Morgunblaðið - 04.02.2007, Page 30

söðlað um
30 SUNNUDAGUR 4. FEBRÚAR 2007 MORGUNBLAÐIÐ
H
ann minnist upphafsins
í Neskaupstað með
hlýju: „Það var mjög
gott að alast þar upp,
mikið frjálsræði og
tengsl við atvinnulífið. Við fylgdumst
með skipunum koma og þegar aflan-
um var landað. Ég bjó skammt frá
netagerðinni og þar var hægt að stela
blýi, svo bræddum við það og seldum
aftur á netaverkstæðið!“
– Nálægðin við sjóinn hefur ekki
gert úr þér sjómann?
„Nei. Bæði var ég sjóveikur og svo
heillaði sjórinn mig ekki. Ég fór aldr-
ei á sjó. En ég vann í fiski; bæði í
frystihúsinu og loðnubræðslunni. Svo
kom einhver órói í mann og löngun til
að líta borgarljósin.“
Í Reykjavík settist Tryggvi Þór í
menntaskóla, en kláraði hann ekki,
heldur hélt út á vinnumarkaðinn;
starfaði fyrst við hljóðupptökur í
Stúdíó Mjöt og síðan við klippingar á
fréttum á Stöð 2. Þar vann hann fram
á gamlársdag 1999. „Við hættum þar
sama daginn; ég og Jón Óttar,“ segir
hann og brosir við. Það er stutt í
brosið hjá honum og gamansemin er
aldrei langt undan.
Eftir Stöð 2 settist Tryggvi Þór
aftur á skólabekk; fór í Tækniskólann
og nam iðnrekstrarfræði og í fram-
haldinu í Háskóla Íslands, þar sem
hann tók master í hagfræði. Doktor í
hagfræði varð hann frá Háskólanum í
Árósum 1998.
– Hvernig kom hagfræðin yfir
fréttaklipparann á Stöð 2?
„Þegar ég var að klippa fréttirnar
vaknaði áhugi minn á þjóðmálum og
ég fór að velta fyrir mér þeim vanda-
málum sem ég sá í fréttunum. Lausn-
ina fann ég í hagfræði og vildi reynd-
ar fara beint í hana, en þurfti meiri
undirbúning, þar sem ég var ekki
með stúdentspróf, þess vegna fór ég
þessa krókaleið í gegnum Tækniskól-
ann.“
– Má draga þá ályktun af blýbísn-
issinum á Neskaupstað og hljóð-
upptökuverinu í Reykjavík, að þú
hafir viljað vera sjálfstæður?
„Ég gekk nú reyndar inn í þetta
hljóðver, þegar annar stofnandi þess
hætti. En hitt er það, að ég hef alltaf
átt frekar erfitt uppdráttar með aðra
yfir mér, hef þurft að ráða mér svolít-
ið mikið sjálfur. Það var eitt sem rak
mig áfram til að læra; að verða sjálfs
mín herra.
Reyndar hef ég þurft að svara til
stjórna í störfum mínum, en ég hef
engu að síður ráðið mér nóg til að
svala sjálfstæðisþörfinni.“
– Þú varst náttúrlega með puttann
á púlsinum, þegar þú tókst upp
Bubba Morthens, Skriðjöklana og
Greifana svo dæmi séu nefnd. Fylgist
þú enn með í tónlistinni?
„Við Bubbi unnum mikið saman og
ég fór með honum í einhverjar hljóm-
leikaferðir. Svo tók ég upp margar af
þeim hljómsveitum sem voru heitar á
þessum tíma.
Núna upplifi ég þetta meira í gegn-
um krakkana, en fylgist ekki líkt því
eins vel með og þegar ég var sjálfur á
kafi í músíkbransanum. Ég er líka
dellukarl, sem tekur einn hlut fyrir í
einu, og nú er tónlistin ekki lengur
mitt eina líf og yndi.“
Þægilegt að leggja hagfræð–
inni fyrir utan hesthúsið
– Hvaða dellu ertu með núna?
„Ég er í hestum. Mínar tómstundir
fara margar í helgarútreiðar og
hestaferðir.
Ég á hlut í hesthúsi í Víðidal með
elzta bróður mínum og sá yngri býr á
Gröf í Breiðuvík, þar sem við erum
með 60, 70 hross.“
– Bara stóðbóndi!
„Ég á nú minnst af því,“ segir hann
hæverskur, en það er ljóst að hann er
ánægður með sinn hlut.
– Hvað sækir þú í hestamennsk-
una?
„Það er náttúrlega útiveran. Og
svo fylgir því einhver sálarró að vera
með dýri sem treystir manni. Góður
hestur er hestur sem treystir knap-
anum fullkomlega og það fylgir því
viss fullnægja að ná slíku sambandi.
Svo finnst mér afskaplega gaman
að skoða landið af hestbaki. Og í
hestamennskunni er mikill fé-
lagsskapur.“
– Allt annar heimur en hagfræðin?
„Já. Það er ákaflega þægilegt að
leggja hagfræðinni fyrir utan hest-
húsið!
– Aftur í hljóð og mynd. Veltir þú
fyrir þér upptöku eða klippingu og
hugsar, að þetta hefðu menn getað
gert betur eða öðru vísi?
„Fyrstu árin á eftir var ég oft að
pæla í þessu. En nú er hugurinn kom-
inn svo langt frá, að ég er hættur að
hugsa um þetta. Það er helzt að eitt-
hvað óvænt í bíómynd eða nýtt í tón-
list hristi upp í mér. En ég tek ekki
eftir þessum hlutum dagsdaglega.
Ég hef í mínu starfi átt mikil sam-
skipti við fjölmiðlafólk og hitti þá
stundum gamla vinnufélaga, sem mér
finnst gaman að ræða þessa hluti við.
Þeir geta svo sem kveikt í mér
ennþá. En þeir halda ekki lengur fyr-
ir mér vöku!“
– Fórstu á afmælistónleikana hans
Bubba?
„Nei, reyndar ekki. Ég átti ekki
heimangengt. En ég fer stundum á
tónleika með börnunum.“
– Hagfræðidoktor frá Árósum. Af
hverju Danmörk?
„Ástæðan er Torben Andersen,
sem er einn helzti hagfræðingur
Dana. Okkur varð vel til vina; hann
hefur mikinn áhuga á Íslandi og er
hestamaður. Eitt sinn vorum við að
spjalla og þá sagði hann: Af hverju
kemurðu ekki bara til mín og tekur
doktorinn? Ég hafði verið að velta
Bretlandi fyrir mér, en var kominn
með stóra fjölskyldu og Danmörk
hentaði okkur betur.
Torben reyndist mér vel sem leið-
beinandi og vináttan hefur haldizt;
tvö síðustu árin höfum við farið sam-
an í hestaferðir.“
Tryggvi Þór talar um fjölskylduna.
Eiginkona hans er Sigurveig María
Ingvadóttir og þau eiga fjögur börn á
aldrinum 10–19 ára. Sigurveig María
er frá Eskifirði; næsta bæ við Nes-
kaupstað. Þau eru samt ekki æsku-
ástir að austan. Hann segir að þau
hafi vitað hvort af öðru sem ungling-
ar, en ekki kynnzt fyrr en fullorðin og
þá bæði með hjónaband að baki.
Hagfræðin ekki fullkomin
en hún veitir mörg svör
Að loknu háskólanámi fékk
Tryggvi Þór starf á Hagfræðistofnun
Háskóla Íslands, svo lektorsstöðu við
skólann og varð loks forstöðumaður
Hagfræðistofnunarinnar. Hann segir
að dagarnir hafi oft verið langir, þeg-
ar hann sinnti kennslu og hag-
fræðistofnun hér heima og náminu í
Árósum þess í milli. En sem betur fer
hafi það aðeins verið tvö ár, sem voru
mjög stíf.
– Um hvað fjallaði doktors-
ritgerðin?
„Um hagvaxtarfræði; hinar ýmsu
hliðar hagvaxtar; hvaða áhrif hlutir
eins og menntun, verðbólga, auð-
lindastjórnun og ríkisafskipti geta
haft á hagvöxtinn.“
– Niðurstöður í stuttu máli!
„Stutt svar hvað varðar verðbólg-
una; mikil verðbólga til langs tíma er
slæm fyrir hagvöxtinn. Þess vegna
hafa þjóðir reynt að setja verðbólgu-
markmið til að halda henni í skefjum
og forðast sveiflur.
Um afskipti hins opinbera er það
að segja, að því meira frelsi í efna-
hagsmálum, að einstaklingarnir sjái
um framleiðsluna, þeim mun meiri
hagvöxtur næst fram.
Betri menntun felur í sér meiri
hagvaxtarmöguleika og því betri
stjórn sem menn hafa á nátt-
úruauðlindunum, þeim mun meiri ár-
angri ná þeir gegn almenningsvand-
anum.“
– Hvaða vandi er það?
„Vandi almenninganna felst í því
að ef eignarréttur er ekki skil-
greindur og allir geta sótt í sömu auð-
lindina án takmarkana mun sú auð-
lind að lokum verða ofnýtt og engum
til gagns. Með skynsamlegri stjórnun
má ná fram svokallaðri auðlinda-
rentu, en hún endurspeglast til dæm-
is í þeirri góðu afkomu, sem hefur
verið í sjávarútvegi síðan kvótakerf-
inu var komið á.“
– Hvað varstu að fást við hjá Hag-
fræðistofnun Háskóla Íslands?
„Þar vinna menn fyrst og fremst að
rannsóknum á íslenzku efnahagslífi
og svo grunnrannsóknum.“
– Er hagfræðin alltaf söm við sig?
„Hún er ekki óumbreytanleg, ef þú
átt við það. Í henni eru vissir straum-
ar. Það er alltaf að bætast við þekk-
inguna og vandamálin eru á sífelldri
hreyfingu.
Þegar ég byrjaði fyrir 10 árum var
lausn verðbólguvandans númer eitt,
tvö og þrjú. Nú setja margir spurn-
ingarmerki við verðbólgumarkmiðin
og efast jafnvel um að þau dugi sem
hagstjórnaraðferð. Í fjölbreyttum og
færanlegum heimi dugi ekki lengur
þau ráð, sem dugðu fyrir 15 árum. En
hvaða ráð duga gegn verðbólgunni er
ekki augljóst og að mínu mati brýnt
úrlausnarefni.
Þetta er nefnilega ekki eins og að
byggja brú, þar sem burðarþols-
reikningarnir standa óhaggaðir í 200
ár. Hagstjórnin tekur sífelldum
breytingum og menn verða stöðugt
að læra og finna nýjar aðferðir til
þess að glíma við vandann.“
Praktíserar nú það
sem hann predikaði
Morgunblaðið/ÞÖK
Þjóðmálin Tryggvi Þór Herbertsson fékk áhuga á þjóðmálum þegar hann var að klippa fréttir hjá Stöð 2.
Þegar hljóð og mynd
höfðu verið hans vett-
vangur um árabil söðlaði
hann um og gekk hag-
fræðinni og háskólalífinu á
hönd. Og enn skiptir
Tryggvi Þór Herbertsson
um vettvang, fer frá Há-
skóla Íslands á krossgöt-
um og sezt í forstjórastól
nýs fjárfestingabanka með
starfsvettvang um veröld
víða. Freysteinn Jóhanns-
son talaði við Tryggva Þór
á þessum tímamótum.