bardagar
á Srí Lanka