Morgunblaðið - 28.03.2007, Blaðsíða 6
6 MIÐVIKUDAGUR 28. MARS 2007 MORGUNBLAÐIÐ
FRÉTTIR
GUNNAR Hannes
Biering barnalæknir
andaðist á Landspít-
ala – háskólasjúkra-
húsi aðfaranótt 27.
mars sl., 81 árs að
aldri. Gunnar var
fæddur í Reykjavík
30. desember 1926,
sonur Henriks C.J.
Biering kaupmanns og
konu hans Olgu Astrid
Hansen.
Gunnar lauk stúd-
entsprófi frá Mennta-
skólanum í Reykjavík
1946. Sama ár hóf
hann nám í læknisfræði við Há-
skóla Íslands og lauk því 1953.
Hann fór til framhaldsnáms í
Bandaríkjunum, stundaði sérnám í
barnalækningum við Háskólann í
Minnesota og útskrifaðist vorið
1958. Gunnar hóf störf við barna-
deild Hringsins um sumarið og
starfaði þar til 1961 er hann varð
barnalæknir fæðingardeildar
Landspítalans. Gunn-
ar vann að uppbygg-
ingu vökudeildar
Barnaspítala Hrings-
ins og var síðan yf-
irlæknir hennar til
starfsloka 1996. Hann
var dósent í barna-
lækningum við Há-
skóla Íslands í 15 ár
og kenndi einnig við
hjúkrunarskólann og
ljósmæðraskólann. Að
loknum læknisferli
fór Gunnar í Leið-
söguskóla Íslands og
lauk honum 1997.
Hann starfaði við leiðsögn og far-
arstjórn til 2006.
Gunnar var tvígiftur. Fyrri kona
hans var Kristjana Edda Ólafs-
dóttir hjúkrunarkona, sem andað-
ist 1957. Síðari kona Gunnars var
Herdís Jónsdóttir hjúkrunarkona
sem andaðist 1996. Gunnar eign-
aðist sína dótturina í hvoru hjóna-
bandi og lifa þær báðar föður sinn.
Andlát
Gunnar Biering
Eftir Örlyg Stein Sigurjónsson
orsi@mbl.is
VIÐVARANDI hætta er á óhöppum og slysum á
Laugarvatnsvöllum, á leiðinni milli Laugarvatns og
Þingvalla um Gjábakkaveg, að sögn Valtýs Valtýs-
sonar, sveitarstjóra Bláskógabyggðar. Nauðsyn-
legt er að leggja nýjan uppbyggðan veg, sam-
kvæmt áætlun Vegagerðarinnar. Enn eitt óhappið
varð á mánudag þegar jeppamenn lentu í
krapa við Laugarvatnsvelli og var bjargað eftir
drjúga bið á bílþakinu. Á svæðinu getur myndast
hálfgert stöðuvatn í leysingum og er vegurinn því
lokaður þegar þannig er ástatt. Samt hafa menn
freistast til að aka veginn.
Bláskógabyggð hefur lagt mikla áherslu á að nýr
Gjábakkavegur verði lagður enda sé núverandi
vegur sumarvegur og lélegt farsímasamband þar.
Veitt hefur verið fé til lagningar nýs vegar en málið
er í biðstöðu vegna umfjöllunar umhverfisráðu-
neytisins um kæru Péturs M. Jónassonar vatna-
líffræðings á fyrirhugaðri framkvæmd. Bláskóga-
byggð átti von á niðurstöðu ráðuneytisins um
síðustu mánaðamót en ekkert hefur enn frést af
málinu, að sögn Valtýs.
„Okkur er farið að lengja eftir niðurstöðu í mál-
inu, svo vægt sé til orða tekið,“ bendir hann á.
„Samkvæmt lögum ætti úrskurðurinn að liggja fyr-
ir, en hann er ekki kominn enn.“
Valtýr segist ítrekað hafa bent á það í gegnum
árin að núverandi Gjábakkavegur gegni engu hlut-
verki sem samgönguæð innan sveitarfélagsins.
„Hættan á óhöppum í leysingum á þessum stað er
fyrir hendi á hverju einasta ári og menn geta rétt
ímyndað sér hvort okkur dettur í hug að aka skóla-
börnum um þennan veg. Þess í stað er valin mun
lengri leið þannig að útkoman er skólaakstur upp á
á annað hundrað kílómetra daglega. Þess vegna er
nauðsyn á nýjum Gjábakkavegi sem er bæði styttri
og öruggari allt árið um kring og ég bendi á að það
er ábyrgðarhluti að leggjast gegn slíkum áformum
með kærum til yfirvalda.“
Pétur M. Jónasson, vatnalíffræðingur og sér-
fræðingur í lífríki Þingvallavatns, hefur varað mjög
við áformum um uppbyggingu Gjábakkavegar og
bendir á að aukin mengun af völdum niturs (köfn-
unarefnis) í Þingvallavatni af völdum umferðar um
Gjábakkaveg og einnig um þjóðgarðinn, geti gert
vatnið grænt og gruggugt. Vegalagningin gæti
einnig orðið til þess að Þingvellir féllu út af heims-
minjaskrá UNESCO. Pétur hefur bent á að sam-
kvæmt áætlunum Vegagerðarinnar verði 90 km há-
markshraði á nýjum Gjábakkavegi og verði hann að
veruleika verði stutt í að kröfur komi fram um að
leggja veg fyrir 90 km hraða í gegnum þjóðgarðinn.
Telur viðvarandi hættu á
óhöppum á Gjábakkavegi
Bið Tveir menn biðu í 2 tíma á þaki bílsins í krap-
anum á mánudag eftir að hafa lent utan vegar.
FYRSTU heiðlóur ársins sáust í
gærmorgun, tvær saman á flugi.
Björn Arnarson, starfsmaður Fugla-
athugunarstöðvar Suðausturlands,
sá lóurnar. „Já, ég sá lóur í morgun,
þetta hafa sennilega verið þær
fyrstu,“ sagði hann. Björn kom auga
á þær við Einarslund þar sem Fugla-
athugunarstöðin er með aðstöðu.
Einarslundur er trjálundur í
grennd við Höfn í Hornafirði. Einar
Hálfdánason, skógræktarmaður frá
Höfn, byrjaði að rækta tré við Mið-
fjárhúsahól í kringum 1950. Hann
ánafnaði svo Félagi fuglaáhuga-
manna í Höfn lundinn.
Á síðustu árum hafa fyrstu lóurn-
ar sést á tímabilinu 20.–29. mars, en
þær fara ekki að streyma til lands-
ins fyrr en um miðjan apríl. Spurður
um aðra farfugla sagðist Björn hafa
séð mikið af álftum í gærmorgun.
Hann sagði einnig að gæsahópar og
þrestir væru komnir til landsins.
Einnig sást til lóu við Eyrarbakka í
gær.
Heiðlóa er meðalstór mófugl og
lifir á skordýrum, ormum, sniglum
og berjum. Vængir lóunnar eru
fremur langir og þekkt er bragð
hennar til að lokka óvini frá hreiðr-
um með því að þykjast vængbrotin.
Vorboðinn ljúfi lentur við Höfn í Hornafirði og Eyrarbakka eftir langt flug
Lóan er
komin til
landsins
Ljósmynd/Jóhann Óli
Á AÐALFUNDI VR sl. mánudag
var m.a. samþykkt að lækka fé-
lagsgjald um 30%, úr 1% í 0,7% af
heildarlaunum. Tillagan var sam-
þykkt með öllum greiddum atkvæð-
um á fundinum.
Samkvæmt upplýsingum frá VR
mat stjórn félagsins það svo að tæki-
færi væri til að lækka gjaldið en VR
hefur verið rekið með góðum hagn-
aði undanfarin ár. Hagnaður af
starfsemi félagsins árið 2006 var t.d.
980 milljónir króna – sem er met-
hagnaður. „Lækkun félagsgjaldsins
til framtíðar er því liður í að láta fé-
lagsmenn njóta þessarar góðu
rekstrarafkomu,“ segir m.a. í til-
kynningu frá VR.
Einnig var ákveðið að veita 412
milljóna króna framlag í VR vara-
sjóð félagsmanna, en sjóðurinn var
stofnaður á síðasta ári með ríflega
850 kr. stofnframlagi. Segir í til-
kynningu að allir félagsmenn muni
fá sent yfirlit á næstu dögum þar
sem fram kemur hversu mikið er
lagt inn á sjóð hvers og eins.
VR lækkar
félagsgjald
um 30%
SIV Friðleifsdóttir heilbrigðisráð-
herra hefur ákveðið að hefja undir-
búning að setningu reglugerðar þar
sem mælt verður fyrir um breyttar
viðvaranir á tóbaksumbúðum.
Breytingarnar eru liður í þeirri við-
leitni að hvetja fólk til að láta af
reykingum með því að koma á fram-
færi skýrum skilaboðum um skað-
semi þeirra. Í stað textaviðvörunar,
sem í dag er á bakhlið tóbaksum-
búða, er miðað við að komi myndir
sem skírskota til skaðsemi tóbaks.
Reiknað er með að á umbúðunum
verði skráð símanúmer Reyksímans.
Nýjar
viðvaranir
SAMKOMULAG náðist í gær milli
stjórnmálaflokkanna sem eiga full-
trúa á Alþingi um að takmarka aug-
lýsingakostnað í aðdraganda alþing-
iskosninganna í vor. Samkomulagið
er það fyrsta sem stjórnmálaflokkar
gera með sér síðan árið 1991 og er
leið þeirra til að koma böndum á út-
gjöld vegna baráttunnar sem fram-
undan er.
Undanfarnar vikur hafa fram-
kvæmdastjórar setið marga fundi
um málið og eftir miklar þreifingar
undanfarna daga og getgátur í fjöl-
miðlum er samkomulagið loks stað-
fest. Flokkarnir skuldbinda sig m.a.
til að takmarka kostnað við auglýs-
ingabirtingar í dagblöðum og ljós-
vakamiðlum á landsvísu og má
kostnaður vegna auglýsinga í þeim
miðlum ekki verða meiri en 28 millj-
ónir króna.
Samþykkt var að óháður aðili yrði
fenginn til að hafa eftirlit með fram-
kvæmdinni.
Flokkarnir
náðu saman
Hringdu í 530 2400 og fáðu Heimaöryggi í áskrift!
www.oryggi.is
Hver vaktar
þitt heimili
um páskana?
Hi
m
in
n
og
h
af
/
SÍ
A
♦♦♦