Morgunblaðið - 17.02.2007, Side 26

26 LAUGARDAGUR 17. FEBRÚAR 2007 MORGUNBLAÐIÐ
ÁRBORGARSVÆÐIÐ
Akranes | Grundaskóli á Akranesi,
sem er móðurskóli í umferðar-
fræðslu í samvinnu við Umferðar-
stofu, vinnur að verkefni til að efla
umferðarfræðslu í grunnskólum
landsins og stuðla að fækkun um-
ferðarslysa með markvissri fræðslu.
Verkefnið er liður í umferðarörygg-
isásætlun stjórnvalda.
Skólinn fékk á síðasta ári til liðs
við sig þrjá aðra grunnskóla til að
sinna verkefninu. Það eru Brekku-
skóli á Akureyri, Grunnskóli Reyð-
arfjarðar og Flóaskóli í Árnessýslu.
Hlutverk skólanna er að halda nám-
skeið í umferðarfræðslu fyrir grunn-
skólakennara, vera grunnskólum til
ráðgjafar á þessu sviði og loks að efla
námsefnisgerð og stuðla að þróun
náms- og fræðsluvefs um umferðar-
mál.
Hluti af daglegu lífi
Að þessu er meðal annars unnið
með vefnum umferd.is sem er sam-
vinnuverkefni Námsgagnastofnun-
ar, Umferðarstofu og Grundaskóla.
Fram kemur í fréttatilkynningu frá
Ástu Egilsdóttur verkefnisstjóra að
um sé að ræða náms- og fræðsluvef
um umferðarmál sem ætlaður er
grunnskólanemendum, kennurum
og foreldrum. Vefnum er skipt í þrjá
hluta, einn fyrir nemendur 1. til 5.
bekkjar, annar fyrir nemendur 6. til
10. bekkjar og sá þriðji fyrir kennara
og foreldra. Megináhersla er lögð á
samþættingu umferðarfræðslu við
aðrar námsgreinar þar sem umferð-
in er hluti af daglegu lífi nemenda og
snertir öll svið samfélagsins. Verk-
efnin taka mið af þeim raunveruleika
sem nemendur búa við og byggjast á
virkni þeirra, þekkingu og reynslu.
Halda úti vef um
umferðarfræðslu
LANDIÐ
Eftir Gunnar Kristjánsson
Grundarfjörður | Hafnar eru bor-
anir eftir heitu vatni á Berserks-
eyri við Hraunsfjörð á Snæfells-
nesi. Jarðboranir sjá um borunina
fyrir Orkuveitu Reykjavíkur og
nota til hennar borinn Sleipni.
Sleipnir er enginn smásmíði –
300 tonn að þyngd – og þarf 17
flutningabíla til að flytja hann á
milli staða. Borinn getur dýpst
borað 2.400 metra lóðrétt niður.
Að sögn Jakobs Friðrikssonar hjá
Jarðborunum verður hins vegar
beitt stefnuborun á Berserkseyri
og þá getur hámarksdýpt holunnar
orðið 1.700 metrar. Hins vegar er
vonast til að gnægð vatns verði
fundin áður en borholan verður
svo djúp.
Jarðborinn Sleipnir hefur verið
notaður um árabil við borun á há-
hitaholum og kemur vestur frá
borun á Nesjavöllum og þar áður á
Hellisheiði.
Hitaveita fyrir Grundarfjörð
Orkuveita Reykjavíkur keypti
vatnsveitu Grundarfjarðar í sept-
ember 2005 en inni í þeim kaupum
var samningur um lagningu hita-
veitu í Grundarfjörð frá Berserks-
eyri þar sem heitt vatn hafði þá
fundist. Vegurinn yfir Kolgrafar-
fjörð auðveldar lagningu aðveitu-
æðar frá Berserkseyri.
Sumarið 2005 var boruð þar
vinnsluhola niður á 550 metra dýpi
með svokallaðri skáholuborun.
Eftir að sú hola hafði verið dælu-
prófuð um nokkurt skeið og með
hliðsjón af rannsóknum á vatns-
magni og efnisinnihaldi ákvað
Orkuveitan að láta bora nýja
vinnsluholu. Jarðboranir hf. eru að
hefja það verk með Sleipni um
þessar mundir.
Borað eftir vatni
fyrir Grundfirðinga
Morgunblaðið/Gunnar Kristjánsson
Borað á Berserkseyri Jarðborinn Sleipnir við Berserkseyri, Eyrarfjall til
hægri og Klakkur í baksýn. Vatnið verður leitt til Grundarfjarðar.
Jarðborinn Sleipn-
ir tekinn til starfa
á Berserkseyri
Í HNOTSKURN
»Orkuveita Reykjavíkurkeypti vatnsveitu Grund-
arfjarðar og með fylgdi samn-
ingum um að leiða hitaveitu
frá Berserkseyri.
»Rannsóknir á 550 m djúpriholu sem boruð var sum-
arið 2005 leiddu til þess að nú
er hafist handa við borun að
nýju.
Eftir Sigurð Jónsson
Stokkseyri | „Við erum að opna dyr að
heimi álfa og trölla líkt og við gerðum með
Draugasetrinu á sínum tíma. Þetta er bara
byrjunin því við lítum á þetta sem grunn til
að byggja ofan á. Okkur langar að gera álf-
um og tröllum góð skil,“ sagði Benedikt
Guðmundsson, framkvæmdastjóri GTyrf-
ingsson ehf. og einn forsvarsmanna Álfa-,
trölla- og norðurljósasafnsins sem opnað
verður fyrir almenning á morgun, sunnudag,
í Menningarverstöðinni Hólmaröst á Stokks-
eyri.
Safn þetta er í um 1.200 fermetra húsnæði
og verður því með alstærstu söfnum lands-
ins. Sömu hönnuðir og aðilar standa að
Draugasetrinu og þessu nýja safni og líkt og
með Draugasetrið, er höfuðáhersla lögð á að
koma þessum hluta þjóðfræðinnar til skila á
lifandi og áhugaverðan hátt. Óhætt er að
segja að það takist.
Álfakirkja og kynjaskógar
Gestir Álfa-, trölla- og norðurljósasafnsins
Icelandic Wonders koma fyrst inn í mót-
tökurými sem er meira og minna gert úr ís-
lensku grjóti; stuðlabergi, grágrýti og
hrauni sem skapar sérstakt andrúmsloft. Á
hægri hönd seytlar vatn niður klettavegg
sem ýtir undir stemninguna. Því næst halda
gestir inn í helli og koma inn í heim álfa og
huldufólks. Í álfheimum gefst gestum tæki-
færi til þess að sjá álfa við störf. Fossar,
vatn og lækur eru í þessu rými sem og nátt-
úrulegt grjót, hólar og hæðir að ógleymdum
álfhólnum sem gestir horfa niður í til að sjá
álfana við sín daglegu störf. Þar við hliðina
er svo álfakirkja í öllum sínum skrúða.
Tröllaheimurinn tekur síðan við í löngum
og mjóum helli, hlöðnum úr grágrýti. Í enda
hans er stór hellir þar sem tröllin búa og
skessan ásamt afkvæmi sínu. Þarna geta
gestir lagst í flet skessunnar og mátað sig
við hana. Stór pottur á hlóðum er fyrir
miðju og kræsingar krauma í honum. Þeir
sem komast heilir úr hellinum geta séð
stuttmynd um skessuna í hliðarsal við hell-
inn.
Því næst halda gestir inn í skóg þar sem
spenna og ótti liggja í loftinu og enginn veit
í raun hvaða kynjaverur kunna að birtast
þeim á leiðinni.
Úr kynjaskóginum koma gestir inn í norð-
urljósarýmið þar sem frostið er 5-10 gráður
en veður nokkuð stillt. Í þessu 200 fermetra
rými eru stór jökulbrot úr Jökulsárlóni.
Þarna inni er eins konar ísöld og veggir
klakabrynjaðir en möguleiki er á þjóðlegri
hressingu á ísbar sem finna má í einu horn-
inu. Ljósið í myrkrinu eru svo norðurljósin
sem í allri sinni dýrð munu leika á tugfer-
metra sýningartjaldi.
Að endingu er farið út á sama stað og
ferðin hófst og komið í sal þar sem fyr-
irhugað er að bjóða gestum að nálgast fróð-
leik um þjóðtrúna hverju nafni sem hann
nefnist og á hinum ýmsu tungumálum.
Þjóðfræðimiðstöð undirbúin
„Því miður er raunin sú í dag að mikið
verk er óunnið í því sambandi og munu að-
standendur Álfa-, trölla- og norður-
ljósasafnsins ásamt Draugasetrinu fara í
sérstakt átaksverkefni hvað það varðar.
Markmiðið er að koma á laggirnar þjóð-
fræðimiðstöð þar sem nemendur í skólum
landsins munu koma og vinna verkefni
tengdri þjóðfræði okkar. Við viljum með
þessu framtaki skapa einn fjölsóttasta ferða-
mannastað landsins á næstu árum,“ sagði
Benedikt Guðmundsson framkvæmdastjóri
og lagði áherslu á að safnið Icelandic Wond-
ers hefði eingöngu verið byggt upp af ein-
staklingum og til þessa, algjörlega styrkja-
laust.
Hann sagði að safnið yrði rekið í einka-
hlutafélagsformi þar sem það rekstrarform
væri einfalt og skýrt. Hann sagði skýr
ákvæði í samþykktum félagsins um að safnið
yrði ekki rekið í ágóðaskyni en hugsanlegum
hagnaði af starfseminni yrði varið til frekari
uppbyggingar í menningarmálum.
Að sögn Benedikts er mikið lagt upp úr
útsjónarsemi í öllu hönnunarferlinu og vinnu
við uppsetningu til að hafa upplifun eins
sterka og mögulegt er. Fyrir erlenda gesti
verður Draugasetrið markaðssett sem ein
deild í Icelandic Wonders.
Nánari upplýsingar um Draugasetrið má
finna á slóðinni www.draugasetrid.is. Þar
eru einnig upplýsingar um hið nýja Álfa-,
trölla- og norðurljósasafn.
Opna dyr að heimi álfa og trölla
Morgunblaðið/Sigurður Jónsson
Ísjakar og norðurljós Starfsmenn Icelandic Wonders í norðurljósarýminu, Tyrfingur Guð-
mundsson, Benedikt Guðmundsson, Bjarni Magnússon og Hlynur Hjaltason.
Í HNOTSKURN
»Álfum, tröllum og norðurljósum erugerð skil í nýju safni á Stokkseyri,
Icelandic Wonders.
»Þar má sjá álfa við sín daglegu störfí álfhól sem og álfakirkju.
»Gestir geta heimsótt skessuna í hell-inn og lagst í fleti hennar ef þeir
þora.
»Frost er í norðurljósarýminu en veð-ur frekar stillt. Risastórir Ísjakar úr
Jökulsárlóni setja sterkan svip á um-
hverfið.
Álfa-, trölla- og norður-
ljósasafn opnað á
Stokkseyri um helgina
Suðursveit | Haldin verður svo-
nefnd stjörnuhelgi í Þórbergssetri
dagana 24. og 25. febrúar. Dag-
skráin er unnin í samvinnu við
Snævarr Guðmundsson, fjallaleið-
sögumann, náttúruunnanda og ljós-
myndara.
Snævarr setur upp stjörnuver og
þátttakendur fá að fara þar í ferða-
lag um himingeiminn undir leið-
sögn hans, að því er fram kemur í
fréttatilkynningu. Einnig verður
farið í kvöldgöngu ef veður leyfir
og skyggnst um óravíddir geimsins.
Formleg dagskrá hefst kl. 14
laugardaginn 24. febrúar og lýkur
um miðjan dag á sunnudegi.
Snævarr Guðmundsson flytur
fræðsluerindi um norðurljósin
klukkan 11 á sunnudeginum. Dag-
skráin verður tengd bókmenntum
Þórbergs Þórðarsonar með upp-
lifun og lestri úr verkum skáldsins
frá Hala í Suðursveit.
Stjörnur í Þórbergssetri