Morgunblaðið - 28.03.2007, Blaðsíða 12

12 MIÐVIKUDAGUR 28. MARS 2007 MORGUNBLAÐIÐ
FRÉTTIR
JÓNÍNA Bjartmarz umhverfis-
ráðherra sat á mánudag fund um-
hverfisráðherra fjögurra ríkja í
Dublin á Írlandi, þar sem rætt var
um kjarnorku og fyrirhugaða end-
uropnun THORP-endurvinnslu-
versins í Sellafield á Englandi. Ráð-
herrarnir hvetja bresk stjórnvöld
til að opna verið ekki að nýju í ljósi
ítrekaðra öryggisvandamála sem
komið hafa þar upp, en hefja þess í
stað undirbúning að lokun Sella-
field-stöðvarinnar.
Nokkur umræða hefur verið und-
anfarin misseri í Evrópu og víðar
um að auka orkuframleiðslu með
kjarnorku í ljósi loftslagsbreytinga.
Í yfirlýsingu umhverfisráðherra Ís-
lands, Írlands, Noregs og Austur-
ríkis sem ritað
var undir á fund-
inum vara þeir
sterklega við því
að litið sé á
kjarnorku sem
góða lausn á
loftslagsvand-
anum. Notkun
kjarnorku til
orkuframleiðslu
fylgi veruleg vandamál varðandi
öryggi kjarnorkuvera og meðferð
og geymslu geislavirks úrgangs.
Auk þess töldu ráðherrarnir að
áhersla á kjarnorku drægi athygli
frá þeim aðgerðum sem best
tryggðu langtímaárangur í lofts-
lagsmálum.
Vilja að Sellafield-stöðinni
verði lokað um aldur og ævi
Jónína Bjartmarz
BIFHJÓLAFÓLKI er nú skylt
lögum samkvæmt að nota við-
urkenndan lágmarkshlífð-
arfatnað og sama á við um þann
sem er á hliðarvagni, eftirvagni
eða tengitæki bifhjóls. Alþingi
samþykkt breytingar á umferð-
arlögum í þessa veru fyrir þing-
lok.
Einnig er nú ökumanni bifhjóls
eða torfærutækis skylt að sjá um
að farþegi yngri en 15 ára noti
hlífðarhjálm. Þá skal ökumaður á
bifhjóli sjá um að farþegi yngri
en 15 ára noti viðurkenndan lág-
markshlífðarfatnað.
Hlífðarfatnaður skylda
Morgunblaðið/Sverrir
EIMSKIP hefur tekið á móti nýj-
um færanlegum hafnarkrana í
Sundahöfn. Nýi kraninn er af
gerðinni Gottwald HMK 6407,
smíðaður í Þýskalandi og kemur í
stað eldri krana af sömu tegund
sem verður fluttur á Reyðarfjörð.
Nýi kraninn fékk nafnið Jötunn
eftir samkeppni meðal starfsfólks
en eldri kranar Eimskips nefnast
Jakinn og Jarlinn.
Jötunn hefur 110 tonna lyfti-
getu, er með 950 hestafla vél og
vegur 420 tonn. Hann er 35 metra
hár og bóman er 51 metri. Kran-
inn getur farið með fulllestaða
gáma út í 13. gámaröð í skipi, en
stærstu skip Eimskips eru 11 gám-
araða.
Jötunn, Jak-
inn og Jarlinn
Jötunn Kraninn kominn á sinn stað
á svæði Eimskips í Sundahöfn.
FREDRIK Reinfeldt, forsætisráð-
herra Svíþjóðar, kemur í opinbera
heimsókn til Íslands mánudaginn 2.
apríl nk. Hann mun eiga fund og
snæða hádegisverð með Geir H.
Haarde forsætisráðherra og hitta
síðan íslenska kaupsýslumenn.
Reinfeldt kemur
FULLORÐINN fuglaskoðari í Vest-
urbænum sá fjórar tildrur við Eiðs-
granda á mánudag. Tildrur sjást
hér oft á vorin, á leið til Grænlands.
Þessi fuglaskoðari minnist þess
hins vegar ekki að hafa séð þær
jafn snemma.
Tildrur á ferð
OKKAR ábyrgð
– öryggi og varn-
ir Íslendinga er
heiti á opnum
fundi sem SVS
og Varðberg
boða til fimmtu-
daginn 29. mars
nk. kl. 17.15 í
hliðarsal á 2. hæð
Hótels Sögu.
Björn Bjarnason dómsmálaráð-
herra, einn fremsti sérfræðingur
landsins í öryggis- og varn-
armálum, flytur erindið. Hann
fjallar um framkvæmd á yfirlýs-
ingu ríkisstjórnarinnar frá árinu
2006 um aðgerðir á vegum ís-
lenskra stjórnvalda vegna brott-
farar varnarliðsins. Verkefnin falla
að verulegu leyti undir ráðuneyti
hans. Björn telur að gæsla öryggis
borgaranna sé ekki utanríkismál
heldur innanríkismál hvers ríkis.
Erindi um ör-
yggi og varnir
Björn Bjarnason
STJÓRN Félags íslenskra hjúkr-
unarfræðinga átelur í samþykkt
skemmtistaðinn Pravda fyrir að
réttlæta drykkjukeppni með við-
veru hjúkrunarfræðinema á 3. ári.
Hann sé ekki fullnuma og geti ekki
axlað ábyrgð á neyðarþjónustu.
Átelja Pravda
NÝR pottur hefur verið tekinn í notkun í Laugardalslaug, potturinn er með
sjó sem kemur úr borholu Orkuveitu Reykjavíkur við Laugarnes og er sjór-
inn hitaður upp í 40° á celsíus. Heit sjávarböð eru í gríðarlegum vexti í
SPA-geiranum í heiminum, segir í fréttatilkynningu. Mest hefur þróunin
verið á Spáni og í Frakklandi og nú síðast í Bretlandi. Um er að ræða 7 þús-
und ára meðferð sem upprunnin er hjá Grikkjum.
Í Laugardalslaug eru tvær 50 metra laugar, önnur útilaug en hin innan-
hússlaug sem er fullkomin keppnislaug. Fimm heitir pottar, þar af tveir
nuddpottar, barnalaug, eimbað og birtulampar.
Sjópottur í Laugardalslaug
Eftir Skapta Hallgrímsson
skapti@mbl.is
FULLTRÚAR allra framboða til al-
þingiskosninganna í Norðausturkjör-
dæmi í vor, nema VG, lýstu í fyrra-
kvöld yfir stuðningi við byggingu
álvers við Húsavík. Fjölmenni var á
málþingi á veitingastaðnum Gamla
Bauk og ljóst að atvinnumál brenna
heitt á Þingeyingum.
Það var Atvinnuþróunarfélag Þing-
eyinga sem stóð að málþinginu undir
yfirskriftinni Sjálfbært samfélag –
Nýting auðlinda – Endurheimt land-
gæða, þar sem frummælendur voru
Valgerður Sverrisdóttir utanríkisráð-
herra, Andrés Arnalds, fagmálastjóri
Landgræðslunnar, og Skúli Björn
Gunnarsson, forstöðumaður Gunn-
arsstofu. Fulltrúar þeirra framboða
sem bjóða fram til þings í kjördæm-
inu fengu síðan að tjá sig um málefni
fundarins og fólk í salnum að leggja
spurningar fyrir bæði þá og frum-
mælendur.
Þau orð Valgerðar Sverrisdóttur,
að besta byggðastefnan væri sú að at-
vinnan væri í höndum heimamanna,
féllu í góðan jarðveg á málþinginu.
Hún kvaðst á þeirri skoðun að það
væri ekki hlutverk stjórnmálamanna
að koma í veg fyrir uppbyggingu sem
heimamenn vildu standa að, og mönn-
um í salnum mislíkaði greinilega af-
skiptasemi annarra vegna hugsan-
legs álvers og raunar einnig vegna
stjórnunar Vatnajökulsþjóðgarðs.
Hvers vegna …?
Hvers vegna má virkja fyrir austan
en ekki hér? Hvers vegna má reisa
eða stækka álver fyrir sunnan, en
ekki hér? Fólkið í grennd við Vatna-
jökulsþjóðgarð á að sjá um stjórn
hans. Á þessa lund voru hugrenning-
ar fundarmanna.
„Við eigum að nýta orkuna og aðrir
kostir en álframleiðsla eru ekki raun-
hæfir í dag og ekki líkur á að það
breytist á næstu árum,“ sagði Val-
gerður Sverrisdóttir. Ráðherra vísaði
til Vinstri grænna og sagði það ekki
framtíðarlausn í atvinnumálum á
svæðinu að flytja út vatn eða selja
fólki norðurljósaskoðun, en það gæti
verið góð viðbót við annað.
„Það er ekki sjálfbær þróun að við
eigum ekki að nýta auðlindirnar,“
sagði Valgerður.
Ögmundur Jónasson alþingismað-
ur, sem mætti á málþingið fyrir
Vinstri hreyfinguna – grænt framboð,
sagði VG alfarið á móti álveri við
Húsavík en lýsti því yfir að hann væri
hins vegar tilbúinn að virkja jarðhita
á svæðinu í þágu fyrirtækja eins og
Google og Microsoft, sem hefðu jafn-
vel áhuga á því að byggja upp gagna-
banka hér á landi. Spurður um hvort
ekki fælist í þessu mótsögn sagðist
Ögmundur vilja hafa áhrif á það hvers
konar störf væru sköpuð og kvaðst
telja að atvinnuuppbygging á þeim
forsendum sem hann nefndi skilaði
meiri virðisauka inn í samfélagið en
stóriðjan.
Kristján Möller, þingmaður Sam-
fylkingarinnar, lýsti því yfir að hann
styddi byggingu álvers við Húsavík,
en huga yrði að því að ekki yrði virkj-
að of mikið hér á landi. „Ég á mér
enga ósk heitari en það verði fellt að
stækka álverið í Straumsvík,“ sagði
þingmaðurinn og vísaði til atkvæða-
greiðslu íbúa Hafnarfjarðar um deili-
skipulag um næstu helgi.
Andrés Arnalds telur samhengi
skorta í umræðu hér á landi um loft-
mengun og tvískinnung töluverðan.
Mikið væri rætt um svifryk en lausnin
á höfuðborgarsvæðinu virtist sú að
byggja fleiri brýr og stærri vegi!
Hrósaði hann forráðamönnum á Ak-
ureyri og í Reykjanesbæ fyrir að fella
niður gjald í strætó til þess að draga
úr bílaumferð og sagði það til eftir-
breytni.
Andrés sagði Íslendinga geta orðið
til fyrirmyndar með því að setja sér
það markmið að hér yrði engin nettó-
losun kolefna. Lýsti jafnframt þeirri
skoðun sinni að öll binding ætti að
vera viðbót; ekki mætti setja dæmið
þannig upp að kolefni yrðu bundin til
þess að vega upp á móti losun eins og
t.d. frá álveri.
Græn störf
Töluvert var rætt um að skapa svo-
kölluð „græn störf“ á svæðinu og því
var Ögmundur fylgjandi, „en ég vil
ekki álverksmiðju í kaupbæti,“ sagði
hann.
Andrés benti á að binding kolefna
með ræktun lands og skóga gæti falið
í sér mikla atvinnusköpun, en vildi –
þrátt fyrir greinilegan áhuga fundar-
manna þar að lútandi – alls ekki nefna
mögulegan fjölda starfa. Sagði það
óábyrgt tal. Andrés nefndi þó að með
því að rækta t.d. upp 100 þúsund
hektara af illa grónu landi og 40 þús-
und hektara af skógi mætti binda
álíka mikið af kolefni og kæmi frá 200
þúsund tonna álveri.
Skúli Björn upplýsti viðstadda um
undirbúning Vatnajökulsþjóðgarðs,
en hann stýrði nefnd þar um.
Meðal þess sem fundarmenn lýstu
áhyggjum af var að stjórn þjóðgarðs-
ins yrði á suðvesturhorninu en ekki í
nágrenni hans.
Skúli sagði yfirstjórn þjóðgarðsins
skipaða sjö mönnum án sérstakrar
heimilisfestu þannig að skrifstofa
þeirrar yfirstjórnar gæti verið hvar
sem væri.
Morgunblaðið/Skapti Hallgrímsson
Húsfyllir Þröngt var setinn bekkurinn á Gamla Bauk í fyrradag enda um-
fjöllunarefnið, atvinnumál í víðum skilningi, fólki á svæðinu hugleikið.
Hvers vegna álver
þar en ekki hér?
Í HNOTSKURN
»Atvinnumál brenna áÞingeyingum. Þeir spyrja:
Hvers vegna má ekki reisa ál-
ver hér fyrst það má annars
staðar á landinu?
»Áhugi er á því að byggjaupp sem flest „græn störf“
á svæðinu.
Eftir Steinunni Ásmundsdóttur
steinunn@mbl.is
Reyðarfjörður | Nú eru 230 starfs-
menn komnir til starfa hjá Alcoa
Fjarðaáli og búið að ráða 270 alls.
Hlutfall kvenna er 33% og mun lík-
lega vera hið hæsta sem þekkist í ál-
iðnaði. Eftir er að ráða um 100
manns og verður það gert næstu
mánuðina. Erna segir að reiknað
hafi verið með að helmingur starfs-
manna álversins kæmi af Austur-
landi og hlutföllin standi nú í 60% af
heimamönnum og 40% annars stað-
ar frá.
Fyrsti súrálsfarmurinn er vænt-
anlegur með skipi til Mjóaeyrar-
hafnar við álverið í dag, miðvikudag,
ef áætlanir standast. Ráðgert er að
hefja gangsetningu álversins
snemma í apríl og verða fyrstu kerin
keyrð upp með raforku af landsnet-
inu. Gangsetning mun taka sex til
sjö mánuði og formleg opnunarat-
höfn álversins verður í sumar.
Bechtel, sem byggir álverið fyrir
Alcoa Fjarðaál, fagnaði nýlega nýj-
um öryggisáfanga, en þá höfðu
starfsmenn unnið í samtals eina
milljón vinnustunda án slysa sem
leiða til vinnutaps.
Trommuleikari í Húsbandið
Alcoa Fjarðaál auglýsti á dögun-
um m.a. eftir trommuleikara í
hljómsveitina Léttmálmsbandið,
sem stofnuð hefur verið af starfs-
mönnum fyrirtækisins. Þessi
óvenjulega auglýsing vakti athygli
og segir Erna Indriðadóttir, upplýs-
ingafulltrúi Alcoa Fjarðaáls, að
nokkur fjöldi hafi sótt í trommuleik-
arastarfið, bæði utan- og innanhúss
hjá fyrirtækinu.
Nú er búið að ráða Norðfirðinginn
Þorvald Einarsson á slagverkið og
verður byrjunarembætti hans með
Léttmálmsbandinu, eða Hösk eins
og sveitin er kölluð, að skemmta á
fyrstu árshátíð Alcoa Fjarðaáls í
íþróttahúsinu á Fáskrúðsfirði nk.
laugardagskvöld. Þar er búist við yf-
ir 200 gestum og Logi Bergmann
Eiðsson verður veislustjóri. Í sam-
tali við Sigurð Ólafsson, bassaleik-
ara Hösk, kom fram að sex liðsmenn
væru nú í bandinu, þrír Austfirð-
ingar og þrír aðfluttir, þeir hefðu
æfingaaðstöðu hjá BRJÁN í Nes-
kaupstað og spiluðu tónlist sem
flokka mætti sem léttmálmsmúsík,
þ.e. flest annað en þungarokk. „Við
erum klárir í slaginn og nú eru svo
margir trommuleikarar að sækja
um hjá fyrirtækinu að þar má ef-
laust stofna margar fleiri hljóm-
sveitir á næstunni,“ segir Sigurður
og bætir við að Hösk-nafnið sé til-
komið vegna Höskuldssona-eftir-
nafns tveggja meðlima, sem allir
liðsmenn muni nú tileinka sér.
270 ráðnir til Alcoa