Morgunblaðið - 09.05.2007, Blaðsíða 21
MORGUNBLAÐIÐ MIÐVIKUDAGUR 9. MAÍ 2007 21
HÖFUÐBORGARSVÆÐIÐ
!! "
# $%&
'
(
) * + *
,- * .
* ///
PI
PA
R
/
SÍ
A
Reykjanesbær | Árlegir íbúafund-
ir bæjarstjóra Reykjanesbæjar,
Árna Sigfússonar, hefjast í kvöld,
9. maí í Akurskóla kl. 20:00.
Að þessu sinni verða fundirnir
allir sendir út í beinni útsendingu á
vef bæjarins, reykjanesbaer.is en
þar verður jafnframt hægt að nálg-
ast frekari upplýsingar að loknum
hverjum fundi, s.s. hvaða ábend-
ingar og spurningar komu fram og
hvernig þeim var svarað.
Á fundunum fer bæjarstjóri yfir
það helsta frá liðnu ári og eru
fundirnir haldnir í fimm hverfum
bæjarins en að auki eru haldnir
íbúafundir með grunnskólanemum
og framhaldsskólanemum. Á fund-
inum er tekið á móti ábendingum
um það sem betur má fara og jafn-
framt er farið yfir ábendingar síð-
asta árs og skoðað hvað hefur ver-
ið gert, s.s. myndir sem sýna
breytingar fyrir og eftir ábend-
ingu.
Einnig verður hægt að senda inn
ábendingar rafrænt á netfangið:
ibuafundir@reykjanesbaer.is.
Íbúafundir með bæjar-
stjóra hefjast í kvöld
Fundirnir sendir út beint á netinu
SJÁVARÚTVEGSRÁÐHERRA
hefur hafnað beiðni Smábátafélags
Reykjaness um áframhaldandi lokun
viðkvæmrar hrygningarslóðar við
Reykjanes. Í bréfi sjávarútvegs-
ráðuneytisins dagsettu 3. maí sl. til
Halldórs Ármannssonar formanns
félagsins segir eftirfarandi:
„Vísað er til bréfs yðar frá 30. apríl
2007 þar sem þér, fyrir hönd Smá-
bátafélags Reykjaness, óskið eftir að
gildistíma reglugerðar nr. 888, 11.
október 2002 um sérstök línu- og
netasvæði, verði framlengt. Ráðu-
neytið tilkynnir að það mun ekki
framlengja bann við veiðum með
botnvörpu á svæði því sem tilgreint
er í fyrrgreindri reglugerð.“
Halldór segir á heimasíðu Lands-
sambands smábátaeigenda þetta
vera mikil vonbrigði en þó ánægju-
legt að loksins eftir áralanga baráttu
hefði fengist svar frá ráðuneytinu.
Það þýddi einfaldlega að ráðherra
væri andvígur því að friða viðkvæm
hrygningarsvæði fyrir trollinu.
Eins og bent var á í bréfi Smá-
bátafélags Reykjaness fylltist allt af
togurum á svæðinu á miðnætti 1.
maí. „Þeir hafa trollað svæðið þvers
og kruss frá þeim tíma og heimabát-
ar í tugatali sem nýtt hefðu svæðið
með línu fyrir þessa holskeflu nú
flestir flúnir af því. Ég reikna með að
búið verði að ganga frá þessu nú í
vikunni ef Fiskistofa lokar ekki á
smáýsu sem þarna er mikið af“,
sagði Halldór.
Málið snýst um að togurum styttri
en 42 metrar með aflvísi lægri en
2500 eru nú heimilaðar veiðar upp að
4 sjómílum frá Sandgerði. Svæðið af-
markast af línu réttvísandi vestur
frá Sandgerðisvita að 23°42́V og að
norðan af 64°20́N, sbr. reglugerð
940/2005.
Frekari friðun við
Reykjanes hafnað
SUÐURNES
VILHJÁLMUR Þ. Vilhjálmsson
borgarstjóri heimsótti nýja skjala-
geymslu Borgarskjalasafns Reykja-
víkur að Vatnagörðum 28. Geymsl-
an er tæplega 600 ferm. að stærð og
leysir eldra geymsluhúsnæði í Mos-
fellsbæ af hólmi. Farið hafa fram
gagngerar endurbætur á húsnæð-
inu, og komið hefur verið upp viða-
miklu hillukerfi og fullkomnu ör-
yggiskerfi.
Getur tekið við öllum skjölum
borgarinnar næstu 10 árin
Húsnæðið á að geta tekið við
skjölum borgarstofnana næstu 10
árin miðað við könnun á skjala-
magni í stofnunum borgarinnar.
Eldri skjöl borgarinnar verði því öll
varðveitt í hillum við góðar að-
stæður. Áætlað er að hillurými í
nýju geymslunni sé um 4.000 hillu-
metrar.
Borgarskjalasafn Reykjavíkur
var stofnað árið 1954 og flutti árið
1999 í núverandi húsnæði sitt að
Tryggvagötu 15. Í 1.500 ferm. hús-
næði þess í Tryggvagötu er af-
greiðsla, lesstofa, aðstaða fyrir
fræðimenn, skrifstofur safnsins,
vinnuaðstaða, öryggisgeymsla fyrir
elstu skjöl, öryggisgeymsla fyrir
trúnaðarskjöl og aðalgeymsla safns-
ins. Geymslan að Vatnagörðum er
til viðbótar við geymslur í Tryggva-
götu 15.
Áttaþúsund hillumetrar
Á Borgarskjalasafni Reykjavíkur
eru nú varðveittir um 8.000 hillu-
metrar af skjölum og eru þau elstu
frá 16. öld en almennt eru þau frá
kaupstaðarstofnuninni 1786. Árleg
aukning á skjölum eru um 250-300
hillumetrar á ári. Um 2.500 fyrir-
spurnir berast árlega á safnið auk
þess sem sýningar þess hafa verið
vel sóttar. Hjá Borgarskjalasafni
starfa 8 starfsmenn.
Í nýju geymslunni eru m.a. varð-
veitt skattframtöl Reykvíkinga,
skjöl veitustofnana, eldri bókhalds-
skjöl borgarinnar og fleira.
Borgarskjalasafn er öllum opið
án aðgangeyris og varðveitir það
skjöl, einkum skjöl borgarstofnana
og borgarfyrirtækja.
Elstu skjölin
eru frá 16. öld
Skjalasafn Vilhjálmur Þ. Vil-
hjálmsson borgarstjóri skoðar hina
nýju geymslu Borgarskjalasafnsins.HEILSUVIKA Framkvæmdasviðs
Reykjavíkurborgar hófst með opn-
unarhátíð í framtíðarhúsnæði
sviðsins við Höfðatorg sl. mánu-
dagsmorgun. Hjól og dans eru
þema vikunnar og því var við hæfi
að vígja ný hjól Framkvæmdasviðs
með spennandi hjólaleiknikeppni.
Kennari frá Kramhúsinu hitaði
upp með nokkrum salsasporum og
síðan brunaði fríður hópur starfs-
manna af stað í létta hjólaferð um
hjólastíga borgarinnar.
Það verður líf og fjör hjá starfs-
mönnum Framkvæmdasviðs út vik-
una.
Líf og fjör
hjá Fram-
kvæmdasviði