Morgunblaðið - 15.05.2007, Blaðsíða 8

8 ÞRIÐJUDAGUR 15. MAÍ 2007 MORGUNBLAÐIÐ
FRÉTTIR
ÖKUMAÐUR dráttarvélar hafði
samband við lögregluna á Selfossi
sl. föstudag og greindi frá því að
hann hefði verið á ferð um Þorláks-
hafnarveg þegar bifreið var ekið
framúr honum og byssu veifað
framan í hann að því er fram kemur
á Lögregluvefnum.
Lögreglumenn fundu bifreiðina.
Í henni voru tveir ungir karlmenn
sem voru með leikfangabyssu. Þeir
viðurkenndu að hafa veifað byss-
unni í átt að vegfarendum. Hald var
lagt á byssuna og mennirnir kærðir
fyrir brot á vopnalögum.
Veifuðu leik-
fangabyssu
BROTIST var
inn í fjölbýlishús
sem er í bygg-
ingu á Miðbæjar-
reitnum á Akra-
nesi um helgina.
Rúður voru
brotnar, máln-
ingu slett út um
allt, mjólkur-
fernur rifnar í sundur og kaffi
skvett víða. Fulltrúar verktakans
mættu á svæðið og gengu frá til
bráðabirgða.
Á milli klukkan 17 og 20 á sunnu-
dag var aftur brotist inn í húsið og
frekari skemmdarverk unnin. Inn-
réttingar voru skemmdar, raf-
magnstöflur eyðilaðar, perur og
fleiri rúður brotnar. Þá var máln-
ingu hellt ofan í lyftugöngin og á
lyftuna og á viðkvæman búnað í
gangverki hennar. Ekki er vitað
hve tjónið er mikið en það gæti
numið tugum milljóna hafi lyftu-
búnaðurinn eyðilagst, segir á
skessuhorni.is.
Skemmdarverk
á Skaganum
GUNNAR Hrafn Gunnarsson og
Melissa Ortiz Gomez, Dansfélaginu
Hvönn í Kópavogi, sigruðu á al-
þjóðlegu stigamóti IDSF, alþjóða-
danssambandsins, í Pontevedra á
Spáni á sunnudag en 45 pör tóku
þátt í þessu alþjóðlega stigamóti.
Þau taka þátt í Landsmóti UMFÍ
sem verður haldið í Kópavogi 7. júlí
og keppa þar fyrir UMSK.
Morgunblaðið/Jón Svavarsson
Sigur á alþjóðlegu
dansmóti
VIÐ bæinn Garð í Eyjafjarðarsveit
verður nýtt fjós tekið í notkun í vik-
unni. Byggingin er mikil að vexti:
2.140 fermetrar að stærð, þar af
200 fermetrar fyrir fóðrunarsvæði,
80 fermetrar undir mjólkurhús og
80 fermetra skrifstofurými á efri
hæð mjólkurhúss. Bræðurnir Að-
alsteinn og Garðar Hallgrímssynir
standa fyrir mannvirkjagerðinni og
stunda búrekstur á jörðinni.
„Það sem er merkilegt við þetta
nýja hús er byggingin sjálf,“ segir
Aðalsteinn. „Húsið er líkast til
stærsta fjós landsins. Öll starfsem-
in fer fram undir einu þaki og þann-
ig er vinnuaðstaðan þægilegri og
auðveldari.“
Í fjósinu eru 139 legubásar fyrir
mjólkurkýr, 23 básar fyrir geldar
kýr og 82 legubásar fyrir kálfa og
kvígur. Haughúsið er um 3.300
rúmmetrar. Húsið er teiknað af Ív-
ari Ragnarssyni eftir hugmyndum
bræðranna, sem meðal annars
byggja á fjósum sem þeir hafa
skoðað hér heima og erlendis.
Aðspurður hvort svona stór bú séu
það sem koma skal svarar Aðal-
steinn: „Tæknin býður upp á stærri
kúabú. Til dæmis getur hver
mjólkurróbót afkastað 70 kúm og
við erum með tvo slíka. Í húsinu er
alls fimm róbótar: tveir sem
mjólka, tveir sem moka skít og einn
sem gefur.
Mikil sjálfvirkni
Við gerðum í því að vera með
nýjustu tækni og hafa sem mest
sjálfvirkt í húsinu. Loftræsting er
sjálfvirk og stjórnað með veðurstöð
sem er uppi á þakinu. Lýsingin er
sjálfvirk og stjórnast af tímastilli
og birtu. Í húsinu er einnig hita-
nemakerfi sem tengt er brunaboða
og hægt er að stjórna hitanum á
drykkjarvatninu fyrir kýrnar.“
Starfsemi bræðranna er rekin í
hlutafélagaformi undir nafninu
Garðsbúið. Auk mjólkur- og nauta-
kjötsframleiðslu vinna bræðurnir
meðal annars að landbúnaðar-
verktöku, heysölu og kornrækt.
Eitt stærsta fjós landsins tekið í notkun
Bræður Garðar og Aðalsteinn Hallgrímssynir stóðu fyrir byggingu fjóssins.
ALMENNINGI hefur verið gefinn
kostur á að gera athugasemdir við
tillögu að matsáætlun fyrir nýjan
veg í grennd við Svínavatn í Aust-
ur-Húnavatnssýslu, svonefnda
Svínavatnsleið.
Um er að ræða áætlun um hvern-
ig staðið verður að rannsóknum
tengdum umhverfismati þeirra
kosta sem til skoðunar eru, en eng-
in endanleg ákvörðun hefur verið
tekin um hvort ráðist verður í veg-
arlagningu. Það verður ekki gert
fyrr en svæðisskipulagi fyrir Aust-
ur-Húnavatnssýslu verður breytt,
og með samþykki eigenda lands
sem vegurinn lægi um.
Nálgast má tillögu Leiðar ehf. á
vefsíðu félagsins, www.leid.is.
Óskað eftir
athugasemdum
NOKKRIR nýkjörnir þingmenn
sitja í bæjar-, borgar- eða sveit-
arstjórnum og má þar t.d. nefna
Ragnheiði Ríkharðsdóttur, bæj-
arstjóra í Mosfellsbæ (D), Árna
Þór Sigurðsson, borgarfulltrúa (V),
Björk Guðjónsdóttur, forseta bæj-
arstjórnar Reykjanesbæjar (S), og
Gunnar Svavarsson, forseta bæj-
arstjórnar Hafnarfjarðarbæjar (S).
Ragnheiður Ríkharðsdóttir segir
það hafa legið fyrir frá upphafi að
Haraldur Sverrisson, núverandi
formaður bæjarráðs, myndi taka
við af henni sem bæjarstjóri árið
2008. Því hafi ekkert breyst í þeim
efnum annað en tímasetningin. „Ég
mun ekki gegna áfram embætti
bæjarstjóra þegar Alþingi tekur til
starfa þannig að hér verða breyt-
ingar fyrr en við ætluðum,“ segir
Ragnheiður. „Í meirihlutasamstarfi
Sjálfstæðisflokks og Vinstri
grænna tóku sjálfstæðismenn þá
ákvörðun að ég myndi hætta haust-
ið 2008 og Haraldur Sverrisson,
sem er annar maður á lista, tæki
þá við sem bæjarstjóri.“ Ragnheið-
ur segir að samhliða því hafi hún
tekið þá ákvörðun að bjóða sig ekki
fram til sveitarstjórnar vorið 2010.
„Við vorum þannig búin að und-
irbúa að hann tæki við sem bæj-
arstjóri og hann gerir það þá bara
ári fyrr,“ segir Ragnheiður. Hún
segir að sjálfstæðismenn eigi eftir
að huga að því hvernig málum
verði hagað innan bæjarfull-
trúahópsins þegar Haraldur tekur
við sem bæjarstjóri. Hún mun ekki
segja af sér sem bæjarfulltrúi,
heldur starfa að málefnum bæj-
arins samhliða þingsetu. „Ég er
kjörin til þess og þeir sem sitja í
bæjarstjórn núna eru flestallir í
krefjandi störfum annars staðar og
geta sinnt því að vera bæj-
arfulltrúar og ég vona að mér
auðnist það líka. Ef í ljós kemur að
það gengur ekki verð ég að endur-
skoða þá ákvörðun mína,“ segir
Ragnheiður.
Vildi sjá hvað kæmi
upp úr kjörkössunum
Árni Þór Sigurðsson er borg-
arfulltrúi vinstri grænna. Hann
segist ekki vera búinn að taka
ákvörðun um hvernig hans málum
verði hagað, hann hafi fyrst viljað
sjá hvað kæmi upp úr kjörköss-
unum. „Ég reikna með að ræða það
í borgarstjórnarflokki VG þegar
hann kemur næst saman,“ segir
Árni Þór. „Það hefur legið fyrir al-
veg frá því í fyrra að við Svandís
[Svavarsdóttir] skiptum í borg-
arráði núna í júní, hún fer inn í
borgarráð og ég fer út. Hins vegar
á ég eftir að ræða hvað verður úr
með borgarstjórnina inni í flokkn-
um.“
Björk Guðjónsdóttir er forseti
bæjarstjórnar í Reykjanesbæ og
hún segir að þar sem hún sé nýliði
á þingi geri hún sér ekki alveg
grein fyrir því enn sem komið er
hverju hún þurfi að breyta til að
allt gangi upp. „Ég held að þetta
geti gengið saman,“ segir Björk.
„Ég á eftir að sjá hvernig þetta
verður á þinginu, ég þarf kannski
eitthvað að hagræða og breyta. Þó
held ég að það gangi alveg upp að
vera í bæjarstjórn,“ segir hún en
viðurkennir að viðameira sé að
vera forseti bæjarstjórnar „og svo
er ég reyndar í bæjarráði líka.“
Þegar hún sjái hvernig verður í
þinginu, í hvaða nefndum hún lend-
ir og slíkt muni hún taka ákvörðun
um tilhögunina. „Ég var reyndar
oft spurð að því í kosningabarátt-
unni, ef ég yrði kjörin á þing, hvort
það kæmi í veg fyrir að ég gæti
sinnt bæjarmálunum líka og ég
svaraði því til að ég teldi svo ekki
vera,“ segir Björk.
Ræðst af nýjum
verkefnum
Gunnar Svavarsson er forseti
bæjarstjórnar, situr í bæjarráði og
er formaður framkvæmdaráðs
Hafnarfjarðarbæjar. „Það fer auð-
vitað eftir því hvaða verkefni mér
verða falin inni á þingi,“ segir
Gunnar um áætlanir sínar í bæj-
armálunum samhliða þingsetu. „Ég
er kjörinn bæjarfulltrúi og mun
sinna þeim skyldum mínum þar til
annað verður ákveðið. Ég geri ráð
fyrir að sinna öllum mínum skyld-
um þar til kosið verður að nýju,“
segir Gunnar. Kosið er árlega í ráð
og nefndir í Hafnarfirði, í júní.
„Þau verkefni sem mér verða falin
þar munu hugsanlega eitthvað
breytast, með hliðsjón af auknum
verkefnum mínum í stjórnmálum,“
segir Gunnar.
Bæjarmál og þingseta
geta farið saman
Árni Þór
Sigurðsson
Gunnar
Svavarsson
Björk
Guðjónsdóttir
Ragnheiður
Ríkharðsdóttir
HÉRAÐSDÓMUR Reykjavíkur
hefur dæmt 22 ára karlmann í tólf
mánaða fangelsi fyrir umferðar- og
hegningarlagabrot en frestað fulln-
ustu níu mánaða af refsingunni.
Hann var jafnframt sviptur ökurétti
í tvö ár, gert að greiða 300 þúsund
krónur í sekt til ríkissjóðs og til að
greiða sakarkostnað, um 350 þúsund
krónur.
Á ákæru á hendur manninum
kemur fram að föstudagskvöldið 16.
febrúar 2007 hafi hann ekið bifreið
sinni án gildra ökuréttinda og án
þess að sinna stöðvunarmerkjum
lögreglu og langt yfir leyfilegum há-
markshraða um götur í Reykjavík.
Með því hafi hann raskað umferð-
aröryggi og stofnað lífi og heilsu
tveggja farþega sinna auk annarra
vegfarenda í augljósa hættu.
Ákærunni var skipt í níu liði en
þar kemur m.a. fram að maðurinn
hafi keyrt suður Sæbraut og Reykja-
nesbraut, upp á gangstétt og inn á
bifreiðastæði þar sem hann ók utan í
kyrrstæða bifreið. Þá ók hann einnig
ófáum sinnum gegn akstursstefnu,
m.a. í gegnum hringtorg. Lögregla
þurfti þá að stöðva bifreiðina með því
að aka á hana en þegar mest lét voru
þrír lögreglubílar á eftir manninum.
Margbrotlegur en vill í meðferð
Í niðurstöðu héraðsdóms kemur
fram að þrátt fyrir ungan aldur hafi
maðurinn fimmtán sinnum verið
fundinn sekur um ýmis brot.
Til refsilækkunar leit dómurinn til
þess að maðurinn hefur selt bifreið
sína, er að eigin sögn hættur áfengis-
og fíkniefnaneyslu og bíður þess að
komast í vímuefnameðferð. Þegar
tekið var tillit til þess auk þess sem
maðurinn virðist hafa áttað sig á því
hvert stefni, taki hann ekki stjórn á
eigin lífi, þótti mega skilorðsbinda
refsinguna að hluta.
Sakfelldur
fyrir ofsaakst-
ur um götur
borgarinnar