Morgunblaðið - 25.03.2007, Blaðsíða 76
Sagan segir að dags-
skammturinn hafi ver-
ið um átta grömm af kókaíni
á dag. … 84
»
reykjavíkreykjavík
„ÉG leik náttúrlega skíthæl,“ segir
Erpur um hlutverk sitt í kvikmynd-
inni Stóra planið sem frumsýnd
verður eftir tæpt ár. Á heimasíðu
myndarinnar segir að hún fjalli um
listrænan handrukkara sem
ákveður að láta drauma sína rætast
með hjálp Kínverja í höfðinu á sér.
„Þetta verður mjög skemmtileg
mynd enda er þetta allt mjög fyndið
og pælingin á bak við söguna er
mjög sniðug,“ segir Erpur en leik-
stjóri myndarinnar er Ólafur Jó-
hannesson sem hefur áður gert
myndir á borð við Africa United og
Blindsker, heimildarmyndina um
Bubba Morthens.
Stóra planið er gamanmynd sem
byggð er á bókinni Við fótskör
meistarans eftir Þorvald Þor-
steinsson en myndin fjallar um Dav-
íð, undarlegan náunga sem Pétur
Jóhann Sigfússon leikur.
Skilar ekki skattskýrslum
Erpur segist ekki hafa getað
hafnað boði um að leika í myndinni.
„Mér finnst þetta bara svo
skemmtilegt handrit. Ég hef alveg
fengið skemmtileg handrit í gegnum
tíðina þótt þau hafi ekki öll hentað.
En þetta er fyndið og skemmtilegt
og hlutverkið er passlegt,“ segir
Erpur og ítrekar að karakterinn
sem hann leikur sé ekkert sér-
staklega viðkunnanlegur. „Hann
heitir Elvar og skilar ekki skatt-
skýrslum enda er hann glæpamað-
ur.“
Þótt Erpur sé trúlega þekktari
sem tónlistarmaður en leikari segist
hann þó ekki vera neinn nýgræð-
ingur á því sviði. „Ég hef náttúrlega
leikið í stuttmyndum og var alltaf að
gera stuttmyndir þegar ég var
yngri.
Ég, Eyjó bróðir minn og Grímur
Hákonarson gerðum mikið af stutt-
myndum saman og unnum verðlaun
fyrir þær þegar við vorum ungling-
ar. Við vorum að gera þetta fram
eftir aldri en svo fór ég að gera ann-
að á meðan þeir héldu áfram að
gera myndir,“ segir Erpur, en hann
lék þó Johnny National í Íslenskri
kjötsúpu, þáttum sem sýndir voru á
Skjá einum í árdaga stöðvarinnar.
12.000 þættir
Á meðal annarra leikara í Stóra
planinu má nefna Eggert Þorleifs-
son, Ilmi Kristjánsdóttur, Jóhann G.
Jóhannsson, Halldóru Geirharðs-
dóttur, Jón Gnarr, Sigurjón Kjart-
ansson, Þorstein Guðmundsson, auk
bandaríska leikarans Michael Im-
perioli sem er hvað þekktastur fyrir
hlutverk sitt sem Christopher Molt-
isanti í þáttunum um Sopranos-
fjölskylduna. Aðspurður segir Erp-
ur frábært að fá að vinna með þessu
fólki. „Þetta er allt topplið sem kem-
ur að þessu og það er gaman að sjá
hvað er mikið af alvöruliði í þessu
verkefni,“ segir hann en tökur á
myndinni hefjast í maí og stefnt er
að frumsýningu í febrúar á næsta
ári.
Þessa dagana hefur Erpur hins
vegar lítinn tíma til að hugsa um
kvikmyndaleik því skólinn á hug
hans allan. „Ég er að útskrifast úr
Margmiðlunarskólanum í maí. Út-
skriftarverkefnið mitt er 12.000
þátta sería. Þótt ég ætli bara að
gera einn þátt ætla ég að sýna
hvernig þáttaröðin væri ef hún yrði
gerð í alvörunni,“ segir Erpur og út-
skýrir að um sápuóperu sé að ræða,
þær nái alltaf upp í 12.000 þætti.
Þrátt fyrir annríkið er tónlistin
aldrei langt undan og segist Erpur
hafa verið duglegur að spila að und-
anförnu. „Bæði er ég að spila sóló-
dót og svo er Rottweiler alltaf að
spila, við erum búnir að taka mikið
af þessum menntaskólaböllum. Svo
er ég alltaf eitthvað að DJ-ast,“ seg-
ir Erpur sem veit þó ekki hvenær
hann ætlar að senda frá sér nýtt
efni. „Ég er á fullu í skólanum þann-
ig að ég er ekki að semja á fullu. Ég
er náttúrlega alltaf að skrifa og að
gera eitthvað en ég hef ekki enn
getað sest niður. En ég fæ vonandi
tækifæri til þess um leið og ég klára
skólann.“
Morgunblaðið/Ásdís
ERPUR
ERPUR EYVINDARSON HEFUR KOMIÐ VÍÐA VIÐ,
RAPPAÐ MEÐ ROTTWEILER-HUNDUM OG HÆSTU
HENDINNI, SÉÐ UM SJÓNVARPSÞÆTTI OG GENG-
IÐ UNDIR NÖFNUM Á BORÐ VIÐ BLAZROCA OG
JOHNNY NATIONAL. NÚ ER HANN HINS VEGAR
AÐ FARA AÐ LEIKA Í KVIKMYND OG AÐ KLÁRA
SKÓLA. JÓHANN BJARNI KOLBEINSSON RÆDDI
VIÐ HANN UM ALLT ÞETTA – OG FLEIRA.
Samlestrar Erpur og aðrir leikarar á fyrstu æfingu fyrir Stóra planið.
www.poppoli.com