Morgunblaðið - 28.03.2007, Qupperneq 13
MORGUNBLAÐIÐ MIÐVIKUDAGUR 28. MARS 2007 13
FÆREYSKIR línubátar hafa verið
að gera það gott við Ísland. Þeir hafa
verið að fá tvöfalt meiri afla en línu-
bátar við Færeyjar. Aflinn hefur að
mestu leyti verið ýsa og hefur hátt
verð fengizt fyrir hana.
Nýlega lönduðu tveir bátar í
Klakksvík, Jákup B og Pison. Afli
þeirra var 60 til 70 tonn. Þetta var
fyrsti túrinn hjá Pison við Ísland en
annar túrinn hjá Jákupi B. Í fyrri
túrnum var aflinn 90 tonn. Afli skip-
anna á dag hefur verið milli 5 og 7
tonn á dag og er aflinn að uppistöðu
ýsa. Gott verð hefur fengizt fyrir ýs-
una, eða um ríflega 190 krónur á kíló-
ið. Fyrr í vikunni landaði Núpur 65
tonnum af Íslandsmiðum. Veiðin við
Ísland hefur verið misjöfn, en þegar
bezt hefur gengið hafa þau fengið um
9 tonn á lögnina. Veiðiferðirnar hafa
verið 10 til 13 dagar að lengd.
Í vikunni lönduðu einnig línuskipin
Klakkur, Kvikk og Pólarstjörnan, en
þau höfðu verið að veiðum við Fær-
eyjar og voru með um 35 tonn hvert.
Ufsaveiðin við Færeyjar hefur geng-
ið illa að undanförnu, en það er að
nokkru leyti árstíðabundið. Veiðin
gengur venjulega illa fyrst eftir
hrygningu.
Botnfiskveiðiheimildir Færeyinga
við Ísland eru óbreyttar á þessu ári.
Færeysk skip hafa því heimild til að
veiða 5.600 lestir af botnfiski á árinu.
Heildarafli þorsks má þó aldrei verða
meiri en 1.200 lestir og lúðuafli aldrei
meiri en 80 lestir.
Veiðar Færeyskir bátar landa karfa í Vestmannaeyjum. Þeir hafa að
undanförnu fengið vel af ýsu á línuna.
Færeyingar feng-
sælir við Ísland
ÚR VERINU
HB Grandi hefur tekið í notkun
nýja pökkunarlínu frá Völku ehf.
Pökkunarlínan er sérstaklega
hönnuð fyrir pökkun á ferskum
fiskafurðum með áherslu á hátt
sjálfvirknistig, mikla nákvæmni,
mikil afköst og góða meðferð hrá-
efnis.
Auk þess hafa starfsmenn Völku
þróað nýja heildarlausn í meðferð
og miðlun gagna um pantanir og
gefur það bæði framleiðendum og
kaupendum aukna yfirsýn. Pökk-
unarlínan samanstendur af kara-
hvolfara, sjálfvirkum matara, sam-
valsvog, pökkunarstöð, tékkvog,
límmiðaprentara og brettunar-
aðstöðu.
Tækjaþjónn stýrir
allri vinnslulínunni
Guðmundur Elíasson, sölustjóri
Völku, segir að í línunni séu fjöl-
margar tækninýjungar þróaðar af
starfsfólki Völku, sem auka skil-
virkni og áreiðanleika tækjabún-
aðarins. Þar er að finna nýja gerð
af samvalstæki sem hlotið hefur
nafnið RapidWeigher og var þróað
í samvinnu HB Granda og Völku
með styrk frá AVS-rannsókna-
sjóðnum.
Ein tölva, svokallaður tækja-
þjónn, stýrir allri vinnslulínunni.
Þessi nýjung tryggir mun meiri
áreiðanleika og hagkvæmni við út-
færslu á vinnslulínum sem þessum.
Viðskiptavinir slá pantanir inn í
RapidTrade-kerfið sem er net-
tengt sölu- og pantanakerfi og
flytur það þær á algerlega sjálf-
virkan hátt í þá deild og í það tæki
sem pakka skal sérhverri pönt-
unareiningu.
Upplýsingar um pökkunina eru
fluttar á sjálfvirkan hátt frá fram-
leiðslunni inn í RapidTrade-kerfið
og eru þar með samstundis orðnar
aðgengilegar stjórnendum og við-
skiptavinum HB Granda.
Ný hugsun í samvalsvoginni
„Samvalsvogin nýtir nýja gerð
af samvalstæki og er hún sú fyrsta
sinnar tegundar í heiminum,“ seg-
ir Guðmundur. „Með nýju
tækninni hafa náðst mjög góð af-
köst, afbragðs meðferð hráefnis
og meiri nákvæmni en áður hefur
þekkst við alsjálfvirka pökkun á
ferskum fiskafurðum. Umsókn
Völku um alþjóðlegt einkaleyfi á
þessum nýja tækjabúnaði er langt
komin.
Valka hefur þróað nýja aðferð
við að stýra tækjabúnaði í fisk-
vinnslunni. Aðferðin byggist á því
að nota öflugan netþjón, til að
stýra mörgum tækjum. Þennan
netþjón köllum við tækjaþjón og er
einn slíkur nýttur til að stýra allri
pökkunarlínunni.
Ávinningur þessa fyrirkomulags
er aðallega tvíþættur. Í fyrsta lagi
er rekstraröryggi netþjóns mun
meira en þeirra tölva sem venju-
lega eru settar inn í sjálf tækin,
einkum vegna þess að sá tækja-
búnaður verður oft fyrir miklu
álagi meðal annars vegna titrings
og rakamyndunar.
Í annan stað sparast kostnaður
við að setja dýra stýriskjái á hvert
tæki sem gjarnan eru aðeins not-
aðir endrum og sinnum. Í pökk-
unarlínunni eru aðeins skjáir sem
starfsfólkið þarf að nota dags dag-
lega við pökkunina en önnur tæki
eru stillt í notendavænu vefviðmóti
ýmist frá borðtölvum verkstjóra
eða með þráðlausum handtölvum.“
Viðskiptavinurinn
getur fylgst með á Netinu
„RapidTrade er nettengt sölu-
og pantanaforrit og er yfirfærsla
pantana á Rapid-vélarnar sjálf-
virkari en áður hefur þekkst. Allar
nauðsynlegar upplýsingar um
samþykktar pantanir berast milli-
liðalaust til viðkomandi vélar, svo
sem vörutegund, skammtastærðir,
magn, merkingar, breytingar og
fleira. Hver tækjaþjónn heldur svo
utan um gögn frá framleiðslunni á
sjálfvirkan hátt og geta við-
skiptavinir þar með fengið upplýs-
ingar um stöðu sinna pantana með
aðgangi sínum að RapidTrade.
Með þessu móti er búið að eyða
út allri innsláttarvinnu hjá fiskselj-
endum auk þess sem ekki er verið
að tefja starfsfólk fiskvinnslunnar
með fyrirspurnum um pantanir og
stöðu þeirra. Samskipti sölustjóra
og starfsfólks framleiðslu einfald-
ast mjög mikið því RapidTrade-
kerfið lætur vita af breytingum á
pöntunum með SMS-skilaboðum
og/eða í tölvupósti auk þess sem
RapidTrade-kerfið heldur utan um
breytingasögu pantana,“ segir
Guðmundur Elíasson.
Fjölmargar nýjungar
sem auka skilvirkni
HB Grandi tekur
í notkun sjálfvirka
pökkunarlínu frá
Völku ehf.
Í HNOTSKURN
»Þessi nýjung tryggir munmeiri áreiðanleika og hag-
kvæmni við útfærslu á vinnslu-
línum sem þessum.
»Umsókn Völku um al-þjóðlegt einkaleyfi á þess-
um nýja tækjabúnaði er langt
komin.
»Allar nauðsynlegar upp-lýsingar um samþykktar
pantanir berast milliliðalaust
til viðkomandi vélar.
,,ÁÐUR en við fengum kerfið þurftum við að halda utan um pantanir í mörg-
um mismunandi Excel-skjölum og öll samskipti fóru fram annaðhvort í gegn-
um síma eða í tölvupósti,“ segir Sólveig Jóhannesdóttir, sölustjóri HB
Granda hf.
„Nú er umhverfið gjörbreytt og allar þessar skeytasendingar eru horfnar
eða sjálfvirkar og maður getur einbeitt sér að því að selja vörurnar í stað
þess að halda utan um pantanir. Þá er ekki lengur vandamál að halda utan
um breytingar á pöntunum því RapidTrade lætur alla í framleiðslunni vita
sjálfvirkt af breytingum með tölvupósti eða SMS-skeytum. Reikningagerðin
hefur einnig einfaldast mjög mikið. Allar upplýsingar eru nú til staðar á ein-
um stað og gögnin eru færð sjálfvirkt frá RapidTrade inn í bókhaldskerfið
sem einfaldar, flýtir fyrir og útilokar innsláttarvillur.
Umhverfið gjörbreytt
ÞORBJÖRN hf. hefur gengið frá
samningi um sölu á Þuríði Halldórs-
dóttur GK 94 til Árbergs ehf. í
Grindavík, sem er dótturfélag
Ramma hf. á Siglufirði. Jafnframt
hefur verið samið um skipti á afla-
heimildum á milli félagana þannig að
Þorbjörn hf. lætur frá sér allar afla-
heimildir sínar í humri og einnig
nokkuð af aflaheimildum í ýsu en fær
í staðinn aflaheimildir í þorski.
Þorbjörn hf. mun við þetta hætta
allri vinnslu á humri en í þess stað
auka vinnslu á þorski.
„Við vorum með of lítinn humar-
kvóta á Þuríði til að útgerð hennar
og vinnsla humarsins borgaði sig.
Við vorum með hana í resktri til að
geta sótt humarinn, en notuðum
hana líka á troll og línu. Við höfum
sérhæft okkur í þorsk- og ýsuvinnslu
og vildum auka möguleikana þar og
hætta í humrinum. Það samdist um
með okkur og Rammanum, vegna
þess að það er þeirra hagur að fá
meiri humar og okkar að fá meira af
þorski. Þannig að þetta voru eigin-
lega kaup kaups, þetta kemur báðum
vel. Við erum þrátt fyrir þetta með
það öflugan flota að við getum bætt á
hann þeim heimildum sem koma af
Þuríði og í skiptum fyrir humarinn,“
segir Eiríkur Tómasson, forstjóri
Þorbjarnar.
Morgunblaðið/Hafþór Hreiðarsson
Selja Þuríði og skipta á
kvóta í humri og þorski
Stórar dælur - Litlar dælur
Góðar dælur - Öruggar dælur
Úrval af dælum
Skútuvogi 6 • 104 Reykjavík • Sími 510 4100 • www.danfoss.isDanfoss hf