Morgunblaðið - 09.05.2007, Blaðsíða 31
MORGUNBLAÐIÐ MIÐVIKUDAGUR 9. MAÍ 2007 31
ÉG býð mig nú fram til Alþingis öðru sinni fyrir hönd míns flokks, Frjáls-
lynda flokksins, og sit í fjórða sæti framboðslistans, í Suðvesturkjördæm-
inu.
Mér er það mikið hjartans mál að standa að því að koma fram umbótum
sanngirni og réttlætis í skattkerfi landsmanna sem er
hækkun skattleysismarka fyrir lægstu tekjuhópana, ásamt
því að hætta bótaskerðingu gagnvart öryrkjum og öldr-
uðum og leyfa þeim hinum sömu að njóta ávinnings mögu-
legrar vinnugetu með frítekjumarki, einni milljón króna ár-
lega.
Núverandi skattbyrði þeirra sem lægstar hafa tekjurnar
gengur ekki lengur, flóknara er það ekki. Þetta stórkost-
lega óréttlætismál þarf því að leiðrétta eins og skot. Um
það er órofa eining í Frjálslynda flokknum.
Verkefni umbóta eru
mörg og brýn.
Kvótakerfi sjávarútvegs hefur ekki lotið þeirri nauðsynlegu endurskoðun
og endurmati upphaflegra markmiða og tilgangs er finna má í fisk-
veiðilöggjöfinni. Þar hafa menn algjörlega sofið á verðinum og er svo kom-
ið að helmingi minni afli er á land borinn af Íslandsmiðum nú, en fyrir tutt-
ugu árum rúmum, við upptöku þessa kerfis. Eigi að síður þykjast menn
ekki þurfa að skoða nokkurn skapaðan hlut í þessu sambandi og neita að
ræða breytingar til dæmis á grundvelli líffræðilegrar fiskveiðistjórnunar,
þótt fiskunum fækki, skuldirnar aukist, landsbyggðin hrynji, þá hafa Sjálf-
stæðis- og Framsóknarflokkur engar áhyggjur, en það hið sama áhyggju-
leysi mun síðar verða skráð á spjöld sögunnar sem ábyrgðarleysi.
Frjálslyndi flokkurinn einn flokka vill taka á þeim nauðsynlegu breyt-
ingum sem hér þurfa að koma til sögu.
Málefni aldraðra og Framkvæmdasjóður
Í raun hefði þessi ríkisstjórn átt að segja af sér þegar dregið var fram að
lögbundin gjöld er runnið hafa í Framkvæmdasjóð aldraðra til langs tíma,
voru notuð í rekstur stofnana í stað nauðsynlegrar uppbyggingar eins og
lagalegur tilgangur gjalda stóð til. Sjálf skammast ég mín að mega þurfa
að vera vitni að slíku óráðsíufyrirkomulagi í garð þeirra sem lokið hafa
ævistarfi í okkar þágu. Þegar mannvirðing er farin veg allrar veraldar þá
þurfa menn að staldra við og spyrja sig spurninga. Núverandi samstarfs-
flokkar í ríkisstjórn hafa ekki einir vit á því að stjórna landinu, þótt þeir
hafi setið þar lengi. Ég hvet menn til þess að gefa þessum flokkum frí, þeir
hafa gefist upp við forgangverkefni og látið reka á reiðanum og fyrir það
eiga þeir engin verðlaun skilið.
Frjálslyndi flokkurinn mun vinna að hagsmunum fólksins í landinu sem
heild.
Ágætu kjósendur
Eftir Guðrúnu Maríu Óskarsdóttur
Höfundur er skólaliði og kynningarfulltrúi, situr
í 4. sæti á lista Frjálslyndra í Suðvesturkjördæmi.
ÞAÐ er greinilegt að Árni John-
sen fv. alþm. hefur ekki kynnt sér
hvað gerst hefur í þinginu sl.
fimm ár, eftir að
hann hvarf þaðan.
Þegar Landbún-
aðarháskóli Íslands
var stofnaður, lagði
ég til að það yrði
gert úr tveimur
stoðum, þ.e.
Hvanneyri og RALA. Þá barst ósk
frá stjórnendum Garðyrkjuskóla
ríkisins til mín sem landbún-
aðarráðherra og landbún-
aðarnefndar Alþingis um að Garð-
yrkjuskólinn yrði þriðja stoðin í
þessum skóla og var það sam-
þykkt af Alþingi. Það er því Land-
búnaðarháskóli Íslands sem nú
starfar að Reykjum í Ölfusi og sú
starfsemi sem þar var, stendur
þar enn óhögguð hvað nem-
endafjölda varðar og námsgreinar.
Starfsstöðin á Reykjum var og
er í erfiðri stöðu vegna húsakosts
sem þarf að byggja þar upp. Ég
hef sagt að þeirri óvissu þurfi að
eyða sem fyrst; óvissan er skaðleg
öllum, ekki síst skólastarfi. Minn
vilji í þessu máli er skýr og hafi
Árni Johnsen lesið ræður mínar í
þinginu um málið eða andsvör í
fjölmiðlum, þá ætti hann að sleppa
svona vangaveltum eins og eru í
grein hans.
Ég hef rætt bæði við fjár-
málaráðherra og ríkisstjórn um
byggingarþörfina á Reykjum. Í
framhaldi af því fékk ég heimild
Alþingis til að selja land úr
Reykjatorfunni, að vísu yrði landið
heima við höfuðstaðinn ekki selt,
sem er glæsilegt útivistarsvæði og
mikilvægt fyrir þá starfsemi sem
Landbúnaðarháskólinn mun reka
á Reykjum í framtíðinni. Þar vil
ég ekki sjá blokkir eða kaupsýslu-
menn; þessi staður á að vera vís-
inda- og skólastaður og staður þar
sem fólk getur notið gönguferða
og útivistar.
Til þess að það sé verjandi að
fjárfesta í verulegum nýbygg-
ingum á Reykjum hafa flestir ver-
ið sammála um að efla þurfi starf-
semi á staðnum og hefur
yfirstjórn skólans unnið að stefnu-
mörkun og undirbúningi þess nú
síðustu mánuði, m.a. í gegnum
fagfólk sem myndar vinnuhópa og
hefur kallað alla hagsmunaaðila að
borðinu. Ég hef skýrt frá því að
Landbúnaðarháskólinn hefur þeg-
ar gert samning við fjárfestinga-
fyrirtækið Arkea hf sem stýrt er
af dr. Jakob Kristjánssyni um
tæknigarða að Reykjum. Þetta
samstarf hefur þegar leitt af sér
rekstur á aðstöðu fyrir nýsköp-
unar- og sprotafyrirtæki, svokall-
að tæknisetur Arkea sem staðsett
er á Reykjum. Þessi starfsemi
mun styrkja og efla bæði skóla- og
vísindastarf að Reykjum en þetta
fyrirtæki vinnur að þróun á nýjum
afurðum og þjónustu á sviði holl-
ustu, umhverfis og orkulíftækni.
Það eru líkur á að við þessa starf-
semi, sem þegar er hafin, muni
fljótlega starfa jafnmargir ein-
staklingar og starfa í dag við skól-
ann.
Reykir gegna stóru hlutverki í
starfi Landbúnaðarháskólans og
það er óþarfi að sá efasemdum um
minn vilja hvað skólann varðar; sá
vilji er einnig hjá rektor skólans,
Ágústi Sigurðssyni og háskólaráði.
Starfsemi Arkea mun styrkja
staðinn.
Því miður er ylræktarnámið
minna sótt en áður var vegna
breytinga í garðyrkjunni en
skrúðgarðyrkja, garðplöntufram-
leiðsla og blómaskreytingar eru
eftirsóttari en áður.
Árni Johnsen þarf ekki að
minna mig á mikilvægi þessa
máls. Sunnlendingar vita að ég er
maður orða minna. Hins vegar
verður gott að eiga Árna Johnsen
að í þessu verkefni, ekki síst ef
flokkur hans felur honum að
starfa í fjárlaganefnd að kosn-
ingum loknum, eins og jafnan áð-
ur.
Bestu þakkir og kveðjur að
Reykjum, þeir munu rísa og
gegna stóru hlutverki í atvinnulífi
Sunnlendinga áfram.
Umræða um Garðyrkjuskólann
og andsvar til Árna Johnsen
Eftir Guðna Ágústsson
Höfundur er landbúnaðarráðherra.
Fáðu úrslitin
send í símann þinn
Fr
u
m
Nú er tækifæri til þess að eignast nýtt og eigið atvinnuhúsnæði
í 116 Reykjavík
Besta fermetraverð á sambærilegu atvinnuhúsnæði á höfuðborgarsvæðinuil i i i
Esjumelar - 116 Rvk
Staðsteypt 1590 fm. atvinnuhúsnæði. Grunnflötur er 1060 fm og milliloft 530 fm. Miðað er við að húsinu verði skipt uppí 8 bil sem verða öll ca. 200
fm að stærð með stórum innkeyrsludyrum. Hægt er að breyta skipulagi húss.
Miðað er við að lofthæð neðri hæðar verði 4-7 metrar og að lofthæð millilofta verði 2,5 til 2,8 metrar. Hæð húss er 7 metrar.
Húsið er steypt og afhendist fullbúið að utan með malbikuðu plani og tilbúið til innréttinga að innan. Stórar innkeyrsludyr.
Eignin er staðsett í hverfi sem er skipulagt sem eitt af stærri iðnaðarhverfum Reykjavíkur. Esjumelar eru 10-15 mín. akstri frá Borgartúni í Reykjavík.
Verð 117.000 á fm.
Afhending í mars 2008. Traustur byggingaaðili. Nánari upplýsingar veitir Þórarinn í síma 840 2277 eða á skrifstofu Draumahúsa 530 1811