Morgunblaðið - 09.05.2007, Blaðsíða 30

Fáðu
fréttirnar
sendar
í símann
þinn
30 MIÐVIKUDAGUR 9. MAÍ 2007 MORGUNBLAÐIÐ
UMRÆÐAN
Vegna mikils aðstreymis aðsendra greina í aðdraganda alþingiskosninganna verður formi þeirra greina,
sem lúta að kosningunum, breytt. Er þetta gert svo efnið verði aðgengilegra fyrir lesendur og auka mögu-
leika Morgunblaðsins á að koma greinunum á framfæri fyrir kosningar.
Alþingiskosningar
FRÖKEN ríkisstjórn. – Ég er
vinnuveitandi þinn og þar af leiðandi
get ég bæði ráðið þig og rekið. Gallinn
er reyndar sá að eig-
endur fyrirtækisins
Íslands eru svo marg-
ir að ég ein og sér hef
ekki úrslitavaldið. Ég
var heldur aldrei
fylgjandi því að ráða
þig á sínum tíma. Ég
vonast samt til að fá stuðning meiri-
hluta eigendanna í eftirfarandi máli.
Mér finnst þú ekki hafa staðið þig
sem skyldi í starfi þínu hjá fyrirtæk-
inu síðastliðin 12 ár. Auk þess áttu
það til að grobba þig af afrekum þín-
um þó oft á tíðum sé innistæðan held-
ur lítil. Til dæmis þreytist þú aldrei á
að stæra þig af mikilli kaupmátt-
araukningu eftir að þú komst til
starfa hjá okkur. Hingað til hef ég
þurft að trúa þér þar sem þú hefur
alltaf virst vera með rökin fyrir þess-
ari fullyrðingu á hreinu. Nú hefur
hins vegar Árni Páll Árnason hrakið
þessi rök og sýnt fram á að kaupmátt-
araukningin síðustu 11 árin er ein-
ungis í meðallagi (Fréttablaðið 7. maí
2007, bls. 22). Það finnst mér ekki
góður árangur í starfi.
Einnig grobbarðu þig af því að hafa
lengt fæðingarorlofið með því að bæta
við það þremur mánuðum sem aðeins
faðirinn getur nýtt. Þetta var mjög
góð hugmynd, ég verð að játa það, en
útfærslan var ekki fullnægjandi. Því
miður nýtist orlofið ekki öllum börn-
um. Sumir foreldrar eru nefnilega
einir með nýfætt barn sitt (jú, það er
alveg dagsatt!) og margir þeirra geta
alls ekki nýtt sér þessa þrjá nýju
mánuði. Ýmsar ástæður geta verið
fyrir því og ætla ég hér að nefna tvær
þeirra sem eru mjög algengar.
Í fyrsta lagi getur ástæðan verið sú
að faðirinn hefur ekki áhuga á því að
vera einn með barnið, kannski vegna
þess að hann þekkir móðurina lítið
eða hann hefur hreinlega ekki áhuga
á barninu. Sumir taka jafnvel þessa
þrjá mánuði en nýta þá til annars en
þeir eru ætlaðir.
Í öðru lagi er algengara en margur
heldur að faðirinn búi erlendis og hafi
ekki möguleika á því að vera með
barninu.
Á meðan viðhorf þitt er það að fæð-
ingarorlof sé réttur foreldranna en
ekki barnanna – jafnvel þótt markmið
laganna sé að tryggja barninu sam-
vistir við báða foreldra – sé ég ekki
ástæðu til að láta þig sjá lengur um
þetta mál. Ég sé það heldur ekki fyrir
mér að viðhorf þitt í málinu breytist á
næstunni.
Að auki vil ég sjá meiri kaupmátt-
araukningu en þú hefur náð, sér-
staklega hjá þeim lægst launuðu, en
einstæðir foreldrar tilheyra einmitt
margir þeim hópi.
Fröken ríkisstjórn, ég verð því
miður að tilkynna þér að þú ert rekin.
Þú ert rekin
Eftir Þuríði Björgu Þorgrímsdóttur
Höfundur er varaformaður
Félags einstæðra foreldra.
Alveg er makalaust að heyra Sturlu Böðvarsson, samgönguráðherra,
reyna að kenna ágreiningi innan Samfylkingarinnar um að það að stjórn
Greiðrar leiðar ehf. lýsi yfir vonbrigðum með stöðu málsins eftir afgreiðslu
samgönguáætlunar.
Félagið hefur frá 2003 unnið markvisst að undirbúningi
verkefnisins og lokið öllum nauðsynlegum rannsóknum til
að geta hafist handa við verkið, enda hafa allar áætlanir fé-
lagsins miðast að því að hefjast handa í ár og ljúka verkinu
árið 2010. Málið hefur rækilega verið kynnt fyrir öllum
þingmönnum kjördæmisins og samgönguráðherra, sem
vægast sagt hefur sýnt málinu lítinn áhuga.
Mér er kunnugt um að beiðni um viðræður við stjórnvöld
um aðild ríkisins að þessari framkvæmd var lögð formlega fyrir ráð-
herrann á fundi í ágúst 2005, án þess að nokkuð gerðist í málinu. Sama
beiðni var ítrekuð í ágúst 2006 og í framhaldi þar af var þrýst á þingmenn
að tryggja að málið kæmist inn á samgönguáætlun til að hægt yrði að hefj-
ast handa.
Eftir mikla þrautargöngu stjórnarflokkanna við að koma saman sam-
gönguáætlun 2007–2010 fóru Vaðlaheiðargöng þar inn með framlagi að
upphæð 300 milljónir sem koma eiga til verkefnisins á árunum 2008–2010.
Það hefur legið ljóst fyrir að til að koma málinu í höfn þyrfti aðkoma rík-
isins að vera eftirfarandi:
1. Niðurfelling á virðisaukaskatti, sambærilegt og gert var í Hvalfjarð-
argöngunum
2. Ríkið veiti ábyrgð á lánum Greiðrar leiðar ehf.
3. Ríkið taki þátt í framkvæmdakostnaði með stofnframlagi, sem alltaf
hefur legið fyrir að þyrfti að vera mun hærra en 300 milljónir og ræðst
m.a. af vaxtarstigi og því hvort ríkisábyrgð verður veitt.
4. Að Vegagerðin kosti vegtengingar að göngunum.
Forsvarsmönnum Greiðrar leiðar var síðan vísað á Vegagerðina til við-
ræðna um málið, þó að öllum sem þekkja til sé ljóst að annars ágætir starfs-
menn Vegagerðarinnar veita hvorki ríkisábyrgð á lánum, né setja lög sem
heimila niðurfellingu á virðisaukaskatti eða veita sérstakt framlag úr rík-
issjóði til framkvæmda.
Hér er því augljóslega um yfirklór að ræða af hálfu stjórnarflokkanna.
Því miður verða Vaðlaheiðargöng ekki á dagskrá fyrr en þessari sam-
gönguáætlun hefur verið breytt.
Þetta er aðeins eitt af fjölmörgum dæmum um nauðsyn þess að breyting
verði á stjórnarfarinu í kosningunum á laugardaginn. Núverandi stjórn-
arflokkar hafa setið of lengi á valdastólunum.
Yfirklór Sjálfstæðisflokksins
varðandi Vaðlaheiðargöng
Eftir Kristján L. Möller
Höfundur skipar 1. sæti á lista Samfylkingarinnar í Norðausturkjördæmi.
Í kosningabaráttunni hafa for-
menn tveggja stjórnmálaflokka sagt
að þeir vilji hækka persónuafsláttinn
meira fyrir láglauna-
fólk en fyrir þá tekju-
hærri. Þeir vilja með
öðrum orðum tekju-
tengja persónu-
afsláttinn.
Nú þegar eru alls-
kyns tekjutengingar
grasserandi þvers og
kruss um skatta- og bótakerfin hér á
landi. Flestum er orðið ljóst að þær
valda gífurlegu ranglæti og skaða og
eru byggðar á hæpinni hug-
myndafræði. Samt hafa formenn-
irnir tveir hingað til ekki verið
krafðir um nánari útskýringar og
rök fyrir þessari nýju hugmynd. Það
er dapurlegt dæmi um það hversu
grunnt hin pólitíska umræða ristir.
Til þess að átta sig á því sem gerist
ef persónuafslátturinn verður tekju-
tengdur er best að setja upp dæmi:
Gefum okkur að skattleysismörkin
yrðu hækkuð úr 90 þús. í 120 þús. á
mánuði með þessari aðferð og breyt-
ingin látin deyja út við 220 þús. kr. á
mánuði. Tekinn yrði upp tekju-
tengdur viðbótarpersónuafsláttur
upp á 10.700 kr., sem myndi skerð-
ast með hækkandi tekjum og hverfa
við 220 þús. kr. tekjur. Skerðing-
arhlutfallið væri 10,7% og myndi
virka á þessu tekjubili til viðbótar
við 35,7% staðgreiðsluhlutfall.
Þetta jafngildir því að samhliða
hækkun skattleysismarka væri tekið
upp nýtt skattþrep fyrir tekjur á
bilinu 120–220 þúsund. Í öllum ná-
lægum löndum nota menn reyndar
þrepaskipt skattkerfi, en þau eru að
sjálfsögðu smíðuð með því lagi að
skattprósentan er lægst í fyrsta
þrepi, á lægstu tekjurnar, en fer síð-
an stighækkandi með hærri tekjum.
Hið nýja tveggja þrepa skattkerfi
formannanna tveggja myndi hins-
vegar vera á hvolfi, því að þar væri
skattprósentan hæst í fyrra þrepinu
eða 46,4%, en lækkaði síðan í 35,7%
fyrir tekjur yfir 220 þúsund.
Vilji menn í alvöru gera þetta sem
dæmið lýsir, væri því einfaldara og
auðskiljanlegra að lýsa stefnunni
svona, t.d. í kosningastefnuskránni:
„Q-listinn vill hækka álagning-
arprósentuna á lægstu tekjur, upp
að 220 þúsund kr. á mánuði, í 46,4%
og hækka jafnframt persónuafslátt-
inn í 55.700 kr. þannig að skattleys-
ismörk verði 120 þúsund.“ Þetta er
einfalt og auðskilið og gerir ná-
kvæmlega það sama og tekjuteng-
ingin í dæminu að ofan.
Eini gallinn er sá, að þegar þetta
er sett fram svona sjá allir hversu
arfavitlaus hugmyndin er og það
gæti leitt til minna fylgis en ella í
komandi kosningum.
Tekjutenging persónuafsláttar?
Eftir Finn Birgisson
Höfundur er arkitekt.
ÉG HEF að undanförnu þurft
að dvelja nokkuð á Reykjavík-
ursvæðinu. Í nokkra daga hef ég
ekið fram hjá gríðarstórri auglýs-
ingu frá Framsóknarflokknum.
Auglýsingin sýnir
fjóra glæsilega
framsóknarmenn úr
Reykjavík og á
henni er þetta kjör-
orð: „Fólk í fyr-
irrúmi.“
Ég fór í fram-
haldi af þessari glæsilegu auglýs-
ingu að velta fyrir mér hvaða fólk
það væri sem Framsóknarflokk-
urinn vildi hafa í svona miklu fyr-
irrúmi.
Eru það öryrkjar og aldraðir
sem Framsóknarflokkurinn hefur
verið duglegur að skerða kjörin
hjá undanfarin ár? (Trygg-
ingaráðuneytið er í höndum Fram-
sóknarflokksins.)
Eru það sjúklingarnir sem
þurfa að greiða sífellt hækkandi
sjúkraþjónustu, komugjöld
o.s.frv.? (Heilbrigðisráðuneytið er
í höndum Framsóknarflokksins.)
Eru það verkamennirnir við
Kárahnjúka sem margir hverjir
lifa við aðstæður sem ekki eru
mönnum sæmandi? (Iðnaðarráðu-
neytið er í höndum Framsókn-
arflokksins og reyndar félags-
málaráðuneytið líka.)
Eru það kannski þeir sem eiga
vegna ýmissa aðstæðna rétt á bót-
um úr almannatryggingakerfinu,
bótum sem minnka sífellt að verð-
gildi og eru þess utan skattlagðar?
(Tryggingaráðuneytið er í höndum
Framsóknarflokksins.)
Þegar ég hafði skoðað málið og
nokkur önnur sem unnt væri að
nefna komst ég að raun um að
ekki gæti verið átt við þetta fólk,
þ.e. öryrkjana, hina öldruðu, sjúk-
lingana, verkamennina og þá sem
rétt eiga á bótum úr almanna-
tryggingakerfinu. Það fólk er
greinilega ekki í fyrirrúmi. En
hverja skyldi þá átt við? Skyldi
kannski vera átt við hina fjóra
glæsilegu framsóknarmenn sem
prýða auglýsinguna sem ég gerði
að umtalsefni hér í upphafi?
Hvaða fólk í fyrirrúmi?
Eftir Ragnar Óskarsson
Höfundur er stuðningsmaður
Vinstri grænna í Vestmannaeyjum.
Árni Stefánsson viðskiptafræðingur
og lögg. fasteignasali
FASTEIGNASALAN
GIMLI GRENSÁSVEGI 13SÍMI 570 4800 - FAX 570 4810
www.gimli.is - ww.mbl.is/gimli
ÆSUFELL - MEÐ BÍLSKÚR
Vorum að fá í sölu fallega 115 fm
5 herbergja íbúð ásamt 24 fm
bílskúr eða samtals 139 fm á
góðum stað í Breiðholtinu. And-
dyri, sjónv.hol, 4 herbergi þ.a. 2
með skápum, flísal. baðherb.
eldhús, stofa og borðstofa með
útg. út á s-svalir. Hús nýtekið í
gegn að utan m.a. einangrað,
klætt og málað ásamt því að
skipta um gler og glugga.
Nánari upplýsingar á skrifstofu GIMLI. Verð 22,9 millj.
Traust þjónusta í 30 ár
Hverafold
Einbýlishús í suðurhlíðum Grafarvogs
FASTEIGNA-
MARKAÐURINN
ÓÐINSGÖTU 4, SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/.
Jón Guðmundsson, sölustjóri og lögg. fasteignasali.
Guðmundur Th. Jónsson, lögg. fasteignasali
Nánari upplýsingar
veittar á skrifstofu.
Glæsilegt 290 fm einbýlishús á tveimur
hæðum á þessum eftirsótta stað. Eignin
hefur verið mikið endurnýjuð nýlega, m.a.
innréttingar, gólfefni, innihurðir og fataská-
par. Rúmgóðar og bjartar stofur með útg. á
suðursvalir, eldhús með vandaðri innréttingu
og tækjum og útgangi á verönd, 5 svefnher-
bergi og 2 flísalögð baðherbergi. Ræktuð lóð
með verönd og heitum potti. Stór hellulögð
innkeyrsla og falleg lýsing á lóð og húsinu
að utan. Frábær staðsetning á skjólsælum stað í lokaðri botngötu. Stutt í skóla, leikskóla og
aðra þjónustu. Verðtilboð.
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050