Morgunblaðið - 09.05.2007, Blaðsíða 2

2 MIÐVIKUDAGUR 9. MAÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björnsson,
bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar minning@mbl.is, Stefán Ólafsson,
Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Björn Jóhann Björnsson
bjb@mbl.is
SIGURÐUR Þór Ásgeirsson, fjár-
málastjóri og staðgengill forstjóra
Alcan í Straumsvík, segist í samtali
við Morgunblaðið reikna með að
mögulegur samruni Alcoa og Alcan
geti haft einhver áhrif á væntanleg
verkefni fyrirtækjanna hér á landi.
Alcoa hefur haft áform um byggingu
nýs álvers á Húsavík og Alcan verið
með stækkun verksmiðjunnar í
Straumsvík á teikniborðinu. Annars
segir Sigurður að ómögulegt sé að
ráða í framtíðina, rekstur álveranna
í Straumsvík og Reyðarfirði verði þó
að öllum líkindum óbreyttur.
Sigurður Þór segir að tíðindin um
yfirtökutilboðið frá Alcoa hafi komið
starfsmönnum Alcan verulega á
óvart. Erfitt sé að sjá hvernig sam-
runinn nái í gegn út frá samkeppn-
issjónarmiðum þar sem um risafyr-
irtæki á álmarkaðnum sé að ræða.
Athyglisvert sé einnig hve lengi
æðstu stjórnendum móðurfélaganna
hafi tekist að halda viðræðum sínum
og þreifingum
leyndum.
Samruni á ál-
markaðnum geti
í fyrsta sinn orð-
ið áþreifanlegur
hér á landi en
starfsmenn í
Straumsvík hafi
gengið í gegnum
þessa reynslu
áður. Ef af verð-
ur er þetta þriðji samruninn á sjö
árum. Árið 2000 keypti Alcan sviss-
neska félagið Alusuisse, þáverandi
eiganda álversins í Straumsvík, og
síðan keypti Alcan franska fyrirtæk-
ið Pechiney árið 2003.
Gríðarleg vinna
við sameiningu
Sigurður segir það hafa að jafnaði
tekið tvö ár að hrista fyrirtækin
saman í þessum samrunum. Gríð-
arleg vinna og orka geti farið í að
sameina ólíka fyrirtækjamenningu
og einingar, þar sem skera þurfi
niður og segja jafnvel upp fólki til
að ná fram settum samlegðaráhrif-
um og ávinningi af samruna.
Hann bendir jafnframt á að ef til
samruna Alcoa og Alcan komi þá sé
sagan komin í hálfgerðan hring. Um
eitt fyrirtæki hafi verið að ræða í
upphafi en vegna einokunarlaga
sem sett voru í Bandaríkjunum á
þriðja áratug síðustu aldar varð að
skipta fyrirtækinu í tvennt, þar sem
Alcoa endaði Bandaríkjamegin og
Alcan varð til í Kanada. Upphafið er
rakið til Pittsburgh í Bandaríkjun-
um í kringum 1890 og fljótlega í
byrjun 20. aldar varð til fyrirtækið
Aluminum Company of America,
sem síðan var skipt í tvennt sem fyrr
segir.
Spurður út í möguleg áhrif sam-
runa á rekstur álvera Alcan og Alcoa
hér á landi segir Sigurður erfitt að
fullyrða um það. Endalaust sé hægt
að vera með vangaveltur um hvernig
rekstrinum verði háttað. Álverin séu
sitt á hvorum enda landsins og því
ekki sérlega auðvelt að gera þau að
einni einingu. Þó megi reikna með
að þessar tvær verksmiðjur verði
reknar áfram með óbreyttu sniði.
„Hver verksmiðja er byggð með
ákveðinni framleiðslutækni og henni
er ekki breytt svo auðveldlega.
Þannig erum við með tækni sem
Alusuisse notaðist við á sínum tíma,“
segir Sigurður en bendir á að Alcoa-
Fjarðaál noti að nokkru leyti svip-
aða tækni og Alcan noti í nýjum ál-
verum sínum nú, kenndum við Pech-
iney.
Anik Michaud, upplýsingafulltrúi
Alcan í Kanada, sagðist í samtali við
Morgunblaðið ekki reikna með að
nokkuð gerðist varðandi yfirtökutil-
boðið í bráð.
Samruni álvera gæti haft
áhrif á væntanleg verkefni
Í HNOTSKURN
»Anik Michaud segir stjórnfyrirtækisins hafa tíu daga
til að yfirfara tilboðið.
»Hún segir að álverið íStraumsvík verði rekið
áfram eins og ekkert hafi í
skorist.
Sigurður Þór
Ásgeirsson
Fregnir af yfirtökutilboði Alcoa komu starfsmönnum Alcan verulega á óvart ATKVÆÐAGREIÐSLA utan kjör-
fundar hefur aukist jafnt og þétt
undanfarna daga og kusu um þrett-
án hundruð manns hjá sýslumann-
inum í Reykjavík í gærdag. Áður en
kjörstað var lokað kl. 22 í gær-
kvöldi höfðu um 5.600 manns kosið
en ef kjörsókn verður svipuð og í
síðustu kosningum má búast við á
milli 10 og 12 þúsund atkvæðum ut-
an kjörfundar, þ.e. hjá sýslumann-
inum í Reykjavík.
Kosning í umdæmi sýslumanns-
ins fer fram í Laugardalshöllinni og
er opið frá kl. 10–22, en að auki er
hægt að kjósa hjá sýslumönnum um
land allt.
Sýslumenn sjá einnig um fram-
kvæmd utankjörfundarkosninga í
heimahúsum en kjósanda sem ekki
getur sótt kjörfund vegna sjúk-
dóms, fötlunar eða barnsburðar er
heimilt að greiða atkvæði í heima-
húsi. Í slíkum tilvikum þarf að
liggja fyrir skrifleg ósk, studd vott-
orði lögráða manns um hagi kjós-
andans.
Jafnframt er kosið í fangelsum, á
sjúkrahúsum, öldrunarheimilum og
skipum.
Á sjötta þús-
und manns
hafa kosið
Kosning utan kjör-
staða gengur vel
Eftir Elvu Björk Sverrisdóttur
elva@mbl.is
HÓPUR Rúmena sem hefur dvalist
hér á landi einhverja daga leitaði í
gær liðsinnis Alþjóðahúss, að sögn
Margrétar Steinarsdóttur, lögfræð-
ings Alþjóðahúss. Bæði var um karla
og konur að ræða. Í fyrradag fóru 19
Rúmenar sem dvalist höfðu í nokkra
daga í miðborg Reykjavíkur úr landi,
eftir að lögregla hafði afskipti af
fólkinu. Hildur Dungal, forstjóri Út-
lendingastofnunar, segir að mál
fólksins sem fór úr landi hafi ekki
komið til meðferðar þar.
Margrét Steinarsdóttir segir hóp-
inn sem kom í Alþjóðahús í gær ekki
hafa þekkt neitt til íslenskra laga.
Fólkið hafi spurt um möguleika á
húsnæði og vinnu. Til þess að geta
fengið atvinnu- og dvalarleyfi á Ís-
landi má fólkið ekki vera á landinu
þegar leyfið er gefið út í fyrsta
skipti. „Við leiðbeindum þeim með
það,“ segir Margrét.
Þarna er rekin áætlun sem nefnist
„Útlendingur í neyð“, en þar getur
fólk, sem á t.d. ekki peninga til þess
að komast úr landi af sjálfsdáðum,
fengið aðstoð. Margrét kveðst ætla
að ræða við Félagsþjónustuna um
„Útlending í neyð“ ef menn þar vilji
kanna þann möguleika.
Hún segir að fólkið sem kom í Al-
þjóðahús í gær hafi rætt við starfs-
fólk þar. „Okkur skildist líka að þau
hefðu í rauninni litla eða enga pen-
inga milli handanna.“ Margrét veit
ekki hvort fólkið tengdist Rúmenun-
um 19 sem fóru úr landi í fyrradag.
Hún segir að vegalaust fólk leiti
einstaka sinnum aðstoðar hjá Al-
þjóðahúsi, en hún telji ekki að slíkum
heimsóknum hafi fjölgað. Alþjóða-
hús hafi ekki yfir að ráða húsaskjóli
til þess að veita vegalausu fólki en þó
sé reynt að aðstoða fólk í slíkum mál-
um.
Að sögn Hildar Dungal lét lög-
regla Útlendingastofnun vita af máli
Rúmenanna 19 sem fóru úr landi í
fyrradag. Lögreglan hafi hinsvegar
sinnt málinu en hún hafi „ákveðnar
heimildir í útlendingalögunum til
frávísunar“. Útlendingastofnun hafi
ekki fengið ábendingar um Rúmen-
ana 19, algengara sé að þær berist
lögreglu. Þegar Útlendingastofnun
fái ábendingar sem þessar komi hún
þeim áfram til lögreglunnar, enda sé
það ekki stofnunarinnar að hafa sér-
stakt eftirlit innanlands.
Hópur Rúmena leitaði
aðstoðar Alþjóðahúss
Mál Rúmena hafa ekki komið til kasta Útlendingastofnunar
RÚMÖNSKU harmonikuleik-
ararnir átta sem búist er við að yf-
irgefi landið í dag virtust kátir með
lífið og tilveruna þegar þeir komu
til Reykjavíkur frá Akureyri síð-
degis í gær. Þar tóku á móti þeim
tveir lögregluþjónar og vísuðu vin-
gjarnlega til lögreglubifreiðar sem
stóð fyrir utan Reykjavíkurflugvöll.
Rúmenarnir höfðu dvalið á Ak-
ureyri undanfarna daga og fram-
fleytt sér með spilamennsku við
verslanir í bænum. Kvartað var
undan mönnunum og eftir yf-
irheyrslur ákvað lögregla að senda
þá suður.
Blaðamaður Morgunblaðsins
reyndi að ná tali af mönnunum fyr-
ir utan Reykjavíkurflugvöll en bæði
tungumálaörðugleikar og lögregla
komu í veg fyrir að úr samtali yrði.
Mennirnir voru fluttir á lög-
reglustöðina við Hverfisgötu og
hafa að sögn lögreglu þegið boð um
að yfirgefa landið.
Átta til viðbótar mættu
Samkvæmt upplýsingum frá lög-
reglunni á höfuðborgarsvæðinu
mættu fleiri Rúmenar niður á lög-
reglustöð síðdegis í gærdag. Þeir
munu fylgja löndum sínum til Osló-
ar í dag. „Þeir hafa heyrt af því að
við værum að aðstoða fólk við að
fara úr landi og koma sjálfir inn á
lögreglustöðina," sagði varðstjóri
lögreglunnar í samtali við Frétta-
vef Morgunblaðsins í gærkvöldi, og
bætti við að þeim hefði verið komið
fyrir í ólæstum klefum.
Harmonikuleikar-
ar í lögreglufylgd
Morgunblaðið/ÞÖK