Morgunblaðið - 09.05.2007, Blaðsíða 6
6 MIÐVIKUDAGUR 9. MAÍ 2007 MORGUNBLAÐIÐ
FRÉTTIR
Knöpum þungt í skapi
Börn og fullorðnir hafa dottið af hestbaki og meiðst þegar torfæruhjól birtast
á reiðvegum og fæla hestana þeirra Mikil slysahætta, segir formaður Fáks
Eftir Örlyg Stein Sigurjónsson
orsi@mbl.is
HESTAMENN hafa þungar áhyggjur af öryggi
sínu vegna sívaxandi umferðar torfærubifhjóla á
reiðvegum. Lögreglan bregst alltaf við tilkynn-
ingum um slík lögbrot og tekur undir með hesta-
mönnum að vandamálið hafi vaxið.
Að sögn Bjarna Finnssonar, formanns hesta-
mannafélagsins Fáks, eru dæmi þess að fólk hafi
dottið af baki þegar hestar fælast undan torfæru-
hjólum sem birtast skyndilega. Börn hafa dottið af
baki og meiðst við þessar uppákomur og segir
Bjarni að fátt sé eins mikið rætt meðal hesta-
manna og einmitt þessi hætta af hjólunum. „Þetta
vandamál hefur vaxið verulega, ekki bara hér í
þéttbýlinu heldur líka úti á landi,“ bendir hann á.
„Slysahættan er mikil, því hestar eru í eðli sínu
flóttadýr og fælast ef þeir sjá áberandi hluti birt-
ast skyndilega. Og það hafa orðið slys vegna
þessa. Þá eru ótaldar skemmdirnar sem ökumenn
torfæruhjólanna valda á reiðvegum.“
Bjarni segir Fák hafa kallað eftir betri merk-
ingum við reiðstíga og segir að lögregla, ríki og
borgaryfirvöld geri sér grein fyrir hættunni.
Guðbrandur Sigurðsson, aðalvarðstjóri hjá
Lögreglunni á höfuðborgarsvæðinu, tekur undir
með Bjarna og segir lögregluna oft fá tilkynningar
um torfærutæki á reiðvegum. „Þetta er talsvert
vandamál í Mosfellsdal og víðar,“ segir hann. „Við
sendum að sjálfsögðu lögreglumenn á staðinn en
þá er viðkomandi ökumaður oft farinn, eða þá að
hann bregst við með því að reyna stinga af. Við
eigum ekki mörg úrræði í þeim tilvikum því við
eltum ekki ökumenn utan vegar á lögreglubílum.“
Segir hann þetta vandamál hafa aukist mikið síð-
ustu misserin vegna gífurlega mikils innflutnings
á torfæruhjólum. Hugsanlega gæti það auðveldað
lögreglu að ná til ökumanna ef embættið eignaðist
torfærutæki sjálf en það sé álitaefni hvort forsvar-
anlegt væri að auka slysahættu ef lögreglan færi
að stunda eftirför á malarstígum.
JÁ KYNNTI í gær Símaskrána árið
2007 í Grasagarðinum í Laugardal.
Tímamót eru í framsetningu hennar
því Símaskráin er nú í fyrsta skipti
merkt Svaninum, norræna umhverf-
ismerkinu. Símaskráin 2007 er
prentuð á pappír sem unninn er úr
sjálfbærum skógum, auk þess sem
blek og lím uppfylla ýtrustu kröfur.
Þó ekki sé mælt sérstaklega með því
þá „er hún svo umhverfisvæn að
óhætt er að borða hana“ að sögn Sig-
ríðar Margrétar Oddsdóttur, fram-
kvæmdastjóri Já.
Gróðursett í Brynjudal
Í tilefni af því hefur Já gert samn-
ing við Skógræktarfélag Íslands um
gróðursetningu 1.500 trjáa á ári,
sem er sá fjöldi sem felldur er fyrir
prentun Símaskrárinnar. Fram-
kvæmdastjóri Skógræktarfélags Ís-
lands, Guðmundur Jónsson, veitti af
þessu tilefni fyrstu símaskránni við-
töku og sagðist hlakka til samstarfs-
ins við Já. Þá efndi Já til samkeppni
meðal nemenda Listaháskólans um
forsíðu Símaskrárinnar. Rúmlega
200 tillögur bárust en dómnefnd
valdi hugmynd Kristins Gunnars
Atlasonar, nema í grafískri hönnun
og arkitektúr. Voru honum afhent
verðlaun á kynningunni í gær. Önn-
ur nýjung sem fylgir með Síma-
skránni í ár er stækkunargler, sem
mun verða mikið hagræði fyrir eldri
notendur hennar, og er að finna í
vasa fremst í skránni. Símaskráin er
prentuð í 230 þús. eintökum, er 1.584
síður og vegur tæp 2 kg.
Svanurinn, norræn umhverfis-
vottun, á Símaskrána í fyrsta sinn
Morgunblaðið/Kristinn
Umhverfisvæn Guðrún María, Kristinn Gunnar og Sigríður Margrét eru ánægð með símaskrána.
GUÐRÚN M. Guðmundsdóttir, ritstjóri Símaskrárinnar
2007, segir „vorboðann ljúfa“ vera vinsælustu og mest
lesnu bók landsins. Nýleg könnun fyrir Já sýndi að 90%
landsmanna nota Símaskrána og 96% þeirra sem svör-
uðu voru ánægðir með hana. Sigríður Margrét Odds-
dóttir, framkvæmdastjóri Já, segir að talsverður munur
sé á notkun eldri og yngri kynslóða á símaskránni. Þeir
eldri noti prentuðu útgáfuna en þeir yngri ja.is. Einnig
sé munur á notkun eftir starfsstéttum þar sem skrif-
stofufólk noti vefinn mun meira en t.d. iðnaðarmenn. Þó
virðist tæknin aðeins fela í sér aukningu á notkun en
dragi ekki úr notkun prentuðu skrárinnar.
90% landsmanna nota Símaskrána
HÖRÐUR Sævalds-
son, tannlæknir, lést á
heimili sínu á Seltjarn-
arnesi sunnudaginn 6.
maí s.l., 73 ára að aldri.
Hörður fæddist 7.
febrúar 1934 á Nes-
kaupsstað, sonur
hjónanna Sævaldar Ó.
Konráðssonar, aðal-
bókara í Reykjavík og
Friðrikku Júlíusdóttir,
húsfreyju og verslunar-
manni.
Hörður varð stúdent
frá Menntaskólanum í
Reykjavík 1954, lauk
tannlæknaprófi frá Háskóla Íslands
1960 og fékk tannlæknaleyfi sama
ár. Hann starfaði sem aðstoðartann-
læknir hjá Halli Hallssyni, tann-
lækni frá febrúar 1960 – júlí 1961 en
hóf síðan rekstur eigin tannlækna-
stofu árið 1961 að Tjarnargötu 16 í
Reykjavík, sem hann starfrækti til
dauðadags. Hörður stundaði fram-
haldsnám við Háskól-
ann í Birmingham, Ala-
bama í Bandaríkjunum
frá janúar – júlí 1968.
Hörður gegndi marg-
víslegum trúnaðar-
störfum fyrir Tann-
læknafélag Íslands
(TFÍ), var ritari í
stjórn TFÍ 1969–71 og
formaður félagsins
1972–74 og 1978–81.
Hann sat í ýmsum
nefndum, m.a. sam-
starfsnefnd við Trygg-
ingastofnun ríkisins og
TFÍ 1988–90, sat í
skólanefnd Tannsmíðaskóla TFÍ
1968–72 og kenndi síðar við Tann-
smíðaskóla Íslands. Hörður stundaði
veiðar af miklum áhuga, bæði lax-
veiði og fuglaveiði.
Eftirlifandi eiginkona Harðar er
Ragnheiður Marteinsdóttir. Þau
eignuðust fjögur börn. Þá á Hörður
fjórar dætur frá fyrra hjónabandi.
Hörður Sævaldsson
Andlát
ÞAÐ er enn ekki
komið á hreint
hversu langan
tíma tekur að
gera við Gríms-
eyjarferjuna Sæ-
fara, en alvarleg
bilun kom upp í
gír skipsins í síð-
ustu viku. Ekki
er búið að finna varahlut í stað þess
sem bilaði.
Í fyrstu frétt um málið var talað
um að allt að mánuð gæti tekið að
gera við skipið. Kristján Ólafsson,
deildarstjóri á rekstrarsviði Sam-
skipa, sem reka ferjuna, sagðist
vonast eftir að skipið yrði ekki
stopp svo lengi.
Skip mun fara til Grímseyjar í
vikunni til að ná í fisk, en að öðru
leyti hafa Grímseyingar notast við
flugsamgöngur.
Grímseyingar
eru ennþá
ferjulausir
Á AÐALFUNDI Ungra jafn-
aðarmanna í Kópavogi, sem hald-
inn var fyrir skömmu, var skorað
á stjórnvöld að breyta kosn-
ingalöggjöfinni þannig að fram-
vegis verði kosið til þings og sveit-
arstjórna að hausti en ekki vori
eins og nú tíðkast.
„Núverandi fyrirkomulag vinnur
mjög gegn hagsmunum þess þjóð-
félagshóps sem er að neyta at-
kvæðisréttar í fyrsta sinn. Stór
hluti ungra kjósenda eru náms-
menn í próflestri sem hafa lítinn
sem engan tíma til að kynna sér
menn og málefni flokkanna. Þetta
vinnur gegn leikreglum lýðræð-
isins og hagsmunum þess þjóð-
félagshóps sem byggir landið og
mun nýta sér opinbera þjónustu
hvað mest á komandi árum,“ segir
í ályktun Ungra jafnaðarmanna í
Kópavogi.
Vilja að kosið
verði á haustin
SIGURÐUR
Þórðarson rík-
isendurskoðandi
hefur ritað bréf
til Vegagerð-
arinnar og Rík-
iskaupa og óskað
eftir upplýs-
ingum um kaup
og breytingar á
Grímseyjarferju.
Hann segir að
þetta hafi hann gert vegna um-
ræðu um kostnað við ferjuna en
fullyrðingar hafa komið fram um
að kostnaðurinn sé kominn langt
fram úr upphaflegri áætlun.
Í síðustu viku var felld í sam-
göngunefnd Alþingis tillaga um að
vísa málinu til Ríkisendurskoð-
unar.
Skoðar kostnað
við ferjuna
Sigurður
Þórðarson
HELGI Torfason
hefur verið skip-
aður í embætti
safnstjóra Nátt-
úruminjasafns
Íslands.
Náttúru-
minjasafn Ís-
lands er ný stofn-
un sem er ætlað
að vera höf-
uðsafn á sviði náttúrufræða og hef-
ur það hlutverk að varpa ljósi á
náttúru Íslands og náttúruvernd.
Helgi Torfason er doktor í jarð-
fræði frá Háskólanum í Liverpool.
Hann hefur starfað sem verk-
efnastjóri jarðhitamála hjá Orku-
stofnun.
Helgi Torfason
safnstjóri
Helgi Torfason
SKRÁÐU
ÞIG NÚNA
ÞEIR SEM SKRÁ SIG FYRIR
17. JÚNÍ FÁ 10.000
GLITNISPUNKTA!
H
V
ÍT
A
H
Ú
S
IÐ
/
S
ÍA
8
1
3
1