Morgunblaðið - 03.04.2007, Blaðsíða 6

6 ÞRIÐJUDAGUR 3. APRÍL 2007 MORGUNBLAÐIÐ
FRÉTTIR
Skráðu þig í MA í Evrópufræði.
Umsóknarfrestur er til 15. maí 2007.
Evrópa.
Ræturnar.
Framtíðin.
Eftir Kristján Jónsson
kjon@mbl.is
FORSÆTISRÁÐHERRAR Ís-
lands og Svíþjóðar, Geir H.
Haarde og Fredrik Reinfeldt,
áttu fund í Reykjavík í gær en
sænski leiðtoginn er staddur hér í
opinberri heimsókn, sinni fyrstu
frá því að hann tók við völdum sl.
haust. Geir sagði það hafa verið
ánægjulegt að ræða við Reinfeldt,
þeir hefðu m.a. rætt um umhverf-
is- og efnahagsmál, öryggismál,
einnig um heimsmálin almennt.
„Við höfum einnig rætt lítillega
um samskipti ríkjanna sem eru
góð og þörfnuðust því ekki mik-
illar umræðu,“ sagði Geir.
Reinfeldt sagði þá hafa fjallað
um kraftmikinn efnahag landanna
beggja og m.a. rætt um fjárfest-
ingar íslenskra fyrirtækja í Sví-
þjóð. Reinfeldt var spurður hvort
stefna stjórnvalda á Íslandi gæti
nú, þegar borgaraflokkarnir væru
komnir til valda í Svíþjóð, orðið
fyrirmynd í Svíþjóð. Hann svaraði
því til að þær efnahagsgerðir og
markaðshyggjulausnir sem Sjálf-
stæðisflokkurinn hefði staðið fyrir
væru að sjálfsögðu athyglisverðar
og árangurinn sæju allir.
„Okkur finnst mikið til um þá
þróun sem orðið hefur í efnahags-
málum á Íslandi. Tekist hefur að
auka hagvöxt, atvinnusköpun og
áhuga á fjárfestingum með já-
kvæðri skattastefnu og við erum
nú að feta okkur á sömu braut í
Svíþjóð og ræða þessi mál við að-
ila vinnumarkaðarins,“ sagði ráð-
herrann.
– Þið rædduð um öryggismál.
Kemur aukið samstarf milli þjóð-
anna á því sviði til greina?
„Það er alveg ljóst að fyrir Ís-
land eru tengslin og samstarfið
við Norður-Ameríku á því sviði af-
ar mikilvæg og eru það líka fyrir
alla Evrópu. En við eigum þegar
samstarf um öryggismál í Afgan-
istan, Íslendingar hafa getið sér
gott orð fyrir starfið við flugvöll-
inn í Kabúl.“
Fær „sænska módelið“ frjáls-
hyggjubrag?
Ráðherrann fjallaði um nor-
rænt samstarf um stefnu í um-
hverfis- og loftslagsmálum sem
væri jákvætt en hann teldi samt
best að hver þjóð mótaði eftir
getu eigin stefnu á þessum sviðum
í Evrópusamstarfinu.
Ráðherrann var spurður hvort
sænska módelið svonefnda yrði
framvegis meira litað af frjáls-
hyggju en í tíð jafnaðarmanna.
„Ég held að módelið sé fremur
norrænt en sænskt og borg-
aralegar ríkisstjórnir hafa átt
sinn þátt í að þróa það. Ég tel að
markmið þess sé að tryggja sam-
tímis velferð og samkeppn-
ishæfan efnahag. Það sem ég legg
áherslu á núna er að bæta sam-
keppnisgetuna og fá fleira fólk inn
á vinnumarkaðinn. Ég tel að
þannig styrkjum við velferðina.“
– Nokkrir flokkar eiga aðild að
samsteypustjórn þinni. Hér á
landi er oft talið óheppilegt að
margir flokkar sitji í stjórn.
Hvernig fóruð þið að?
„Okkur tókst að hefja und-
irbúning að samsteypustjórn
löngu fyrir kosningarnar í fyrra,
þess vegna tókst okkur að leysa
ágreining með góðum fyrirvara.
En aðstæður eru ólíkar milli
landa. Við höfum oftast verið með
einn flokk við stýrið og ef kjós-
endur áttu að fá valkost var skil-
yrðið að borgaralegu flokkarnir
ynnu saman.“
– Svíar selja mikið af vopnum
til Indlands sem fyrir nokkrum
árum var næstum því komið í
stríð við Pakistan. Er ekki hægt
að saka Svía um hræsni þegar
þeir segjast vera friðsöm smáþjóð
en slík viðskipti eru samt vaxandi
hluti af útflutningnum?
„Sænskur efnahagur vex og
líka margar útflutningsgrein-
arnar, einnig vopnaframleiðsla.
Hafa ber í huga að um er að ræða
margvíslegar vörur og við setjum
greininni skorður með ströngum
lögum og eftirlitsreglum. Þar er
tilgreint til hvaða landa megi selja
og hvaða framleiðsluvörur,“ sagði
Fredrik Reinfeldt.
Finnst mikið til um þróun
efnahagsmála á Íslandi
Morgunblaðið/Brynjar Gauti
Góður gestur Fredrik Reinfeldt og Geir H. Haarde ræðast við fyrir utan Ráðherrabústaðinn. Sænski for-
sætisráðherrann fylgir stefnu einkavæðingar en leggur um leið áherslu á að tryggja velferðarkerfið.
Forsætisráðherra Svíþjóðar vill auka samkeppnisgetu atvinnulífsins
FREDRIK Reinfeldt er aðeins 41 árs og urðu því kynslóðaskipti er
hann tók við embætti forsætisráðherra Svíþjóðar af jafnaðarmann-
inum Göran Persson í fyrra eftir kosningasigur bandalags borg-
araflokkanna. Hann er hagfræðingur að mennt og kvæntur Filippu
Reinfeldt, þau eiga þrjú börn. Eiginkonan situr á þingi Stokkhólms-
léns og er í Hægriflokknum eins og eiginmaðurinn, rétt nafn flokks-
ins er reyndar Hófsami einingarflokkurinn.
Reinfeldt hóf ungur þátttöku í starfi flokksins og komst til met-
orða en upp úr 1990 varð hann æ gagnrýnni á stefnu flokksins og
síðar einnig Carl Bildt, þáverandi leiðtogi. Í bók sinni frá 1993, Det
sovande folket, gagnrýndi Reinfeldt ákaft sænska velferðarríkið og
hvatti til uppstokkunar í anda frjálshyggju.
Reinfeldt boðaði uppstokk-
un í anda frjálshyggju
RAFLÍNUR í nágrenni álsversins í
Straumsvík verða lagðar í jörð við
nýbyggingarsvæði á Völlunum og er
búið að semja um kostnaðarskipt-
ingu við að grafa Hafnarfjarðarlínu
og Hnoðraholtslínu niður. Lúðvík
Geirsson, bæjarstjóri í Hafnarfirði,
sagði að samkvæmt skipulagstillögu
byggingarsvæða í nágrenni álvers-
ins ættu raflínur þar að fara í jörðu.
Engin breyting yrði á því, þrátt fyrir
niðurstöðu íbúakosningarinnar sl.
laugardag, en nú þyrfti að semja um
hver myndi bera kostnað sem Alcan
hefði ella borið. Viðræður voru milli
Hafnarfjarðarbæjar og Landsnets
um málið og sagði Lúðvík Hafnar-
fjarðarbæ standa frammi fyrir því að
taka þær viðræður upp aftur.
Í tengslum við stækkun álvers
Alcan var rætt um breytingar á átta
raflínum sem nú eru loftlínur og
liggja að tengivirki Landsnets við
Hamranes, að sögn Árna Stefáns-
sonar, deildarstjóra eignastýringar
hjá Landsneti. Þrjár línanna eru 132
kV línur. Hafnarfjarðarlína kemur
frá Öldugötutengivirkinu í Hafnar-
firði, nú að hluta til í streng, önnur
frá tengivirkinu í Hnoðraholti í
Garðabæ og er sú í eigu Orkuveitu
Reykjavíkur (OR) og sú þriðja liggur
til suðvesturs frá Hamranesi og stóð
til að leggja hana í jörð til að rýma
fyrir tveimur nýjum 220 kV línum.
Búið er að semja um færslu tveggja
fyrrnefndu línanna og kostnaðar-
hlutdeild Hafnarfjarðarbæjar,
Landsnets og OR í þeim fram-
kvæmdum, að sögn Árna. Einnig var
gert ráð fyrir setja í streng tvær 220
kV línur, Hamraneslínur 1 og 2, á 1,6
km kafla, þar sem þær liggja í gegn-
um fyrirhugaða íbúðabyggð í Vall-
arhverfi Hafnarfjarðar. Þá stóð til að
færa Ísallínur 1 og 2 úr núverandi
línustæði, önnur átti að koma í nýtt
línustæði frá Hamranesi en hin frá
nýju tengivirki í Hrauntungum. Að
lokum átti að færa Búrfellslínu 3b
þannig að hún kæmi inn í nýtt tengi-
virki við Hrauntungur í stað Hamra-
ness. Með þessum aðgerðum hefði
verið dregið verulega úr sýnileika
flutningsvirkja við Hamranes.
Árni sagði að Hafnarfjarðarbær
hefði ekki óskað eftir því formlega að
Hamraneslínur 1 og 2, sem eru 220
kV línur, yrðu settar í jarðstreng en
gert er ráð fyrir því í tillögu að að-
alskipulagi Hafnarfjarðar sem nú
bíður staðfestingar umhverfisráð-
herra. Árni sagði að það yrði veru-
lega kostnaðarsamt og 220 kV línur
hefðu ekki áður verið lagðar í jörð
hér á landi svo neinu næmi.
Raflínur á Völlunum í Hafn-
arfirði verða lagðar í jörð
Dýrt að leggja jarðstrengi í stað 220 kV lína
REYKJANESBRAUT
verður að öllum líkindum
lögð á nýjum stað framhjá
álverinu í Straumsvík þegar
brautin verður tvöfölduð, að
því er Lúðvík Geirsson, bæj-
arstjóri í Hafnarfirði, telur.
Hann benti á að í aðalskipu-
lagi Hafnarfjarðar væri gert
ráð fyrir tilfærslu Reykja-
nesbrautarinnar, hvað sem
liði stækkun álversins, því
ný lega brautarinnar félli betur að heildar-
skipulagi á svæðinu.
Lúðvík sagði að mesti kostnaðurinn við að
leggja Reykjanesbraut á nýjum stað myndi fel-
ast í tvöföldun vegarins, en ekki í tilfærslunni
sem slíkri. „Það liggur allt klárt fyrir vegna til-
færslunnar, búið að tryggja land og hanna gróf-
lega breytingarnar á brautinni. Að öllu
óbreyttu munum við leggja áherslu á að brautin
verði tvöfölduð í breyttri legu, eins og aðal-
skipulagið gerir ráð fyrir,“ sagði Lúðvík.
Orðrómur styðst ekki við rök
Orðrómur sem Hagur Hafnarfjarðar vitnaði
til um óeðlilega fjölgun fólks á kjörskrá í Hafn-
arfirði í aðdraganda íbúakosningarinnar og að
fólk hefði flutt lögheimili sitt þangað til að kjósa
gegn stækkun álversins á ekki við rök að styðj-
ast, að mati Lúðvíks Geirssonar bæjarstjóra.
Starfsfólk Hafnarfjarðarbæjar tók saman tölur
um þróun íbúafjölda og fjölgun á kjörskrá af
þessu tilefni. Þær sýna að þróun íbúafjölda
undanfarna mánuði hefur verið í sama takti og
síðustu misseri og síðustu ár, að sögn Lúðvíks.
Samkvæmt tölum Hafnarfjarðarbæjar var
meiri fjölgun þar á árinu 2006 en dæmi eru um
áður eða 5,4%. Fjölgunin var mest í Hafnarfirði
þegar litið er til stærri sveitarfélaga á höf-
uborgarsvæðinu. Íbúar bæjarfélagsins 1. des-
ember 2005 voru 22.451 talsins en réttu ári síð-
ar voru þeir orðnir 23.674. Er reiknað með að
hin öra fjölgun Hafnfirðinga haldi áfram á
þessu ári og til marks um það má nefna að í gær
voru þeir orðnir 24.111 talsins.
Þegar kjörskrá vegna íbúakosninganna var
lokað 10. mars sl. voru á henni 16.647 og hafði
kjósendum fjölgað um 676 frá því í sveitar-
stjórnarkosningum í maí 2006.
Starfsmenn þjónustuvers Hafnarfjarðarbæj-
ar fylgdust vel með skráningum á lögheimili í
bænum síðustu vikurnar fyrir íbúakosninguna
á laugardaginn var og urðu ekki varir við neitt
óeðlilegt, eftir því sem fram kemur í frétta-
tilkynningu Hafnarfjarðarbæjar. Íbúafjölgun
fyrir kosningarnar var og með eðlilegum hætti
og í takt við það sem hún hafði verið. Frá því
ákveðið var að efna til kosningarinnar hinn 31.
janúar síðastliðinn og þar til kjörskrá var lokað
10. mars fjölgaði á kjörskrá um 180 manns, að
sögn Lúðvíks bæjarstjóra.
Reykjanes-
braut verð-
ur færð
Lúðvík Geirsson
bæjarstjóri.
Ekkert bendir til óeðlilegr-
ar fjölgunar kjósenda