Morgunblaðið - 06.06.2007, Blaðsíða 2

2 MIÐVIKUDAGUR 6. JÚNÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir,
dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Andra Karl
andri@mbl.is
„LÍFSVILJINN er svo mikill að
það er ótrúlegt hvað hann er á góð-
um batavegi,“ segir Sigrún Ómars-
dóttir sem kom að föður sínum,
Ómari Önfjörð Kjartanssyni, hinn
15. maí sl. í íbúð hans í Hátúni 10B,
húsi Brynju – hússjóðs Ör-
yrkjabandalagsins. Þá lá heitt vatn
yfir allri íbúðinni og fram á gang en
Ómar hafði sjálfur komist upp í
rúm, skaðbrenndur. Hann er á
batavegi og liggur á brunadeild
LSH.
Sigrún segir kaldhæðnislegt til
þess að hugsa að sama dag og faðir
hennar brenndist hafi komið inn um
lúguna hjá flestum á höfuðborg-
arsvæðinu bæklingur þar sem boð-
uð var herferð gegn brunaslysum af
völdum heits neysluvatns. „Ég veit
ekki hvernig það er í öðrum íbúðum
í húsinu en það var alla vega ekki
hitastillir hjá honum,“ segir Sigrún.
Sér hafi í raun brugðið þegar hún
sá hvers kyns blöndunartæki eru á
baðherberginu. Hitinn er stilltur
þannig að blanda þarf heita og
kalda vatnið. Lítið má út af bregða
til að 80° heitt vatnið sturtist yfir.
„Ég get ímyndað mér hversu
hræðilegt hefur verið að vera í
sturtunni. Hann situr þar í stól frá
Tryggingastofnun og þarf að snúa
upp á sig til að skrúfa frá og fyrir,
auk þess að hann lokar klefanum.“
Henni þykir ótrúlegt að í húsi
ÖBÍ skuli ekki vera betri örygg-
isbúnaður fyrir heita vatnið, og
vonast til að slysið verði til þess að
öryggisatriði verði skoðuð á þeim
stöðum þar sem þess gerist helst
þörf.
Djúp annars og þriðja
stigs brunasár
Talið er að Ómar hafi farið í
sturtu á milli kl. 14 og 15 en um það
leyti var Sigrún í húsinu, á fundi
með félagsráðgjafa og Heimaþjón-
ustunni um önnur úrræði fyrir föð-
ur sinn. Að fundi loknum fór hún að
íbúðinni en rétt á undan var starfs-
maður Heimaþjónustunnar, sem
hafði setið fundinn. Sigrún sagði
það í raun heppni að þau voru á
staðnum en annars væri ekki víst
að nokkur hefði komið að föður
hennar fyrr en að kvöldi.
Aðkoman var hræðileg og óvíst
hversu lengi Ómar var undir heitu
vatninu. Hann hlaut djúp annars og
þriðja stigs brunasár á um 20% lík-
amans – en það tekur 70° heitt vatn
eina sekúndu að mynda djúpan
annars stigs bruna. Brunasárin
jafnast á við að hraustur ungur
maður brennist á um 60% líkamans.
Ómar lá á gjörgæsludeild LSH
eina nótt og var í kjölfarið fluttur á
brunadeild. Fjórum dögum eftir að
slysið varð komst sýking í sár hans
og segir Sigrún hann hafa barist
fyrir lífi sínu með ógnarkrafti.
„Hann er illa brunninn og það þarf
krafta til að laga það, burtséð frá
því að fá sýkingu ofan í sárin. Hann
er búinn að berjast fyrir lífi sínu
allan þennan tíma.“
Engin úrræði fyrir hendi
Sigrún segir föður sinn hafa notið
eins mikillar þjónustu og hægt er
að bjóða upp á í Hátúni en tvær
heimsóknir á dag frá Heima-
hjúkrun og ein frá Heimaþjónust-
unni dugi ekki til. Önnur úrræði
eru vart fyrir hendi nema hvað
hægt er að sækja um pláss á öldr-
unarstofnun, stofnunin þarf þá að
sækja um undanþágu til heilbrigð-
isráðuneytisins.
„Hann hefur alltaf dreymt um að
fara á Hrafnistu í Hafnarfirði og
næsta verkefni hjá fjölskyldunni er
að gera allt sem í okkar valdi stend-
ur til að hann fái loks ósk sína upp-
fyllta,“ segir Sigrún sem hefur þeg-
ar farið á fund hjá forsvarsmönnum
Hrafnistu en var tjáð að ekki væru
teknir inn einstaklingar undir 67
ára aldri. Hún segist þó ekki hafa
gefist upp og mun á næstunni óska
eftir öðrum fundi.
„Búinn að berjast fyrir
lífi sínu allan þennan tíma“
 Sextugur karlmaður brenndist lífshættulega þegar hann fékk yfir sig allt að 80° heitt vatn í sturtu
 Hægt hefði verið að koma í veg fyrir slysið með betri blöndunartækjum
Morgunblaðið/Kristinn
Heitt vatn Ekki var hitastillir í íbúð Ómars sem brenndist illa á heitu vatni.
Í HNOTSKURN
»Komur á LSH vegnabrunaáverka voru 2.179 á
árunum 2002-2006. Þar af
voru 132 sem brenndu sig á
heitu neysluvatni, 25 voru
lagðir inn á brunadeild vegna
sára sinna.
»Á þessu ári hafa tvö bruna-slys komið upp í húsnæði
Brynju – hússjóðs ÖBÍ, þar af
annað afar alvarlegt.
»Orkuveita Reykjavíkur,Sjóvá og Landspítali – há-
skólasjúkrahús hleyptu nýver-
ið af stað herferð til að fækka
brunaslysum.
Meðal annars er miðað að því
að vekja umræðu um hitastýr-
ingu neysluvatns. Upplýsingar
má finna á vefsíðunni
www.stillumhitann.is.
Eftir Sigurð Elvar Þórólfsson
seth@mbl.is
„ÉG var stálheppinn að slasast
ekki meira,“ sagði Theodór
Emil Karlsson, 16 ára kylfing-
ur úr Mosfellsbæ, en hann
varð fyrir því að fá golfbolta í
vinstra augað á Korpúlfsstaða-
velli sl. sunnudag. Theodór var
kylfusveinn hjá félaga sínum
úr Kili, Davíð Vilhjálmssyni, á
öðru stigamóti ársins á Kaup-
þingsmótaröðinni og á 12.
braut sló Davíð boltann með 9
járni og var höggið afdrifaríkt.
„Höggið var blint hjá Davíð og
ég var búinn að gefa honum
stefnuna sem hann átti að
taka. Ég færði mig til hliðar og
ég stóð hjá hinum úr ráshópn-
um. Boltinn hjá Davíð hafnaði í
trjágrein og breytti um stefnu.
Ég man eiginlega ekkert hvað
gerðist í kjölfarið. Ég féll niður
þegar boltinn fór í mig en ég
fann ekki mikið fyrir sárs-
auka,“ sagði Theodór í gær en
hann var fluttur á sjúkrahús
strax í kjölfarið og hefur verið
í meðferð hjá læknum frá þeim
tíma.
„Ég er nefbrotinn og augn-
botninn er bólginn auk þess
sem það blæddi inn á augað.
Læknar segja að ég eigi eftir
að ná mér fullkomlega og það
eru bestu tíðindin fyrir mig.“
Theodór var að ljúka við 10.
bekk í grunnskóla og missir
hann af fyrirhugaðri útskrift-
arferð bekkjarins og einnig af
stigamóti unglinga sem fram
fer í Hafnarfirði um næstu
helgi.
„Ég má eiginlega ekkert
gera næstu daga á meðan ég
er að jafna mig. Ég verð að
vinna á golfvellinum í Mos-
fellsbæ í sumar en ég hef ekki
gert það upp við mig í hvaða
framhaldsskóla ég mun fara
næsta haust.“
Theodór hefur leikið golf frá
því hann var 9 ára og er hann
með 6 í forgjöf en hann æfir
einnig handbolta með Aftur-
eldingu. „Davíð félagi minn
var alveg miður sín eftir atvik-
ið og hann gat ekki neitt í kjöl-
farið. Þetta var óhapp sem get-
ur komið fyrir hvenær sem er
og það þurfa allir að gæta sín
þegar kylfingar eru að slá.“
Þetta er ekki í fyrsta sinn sem
Theodór fær golfbolta í sig.
„Ég hef einu sinni áður
fengið bolta í mig. Það var
upphafshögg hjá einhverjum
en boltinn fór fyrst í jörðina og
hafði því dregið úr hraða bolt-
ans áður en hann fór í mig. Það
er vont að fá golfbolta í sig og
ég vona að ég sé búinn með
minn skammt,“ sagði Theodór
Emil Karlsson.
Theodór Emil Karlsson, 16 ára kylfingur
úr Mosfellsbæ, fékk golfbolta í augað
„Ég var stálheppinn“
Morgunblaðið/Sverrir
Heppinn Þetta er ekki sama golfkúlan og hitti Theodór
KRAKKARNIR í Norðlingaskóla létu rign-
inguna sem ríkt hefur í höfuðborginni að und-
anförnu ekki slá sig út af laginu í gær og héldu
vorhátíð sína með glæsibrag.
Hátíðin einkenndist af mikilli tónlist og kát-
ínu. Boðið var upp á sýningu með verkum
nemenda og hægt var að bregða sér á hest-
bak.
Við þetta sama tækifæri afhentu fulltrúar
frá Landvernd Norðlingaskóla Grænfánann.
Morgunblaðið/Eyþór
Sungið í rigningunni
Glatt á hjalla á vorhátíð í Norðlingaskóla