Morgunblaðið - 21.01.2007, Blaðsíða 4

4 SUNNUDAGUR 21. JANÚAR 2007 MORGUNBLAÐIÐ
FRÉTTIR
Bílabúð Benna - Vagnhöfða 23
s. 590 2000 - www.benni.isTilboð kr. 9.900.000,-
Nýskráður 10.2004
Sjálfskiptur Tiptronic S, loftkæling, leðurklædd sportsæti, leiðsögukerfi, innbyggður sími,
dökkar rúður, hraðastillir, rafdrifin sæti, nálgunarvörn aftan og framan, lyklalaust aðgengi,
BOSE hljóðkerfi, 20” álfelgur, sóllúga, dráttarbeisli, loftpúðafjöðrun,
6 diska CD, o.m.fl.
Cayenne Turbo - 450 hö.
www.porsche.is/notadir
Eftir Sunnu Ósk Logadóttur
sunna@mbl.is
LÍFEYRISSJÓÐUR verzlunar-
manna (LV) mun héðan í frá hafa
umhverfismál, félagslega ábyrgð og
góða stjórnunarhætti fyrirtækja að
leiðarljósi við mat á fjárfestingar-
kostum hér heima og erlendis. Er
þetta inntak nýrrar hluthafastefnu
sjóðsins sem gerð er í samræmi við
reglur Sameinuðu þjóðanna um
ábyrgar fjárfestingar sem sjóður-
inn varð fyrstur íslenskra stofnana-
fjárfesta aðili að. Í reglunum er
fjallað um hvernig áhersla á um-
hverfisleg og félagsleg málefni auk
góðra stjórnunarhátta fyrirtækja
geti stuðlað að auknum fjárfest-
ingaárangri og hagsmunir fjárfesta
og markmið þjóðfélagsins geti farið
saman.
Með þessar reglur að leiðarljósi
mun LV leitast við að vera virkur
eigandi hlutabréfa og koma ábend-
ingum um rekstur og stefnu fyr-
irtækja sem sjóðurinn er hluthafi í
á framfæri á hluthafafundum og
með beinum samskiptum við
stjórnendur fyrirtækjanna. Á þetta
einkum við um fjárfestingar sjóðs-
ins erlendis. Eftir því sem við verð-
ur komið verður horft til þess hvort
fyrirtækin virði mannréttindi og
eigi ekki aðild að barnaþrælkun. Þá
mun sjóðurinn í vaxandi mæli hafa
til hliðsjónar við fjárfestingar
hvernig fyrirtækin horfa til um-
hverfisþátta við rekstur sinn.
Leggur sitt af mörkum
„Með hluthafastefnunni viljum
við leggja okkar af mörkum við að
koma fram breytingum sem leiða til
hins betra í rekstri fyrirtækjanna,“
segir Þorgeir Eyjólfsson, forstjóri
Lífeyrissjóðs verzlunarmanna.
„Með því að taka þátt í þessu fram-
taki Sameinuðu þjóðanna hyggj-
umst við leggja okkar af mörkum í
alþjóðlegu samstarfi til þess að
bæta viðskiptaumhverfið. Ég er
sannfærður um að ákveðin vakning
sé að eiga sér stað sem komi bæði
fram hjá fjárfestum og fyrirtækj-
unum sjálfum. Það er að koma
meiri þungi í það að allir leggist á
eitt við að bæta stjórnarhætti, tekið
sé meira tillit til umhverfisins og
horft til annarra þátta sem við vilj-
um að séu í heiðri hafðir.“
Horft til mannréttinda
og umhverfismála
Ný hluthafastefna
Lífeyrissjóðs
verzlunarmanna
Í HNOTSKURN
»LV mun hafa til hliðsjónarvið fjárfestingar hvort fyr-
irtæki fari að lögum og
reglum um umhverfismál og
leitist við að draga úr um-
hverfisáhrifum við rekstur.
»Einnig verður lögð áherslaá félagslega ábyrgð og
góða stjórnarhætti.
»Forstjóri LV segir að Ís-land standi mjög fram-
arlega í þessum efnum.
FRAMTÍÐ Háskólans í Reykjavík
er björt og framundan eru spenn-
andi og krefjandi tímar, sagði Guð-
finna S. Bjarnadóttir, fyrrverandi
rektor HR, í ræðu sinni í gær við
útskrift nema frá skólanum, en við
athöfnina tók Svafa Grönfeldt við
starfi rektors við skólann.
Guðfinna rifjaði í ræðu sinni upp
starfsemi HR frá upphafi og sagði
að strax þegar skólinn var settur
árið 1998 (þá Viðskiptaháskólinn í
Reykjavík) hafi umhverfið ein-
kennst af bjartsýni og krafti sem
fylgt hafi skólanum allar götur síð-
an.
Sagði Guðfinna að framtíðarsýn
nýja háskólans hafi verið djörf og
ekki mikið rædd opinberlega, þ.e.
að HR yrði um árið 2020 einn af
þeim litlu, alþjóðlegu háskólum í
heiminum sem allir þekktu fyrir
þrennt, þ.e. framúrskarandi
kennslu, öflugar rannsóknir og
sterk tengsl við atvinnulífið. Leið-
arljósin sem hafi verið með skól-
anum frá fyrstu tíð væru nýsköp-
un, tækniþróun og alþjóðasam-
starf.
Strax í upp-
hafi annars
starfsárs hófst
að sögn Guð-
finnu undirbún-
ingur að nafn-
breytingu
skólans. Þetta
hafi einkum ver-
ið mikilvægt í
ljósi þess að erf-
itt hafði reynst
að fá til liðs við skólann öfluga vís-
indamenn á sviði tölvunarfræði og
efasemdaraddir hafi heyrst um að
skólinn gæti kallast háskóli en
einnig að fræðimenn gátu ekki séð
fyrir sér að birta vísindagreinar í
tölvunarfræði frá Viðskiptahá-
skóla sem hét á ensku Reykjavík
School of Business. Í janúar 2000
var nafni skólans breytt og hlaut
hann nafnið Háskólinn í Reykjavík.
Hvatti Guðfinna útskriftarnem-
endur, sem voru um 260, til að hafa
metnað, þrautseigju og þor til að
takast á við lífið og verkefni þess,
hvort sem vindurinn blési með eða
á móti.
Guðfinna hætt og
Svafa tekin við HR
Guðfinna S.
Bjarnadóttir
Um 260 nemendur skólans útskrifaðir
FRAMKVÆMDASVIÐ Reykjavík-
urborgar hefur auglýst eftir kaup-
tilboðum í Fríkirkjuveg 11, hús sem
Thor Jensen reisti árið 1908 en hefur
undanfarin ár hýst skrifstofur
Íþrótta- og tómstundaráðs Reykja-
víkur. Frestur til að skila inn tilboð-
um rennur út 2. febrúar.
Í auglýsingunni kemur fram að
fasteignin sé tvær hæðir, kjallari og
ris, samtals 1.049 fermetrar að gólf-
fleti. Húsið er úr timbri og er báru-
járnsklætt að utan. Húsið er friðað í
B-flokki. Lóðin sem fylgir húsinu
verður um 903 fermetrar að stærð.
Hver bjóðandi getur aðeins skilað
inn einu tilboði og áskilur borgin sér
rétt til að taka hvaða tilboði sem er
eða hafna öllum. Við val á kaupanda
verður, auk upphæðar tilboðsins,
tekið tillit til framtíðarnotkunar og
sögu hússins.
Nánari upplýsingar er að finna á
vef framkvæmdasviðs Reykjavíkur,
www.reykjavik.is/fs.
Geri tilboð
í Fríkirkju-
veg 11
Eftir Davíð Loga Sigurðsson
avid@mbl.is
VALGERÐUR Sverrisdóttir utan-
ríkisráðherra vill að samráði stjórn-
málaflokkanna um öryggi Íslands,
sem boðað var að yrði komið á í yf-
irlýsingu ríkisstjórnarinnar um ný
verkefni stjórnvalda við brottför
varnarliðsins, verði komið í fastar
skorður sem fyrst. Auk þess sér hún
fyrir sér stofnun rannsóknaseturs á
sviði utanríkis- og öryggismála.
Valgerður ræddi þessi mál í erindi
sem hún flutti í Háskóla Íslands á
fimmtudag um öryggis- og varnarmál
Íslendinga við þær breyttu aðstæður,
sem nú eru uppi eftir brotthvarf
Bandaríkjahers.
Valgerður sagði að samráðsvett-
vangur stjórnmálaflokkanna um ör-
yggi Íslands ætti að geta stuðlað að
frekari miðlun upplýsinga og upp-
byggilegum skoðanaskiptum um
megináherslur í öryggismálum lands-
ins. Jafnframt mætti sjá fyrir sér
stofnun rannsóknaseturs á sviði utan-
ríkis- og öryggismála, sem fjallað
gæti um öryggismál í víðum skilningi,
þ.m.t. þætti á borð við samgöngur,
umhverfisöryggi, fólksflutninga, þró-
unarmál og fleira. Sagði Valgerður að
tengja mætti hinn pólitíska samráðs-
vettvang og það alþjóðastarf sem á
sér stað hér innan veggja Háskóla Ís-
lands og í öðrum háskólum við starf-
semi setursins sem stýrt gæti rann-
sóknum og ráðstefnum til þess að efla
faglega umræðu um öryggis- og varn-
armál innanlands. „Slíkt setur getur
þannig, með dugmikilli forystu, brúað
bil frá akademískri umræðu til
stefnumótunar,“ sagði Valgerður.
„Þátttaka sérfræðinga utanríkisráðu-
neytisins og jafnvel annarra ráðu-
neyta í starfsemi setursins myndi
styðja akademískar rannsóknir og
jafnvel kennslu á þessu sviði. Jafn-
framt myndi sú gerjun hugmynda
sem yrði við tengingu þessara þriggja
heima leiða til hugmyndasköpunar og
frjórri stefnumótunar.“ Valgerður
sagði að í grannríkjum okkar mætti
finna margir ámóta stofnanir sem
leita mætti samstarfs við. Þeim stofn-
unum hafi reynst farsælast að starfa
á sjálfstæðum grundvelli í ákveðinni
fjarlægð frá háskólasamfélagi og
stjórnmálum, en með sterk tengsl við
hvort tveggja.
Stuðla þarf að umræðu
um öryggismál Íslands
Rannsóknasetur brúi bil milli háskóla og stjórnmála
,,Ljósadagur“ í Sólhlíð
Morgunblaðið/G.Rúnar
,,LJÓSADAGUR“ var í leikskólanum Sólhlíð við Engihlíð á föstudag. Börnin brugðu þá á leik í leikgarðinum og
lýstu upp skammdegið með vasaljósum. Margir fagna því að sól er farin að hækka á lofti og birtu nýtur lengur.
LÖGREGLAN á Suðurnesjum telur
að ökumaður sem ók bifreið sinni út
af Móavegi í Njarðvíkum í fyrrinótt
hafi verið ölvaður og hefur það
sjálfsagt ekki hjálpað til við að
halda stjórn á bílnum í vetrarfærð-
inni.
Fjórum sinnum var lögreglan
kölluð að heimahúsum í bænum til
að koma skikki á gleðskap sem hélt
vöku fyrir nágrönnum og þrír öku-
menn voru kærðir fyrir of hraðan
akstur á Reykjanesbraut.
Ók út af ölvaður
í Njarðvíkum
LEIGUBÍLASTÖÐIN BSR hefur
breytt gjaldskrá sinni, startgjaldi
og mælingu á gjaldtöku.
Samkvæmt upplýsingum frá BSR
var startgjaldið lækkað úr 490
krónum í 450 krónur og mun gjald-
mælirinn nú slá á 50 krónum í stað
10 króna áður. Þá hækkar dagtaxti
innanbæjar úr 99,44 krónum í 114
fyrir venjulegan leigubíl en hækkar
úr 119,33 í 139 fyrir stóran bíl.
Hækkun á
taxta hjá BSR