Morgunblaðið - 21.01.2007, Blaðsíða 27

erum, knattspyrnuhúsunum,
sparkvöllunum og öllu því, hefur
undirstaðan batnað og framfarir
orðið miklar. Ég spái því að innan
fárra ára munum við eiga miklu
fleiri unga knattspyrnumenn sem
búa yfir góðri knatttækni og það
ætti að skila okkur fleiri leik-
mönnum hjá bestu liðum álfunnar.
Íslenskir leikmenn eru víðast hvar
vel liðnir og frægir fyrir dugnað
sinn og fagmennsku – þeir þykja
spila með hjartanu. Svona menn
eru draumur þjálfarans og ekki
mun draga úr því ef undirstaðan
batnar.“
Eggert geldur þó varhug við því
að menn fari of ungir í atvinnu-
mennsku. Margir leikmenn hafi
farið bráðungir til Norðurlandanna
og víðar á síðustu árum og sumir
hverjir hreinlega gleymst. „Oft er
þessum strákum lofað gulli og
grænum skógum en ekkert verður
úr. Það eru mikil vonbrigði fyrir
þá. Auðvitað er víða staðið vel að
þessum málum en ég held eigi að
síður að það sé affarasælla fyrir
strákana að spila með sínum liðum
í Landsbankadeildinni og öðlast
þannig mikilvæga reynslu.“
Margir umboðsmenn afætur
Öll viljum við veg okkar manna
sem mestan og styðjum því þessa
útrás íslenska sparkaflsins. En á
móti kemur að þetta er mikil blóð-
taka fyrir Landsbankadeildina.
Sextíu atvinnumenn eru ígildi
fimm og hálfs liðs í henni. Hvorki
meira né minna. „Það er alveg
rétt,“ segir Eggert, „en við búum
bara við sama ástand og allar aðr-
ar þjóðir í Vestur-Evrópu. Það er
eðli góðra leikmanna að leita
blóma í haga. Í staðinn höfum við
fengið marga leikmenn frá at-
vinnusvæðum, þar sem efni eru
minni, ekki síst frá Austur-Evrópu,
sem margir hverjir hafa sett sterk-
an svip á íslenska knattspyrnu og
kennt okkar fólki sitt af hverju.
Svona gengur þetta einfaldlega
fyrir sig.“
Samhliða þessu aukna streymi
leikmanna milli landa hefur skotið
upp kollinum stétt sem Eggert við-
urkennir að vera ekkert alltof hrif-
in af, umboðsmenn. „Auðvitað eru
til góðir og heiðarlegir umboðs-
menn sem bera hag leikmanna og
knattspyrnunnar fyrir brjósti. En
þeir eru alltof fáir. Algengara er
að þessir menn séu afætur á knatt-
spyrnunni og séu að hafa tekjur af
félögum og leikmönnum. Þeir
hugsa bara um eigið skinn. Þessu
hef ég kynnst ennþá betur eftir að
ég kom hingað til Englands.“
Eggert undrast að knattspyrnu-
heimurinn hafi ekki þegar skorið
upp herör gegn óheiðarlegum um-
boðsmönnum og hvetur til þess að
það verði gert hið fyrsta. „Það er
alveg hægt. Það þarf bara að nást
samstaða um það.“
Stoltur af árangri
í mannvirkjamálum
Mannvirkjamál hafa verið í
brennidepli í formannstíð Eggerts
og hann kveðst stoltur yfir þeim
árangri sem náðst hefur á því
sviði. Sex knattspyrnuhús eru nú á
landinu, gervigrasvellir um tuttugu
og sparkvellir um áttatíu. Þá hefur
verið gert mikið átak varðandi að-
stöðu áhorfenda á völlum félag-
anna í kjölfar nýs leyfiskerfis sem
nær ekki aðeins til liða í Lands-
bankadeildinni. Síðast en ekki síst
er sjálfur þjóðarleikvangurinn,
Laugardalsvöllur, óþekkjanlegur
frá því sem var fyrir átján árum.
„Við vorum búnir að heyja mikla
baráttu í langan tíma varðandi
knattspyrnuhús og ég innleiddi
meira að segja sérstaka mann-
virkjanefnd þegar ég tók til starfa
sem formaður KSÍ. Þetta var alltaf
spurningin um að ná fyrsta húsinu
því ég var sannfærður um að þá
kæmu fleiri í kjölfarið enda varð
það raunin. Þessi hús eru algjör
bylting fyrir knattspyrnu á Íslandi
og hafa gert það að verkum að
hægt er að æfa og spila knatt-
spyrnu allt árið um kring. Gervi-
grasvellirnir og sparkvellirnir eru
líka ævintýri sem ég er ákaflega
stoltur af en sú aðstaða hefur gert
fólki út um allt land kleift að iðka
knattspyrnu að vetri sem sumri, á
litlum stöðum sem stórum, og ég
er ekki í vafa um að margir litlir
staðir eru fyrir vikið vænlegri til
búsetu en ella.“
Eggert er mjög ánægður með
nýja ásýnd Laugardalsvallarins.
„KSÍ var lengi búið að berjast fyr-
ir uppbyggingu á Laugardalsvell-
inum enda vorum við að dragast
aftur úr öðrum þjóðum í þessum
efnum. Það var svo í kringum
fimmtíu ára afmæli KSÍ að sam-
bandið tók við rekstri vallarins af
borginni. Þetta var tímamótasamn-
ingur en þá skuldbundum við okk-
ur til að byggja nýju stúkuna og
gera endurbætur á þeirri gömlu.
Þetta samstarf hefur gengið vel og
hnökralaust og varð svo til þess að
gerður var annar samningur varð-
andi uppbyggingu á Laugardals-
velli sem nú er að klárast. Pen-
ingar sem við náðum í erlendis
spila stóra rullu í því verkefni og
gerðu það af verkum að ríkið kom
að þessu líka. Það veitir mér mikla
ánægju að hafa náð að klára þetta
verkefni áður en ég hætti. Laug-
ardalsvöllurinn er öllum til sóma.“
100 m.kr. í mannvirkjasjóð
Enda þótt eigið fé KSÍ hafi tí-
faldast á umliðnum átján árum
segir Eggert það ekkert markmið í
sjálfu sér að sambandið sitji á
digrum sjóðum. Þótt vitaskuld sé
gott að hafa borð fyrir báru í
rekstrinum. „Þessi góða staða
gerði það að verkum að ég gat lagt
fram tillögu á síðasta stjórnarfundi
þess efnis að við myndum leggja
100 m.kr. í svokallaðan mann-
virkjasjóð. Eftir á að móta starfs-
svið sjóðsins en hugsunin er sú að
fá fjármuni frá ríkinu inn í hann.
Tilgangurinn með sjóðnum er að
bæði knattspyrnufélög og sveit-
arfélög geti sótt um styrk til upp-
byggingar mannvirkja á sínum
heimaslóðum. Tillagan var sam-
þykkt einróma.“
Launamál knattspyrnudómara
hafa verið til umfjöllunar upp á
síðkastið en KSÍ tók yfir launa-
kostnað þeirra fyrir nokkrum ár-
um. Eggert segir þetta hafa verið
lið í aukinni fagvæðingu grein-
arinnar og forsendan fyrir þessu
fyrirkomulagi séu greiðslur sem
sambandið fær frá UEFA. Nú séu
launakröfur dómara hins vegar
komnar úr öllu samhengi við þess-
ar greiðslur og þar stendur hníf-
urinn í kúnni. „Vonandi leysist
þetta mál sem fyrst.“
Þrír hafa boðið sig fram til for-
mennsku í KSÍ, Geir Þorsteinsson,
Jafet Ólafsson og Halla Gunn-
arsdóttir. Eggert segir ekki viðeig-
andi að hann taki afstöðu til síns
eftirmanns en fagnar því að kosið
verði um starfið. Það sé hollt fyrir
lýðræðið. „Aðalatriðið er að KSÍ
fái öflugan formann sem vinnur
stöðugt að framgangi knattspyrn-
unnar. Hlutverk formanns er að
vera vakandi fyrir því sem betur
má fara og koma sífellt fram með
nýjar hugmyndir og berjast fyrir
þeim af alefli þar sem á þarf að
halda. Knattspyrnuhreyfingin er
öflugasta hreyfingin í íþróttalífinu
á Íslandi og á að vera það áfram.
Framkvæmdastjóri sambandsins
sér um daglegan rekstur og þann-
ig á það að vera en það er hér eins
og víðar að mikilvægum þáttum í
starfi knattspyrnusambanda, eink-
um varðandi alþjóðastarfið, er
sinnt af formönnum sambandanna
enda eru nær allir formenn knatt-
spyrnusambandanna í Evrópu í
fullu og launuðu starfi sem slíkir.“
Þakklæti efst í huga
Þegar Eggert býr sig undir að
standa upp úr formannsstól er
honum efst í huga þakklæti fyrir
að hafa notið þeirra forréttinda að
vera formaður KSÍ. „Knattspyrnan
hefur átt hug minn og hjarta síðan
ég byrjaði að ganga og það segir
sig sjálft að þetta starf hefur veitt
mér mikla ánægju og fyllingu í
mínu lífi. Átján ár eru langur tími
en mér finnst eins og ég hafi tekið
við þessu hlutverki í gær sem seg-
ir allt sem segja þarf um það hvað
þetta hefur verið skemmtilegt og
viðburðaríkt. Þegar á heildina er
litið er ég mjög stoltur af því sem
hefur áunnist í knattspyrnuhreyf-
ingunni á Íslandi á þessum átján
árum en það hefði aldrei gerst
nema með hjálp alls þess frábæra
samstarfsfólks sem gengið hefur
þennan veg með mér. Margir
stjórnarmenn hafa starfað með
mér allan þennan tíma og lagt nótt
við dag í störfum sínum. Þeim er
ég ákaflega þakklátur. Megi vegur
íslenskrar knattspyrnu verða sem
mestur.“
» Það hefur alltaf verið bjargföst trú mín að ís-
lenska karlalandsliðið nái þeim langþráða
áfanga að komast annað hvort í úrslitakeppni HM
eða EM. Ég hefði ekki verið formaður KSÍ í átján
ár ef ég tryði því ekki innst inni að þessi möguleiki
væri fyrir hendi. Metnaðurinn og framtíðar-
sýnin þurfa alltaf að vera til staðar.
MORGUNBLAÐIÐ SUNNUDAGUR 21. JANÚAR 2007 27
Borgartún 35 • 105 Reykjavík • sími 511 4000 • fax 511 4040 • utflutningsrad@utflutningsrad.is
www.utflutningsrad.is
Útflutningsráð Íslands stendur fyrir dagsnámskeiðið undir heitinu
„Networking for Business Success“ með leiðbeinandanum
Stephanie Peckham frá breska fyrirtækinu Magic of Networking.
Stjórnendur og starfsmenn fyrirtækja sem vilja byggja upp og
viðhalda sterku tengslaneti sínu um allan heim eru sérstaklega
hvattir til þátttöku.
Verð er 24.900 kr. ásamt veitingum. Takmarkaður þátttakendafjöldi.
Skráning fer fram með tölvupósti á utflutningsrad@utflutningsrad.is
eða í síma 511 4000.
Nánari upplýsingar um námskeiðið gefa Hermann Ottósson,
forstöðumaður, hermann@utflutningsrad.is og Inga Hlín Pálsdóttir,
verkefnisstjóri, inga@utflutningsrad.is.
Skipulagt tengslanet
er lykillinn að árangri
þíns fyrirtækis
P
IP
A
R
•
S
ÍA

•
7
0
01
4
Námskeið á Hótel Loftleiðum
fimmtudaginn 25. janúar 2007 kl. 09.00 - 17.00