Morgunblaðið - 06.06.2007, Blaðsíða 20

20 MIÐVIKUDAGUR 6. JÚNÍ 2007 MORGUNBLAÐIÐ
HÖFUÐBORGARSVÆÐIÐ
AKUREYRI
AKUREYRARBÆR framlengdi í
gær til fimm ára rekstrarsamninga
sína við Knattspyrnufélag Akur-
eyrar og Íþróttafélagið Þór. Meðal
nýmæla er að félögin eiga kost á
sérstakri hvatagreiðslu, sem nem-
ur 4 milljónum króna á ári, takist
þeim að halda rekstrinum halla-
lausum og innan rekstraráætlunar.
Til viðbótar núgildandi samningi
frá 2002 og hvatagreiðslunum mun
Akureyrarbær styrkja KA og Þór
með fernum hætti:
 10 milljóna króna greiðsla við
undirritun samnings. Fjárhæðinni
skal að öllu leyti varið til að greiða
niður skuldir félaganna.
 Árlegur aukinn rekstrarstyrkur
vegna reksturs skrifstofu, 1,5 millj-
ónir á ári 2007 til 2011.
 Árlegur aukinn styrkur vegna
reksturs valla félaganna, 1 milljón
á ári 2007 til 2011.
 Akureyrarbær veitir félögunum
sérstakan stuðning í formi láns án
vaxta til fjögurra ára. Lánsfjár-
hæðin er 10 milljónir króna sem
skal að öllu leyti varið til að greiða
niður skuldir. Fjárhæðin kemur til
greiðslu innan mánaðar frá undir-
ritun. Hana ber að endurgreiða
með jöfnum greiðslum á árunum
2008-2011. Í fréttatilkynningu frá
Akureyrarbæ segir: „Það er sam-
eiginlegur skilningur aðila að
vanda þurfi betur upplýsingagjöf
félaganna til Akureyrarbæjar. Fé-
lögin munu jafnframt leggja fram
stefnumótandi áætlanir um rekst-
ur út samningstímann og áætlanir
um niðurgreiðslu þeirra skulda
sem á félögunum hvíla, eftir að
fjármunir sem lagðir eru fram í
upphafi hinna nýju rekstrarsamn-
inga hafa verið nýttir til lækkunar
á skuldabyrði félaganna.“
Markmið samninganna af hálfu
Akureyrarbæjar er, skv. fréttatil-
kynningunni, að styrkja fjárhag og
rekstur íþróttafélaganna svo þau
geti áfram haldið úti öflugu
íþróttastarfi á Akureyri.
„Samningsaðilar eru jafnframt
sammála um að með samningunum
verði úr sögunni allur hugsanlegur
eldri ágreiningur milli samnings-
aðila um fjárhagsleg atriði.“
Það vakti athygli að formaður og
framkvæmdastjóri Þórs, Sigfús
Ólafur Helgason, yfirgaf fundar-
salinn áður en til undirritunar kom
og kallaði til varaformann félagsins
til að sinna því verki. Sigfús segist
ekki óánægður með samninginn en
bæjaryfirvöldum hefði átt að vera
kunnugt um að hann myndi ekki
undirrita samninginn sjálfur ef
fjármálastjóri bæjarins yrði við-
staddur athöfnina, vegna harka-
legra deilna þeirra sl. haust.
Eiga kost á hvatagreiðslu ef rekstur verður hallalaus og innan áætlunar
Rekstrarsamningar við KA
og Þór framlengdir til 5 ára
Morgunblaðið/Skapti Hallgrímsson
Rekstur Þau skrifuðu undir; fv. Hallur Stefánsson varaform. KA, Sig-
rún Björk Jakobsdóttir bæjarstjóri og Árni Óðinsson varaform. Þórs.
Í HNOTSKURN
»Formaður Þórs, SigfúsÓlafur Helgason, segir fjár-
málastjóra Akureyrarbæjar,
Dan Brynjarsson, skulda sér
afsökunarbeiðni og þar til hún
berist muni hann ekki eiga nein
samskipti við hann. Þess vegna
skrifaði Sigfús ekki sjálfur
undir rekstrarsamninginn við
Akureyrarbæ í gær. Þeir Dan
lentu í miklu karpi, að sögn
Sigfúsar, þegar greiða átti út
aukafjárveitingu til félagsins
sl. haust. Dan hafi þá látið stór
orð falla um Íþróttafélagið Þór
sem Sigfús segist ekki sáttur
við. „Ég bíð eftir afsök-
unarbeiðni frá Dan,“ segir Sig-
fús Ólafur Helgason.
KRÓGABÓL á Akureyri hefur hlotið við-
urkenningu sem heilsuleikskóli. Það var
Unnur Stefánsdóttir, leikskólastjóri
heilsuleikskólans Urðarhóls og formaður
samtaka heilsuleikskóla, sem afhenti
Önnu R. Árnadóttur leikskólastjóra við-
urkenninguna við hátíðlega athöfn í leik-
skólanum síðastliðinn föstudag.
Krógaból hefur unnið að því frá 2005 að
ná markmiðum Heilsustefnunnar með því
t.d. að bæta mataræði í leikskólanum,
minnka salt, sykur og unna matvöru en
auka jafnframt grænmetis- og ávaxta-
neyslu. Hreyfing hefur verið aukin og fá
öll börn leikskólans skipulagðar hreyfi-
stundir að lágmarki einu sinni í viku. Í
leikskólanum er heilsueflingarnefnd sem í
er einn starfsmaður af hverri deild ásamt
leikskólastjóra og sérkennsluráðgjafa.
Krógaból er sjöundi leikskólinn hér-
lendis sem hlýtur þessa viðurkenningu og
sá fyrsti á Norðurlandi.
Krógaból við-
urkennt sem
heilsuleikskóli
Krógaból Börnin fögnuðu áfanganum.
LÆKJARTORG mun ganga í endurnýjun líf-
daga á næstu misserum ef áætlanir borgarráðs
um uppbyggingu í Kvosinni ganga eftir. Í gær
var opnað fyrir umsóknir frá arkitektastofum
um þátttöku í hugmyndaleit um úrbætur og
fegrun á svæðinu eftir bruna húsanna í Austur-
stræti 22 og Lækjargötu 2.
„Við vildum ekki einangra okkur við að
byggja bara upp á þessum reit, heldur reyna að
nota þetta tækifæri til að fá tillögur um upp-
byggingu,“ segir Hanna Birna Kristjánsdóttir,
formaður skipulagsráðs. „Við vildum gjarnan
sjá að þetta leiddi til þess að þetta svæði, sem er
í raun hjartað í miðborginni, fengi nýtt líf.“
Með þetta að leiðarljósi leitar borgarráð eftir
að arkitektastofur leggi höfuðið í bleyti en auk
þess verður auglýst eftir tillögum frá áhuga-
sömum borgarbúum, sem láta sig málið skipta.
„Klárað eins hratt og við getum“
Áætlað er að tillögur frá þeim arkitekta-
stofum, sem verða fyrir valinu, liggi fyrir í byrj-
un ágúst, og deiliskipulag verði fullmótað í
haust. „Það er algjört lykilatriði að gera þetta
hratt og örugglega því þetta getur ekki staðið
svona sem opið sár í borgarlandinu miklu leng-
ur. Þess vegna unnum við að hugmynda-
samkeppninni með Arkitektafélaginu, svo við
gætum tryggt að tímaramminn mætti þeim
kröfum,“ segir Hanna Birna.
Opið verður fyrir tillögur frá innlendum jafnt
sem erlendum aðilum og verður fyrsta skref
dómnefndar að velja 5-6 arkitektastofur til
verksins, en þær munu svo hafa nokkuð frjálsar
hendur við hugmyndavinnu. „Þetta var mikið
rætt í borgarráði og það er mjög meðvitað hjá
okkur að njörva þetta ekki meira niður, vegna
þess að við viljum fá inn fjölbreyttar hug-
myndir.“ Þó er ráðgert að hin sögulega mynd á
horni Austurstrætis og Lækjargötu verði í
meginatriðum endurbyggð. Ennfremur er gert
ráð fyrir niðurrifi hússins í Hafnarstræti 20 og
hvatt til að litið verði til tengsla á milli Hafn-
arstrætis, Lækjartorgs og Austurstrætis.
Vonast er til að með hugmyndaleitinni fái
sköpunargleðin að njóta sín, en þess má geta að
borgarstjórn samþykkti á fundi fyrir um fjórum
mánuðum að skoða leiðir til að endurvekja læk-
inn í Lækjargötu á stuttum kafla.
„Við erum að reyna að fá arkitekta til að
hugsa málið ekki bara út frá þessum tveimur
húsum sem brunnu heldur í heildarsamhengi.
Með því að gera Lækjartorgið hluta af þessu líka
vonumst við til að sjá að menn hugsi einhverjar
leiðir til að þetta torg fái meira líf.“ Ætlun borg-
arráðs er þannig að styrkja miðborgina og auka
aðdráttarafl hennar fyrir fjölbreytilegt mannlíf
og er þar Lækjartorgið ekki síst veigamikill
þáttur. „Þetta torg hefur því miður ekki gegnt
tilætluðu hlutverki í langan tíma en við vonumst
til að með þessari samkeppni fáum við almanna-
rými sem borgarbúar geti notað og notið.“
Skipað verður í dómnefnd á fundi borgarráðs
á morgun, fimmtudag, en í henni munu sitja
tveir tilnefndir af Arkitektafélagi Íslands, þrír
frá Reykjavíkurborg og tveir skipaðir af hags-
munaaðiljum á svæðinu.
Bruninn blási lífi í Lækjartorg
Morgunblaðið/Sverrir
Úr öskustónni Austurstræti 22 og Lækjargata 2 verða kjarni uppbyggingarinnar.
Eftir Unu Sighvatsdóttur
unas@mbl.is
Reykjavíkurborg
efnir til hugmynda-
leitar um Kvosina
Hjarta bæjarins Umhverfi Lækjartorgs verð-
ur meginsvæði uppbyggingar








 













  










 


!





 


 




" 
     



 
TAKTU FYRSTA
SKREFIÐ
– skráðu þig á www.glitnir.is/marathon