Morgunblaðið - 28.03.2007, Qupperneq 44
Ég pæli nú ekki mikið í
þessum barnastjörnuferli
mínum í dag … 47
»
reykjavíkreykjavík
„IDOL fyrir umboðsmenn? Nei, reyndar ekki
en umboðsmönnum er gefinn talsvert meiri
gaumur í keppninni um Raularann en gengur
og gerist í keppnum af þessu tagi,“ segir
Kristján Kristjánsson og á þar við söng-
keppni sem haldin er á Hótel Höfðabrekku í
Mýrdal að viðstöddum meirihluta íbúa Víkur
og nágrennis … það er að segja þeim sem náð
hafa tilskildum aldri. Nýr Raulari er krýndur
ár hvert hinn 30. apríl og verður árið 2007 þar
engin undantekning.
Að sögn Kristjáns, sem er framkvæmda-
stjóri Raularans í ár, verða auk verðlauna
fyrir besta atriðið veitt verðlaun fyrir bestu
sviðsframkomuna og já, besta umboðsmann-
inn.
„Keppnin stendur ekki síður á milli um-
boðsmannanna en þeirra hlutverk er að
kynna keppendur fyrir bæjarbúum með öll-
um mögulegum og ómögulegum hætti. Ann-
arsvegar er horft til þess hvernig umboðs-
maðurinn stóð sig í vikunni við
kynningarstörfin, en einnig er litið til þess
hvernig hann kynnir atriðið á skemmtuninni
sjálfri,“ segir Kristján, en keppendur velja
sínu atriði ákveðið dulnefni og koma ekki
fram undir sínu rétta nafni fyrr en á keppn-
inni sjálfri.
„Það hvílir einnig talsverð leynd yfir um-
boðsmönnunum, menn eru kannski að laum-
ast út í skjóli nætur til að hengja upp auglýs-
ingaborða.“
Einn lítill bikar
Umboðsmenn hafa ýmiskonar aðferðir við
það að vekja athygli á sínum keppanda, að
sögn Kristjáns.
„Fólk hefur tekið upp á því að mála þökin á
húsunum sínum eða bílum til að kynna skjól-
stæðing sinn auk þess að hengja upp ýmsa
borða og annað kynningarefni um allan bæ.
Gæsirnar voru til dæmis eitt atriði í fyrra.
Umboðsmaðurinn keypti fullt af litlum gulum
gæsum og kom fyrir víða um bæinn auk þess
að gefa barmmerki með fjöðrum.“
Þátttakendur koma víða að þrátt fyrir að
kjarni keppninnar fari fram í Vík.
„Þetta er þó í raun allt Suðurlandið, frá
Eyjafjöllum og austur að Klaustri,“ segir
Kristján.
„Það eru um 200 manns sem taka þátt í
þessu með okkur á hverju ári og það hlýtur að
teljast góð mæting þar sem íbúar Víkur í
Mýrdal eru um 300 og dagskráin er eingöngu
ætluð íbúum 18 ára og eldri. Þetta er líkt og
80 þúsund Reykvíkingar tækju þátt í und-
irbúningi fyrir eitt kvöld með einum eða öðr-
um hætti. Þið getið ímyndað ykkur stemn-
inguna,“ segir Kristján.
En er til svona mikils að vinna?
„Það er einn lítill bikar í verðlaun. En það
myndast svo mikil stemning í kringum þetta
ár hvert að það er bara gaman að vera með
auk þess sem það er mikill heiður að vinna.“
Hættir á toppnum
Björn Ægir Hjörleifsson var umboðsmaður
ársins í fyrra en hann fór fyrir atriði sem
nefndist Miss Vík.
Spurður um aðferðafræði kosningabarátt-
unnar svarar Björn:
„Við vorum bara dugleg að kynna okkur út
um allan bæ. Ég var líka með mjög gott atriði
til að kynna. Þessar fjórar konur, sem kölluðu
sig Miss Vík, sungu lag úr Ávaxtakörfunni við
eigin texta. Á keppninni sjálfri var ég svo með
stutt uppistand sem ég kryddaði með nokkr-
um sögum af fólki úr samtímanum.“
Öll vinnan bar tilætlaðan árangur en Björn
og Miss Vík hlutu öll verðlaun kvöldsins.
Þetta var í fyrsta sinn sem Björn tók þátt í
Raularanum og þó segist hann ekki ætla að
endurtaka leikinn.
„Það er best að hætta á toppnum.“
RAULARINN
RAULARINN ER NAFNBÓT SEM FJÖLMARGIR MÝRDÆLINGAR
MUNU KEPPAST UM Í LOK APRÍL ÞEGAR BLÁSIÐ VERÐUR TIL
ÁRLEGRAR SÖNGVAKEPPNI ÞAR Í BÆ. BIRTA BJÖRNSDÓTTIR
KOMST AÐ ÞVÍ AÐ KEPPNIN STENDUR EKKI SÍÐUR Á MILLI
UMBOÐSMANNA KEPPENDA EN SÖNGVARANNA SJÁLFRA.
birta@mbl.is
Morgunblaðið/Jónas Erlendsson
Raularar Fríða Hammer og Guðrún Ólafsdóttir, sundlaugarverðir í Vík, tóku þátt fyrir tveim-
ur árum og klæddu sig þá upp í viðeigandi búninga – sem auðveldaði þeim að muna textann.