Morgunblaðið - 25.03.2007, Blaðsíða 69
MORGUNBLAÐIÐ SUNNUDAGUR 25. MARS 2007 69
Í
eina tíð álitu menn
fuglana búna guðlegu
eðli. Þeir gátu flogið, að
því er virtist áreynslu-
laust, svifið vængjum
þöndum um loftin og þannig
komist nær ríkinu þar sem al-
heimsskaparinn bjó. Þetta var
löngu fyrir tíma Heilagrar ritn-
ingar og tíðkaðist meðal hinna
ýmsu þjóða og flokka. Og þessi
trú hélst áfram lifandi og barst
víðar, í fyllingu tímans meira að
segja inn í heim gyðingdóms og
síðar kristni.
Sumir þeirra fengu ákveðið
hlutverk í táknfræði fornkirkj-
unnar. Af þeim er dúfan líklega
þekktust, táknaði m.a. heilagan
anda. Haninn var á líkan hátt
tákn árvekninnar. Pelíkaninn
táknaði Krist og fórnardauða
hans. Spörfuglinn táknaði hinn
auðmjúka, smælingjann, undir
vernd Drottins. Storkurinn tákn-
aði hyggindi, trúfesti og guð-
rækni. Svala táknaði gleði og ör-
yggi trúarinnar. Og fleiri voru
þeir.
Úr heimi kirkjunnar er annars
víðfrægust sagan af Frans (1182–
1226), sem kenndur er við borg-
ina Assisi á Ítalíu. Einhverju
sinni var hann nýlagður af stað í
prédikunarferð og sá þá fugla-
hópa meðfram veginum. Þetta á
að hafa verið í Bevagnahéraði. Í
bókinni Heilagur Frans frá Ass-
isi, eftir Friðrik J. Rafnar, segir
um þetta atvik: „Gekk hann síðan
út á mörkina til fuglanna og tók
að tala til þeirra en fuglarnir,
sem í trjánum sátu, flugu niður
til hans og settust fast hjá hon-
um. Talaði Frans síðan lengi til
þeirra um gæsku Skaparans sem
allt gæfi þeim og sæi fyrir þörf-
um þeirra og bað þá að minnast
þess með þakklæti. Þegar hann
hafði lokið ræðu sinni, gerði hann
krossmark yfir fuglunum og þá
sungu þeir og böðuðu vængj-
unum og flugu síðan fagnandi
burtu.“
Snemma tóku menn að leita
skýringa á hinum ólíku mynstr-
um á búki fuglanna og um það
urðu í aldanna rás til margar
sagnir. Oft réð litur hamsins
(búningurinn) einnig miklu til
um, hvaða „dóm“ þeir fengu.
Þegar mér varð litið út um
gluggann á heimili mínu einn
morguninn í síðustu viku, blasti
við mér óvenjuleg sjón, gestur
langt að kominn. Þetta var gló-
brystingur, hafði eflaust lent í
slagtogi með einhverjum farfugl-
um, sem nú eru að tínast norður
til landsins. Varpheimkynni hans
eru meginland Evrópu, allt til
Vestur-Síberíu, Norður-Afríku
og í suðaustri að Kákas-
ussvæðinu.
En það var sumsé óvænt
ánægja að rekast á hann þarna
nyrst á Tröllaskaga. Slíkt gerist
ekki á hverjum degi.
Í raun og veru ætti ég að kalla
þetta himnasendingu, því ég var
ekki enn kominn að niðurstöðu
um hvað ég myndi skrifa í þenn-
an dálk og var beinlínis að kom-
ast í þrot, eins og stundum ger-
ist, datt fátt í hug og tíminn að
renna út. Ég er búinn að rita hér
eitt og annað vikulega í tæp sex
ár, og finn mig oft uppiskroppa
með nýtt, boðlegt efni af þeim
sökum.
En þá stóð hann bísperrtur
fyrir utan, útlendi þrösturinn,
nartandi í gamlan, hálffrosinn
ávöxt sem lá á jörðunni, og engu
var líkara en að hann væri að
benda mér á að gera sig að mið-
deplinum að þessu sinni. Og innri
rödd hvíslaði að mér jafnframt,
að einmitt það skyldi ég að gera.
Um þennan litla fugl eru nefni-
lega til ótalmargar, kristilegar
sögur og hefur rauðgula brjóstið
orðið kveikjan að einhverjum
þeirra. Hér er örlítið sýnishorn.
Áður fyrr var hann t.d. allt
öðruvísi í útliti, já, albrúnn um og
yfir og næsta einkennalaus. En í
fjárhúsinu í Betlehem urðu um-
skiptin. Eldurinn var að slokkna,
en almættið sendi þá glóbrysting
til að blása í hann lífi með
vængjaslætti sínum. Það tókst,
en hann fór of nærri og ber þess
ávallt merki.
Í annarri útgáfu er hann þar
sofandi, en hrekkur við þegar
englakórinn tekur að syngja. Það
er eins gott, því nú sér hann að
eldstæði hirðanna er að kólna,
logarnir að deyja, og framhaldið
er á sömu leið.
Aðrir segja, að þegar Jesús
hafi verið að rogast með þungan
krossinn á bakinu upp á Golgata-
hæð hafi litli vinurinn reynt að
plokka þyrni úr enni hans, og við
það særst með fyrrgreindum af-
leiðingum.
Enn aðrir fullyrða, að þar sem
meistarinn kvaldist hafi tveir
fuglar verið nærri. Annar var
skjór, þá allur prýddur regnbog-
ans tónum og ekki ósvipaður pá-
fugli um stélið, en í drambsemi
og yfirlæti vegna eigin ágætis og
fegurðar tók hann að skopast að
frelsaranum, í stað þess að lið-
sinna. Hinn var snautlegur á að
líta, en vorkenndi brotamann-
inum sem þarna hékk og fór að
strjúka burt tár hans og ná
stingandi fleinunum úr holdinu.
Við það snertu blóðdropar úr
lausnaranum fjaðrir hans. „Bless-
aður sértu, þú hjálpari minn og
þátttakandi í pínu minni,“ sagði
Kristur. „Hvert sem þú ferð eft-
irleiðis skal gleðin vera með í för,
egg þín vera eins blá og himinn-
inn, og upp frá þessu muntu kall-
aður verða Fugl Guðs.“
En að skjónum mælti hann:
„En þig fordæmi ég hins vegar.
Ekki skaltu lengur njóta hinna
glæsilegu klæða, og tilvist þín
héðan í frá öll vera köld og hörð.“
Og þetta gekk eftir. Núna er
hann svartur og hvítur. Og fyr-
irlitinn.
En hinn trausti og mildi og
lengstum óásjálegi vermir hjörtu
allra.
Og dymbilvika og atburðir
hennar innan seilingar.
Tilviljun?
Fugl Guðs
sigurdur.aegisson@kirkjan.is
Því verður aldrei neit-
að, að vegir Guðs eru
órannsakanlegir. Um
það eru svo mörg
dæmin, lítil og stærri,
gömul og nýrri. Sig-
urður Ægisson fékk
að kynnast því um
miðja nýliðna viku, og
greinir frá því í pistli
sínum í dag.
Óska eftir
Reiðhjól óskast
26” reiðhjól með fótbremsu óskast.
Upplýsingar í síma 898 3443.
Frímerki - Mynt - Seðlar:
Uppboðsaðili ,,Nesfrim”kaupi frí-
merki, umslög, mynt, seðla, póstkort,
minnispeninga, orður, gömul skjöl og
margt fleira. Staðgreiðsla strax. Opið
daglega Mán. - Fim. 10:30 - 15:00 að
Austurströnd 8, Seltjarnarnesi, sími
694 5871 og 561 5871.
Þrjár chihuahua systur. Þriggja
mánaða húsvanir hvolpar til sölu. Eru
sprautaðir og heilsufarsbók fylgir.
Upplýsingar í síma 552 8006 og
848 5343.
Dýrahald
Mótorhjól
1 Honda Shadow ACE 750cc til
sölu. 690 þús. Honda Shadow ACE
750cc 2003, mikið af aukahlutum,
svörtum pípum, Hypercharger og for-
ward controle, fullt af krómi. Stór-
glæsilegt hjól. V. 690 þ. Uppl. Binni
695 0007.
Hjólhýsi
Hjólhýsi beint frá Þýskalandi.
Getum útvegað allar stærðir og
gerðir af húsbílum. Upplýsingar hus-
bilar@visir.is eða 517 9350.
Þjónustuauglýsingar 5691100
Smáauglýsingar 5691100
FRÉTTIR HUGVEKJA
Pera vikunnar:
Við erum fimm í fjölskyldunni,
mamma, pabbi, bróðir minn, systir
mín og ég.
Nöfnin okkar í stafrófsröð eru: Ás-
laug, Helga, Karl, María og Teitur.
Karl er yngri en ég. Ég er eldri en
Áslaug. Helga er eldri en María.
Hver er ég?
(A) Áslaug (B) Helga (C)
Karl (D) (María) (E) Teitur
Síðasti skiladagur fyrir réttar
lausnir er kl. 12 mánudaginn 16. apr-
íl. Lausnir þarf að senda á vef skól-
ans, www.digranesskoli.kopavogur-
.is en athugið að þessi Pera verður
ekki virk þar fyrr en eftir hádegi
hinn 26. mars. Þessi þraut birtist á
vefnum fyrir kl. 16 sama dag ásamt
lausn síðustu þrautar og nöfnum
vinningshafanna.
Stærðfræði-
þraut Digranes-
skóla og Morg-
unblaðsins
KIWANISKLÚBBURINN Elliði
heimsótti nýlega Barna- og ung-
lingageðdeild Landspítalans
(BUGL) og færði henni að gjöf ýmis
afþreyingartæki að verðmæti um
300.000 krónur. „Elliði hefur í
hyggju að styðja BUGL áfram og
vonar að fleiri finni hjá sér þörf til
að gera slíkt hið sama,“ segir í til-
kynningu frá Elliða.
Á myndinni eru f.h. Hulda Jóns-
dóttir, Ingveldur Þorleifsdóttir,
Bragi G. Bjarnason, styrktarnefnd
Elliða, Grétar Hannesson, formað-
ur styrktarnefndar, Sigmundur
Smári Stefánsson, forseti Elliða,
Vilborg G. Guðnadóttir, for-
stöðukona BUGL, og Ragnar Eng-
ilbertsson, gjaldkeri Elliða.
Elliði færði
BUGL gjafir
NÝTT og glæsilegt hesthús hefur
verið vígt og tekið í notkun á Hólum í
Hjaltadal. Um er að ræða eitt
stærsta hesthús hérlendis undir einu
þaki, en gólfflötur þess er um 3.350
ferm. Vígslan fór fram í tengslum við
háskólahátíð að Hólum sem landbún-
aðarráðherra Guðni Ágústsson boð-
aði til á föstudag. Tilefni þessarar
samkomu var setning laga um Hóla-
skóla – Háskólann á Hólum, en þau
lög taka gildi hinn 1. júlí á þessu ári.
Fyrirtækið Hesthólar ehf. reisti
húsið og er eigandi þess en leigir
Hólaskóla til afnota. Í húsinu eru um
200 stíur fyrir hesta, auk allrar að-
stöðu og 800 ferm. reið- og kennslu-
vallar í suðurenda hússins.
Við vígsluna kom fram að þessi
nýju húsakynni væru mikill fengur
fyrir skólann og alla starfsemi hans
og gæfu möguleika á að fjölga nem-
endum í hrossaræktardeild til muna,
en á undanförnum árum hefur orðið
að vísa nemendum frá skólanum
vegna aðstöðuleysis.
Að mati skólayfirvalda mun þessi
aðstaða gera kleift að vera með um
100 nemendur árið 2010.
Við athöfnina stiklaði Guðni
Ágústsson á stóru í sögu Hóla sem
skóla- og menningarseturs. Sigurjón
R. Rafnsson fyrir hönd Hesthóla ehf.
sagði frá húsinu, Árni M. Mathiesen
fjármálaráðherra sagði frá því að
sinn draumur væri að næsta skref í
uppbyggingu Hólastaðar væri að þar
risi menningarhús og hét á góða
menn vonum sínum til framdráttar.
Þá var undirritaður leigusamningur
um húsið, en það gerðu Guðni
Ágústsson, Árni Mathiesen, Skúli
Skúlason, rektor Hólaskóla, og Sig-
urjón R. Rafnsson, f.h. Hesthóla.
Einnig tóku til máls Einar Einars-
son fyrir hönd Sveitarfélagsins
Skagafjarðar, Sigfús Helgason frá
Landssambandi hestamanna, Ágúst
Sigurðsson, rektor Landbúnaðarhá-
skóla Íslands, Skúli Skúlason og Þór-
ólfur Gíslason kaupfélagsstjóri.
Þá blessaði herra Jón Aðalsteinn
Baldvinsson vígslubiskup. Bygging-
artími hússins var níu mánuðir og
kostnaður áætlaður 250–300 milljón-
ir. Aðalverktaki var byggingafyrir-
tækið Friðrik Jónsson ehf. og auk
þess komu margir smærri verktakar
að þessari glæsibyggingu.
Morgunblaðið/Björn Björnsson
Samningur Ólafur Sigmarsson, Skúli Skúlason, Guðni Ágústsson og Árni
M. Mathiesen undirrita leigusamninginn. Fyrir aftan er Pétur Friðjónsson.
Um 3.350 m2
hesthús á
Hólum