Morgunblaðið - 25.03.2007, Blaðsíða 6
6 SUNNUDAGUR 25. MARS 2007 MORGUNBLAÐIÐ
FRÉTTIR
Eftir Ómar Friðriksson
omfr@mbl.is
BÆJARYFIRVÖLD í Mosfellsbæ
hafa ákveðið að nöfn gatna í Helga-
fellshverfi í Mosfellsbæ verði sótt til
verka Halldórs Laxness. Verða göt-
urnar nefndar eftir helstu kven-
persónum í verkum nóbelsskáldsins.
Með þessu verði til svipmikil og
falleg götunöfn í hverfinu og fá nöfn-
in viðskeytið gata.
Aðalgöturnar tvær sem mynda
kjarna hverfisins verða síðan nefnd-
ar eftir tveimur skáldsögum Hall-
dórs Laxness og fá þær viðskeytið
–stræti. Þetta eru Gerplustræti og
Vefarastræti.
Skipulags- og byggingarnefnd
Mosfellsbæjar hefur þegar sam-
þykkt tillögu um að göturnar í
Helgafellshverfi verði nefndar eftir
kvenpersónum úr verkum Laxness.
Diljárgata og Sölkugata
Í verkum Laxness er að finna lít-
ríkt safn kvenpersóna sem bera oft
svipmikil og sjaldgæf nöfn.
Dæmi um götunöfn í Helgafells-
hverfi eru Ástu-Sólliljugata, Dilj-
árgata, Snæfríðargata og Sölkugata.
Hannes Sigurgeirsson, fram-
kvæmdastjóri Helgafellsbygginga,
sem stýrir uppbyggingu hverfisins
segir að hugmyndin um að sækja
götunöfnin til verka Halldórs Lax-
ness hafi komið upp í fyrra. Landeig-
endur hafi hrifist af henni og lagt
umtalsverða vinnu í útfærslu hennar
með ráðgjöfum sínum.
„Eins og í öllu skipulagi hverfisins
þá fannst okkur mikilvægt að vanda
vel til verka í þessum efnum og bjóða
upp á áhugaverð götunöfn. Hug-
myndin sjálf, að sækja til verka Hall-
dórs Laxness er að sumu leyti flókin
því auðvitað skiptir öllu máli að gera
þetta vel. Eftir talsverða yfirlegu
kom fram sú hugmynd að nota falleg
kvenmannsnöfn úr verkum skálds-
ins. Auk þess að vera einföld og
smekkleg lausn þá gátum við notað
nöfnin til að mynda einfalt kerfi og
raðað götunum í stafrófsröð, rétt-
sælis kringum miðju hverfisins.
Þannig verður auðvelt fyrir fólk að
rata í Helgafellshverfi.“
Fyrstu lóðir í fjölbýli bygging-
arhæfar í sumar
Útfærslan var unnin af Erni Úlfari
Sævarssyni, íslenskufræðingi, með
aðstoð Halldórs Guðmundssonar,
sem hlaut Íslensku bókmenntaverð-
launin árið 2005 fyrir ævisögu Hall-
dórs Laxness.
Helgafellshverfi í Mosfellsbæ mun
rísa á skjólgóðum og sólríkum stað í
suður- og vesturhlíðum Helgafells.
Reisa á um 1.020 íbúðir á svæðinu,
þar af eru 560 einbýlis- og raðhús og
460 íbúðir í fjölbýli. Framkvæmd-
irnar ganga mjög vel að sögn Hann-
esar. Götunöfn eru þegar komin á
nokkrar götur í hverfinu og bætast
svo við smátt og smátt með uppbygg-
ingu hverfisins. „Framkvæmdir eru
hafnar við vegagerð og fyrstu lóð-
irnar í fjölbýlinu verða bygging-
arhæfar í sumar,“ segir hann. Lóðir
verða svo byggingarhæfar í fyrstu
sérbýlishúsaáföngum í framhaldi af
því í sumar og haust að sögn hans.
„Við reiknum með að hverfið verði
uppbyggt á fjórum til sex árum. Það
ræðst nokkuð af því hvernig mark-
aðurinn lifir og dafnar.“
Mikill áhugi er á íbúðum í hverfinu
og segir Hannes að eftir að auglýst
var að sala væri hafin á lóðum fyrir
fjölbýlishús í hverfinu um seinustu
helgi hafi hann vart undan að svara
fyrirspurnum um sérbýlið. „Svæðið
er líka mjög sérstakt. Það eru ekki
mörg sambærileg svæði í boði á höf-
uðborgarsvæðinu. Þarna er verið að
byggja fremur rúmt og gott hverfi og
fáar íbúðir eru á hvern hektara. Svo
hefur mér alltaf fundist það flott að
hverfið skuli eiga sitt eigið fjall. Það
eru ekki mörg hverfi sem geta státað
sig af því.“
Götur hverfisins nefndar eftir
kvenpersónum Halldórs Laxness
Morgunblaðið/Sverrir
Minnisstæð nöfn. Götunöfnin mynda einfalt kerfi. Verður þeim raðað í stafrófsröð, réttsælis kringum miðju Helgafellshverfisins. Þannig verður auðvelt
fyrir fólk að rata í því. Aðalgötur hverfisins verða nefndar eftir tveimur af þekktum skáldsögum Laxness, Gerplustræti og Vefarastræti.
Morgunblaðið/Sverrir
Kunnar konur Götuheitin í Helgafellshverfi í Mosfellsbæ verða sótt í sögur
Halldórs Laxness og er verið að ganga frá fyrstu skiltunum.
Í HNOTSKURN
»Skipulags- og bygging-arnefnd Mosfellsbæjar
hefur samþykkt tillögu um að
nöfn gatna í Helgafellshverfi
verði sótt til verka Laxness.
»Helgafellshverfi rís í suð-ur- og vesturhlíðum
Helgafells og verða reistar
þar um 1.020 íbúðir, 560 ein-
býlis- og raðhús og 460 íbúðir í
fjölbýli.
»Útfærsla hugmyndarinnarum nöfn gatnanna var
unnin af Erni Úlfari Sævars-
syni íslenskufræðingi.
Götum í Helgafells-
hverfi í Mosfellsbæ
verða gefin nöfn eftir
kvenpersónum úr verk-
um Halldórs Laxness.
Aðalgöturnar bera svo
nöfn skáldverka hans.
Ásta Sóllilja: Fósturdóttir Bjarts í Sumarhúsum í
Sjálfstæðu fólki (1934-1935) og önnur aðalpersóna
þeirrar bókar.
Bergrún: Dóttir Íslands-Bersa, aðalpersónu skáld-
sögunnar Guðsgjafaþulu (1972).
Diljá: Aðalkvenpersóna Vefarans mikla frá Kasmír
(1927), stúlkan sem Steinn Elliði verður ástfanginn af.
Guðrún: Vinnukona í Mosfellssveit, sú sem Sagan af
brauðinu dýra er sögð af í Innansveitarkroniku
(1970).
Hulda: Stúlkan í fyrstu skáldsögu Halldórs, Barni
náttúrunnar (1919), sem hafði undirtitilinn “ást-
arsaga.
Jarþrúður: Konan sem Ólafur Kárason býr með um
skeið í Heimsljósi (1937-1940).
Jófríður: Móðir Steins Elliða, aðalpersónu Vefarans
mikla frá Kasmír (1927).
Lilja: Litla stúlkan í samnefndri smásögu sem um
tíma vingast við gamlan mann sem sögumaður kallar
Nebúkadnesar Nebúkadnesarson (sagan birtist í safn-
inu Fótatak manna 1933).
Lóa: Unga stúlkan sem ætlar að leita frægðar og
frama í leikritinu Silfurtúnglið (1954).
Snæfríður: Aðalkvenpersóna Íslandsklukkunnar
(1943-46) sem kölluð var Snæfríður Íslandssól.
Salka Valka: Aðalpersónan í skáldsögunni Sölku
Völku (1931-1932).
Vegmey: Vegmey Hansdóttir er um tíma ástkona
Ólafs Kárasonar, Ljósvíkingsins, aðalpersónu Heims-
ljóss (1937-1940).
Ugla: Norðanstúlkan sem flyst til Reykjavíkur, að-
alsöguhetja Atómstöðvarinnar (1950).
Kvenpersónur í Helgafellshverfi
Eftir Elvu Björk Sverrisdóttur
elva@mbl.is
FULLTRÚAR allra stjórnmálaflokka sátu í
síðustu viku fræðslunámskeið sem Alþjóða-
hús stóð að. Að sögn Einars Skúlasonar,
framkvæmdastjóra Alþjóðahúss, var mark-
mið námskeiðsins einkum að koma í veg fyr-
ir að rangar upplýsingar um innflytjenda-
mál færu í umræðuna. Þá var skorað á
stjórnmálamennina að setja sig í spor inn-
flytjenda hér á landi.
Einar segir að oft komi fram rangar full-
yrðingar um innflytjendamál, meðal annars
á Alþingi. „Við vorum bæði að koma með
tölulegar upplýsingar og reyna að varpa
ljósi á þróunina eins og hún hefur verið síð-
ustu ár,“ segir Einar og vísar til fjölgunar
innflytjenda hér á landi. Sú fjölgun eigi sér
stað í bylgjum og fylgi sveiflum í atvinnulíf-
inu.
„Það fjölgaði mikið á árunum 1997–2000
og stóð svo í stað frá 2001–2004 en þá fór að
fjölga aftur,“ segir Einar. Koma þurfi í veg
fyrir þann misskilning að hingað sé stjórn-
laus straumur fólks sem viti ekkert hvað
það ætli sér að gera á Íslandi.
Flestir komnir með vinnu
Langflestir sem til landsins komi séu þeg-
ar komnir með vinnu og allir þurfi að fá
leyfi. Þá geti fólk ekki gengið strax að kerf-
inu vísu, líkt og sumir virðist telja. „Það eru
bara Norðurlandabúar sem fá slíkan rétt frá
fyrsta degi,“ bendir Einar á.
Hann segir að námskeiðið hafi einnig fal-
ist í því að fá stjórnmálamennina til þess að
setja sig í spor innflytjenda og átta sig á því
sem fólk mætir þegar það kemur inn í nýtt
samfélag.
Einar telur að stjórnmálafólkið hafi lært
af námskeiðinu. „Hjá öllum flokkunum var
margt nýtt sem kom fram sem kom fólki á
óvart, alls staðar einhvers konar misskiln-
ingur á ferðinni. Ég held að allir hafi lært
eitthvað,“ segir Einar. Alþjóðahús hafi hvatt
flokkana til þess að hafa samband þangað ef
þá vanti upplýsingar í aðdraganda þingkosn-
inganna. Búast megi við því að innflytjenda-
mál verði í hópi fimm til sex stærstu mál-
anna fyrir kosningarnar.
Stjórnmálamenn fræddir um innflytjendamál
Fjölmenning Þjóðahátíð í Perlunni.