Morgunblaðið - 15.05.2007, Blaðsíða 16

16 ÞRIÐJUDAGUR 15. MAÍ 2007 MORGUNBLAÐIÐ
ERLENT
BENEDIKT XVI páfi kenndi marx-
isma og óheftum kapítalisma um
vandamál Suður-Ameríku í ræðu
sem hann flutti við lok fimm daga
heimsóknar sinnar til Brasilíu.
Hvatti hann biskupa til að ala upp
nýja kynslóð rómversk-kaþólskra
leiðtoga til að auka áhrif kirkj-
unnar í álfunni.
Benedikt sagði við guðsþjónustu í
Sao Paulo að löglegar getnaðar-
varnir og fóstureyðingar í Suður-
Ameríku ógnuðu framtíð fólksins
og hefðbundin ímynd kaþólskunnar
á svæðinu væri í hættu.
Brasilíuheimsókn
páfa lokið
FULLYRT var í gær að Nicolas
Sarkozy, sem tekur við sem forseti
Frakklands á morgun, hefði beðið
sósíalistann Bernard Kouchner að
verða næsti utanríkisráðherra
landsins. Kouchner stofnaði sam-
tökin Læknar án landamæra 1971.
Kouchner utan-
ríkisráðherra?
CONDOLEEZZA
Rice, utanríkis-
ráðherra Banda-
ríkjanna, telur út
í hött að líkja
frostinu í sam-
skiptum banda-
rískra og rúss-
neskra stjórn-
valda við kalda
stríðið. Samlíkingin eigi sér enga
stoð í raunveruleikanum – hvað
sem líði deilum um áform Banda-
ríkjamanna að reisa eldvarnarhlíf
yfir Evrópu og stuðning þeirra við
sjálfstæði Kosovo.
Ekkert kalt
stríð í gangi
MAHMOUD Ahmadinejad, forseti
Írans, varaði í gær við því að írönsk
stjórnvöld myndu bregðast við því
af hörku ef Bandaríkin gerðu árás
á landið vegna tilrauna þeirra til að
koma sér upp kjarnorkuvopnum.
Árás á Íran yrði mikil mistök.
Reuters
Fastur fyrir
London. AFP. | Gönguferð úti í guðs-
grænni náttúrunni er góður val-
kostur við lyfjameðferð í baráttunni
við þunglyndi. Þetta er niðurstaða
vísindamanna við háskólann í Essex
á Englandi. Gerður var saman-
burður á áhrifum 30 mínútna
gönguferðar og lyfjameðferðar á 20
þunglyndissjúklinga. 71% sagði
gönguna hafa dregið úr angist og
þunglyndiseinkennum, samanborið
við 22% þegar menn tóku lyf. Önnur
rannsókn, sem náði til 108 manna,
sýndi að „græn meðferð“ hafði góð
áhrif á næstum alla, eða 94%.
Morgunblaðið/Jim Smart
Græn meðferð Hefur góð áhrif.
Græn meðferð
skilar árangri
ÞAÐ voru fáir á ferli í Karachi í Pakistan í gær
og óeirðalögregla tók hart á þeim sem voru tald-
ir vilja efna til uppþota. Allsherjarverkfall hafði
verið boðað í borginni og víða annars staðar í
Pakistan til að afstýra frekari óeirðum, en algert
upplausnarástand var í Karachi um helgina og
beið 41 bana í átökum stuðningsmanna Pervez
Musharraf, forseta Pakistans, og félaga í flokk-
um stjórnarandstöðunnar og stuðningsmanna
Iftikars Muhamads Chaudrys sem Musharraf
vék úr embætti forseta hæstaréttar landsins 9.
mars sl. Átökin og upplausnin eru talin geta orð-
ið Musharraf að falli, en hann hefur verið um-
deildur allt frá því að hann fór fyrir valdaráni
hersins í Pakistan 1999.
Reuters
Fáir á ferli en enn mikil spenna í Karachi
Gaza-borg. AFP, AP. | Innanríkisráð-
herra heimastjórnar Palestínu-
manna, Hani al-Qawasmeh, sagði af
sér í gær eftir að mannskæð átök
blossuðu upp að nýju á Gaza-svæð-
inu milli helstu fylkinga Palestínu-
manna.
A.m.k. átta Palestínumenn hafa
beðið bana í átökunum frá því á
sunnudag milli stuðningsmanna
Fatah, hreyfingar Mahmouds Abb-
as, forseta Palestínumanna, og Ham-
as, hreyfingar Ismails Haniya for-
sætisráðherra. Blóðsúthellingarnar
eru taldar stofna þjóðstjórn Palest-
ínumanna, sem tók við völdunum 17.
mars, í mikla hættu.
Átökin eru rakin til deilu um hver
eigi að stjórna öryggissveitum Pal-
estínumanna. Þorri 80.000 liðs-
manna öryggissveitanna á Gaza-
svæðinu og Vesturbakkanum er holl-
ur Abbas forseta. Hamas kom á fót
eigin 6.000 manna öryggissveitum í
fyrra.
Þegar þjóðstjórnin var mynduð í
mars frestuðu fylkingarnar því að
leysa deiluna um öryggissveitirnar.
Samkomulag náðist um að skipa
óháðan mann, Hani al-Qawasmeh, í
embætti innanríkisráðherra og ör-
yggissveitirnar áttu, að því er virð-
ist, að vera undir stjórn hans. Þegar
hann sagði af sér kvartaði al-Qawas-
meh yfir því að hann hefði ekki feng-
ið vald yfir öryggissveitunum og sak-
aði fylkingarnar tvær um að hafa
ekki tekið öryggismálin nógu alvar-
lega.
Ólíklegt þykir að deilan verði til
þess að Abbas leysi upp þjóðstjórn-
ina á næstunni þar sem erfitt væri að
efna til kosninga á svæðum Palest-
ínumanna vegna togstreitunnar milli
vopnuðu fylkinganna tveggja.
Palestínska stjórnin í
hættu vegna átaka
Innanríkisráðherrann segir af sér eftir blóðsúthellingar
Eftir Davíð Loga Sigurðsson
david@mbl.is
BERTIE Ahern hefur setið tíu ár á
stóli forsætisráðherra Írlands, að-
eins örfáum vikum skemur en koll-
ega hans, Tony Blair. En ólíkt Blair
þá er ekkert fararsnið á Ahern, hann
vill fjölga árum sínum á valdastóli
með sigri í írsku þingkosningunum
sem fara fram í næstu viku.
Samsteypustjórn Fianna Fáil,
flokksins sem Ahern fer fyrir, og
Framsækinna demókrata, komst til
valda í kosningum sem fram fóru í
júní 1997. Stjórnin hélt völdum í
kosningunum 2002 en skoðanakann-
anir benda ekki til þess að hið sama
verði uppi á teningunum nú. Fianna
Fáil er þó áfram stærsti flokkurinn á
Írlandi, hefur síðustu daga fengið
35-36% í könnunum en Fine Gael,
helsti stjórnarandstöðuflokkurinn,
28-29%. Verkamannaflokkurinn,
sem einnig er í stjórnarandstöðu,
hefur 13% og Græningjar hafa 5%.
Þá sýna kannanir að Sinn Féin,
stjórnmálaarmur Írska lýðveldis-
hersins (IRA), hefur verulega styrkt
stöðu sína, hefur 10% fylgi.
Fylgiskannanir sýna að stjórnin
er fallin og munar þar mestu að
Framsæknir demókratar hafa að-
eins 2-3 prósentustiga fylgi skv.
könnunum. Þetta þýðir þó ekki að
sjálfgefið sé, að Ahern láti af völd-
um. Nái Fine Gael og Verkamanna-
flokkurinn ekki meirihluta saman er
allt eins líklegt að Ahern verði áfram
forsætisráðherra, en hann gæti
t.a.m. samið við Sinn Féin. Fyrir ör-
fáum árum – áður en IRA lét form-
lega af vopnaðri baráttu sinni á N-
Írlandi – hefði Ahern ekki léð máls á
þessum möguleika, en hann er raun-
hæfur eins og staðan er í dag.
Sakaður um spillingu
Persóna Aherns hefur verið eitt
aðalumræðuefni kosningabarátt-
unnar, en Ahern hefur verið sakaður
um spillingu er hann var fjármála-
ráðherra, á árunum 1989-1992.
Ahern bar hins vegar af sér allar
sakir á sunnudag og stjórnmála-
skýrendur segja að svo virðist sem
honum hafi tekist að standa af sér
þennan storm. Þykir líklegt að
Fianna Fáil reyni að vekja athygli
kjósenda á því hversu styrk efna-
hagsstjórnin hafi verið sl. tíu ár, en
helsti keppinauturinn, Fine Gael,
leggur áherslu á fjölskyldu- og vel-
ferðarmál.
Ahern vill sitja áfram á valdastóli
Líklegt er að írsku þingkosningarnar 24. maí nk. hafi breytingar í för með sér. Ekki
er þó víst að Bertie Ahern, sem verið hefur forsætisráðherra í tíu ár, þurfi að víkja
Reuters
Vill meira Bertie Ahern (t.h.) hefur átt sinn þátt í að koma á varanlegum
friði á N-Írlandi. Hér er hann með Ian Paisley, oddvita heimastjórnar þar.
Í HNOTSKURN
»Fianna Fáil og Fine Gael,tveir stærstu flokkarnir á
Írlandi, urðu til á þriðja áratug
síðustu aldar á grundvelli af-
stöðu til friðarsamninga við
Breta. Fine Gael studdi samn-
inginn, Fianna Fáil-liðar höfn-
uðu honum. Báðir teljast þeir
miðjuflokkar.
»Fianna Fáil hefur meira ogminna verið við völd á Ír-
landi frá árinu 1932, ef undan
eru skilin stutt tímabil, seinast
1994-1997 en þá stýrðu Fine
Gael og Verkamannaflokkurinn
landinu.
Lissabon. AFP. | Portúgalska lög-
reglan yfirheyrði í gær Breta á fer-
tugsaldri og leitaði í húsi hans í
tengslum við rannsókn á máli fjög-
urra ára stúlku sem var rænt í Alg-
arve í Portúgal 3. maí.
Sky-sjónvarpið hafði eftir móður
mannsins að lögreglan hefði yf-
irheyrt hann en ekki handtekið
hann. Leitað var í húsi þeirra, sem
er tæpa 150 metra frá íbúð þar sem
stúlkan var numin á brott.
Maðurinn talar portúgölsku reip-
rennandi og breskir fjölmiðlar sögðu
að hann hefði túlkað fyrir frétta-
menn og jafnvel lögreglumenn sem
rannsaka málið. Hann var yfirheyrð-
ur eftir ábendingu frá breskri blaða-
konu sem þótti maðurinn grun-
samlegur.
Leitað í húsi
nágranna