Morgunblaðið - 04.06.2007, Blaðsíða 19

MORGUNBLAÐIÐ MÁNUDAGUR 4. JÚNÍ 2007 19
VESTURLAND
Eftir Steinþór Guðbjartsson
steinthor@mbl.is
SNORRI West í Ontario er nýtt
sumarverkefni fyrir íslensk ung-
menni og bætist við önnur Snorra-
verkefni, þ.e. verkefnið í Manitoba og
verkefnin á Íslandi fyrir yngri og
eldri þátttakendur. Tvær stúlkur
ríða á vaðið í Ontario, átta krakkar
fara til Manitoba, 14 koma hingað til
lands frá Bandaríkjunum og Kanada
til að taka þátt í Snorraverkefninu,
sem fer nú fram í níunda sinn, og 16
manns verða með í verkefninu fyrir
eldri þátttakendur.
Fjögur mismunandi verkefni
Snorraverkefnið (www.snorri.is)
er samstarfsverkefni Norræna fé-
lagsins og Þjóðræknisfélags Íslend-
inga. Það fer fram á Íslandi, hófst
sumarið 1999 og hafa 119 ungmenni
tekið þátt í því til þessa. Tilgang-
urinn með verkefninu er fyrst og
fremst að gefa 18 til 28 ára ungmenn-
um af íslenskum ættum í Norður-
Ameríku tækifæri til þess að kynnast
uppruna sínum og hvetja þau til að
varðveita og rækta íslenskan menn-
ingar- og þjóðararf sinn. Um sex
vikna verkefni er að ræða og hefst
það 10. júní næstkomandi, en 14
manns taka þátt í því að þessu sinni.
Snorri West hófst í Manitoba
tveimur árum eftir að fyrsti Snorra-
hópurinn kom til Íslands eða sumarið
2001. Þátttakendur kynnast Nýja Ís-
landi og taka þátt í Íslendingadeg-
inum á Gimli. Verkefnið er byggt upp
á svipaðan hátt og Snorraverkefnið
og í sumar stendur það yfir frá 29.
júní til 11. ágúst. Alls hafa 35 ung-
menni tekið þátt í verkefninu og er
fjöldi þátttakenda takmarkaður við
átta í sumar eins og undanfarin þrjú
ár, en um 20 umsóknir bárust að
þessu sinni. Snorri West í Ontario er
unnið í samstarfi við Íslendinga-
félagið í Ottawa og sér það um alla
skipulagningu. Þátttakendur fá
tækifæri til þess að kynnast borg-
unum Quebec, Montreal, Toronto og
Ottawa og taka þátt í starfi Íslend-
ingafélaganna á þessum stöðum.
Eins og í verkefninu í Manitoba er
búið hjá fjölskyldum og verða tvær
stúlkur í verkefninu 5. júlí til 16.
ágúst.
Snorri plús er tveggja vikna verk-
efni fyrir eldra fólk en þátttakendur í
ungmennaverkefnunum og fer fram
hérlendis. Það hefur notið mikilla
vinsælda og hafa alls 38 tekið þátt í
því frá 2003. 16 manns mæta til leiks
17. ágúst í sumar.
Færri komast að en vilja
Ásta Sól Kristjánsdóttir, verkefn-
isstjóri Snorraverkefnisins, segir að
vinsældir verkefnanna hafi aukist
jafnt og þétt. Í því sambandi nefnir
hún að þurft hafi að vísa frá þriðj-
ungi umsækjenda um þátttöku í
Snorraverkefninu hérlendis í sum-
ar og um helmingur umsækjenda í
Snorra West-verkefninu verði að
sitja heima. „Mér finnst stórkost-
legt að fylgjast með því hve áhugi á
Kanada hefur farið vaxandi enda er
landið svo skemmtilega fjölbreytt
og fólkið þar yndislegt,“ segir Ásta
Sól. „Þeir sem hafa farið á vegum
Snorra West hafa verið ótrúlega
ánægðir og margir hafa snúið
þangað aftur og hafið nám. Útvíkk-
un á verkefninu var bara tíma-
spursmál og mér finnst frábært að
ungt fólk fái nú tækifæri til að
heimsækja Ontario og Quebec.
Þetta eflir líka starfið í Íslendinga-
félögunum og hvetur til frekara
samstarfs.“
Nýr valkostur í Snorraverkefninu
Ljósmynd/Ásta Sól Kristjánsdóttir
Í Grettislaug 119 ungmenni hafa verið í Snorraverkefninu og Kristín Lilja
Emilsson, Bryan Hermannsson og Megan Williams voru með í fyrra.
Ljósmynd/Wanda Anderson
Snorri West Íslensku „Snorrarnir“ á siglingu á Nýja Íslandi í Manitoba í
fyrra. Verkefnið hófst 2001 og fer því fram í sjöunda sinn í sumar.
Morgunblaðið/Steinþór
Styrkur Á þjóðræknisþinginu í Winnipeg var greint frá stuðningi Lands-
bankans við Snorraverkefnið og Þjóðræknisfélag Íslendinga heiðraði Tim
Samson og Eric Stefanson fyrir þeirra þátt í uppbyggingarstarfinu í Mani-
toba. Frá vinstri: Björgólfur Guðmundsson, formaður bankaráðs Lands-
bankans, Tim Samson, Eric Stefanson, Almar Grímsson, formaður ÞFÍ, og
Ásta Sól Kristjánsdóttir, verkefnisstjóri Snorraverkefnisins.
ÚR VESTURHEIMI
Eftir Gunnlaug Árnason
Stykkishólmur | Sýning nemenda Grunnskól-
ans í Stykkishólmi í skólalok hefur vakið at-
hygli hjá bæjarbúum. Þar var tekist á við fjöl-
breytt verkefni þar sem allir nemendur unnu
afmörkuð verkefni. Nemendur 1.-3. bekkjar
unnu, í umsjón bekkjarkennara sinna og ann-
ars starfsfólks, að verkefni tengdu vatni þar
sem meðal annars var farið að skoða hið nýja
Vatnasafn. Danskir nemendur komu í heim-
sókn til nemenda 9. bekkjar og unnu í sam-
einingu í umsjón Hreins Þorkelssonar verk-
efni um jarðorku og ekki síst heita vatnið sem
hús og laugar í bænum eru hituð með. Viða-
mesta verkefnið unnu nemendur 4. til 8.
bekkjar en það er samþætt þemaverkefni um
Breiðafjörð með höfuðáherslu á náttúru fjarð-
arins. Verkefnið er samþætt af sjö náms-
greinum og er skrifað með fjölgreindarkenn-
ingu Gardners og skynjunarhæfni mann-
skepnunnar að leiðarljósi.
Datt af baki og fór þá að kenna
Það er kennari við skólann, Lárus Ástmar
Hannesson, sem fékk í fyrra styrk frá Þróun-
arsjóði grunnskóla til að skipuleggja verk-
efnið. Lárus starfaði áður sem sjómaður og
tamningamaður, en eftir að hann slasaðist við
að detta af hestbaki aflaði hann sér kennslu-
réttinda í fjarnámi.
„Ég hef gengið með þessa hugmynd í mag-
anum eins og sagt er í nokkur ár. Ég sótti um
styrk hjá Þróunarsjóði grunnskólanna til að
geta sinnt þessu áhugamáli mínu og fékk
hann. Þá varð ekki aftur snúið og í vetur klár-
aði ég verkefnið sem kennarar og nemendur
skólans hafa gert sýnilegt síðustu daga,“ seg-
ir Lárus.
Lárus heldur áfram: „Það er talað um að
skólastarf sé almennt of einhæft og henti ekki
öllum nemendum. Því er kjörið að brjóta það
upp með lifandi kennsluháttum og vinna með
viðfangsefni úr náttúrunni og sögunni. Það er
eðlilegra og betra að kenna um náttúruna
með því að skoða hana, hlusta á hana og
þreifa á henni heldur en að lesa um hana,
enda var hápunktur verkefnisins einstök nátt-
úruskoðunarferðferð með Sæferðum um
fjörðinn þar sem skoðaðir voru fuglar, björg,
hafstraumar, botndýr veidd og sögufrægir
staðir heimsóttir.“
Nemendurnir tóku með sér úr siglingunni
hinar ýmsu tegundir botndýra og voru þau
rannsökuð næstu daga á eftir.
„Með því að lofa nemandanum að vinna
sem mest á þeim sviðum þar sem hann er
sterkastur fæst væntanlega ánægðari nem-
andi,“ segir Lárus.
Námsfögin eru tengd á ýmsan hátt inn í
verkefnið og fengu t.d. allir nemendur að elda
sjávarréttarsúpu úr hráefni úr Breiðafirði og
mæla og vigta egg. Dagbjört Höskuldsdóttir,
eyjakona kom og sagði börnunum sögur úr
eyjunum og fræðimenn hjá Náttúrustofunni
fræddu þau um lífríki Breiðafjarðar.
„Það er faglega hvetjandi og heldur okkur
kennurunum á tánum að fara í svona teym-
isvinnu þar sem rökstyðja og meta þarf
hverja nálgun,“ segir Lárus og bætir við:
„Svona vinna krefst samheldni alls starfsfólks
þar sem markmiðið er það sama. Vinnugleði
nemenda þessa síðustu daga skólaársins var
gífurlega uppörvandi. Þessi vinna er ekki síð-
ur hvatning til okkar kennaranna heldur en
nemenda til að gera betur.
Í lok þemadaganna var haldin sýning. Á af-
rakstri vinnunnar sást að mikil sköpun og
vinnugleði hefur leyst úr læðingi og mátti sjá
allt frá litlum fróðleiksmolum á blaði, fugla-
bjarg með fuglahljóðum, eyjar, botndýr, kvik-
mynd um fjörðinn gerða af nemendum upp í
talandi skessu sem er að fara að henda steini
í Helgafellskirkju.
Það er greinilegt að kennarar og nemendur
hafa lagt mikið í verkefnið sem sýnir að líf-
legt skólastarf fer fram í Grunnskólanum í
Stykkishólmi.
Skemmtilegustu tímarnir
Benedikt Óskarsson var einn þeirra nem-
enda sem hafði gaman af að fást við verkefnið
um lífríki Breiðafjarðar. „Þetta voru
skemmtilegustu tímarnir í vetur og þeir voru
svo fljótir að líða. Þetta er miklu betra en að
vera í venjulegum tíma,“ segir Benedikt.
„Minn hópur fékk að gera myndband um eyj-
arnar og líkan af eyjunum. Þetta var alveg
nýtt fyrir okkur. Þess vegna fór mikill tími í
verkefnið og suma daga þegar við vorum að
klippa myndbandið gleymdum við okkur og
vorum miklu lengur í skólanum en venjulega.
Á þessu hafði ég áhuga,“ segir Benedikt með
bros á vör.
Heldur okkur kennurunum á tánum
Morgunblaðið/Gunnlaugur
Tröllkonan Lárus Ástmar Hannesson kennari og Benedikt Eyþórsson eru ánægðir með árang-
urinn í vetur. Á milli þeirra er tröllkonan í Kerlingaskarði tilbúin að kasta steininum í Helga-
fellskirkju. Sem betur fer geigaði kastið hjá henni og steinninn lenti yfir í Hvítubjarnarey.
Í HNOTSKURN
»Spurningar sem nemendur Grunn-skólans í Stykkishólmi hafa verið að
leita svara við á starfsdögum skólans
eru mjög fjölbreyttar.
»Eitt verkefni nemendanna var eft-irfarandi: Hversu mörg hænuegg
vega sama og 4 svartbaksegg?
»Í öðru verkefni var þessi spurninglögð fyrir nemendur: Hvers vegna
eru eyjarnar í Breiðafirði svona sléttar?
Nemendur grunn-
skólans vinna saman