Morgunblaðið - 06.06.2007, Blaðsíða 12

12 MIÐVIKUDAGUR 6. JÚNÍ 2007 MORGUNBLAÐIÐ
FRÉTTIR
GAMLA ÍR-húsið verður opnað al-
menningi í Árbæjarsafni á sunnudag
klukkan 14 þegar opnuð verður sýn-
ing um sögu Íþróttafélags Reykja-
víkur í húsinu.
Íþróttafélag Reykjavíkur fagnar
þeim tímamótum á þessu ári að
verða 100 ára og er því vel við hæfi
að opna gamla húsið aftur, segir í
fréttatilkynningu. Hús þetta stóð á
Landkotshæðinni og var upphaflega
byggt árið 1897 sem kirkja kaþólska
safnaðarins. Árið 1929 fékk ÍR húsið
til afnota og var það í notkun sem
íþróttahús fram að aldamótunum
2000.
Fyrir nokkrum árum var húsið
flutt í Árbæjarsafn til varðveislu þar
sem það hefur nú verið endurgert og
er orðið hið glæsilegasta. Í tilefni af
50 ára afmæli Árbæjarsafns og 100
ára afmælis ÍR er við hæfi að opna
sögusýningu ÍR í þessu sögufræga
húsi. Þess má geta að hægt verður
að nálgast sögu ÍR, Heil öld til
heilla, saga ÍR í 100 ár, á sögusýn-
ingunni. Morgunblaðið/Ásdís
Sögusýning í gamla
ÍR-húsinu í Árbæjarsafni
SÍÐUSTU daga hefur verið
óvenjugott veður á Norðurlandi
eystra.
„Þetta er eins og á Suðurhafs-
eyju. Það er svo æðislegt að nokkr-
ir hentu sér í sjóinn í gær til að
synda,“ segir Helga M. Björns-
dóttir, fréttaritari Morgunblaðsins
í Grímsey. Hitinn mældist 16 stig í
fyrradag og ekki var sjómanna-
dagurinn síðri. „Einn besti sjó-
mannadagur til margra ára,“ segir
Helga. Hún segir jafnframt óvenju-
marga ferðamenn hafa komið til
Grímseyjar með fyrstu ferðum Sæ-
fara og einnig hafi komið eitt
skemmtiferðaskip þar sem 40
manns stigu á land. Fólk liggi í sól-
baði og margir séu orðnir útitekn-
ir og brúnir eftir veðurblíðuna.
Morgunblaðið/Helga M. Björnsdóttir
Veðursæld Krakkar bregða á leik í góða veðrinu í Grímsey
Veðrið leikur við Grímseyinga
Eftir Unu Sighvatsdóttur
unas@mbl.is
BÖRN af erlendum uppruna munu
njóta aukins stuðnings í skólakerfinu
samkvæmt nýrri stefnu Reykjavíkur-
borgar sem kynnt var í Austurbæj-
arskóla í gær. Ætlunin er að stuðla að
betri aðlögun og virkni barna af er-
lendum uppruna í íslensku samfélagi.
„Okkur þykir viðeigandi að byrja hér
í þessum skóla þar sem 23% nemenda
eru af erlendu bergi brotin, þ.e.a.s.
nánast fjórði hver nemandi hefur
annað tungumál en íslensku að móð-
urmáli,“ sagði Júlíus Vífill Ingvars-
son, formaður menntaráðs. „Nem-
endur af erlendum uppruna í
grunnskólum borgarinnar eru ekki
vandamál heldur erum við að bregð-
ast við jákvæðri þjóðfélagsbreytingu
til að tryggja að öllum líði vel í skól-
unum.“
Vilhjálmur Þ. Vilhjálmsson borgar-
stjóri sagði afar ánægjulegt fyrir sig
að fá að heimsækja Austurbæjarskóla
af þessu tilefni þar sem hann hefði
sjálfur stundað þar nám sem barn.
Hann sagði jafnframt að þótt sér
fyndist heimilislegt að sjá hve skólinn
sjálfur hefði lítið breyst, þá hefði
skólasamfélagið í Reykjavík breyst
umtalsvert síðustu áratugi með aukn-
um fjölda innflytjenda.
„Þessi breyting kallar á að borg-
aryfirvöld marki sér skýra stefnu í
málefnum þessara barna.“
Efling íslensku og móðurmáls
Með þetta að leiðarljósi skipaði
menntaráð vinnuhóp sem hefur
fjallað um stöðu barnanna frá því í
desember 2006 og skilar nú af sér til-
lögum í þremur þáttum.
Fyrsta tillaga vinnuhópsins er að
íslensku- og móðurmálskennsla verði
efld í grunnskólum og nefndi Lilja D.
Alfreðsdóttir, varaformaður mennta-
ráðs, nokkrar leiðir sem fara mætti til
að ná því takmarki. „Við viljum setja á
laggirnar teymi farkennara sem tala
nokkur af algengustu tungumálunum
í grunnskólunum. Við getum þá haft
3-4 kennara sem sinna nokkrum skól-
um í einu.“ Reynslan hefur sýnt að
börnum er mikils virði að hafa aðgang
að kennara sem talar móðurmál
þeirra og nefnir Lilja sem dæmi
Fellaskóla, þar sem filippseyskum
börnum hefur gengið vel að aðlagast
íslensku skólasamfélagi með hjálp
kennara frá Filippseyjum.
Einnig leggur hópurinn til að þróað
verði samstarf milli eldri og yngri
nemenda um aðstoð við heimanám og
að börnin geti nýtt sér nám í móð-
urmáli sínu sem valgrein, t.d. með
hjálp tungumálavers sem nú þegar er
fyrir hendi í Laugalækjarskóla.
Námsefnisgerð og símenntun kenn-
ara þarf auk þess að taka meira mið af
fjölmenningu að mati vinnuhópsins.
Móttaka og innritun
Að sögn Lilju verður nú þrýst á
grunnskóla að þróa móttökuáætlun
sem sýnilegan hluta af námskrá.
Jafnframt skuli túlkaþjónusta alltaf
vera til staðar við innritun erlendra
barna og eins á foreldrafundum.
„Við viljum fjölga fagráðgjöfum
sem hafa sérþekkingu á málefnum
innflytjenda og hefur verið ákveðið að
setja einn sérstakan fagráðgjafa í
þjónustumiðstöðina í Breiðholti og
það var brýn þörf á því svo það er sér-
stakt fagnaðarefni.“
Stefnt er að því að uppfæra kynn-
ingarbæklinga menntasviðs á algeng-
ustu tungumálum barna af erlendum
uppruna, en auk þess er lagt til að
haldin verði námskeið um íslenskt
skólakerfi, foreldrunum til aðstoðar.
Þriðji þáttur tillagnanna tekur til
gagnkvæmrar aðlögunar. „Ég legg
áherslu á gagnkvæma aðlögun, því
stundum er talað um að innflytjendur
eigi bara að aðlaga sig íslensku sam-
félagi, en við þurfum líka að laga okk-
ur að þeim,“ sagði Lilja. Með gagn-
kvæmri aðlögun er m.a. átt við að
foreldrafélög verði hvött til að virkja
foreldra barna af erlendum uppruna
til þátttöku í félagsstarfi og jafnvel að
finna íslenskar vinafjölskyldur til að
tengjast fjölskyldum barna af erlend-
um uppruna.
Fengur í fjölmenningu
Björn Ingi Hrafnsson, formaður
borgarráðs, segir mikinn feng í þessu
fjölmenningarsamfélagi og t.d. hafi
tungumálaþekking í grunnskólum
borgarinnar margfaldast. „Þetta er
að okkar mati vannýtt auðlind sem á
eftir að nýtast okkur mjög til fram-
tíðar ef hlúð er að henni.“
Fjölgun erlendra barna
jákvæð samfélagsþróun
Morgunblaðið/ÞÖK
Fjölmenning Menntaráð segir Reykjavík vera fjölmenningarborg barna og móta þurfi skólakerfið í samræmi við
það. Lilja D. Alfreðsdóttir, Júlíus Vífill Ingvarsson, Vilhjálmur Þ. Vilhjálmsson og Björn Ingi Hrafnsson.
Í HNOTSKURN
» Börnum af erlendum upp-runa hefur farið mjög
fjölgandi í skólakerfinu á síð-
ustu 10 árum og eru þau nú
um 4,5% af nemendum.
»Alls fá nemendur frá 57þjóðlöndum kennslu í ís-
lensku sem öðru tungumáli.
»Algengasta þjóðernið erpólskt og filippseyskt.
»Áætlað er að tillögurnarkrefjist tveggja til þriggja
stöðugilda.
TILKYNNINGAR um að súlur sjá-
ist víða um Ísafjarðardjúp og í
Breiðafirði, jafnvel í stórum hópum,
hafa hrannast upp hjá Náttúrustofu
Vestfjarða undanfarin dægur en
óvenjulegt er að þessi drottning Atl-
antshafsins láti sjá sig á þeim slóð-
um, hvað þá í tugatali.
„Sjómennirnir hafa sagt mér að
það sé mikið af súlum í kringum
bátana,“ sagði Böðvar Þórisson, líf-
fræðingur á náttúrustofunni. Sjó-
mennirnir þekki miðin vel og hafi
sumir tekið fram að þeir hafi aldrei
áður séð súlu á þessum slóðum en
aðrir hafa sagt að hún hafi ekki sést
áður í svo miklum mæli. Súlurnar
hafi m.a. sést í Skutulsfirði þar sem
þær hafi stungið sér eftir æti, þ.e.
tekið svokallað súlukast en þá stinga
þær sér úr allt að 40 metra hæð ofan
í sjóinn til að klófesta bráð. Böðvar
sagði enga skýringu fundna á þessu
ferðalagi súlunnar en væntanlega sé
hún að elta eitthvert æti.
Um 60% af íslenska súlustofn-
inum verpa í Eldey undan Reykja-
nesskaga en varpstöðvar hér á landi
eru einnig í Vestmannaeyjum, í
Skrúð og víðar.
Súlukast í Djúpinu
Morgunblaðið/Rax
Á ferðalagi Ekki er vitað til þess að súlur hafi orpið á Vestfjörðum und-
anfarin ár og engin merki eru um að þær séu í slíkum hugleiðingum nú.