Morgunblaðið - 04.06.2007, Blaðsíða 8
8 MÁNUDAGUR 4. JÚNÍ 2007 MORGUNBLAÐIÐ
FRÉTTIR
>> www.khi.is
P
IP
A
R
S
ÍA
7
1
1
0
2
Við Kennaraháskóla Íslands eru
nemendur búnir undir leiðtoga- og
stjórnunarstörf
Nám við Kennaraháskólann veitir
starfsréttindi á sviði kennslu, uppeldis og
umönnunar og er einnig góður
undirbúningur fyrir margvísleg önnur
störf
Kennaraháskólinn er leiðandi á sviði
fjarkennslu og um helmingur nemenda
stundar fjarnám
Í námi við Kennaraháskóla Íslands er lögð
áhersla á tengsl við væntanlegan
starfsvettvang, rannsóknir, sköpun og
miðlun
Umsóknarfrestur um
grunnnám er til 5. júní
B.Ed. nám í grunnskólakennarafræði
B.Ed. nám í leikskólakennarafræði
B.Ed. nám í íþróttafræði
B.S. nám í íþróttafræði
B.A. nám í þroskaþjálfafræði
B.A. nám í tómstunda-
og félagsmálafræði
>> Kennaraháskóli Íslands
sími 563 3800 > www.khi.is
Mótaðu framtíð Íslands
>
>
>
>
Eftir Einar Fal Ingólfsson
efi@mbl.is
LAXVEIÐIN hefur undanfarin ár
hafist 1. júní og hefur þá athygli fjöl-
miðlanna einkum beinst að opnun
Norðurár í Borgarfirði, þar sem
stjórnarmenn í SVFR kasta flugum
sínum fyrstir. Eftir aflabrest í opn-
uninni síðustu ár var ákveðið að
seinka opnun Norðurár um fimm
daga, auk þess sem veiðimenn verða
skyldaðir til að sleppa tveggja ára
laxi. Bjarni Júlíusson, formaður
SVFR, og félagar hans hefja því
veiðar á morgun, þriðjudag, á sama
tíma og veiðin hefst á neðstu svæð-
um Blöndu.
Straumarnir, ármót Norðurár og
Hvítár, eru því eina svæðið þar sem
laxveiði hófst 1. júní að þessu sinni.
Fyrstu vaktirnar höfðu þó ekki gefið
neina fiska.
Bjarni var staddur í veiðihúsinu
við Norðurá á laugardag og það var
kominn veiðihugur í hann.
„Það er þokkalegt rennsli í ánni,
en það er spáð úrkomu og svo er
stórstreymt nú um helgina þannig
að öll skilyrði ættu að vera býsna fín
á þriðjudaginn. Ég er ofboðslega
bjartsýnn og ætla því að halda því
fram að þetta verði með betri opn-
unum – um 20 laxar veiðist!“
Orri spáir 45.000 löxum
Í fyrrasumar veiddust rúmlega
45.100 laxar á stöng á landinu, en
það var samdráttur um 18% frá
árinu 2005. Þá var metveiði á laxi,
55.168 fiskar. Á ársfundi veiði-
málastofnunar í vor spáði Guðni
Guðbergsson fiskifræðingur í veiði-
horfurnar í sumar og sagði engin
merki um annað en veiðin yrði yfir
meðaltali eins og undanfarin ár. Þó
gerði hann ráð fyrir einhverri fækk-
un.
Guðni var þá svartsýnn á framtíð
stórlaxins í íslensku ánum; spáði því
að að ef sama þróun héldi áfram yrði
síðasti stórlaxinn drepinn árið 2.020.
Ítrekaði hann fyrri tilmæli Veiði-
málastofnunar um að stórlaxinum
verði hlíft og veiddum fiskum sleppt
til að auka kyn sitt.
Orri Vigfússon, formaður Vernd-
arsjóðs villtra laxastofna, hefur á
liðnum árum gert sína spá um lax-
veiðina og hefur oft verið nærri lagi.
„Ég spái 45.000 laxa veiði,“ segir
hann að þessu sinni – og gerir þar
með ráð fyrir svipuðum afla og í
fyrra.
„Ég held það verði einhver aukn-
ing í hafbeitinni en hitt verði svipað.
Ég á ekki von á allt of mikilli veiði
fyrir norðan,“ sagði hann.
Laxinn kemur með flóðinu
Stefán Sigurðsson, sölustjóri hjá
Lax-á, er á leið í Blöndu og verður
einn veiðimannanna sem opna ána.
Hann sagðist vissulega vera orðinn
spenntur. Menn nyrðra kíktu í
Blöndu fyrir helgi og sáu ekki fisk
en Stefán sagði það ekki að marka.
„Áin felur laxana vel og svo er stór-
streymt um helgina og laxinn kemur
þá inn með flóðinu.“
Hann neitaði því ekki að það yrði
kapphlaup við stjórn SVFR, sem
hæfi veiðar í Norðurá á sama tíma,
hvorum gengi betur.
Hann sagðist vera bjartsýnn hvað
varðar veiðina í sumar. „Ég held það
gangi mjög vel í Rangánum, enda
var miklu magni af seiðum sleppt í
árnar. Ég á von á svipaðri veiði í
þeim og í fyrra, jafnvel meiri.
Veiðimenn bjartsýnir
á laxveiðina í sumar
Stangveiði | Formaður SVFR spáir 20 laxa opnun í Norðurá
Eftir Rúnar Pálmason
runarp@mbl.is
REYKJAVÍKURBORG hefur rætt við einkafyr-
irtækið Dyraverði ehf. um að það taki að sér ör-
yggisgæslu í miðborginni að næturlagi um helgar
og verði lögreglu til aðstoðar ef þurfa þykir. Ekki
hefur verið gengið frá samningum og m.a. á eftir
að ákveða nákvæmlega hvert hlutverk öryggis-
varðanna á að vera og hvað borgin er tilbúin að
greiða fyrir þessa þjónustu.
Að sögn Gísla Marteins Baldurssonar borgar-
fulltrúa er tilgangurinn með slíku samstarfi, verði
af því, að auka öryggi og öryggiskennd borgar-
anna. „Borgin hefur hug á því að reyna að fá sýni-
legri löggæslu og sýnilegri öryggisgæslu í mið-
borgina um helgar, til þess einmitt að borgarbúar
upplifi sig öruggari. En rannsóknir hafa sýnt að
menn upplifa sig óörugga, jafnvel þó svo glæpum
sé að fækka,“ sagði hann. Lögreglan legði mikla
áherslu á miðborgina en gæti eðlilega ekki beint
öllum kröftum sínum þangað því þá yrði vænt-
anlega lítið um löggæslu annars staðar í borginni.
Aðspurður sagðist hann ekki telja að löggæsla í
miðborginni væri ófullnægjandi.
Viðræðurnar við dyravarðafyrirtækið eru í
höndum borgaryfirvalda en þær hafa verið rædd-
ar við lögregluna.
Stefán Eiríksson, lögreglustjóri höfuðborgar-
svæðisins, sagði að ekki væri ætlunin að mennirnir
sinntu löggæslu, heldur væri gert ráð fyrir að þeir
myndu fylgjast með stöðu mála á víðara svæði en
eingöngu í nágrenni við þá veitingastaði sem þeir
starfa á. Aðspurður sagði Stefán að lögregla væri
fullkomlega í stakk búin til að takast á við lög-
gæslu í miðborginni en bætti við að lögregla hefði
bent borgaryfirvöldum á að þar væru of margir
veitingastaðir á litlu svæði. „Borgin veitir leyfi
fyrir öllum þessum veitingastöðum sem draga að
sér þennan mikla fjölda gesta sem í rauninni
skapa þá stöðu sem við er að etja,“ sagði hann. Því
væri fullkomlega eðlilegt að borgin velti fyrir sér
leiðum til að auka þar öryggi.
Rætt við einkaaðila um
öryggisgæslu í miðborg
Fullkomlega eðlilegt að borgin velti þessu fyrir sér, segir lögreglustjóri
Í HNOTSKURN
» Gísli Marteinn Baldursson er í sam-starfshópi sem dómsmálaráðherra og
borgarstjóri skipuðu í fyrra til að ræða um
löggæslu í borginni.
» Dyraverðirnir, eins og aðrir, gætu t.d.beitt heimild til borgaralegrar hand-
töku ef þeir verða vitni að árásum.
25 ár eru liðin frá stofnfundi Sam-
taka um kvennaathvarf og boðið var
upp á kaffi og kleinur á afmælisfundi
í Iðnó í gær í tilefni dagsins. Fluttu
ýmsar konur erindi á fundinum, þar
á meðal Una María Óskarsdóttir,
varaforseti Kvenfélags Íslands, og
einnig flutti Brynhildur Guðjóns-
dóttir lög úr leikritinu Edith Piaf.
Morgunblaðið/Brynjar Gauti
Margir í afmæli Kvennaathvarfsins
FJÖLSKYLDA bandaríska fluglið-
ans Ashley Turner, sem var myrt í
íbúðablokk á varnarsvæðinu á Kefla-
víkurflugvelli í ágúst 2005, hyggst
ræða við íslensk stjórnvöld og kanna
hvort mögulegt sé að hinn grunaði
verði sóttur til saka hér á landi.
Eftir því sem Morgunblaðið kemst
næst hlýtur slíkt að teljast afar ólík-
legt ef ekki algjörlega ómögulegt.
Má m.a. benda á að í viðauka við
varnarsamninginn við Bandaríkin
frá 1951 segir að bandarísk stjórn-
völd eigi forrétt að lögsögu yfir brot-
um sem beinist gegn Bandaríkja-
mönnum og að þau fari með lögsögu
yfir hermönnum hér á landi. Þar að
auki liggur fyrir niðurstaða í opin-
beru máli gegn manninum.
Varla sak-
sóttur hér
Fjölskyldan ætlar að
ræða við stjórnvöld
EIGNIN Tjarnargata 4, þar sem
Happdrætti Háskóla Íslands er til
húsa, er auglýst til sölu í Morgun-
blaðinu í dag. Um er að ræða 1.400
fermetra húseign en að sögn Ósk-
ars R. Harðarsonar, hdl. og löggilts
fasteignasala hjá fasteignasölunni
Mikluborg, er fremur sjaldgæft að
heilar húseignir á þessum stað
komi í sölu.
Eignin hefur verið í eigu sömu
fjölskyldunnar frá byggingu árið
1945, en húseignin Steindórsprent
er skráður eigandi hennar. „Margir
kenna húsið sjálfsagt við Happ-
drætti háskólans,“ segir Óskar, en
starfsemi þess hefur verið til húsa í
Tjarnargötu 4 í 62 ár. „Ég býst við
að það sé einn lengsti samfelldi
leigutími á höfuðborgarsvæðinu,“
segir Óskar. Að auki hafi lög-
manns- og arkitektastofur starfað í
húsinu.
Óskar segir að húseignin feli í sér
ýmsa möguleika fyrir áhugasama
aðila sem sjái tækifæri í öflugum
miðbæ.
Tjarnargata 4
auglýst til sölu
Morgunblaðið/RAX
Sala Húseignin í Tjarnargötu 4
hefur verið auglýst til sölu.
540 manns lögðu leið sína á Esjuna
frá klukkan 8 um morguninn til 8
um kvöldið á laugardeginum en hóp-
urinn „5 tindar“ stóð fyrir því að
reynt yrði að setja met í Esjugöngu.
Hópurinn vildi með þessu vekja at-
hygli á 5 tinda göngu sinni um næstu
helgi og efla útiveru almennings.
Óvíst er þó hvort met hefur verið
slegið en heimildir eru um að hátt á
annað þúsund manns hafi gengið á
Esjuna á Esjudeginum svokallaða.
540 manns
gengu á Esjuna