Morgunblaðið - 06.06.2007, Blaðsíða 21

MORGUNBLAÐIÐ MIÐVIKUDAGUR 6. JÚNÍ 2007 21
SUÐURNES
Eftir Svanhildi Eiríksdóttur
Reykjanesbær | „Björgin hefur
byggst vel upp með fáu starfsfólki.
Þörfin fyrir athvarf eins og þetta er
að koma fram núna, en staðan er
orðin þannig að húsnæðið er sprung-
ið og fjölga þyrfti starfsfólki,“ sagði
Ragnheiður Sif Gunnarsdóttir, for-
stöðumaður Bjargarinnar, sem er
athvarf fyrir fólk með geðraskanir
og er starfrækt í húsi Sjálfsbjargar í
Reykjanesbæ. Blaðamaður Morg-
unblaðsins heimsótti athvarfið á
dögunum og talaði meðal annars við
tvo félaga sem bera athvarfinu vel
söguna.
„Minn draumur er að boðið verði
upp á daglega þjónustu fagaðila, eins
og t.d. þjónustu iðjuþjálfa, þannig að
hægt verði að vinna markvisst að
endurhæfingu hvers og eins. Ef
byggja á upp heildstæða þjónustu er
afar mikilvægt að ríki og sveit-
arfélög standi saman að uppbygg-
ingu þessa málaflokks, en málefni
fatlaðra eru á hendi beggja,“ sagði
Ragnheiður Sif.
Mannauðurinn nýttur
Ragnheiður Sif, forstöðumaður
Bjargarinnar, er mastersnemi í sál-
fræði. Hún sagði að hlutfall öryrkja
með geðraskanir væri hátt. Talið er
að einn af hverjum fjórum íbúum
þjóðarinnar þjáist á einhverjum
tímapunkti í lífi sínu af geðröskun og
því má leiða getum að því að á svæði
eins og Suðurnesjum, þar sem búa
um 20 þúsund manns, sé þörfin fyrir
úrræði mikil. „Með því að bjóða upp
á aðstöðu sem þessa getum við dreg-
ið úr stofnanainnlögnum, sem eru
mjög dýrar. Auk þess er athvarfið
hugsað fyrir þá sem eru að koma úr
innlögnum. Markmiðið með Björg-
inni er að rjúfa félagslega einangrun
fólks, efla sjálfstæði þess og auka
samfélagsþátttöku. Þessum mark-
miðum náum við meðal annars með
félagslegri samveru, persónulegum
stuðningi, iðju af ýmsu tagi og
fræðslu. Félagar og starfsfólk vinna
sameiginlega að öllum verkefnum í
Björginni. Unnið er á jafn-
ingjagrundvelli með það að mark-
miði að fá félagana til að vera virka í
uppbyggingu starfseminnar. Fé-
lagarnir fá traust og vald til að taka
ábyrgð og samfara því aukið sjálf-
stæði. Auk þess nýtum við mannauð-
inn og þau kenna hvert öðru,“ sagði
Ragnheiður.
Björgin lífgjafi
Hún nefndi að nýlega væri búið að
kaupa tæki til silfursmíði sem tveir
félagar kynnu á og að þeir ætluðu að
miðla kunnáttu sinni til hinna. Þá
væri klár tölvumaður og ljósmyndari
í hópnum sem ætlaði að kenna hin-
um. Til þess hefðu þau fengið að-
stöðu í Miðstöð símenntunar á Suð-
urnesjum. „Það er til mikils að vinna
ef hægt er að virkja og nýta þann
mannauð sem ekki er nýttur í sam-
félaginu,“ sagði Ragnheiður Sif.
Ragnheiður Sif nefndi að það
skipti miklu máli að hafa athvarf eins
og Björgina í næsta umhverfi þeirra
sem sækja þangað félagsskap. Undir
það tekur Dagný Kjærnested, félagi
í Björginni, sem segist kalla athvarf-
ið Björgunarhring vegna þess að það
hafi beinlínis verið hennar lífgjafi.
„Áður þurfti ég að sækja athvarf í
Reykjavík, Hvíta bandið, og fara frá
fjölskyldu minni á hverjum degi. Ég
þurfti að taka rútu eldsnemma á
morgnana og það kom fyrir að ég
kastaði upp í rútunni vegna kvíða.
Kvíðinn yfirtók batann. Eftir að ég
las um Björgina í Víkurfréttum
ákvað ég að kynna mér starfsemina
og sá að margt var að gerast hér sem
var innfrá. Ég hef líka fengið góðan
stuðning frá Heilbrigðisstofnun Suð-
urnesja til að geta verið sem mest
hér heima. Þegar ég hugsa um
reynslu mína af Björginni dettur mér
alltaf í hug lagið með Nýdanskri,
„Hjálpaðu mér upp, mér finnst ég
vera að drukkna“. Ég segi að það sé
lífsnauðsynlegt að hafa svona starf-
semi í heimabyggð, því nándin er
stór hluti af batanum,“ sagði Dagný
og nefndi sérstaklega hversu gott
það væri að geta í athvarfinu rætt
við fólk sem skilur hana.
„Þessi staður gerir kraftaverk,“
sagði félaginn Steinþór Grétar Haf-
steinsson og talar af reynslu.
„Björgin er mikið öryggisnet og þó
svo að ég sé ekki alltaf hér þá kom-
ast sumir ekki í gegnum daginn án
þess að koma hingað. Athvarfið þarf
hins vegar stuðning til þess að vaxa
frekar og dafna.“ Steinþór er einn
þeirra félaga sem miðlað hafa af
kunnáttu sinni til aukinnar þekk-
ingar og færni annarra félaga. „Mér
finnst gott að geta gefið til baka.
Hér bera allir góðan hug hver til
annars og hingað er gott að koma til
að vinna bug á félagsfælni, sem hef-
ur hrjáð mig.“
Steinþór er hins vegar ekki
ánægður með kjör öryrkja, hann
segir kerfið letja fólk til þátttöku í
atvinnulífinu þar sem það taki ekki
tillit til aðstæðna þess. „Ég hef verið
óvinnufær eftir tvö slæm slys. Ég vil
ekki vera baggi á þessu þjóðfélagi
og horfa bara á, en það borgar sig
ekki fyrir mig að vinna. Þetta þok-
aðist lítillega í áttina þegar frí-
tekjumörk voru tekin upp um síð-
ustu áramót. Þá gat ég þegið vinnu
sem mér var boðin hjá Byggðasafni
Reykjanesbæjar við að taka myndir
af munum safnsins. Ég hef sveigj-
anlegan vinnutíma og get unnið
verkið á mínum forsendum. Mér
finnst ég vera hluti af þjóðfélaginu
þegar ég er virkur,“ sagði Steinþór.
„Finnst ég vera hluti af þjóð-
félaginu þegar ég er virkur“
Morgunblaðið/Svanhildur Eiríksdóttir
Björgunarhringur Nauðsynlegt er að úrræði séu fyrir hendi í heimabyggð.
Um það eru þær sammála, Ragnheiður Sif Gunnarsdóttir, forstöðumaður
Bjargarinnar í Reykjanesbæ, og Dagný Kjærnested, einn Bjargarfélaga.
Í HNOTSKURN
»Starfsemi Bjargarinnarhófst formlega 4. febrúar
2005.
»Helstu styrktaraðilar eruReykjanesbær, Svæð-
isskrifstofa málefna fatlaðra á
Reykjanesi og Sjálfsbjörg á
Suðurnesjum. Starfsemin nýt-
ur einnig stuðnings fyrirtækja
og félagasamtaka.
Gott starf unnið
í Björginni,
athvarfi fyrir fólk
með geðraskanir
Keflavík | Sossa sýnir um þessar
mundir sjö ný olíumálverk í Kirkju-
lundi, safnaðarheimili Keflavík-
urkirkju. Myndefnið er sótt í bibl-
íusögurnar og nefnir hún
sýninguna eftir biblíumyndunum
sínum.
Sossa fór yfirleitt í barnamessu á
sunnudögum þegar hún ólst upp í
Keflavík, enda dóttir prestsins. Við
lok messu fengu krakkarnir litlar
biblíumyndir og ef einhver var svo
heppinn að hafa átt afmæli í vik-
unni voru myndirnar tvær – og þá
ekki eins. Hún safnaði þessum
myndum. Þegar til tals kom að hún
sýndi í Kirkjulundi rifjaðist þetta
myndefni upp, að því er fram kem-
ur í fréttatilkynningu, og henni
fannst við hæfi að setja það í þetta
umhverfi.
Sýningin í Kirkjulundi er opin
alla daga og mun standa fram á
haust.
Sossa sýnir „biblíumynd-
irnar sínar“ í Kirkjulundi
Reykjanesbær | Sýningu Hafsteins
Austmanns á Listasafni Reykjanes-
bæjar lýkur sunnudaginn 10. júní.
Sýningin hefur verið vel sótt.
Hafsteinn hefur lengi talist til
okkar færustu listamanna og
spanna verkin á sýningunni tíma-
bilið 1986–2007, að því er fram
kemur í fréttatilkynningu frá Lista-
safni Reykjanesbæjar. Um er að
ræða bæði olíumálverk, akríl- sem
og akvarella-myndir.
Opið er alla daga frá kl. 13 til
17.30 og á sunnudaginn tekur lista-
maðurinn sjálfur á móti gestum frá
kl. 15.30. Listasalurinn er í Duus-
húsum við Duusgötu 2-8 í Reykja-
nesbæ.
Sýningu Hafsteins lýkur
Fasteignir Akureyrarbæjar óska eftir tilboðum í múrverk og tréverk
innanhúss við Hof menningarhús og tónlistarskóla á Akureyri. Verk-
ið er brotið niður í undirverkþætti og er verktökum heimilt að
bjóða í einn eða fleiri verkþætti.
Húsið er þrjár hæðir og kjallari samtals um 7.500 m² og um
39.000 m³. Í húsinu eru tveir salir, tónlistasalur, 500 manna og
fjölnotasalur, 200 manna auk kaffiteríu, verslun og tónlistaskóla.
Unnið er við uppsteypu hússins. Verkkaupi ræður sér byggingar-
stjóra fyrir verkefnið og skulu verktakar hlíta hans stjórn. Reiknað er
með að framkvæmdir geti hafist í júlí - ágúst 2007 og eru verklok
2. mars 2009.
Boðnar eru út einstakar iðngreinar/verkþættir:
Múrverk:
• terrazzógólf og stigar
• annað múrverk
Tréverk:
• parket á gólf og stiga
• hurðir og gluggar
• gifsplötuveggir og föst loft
• loftaklæðningar
• innréttingar og sérsmíði
• felliveggir
• glerveggir og glerfelliveggir
Helstu magntölur:
• Ílögn og flotun gólfa um 6.500 m², þar af terrazzó um 825
m², flísalögn um 1.300 m².
• Parket um 1.500 m², hurðir um 200 stk, felliveggir um 10
stk, veggir um 4.600 m², loftaklæðningar um 4.500 m²,
innréttingar og búnaður.
Afhending útboðsgagna veður á rafrænu formi frá og með 8. júní
2007 í þjónustuanddyri Ráðhúss, Geislagötu 9, 600 Akureyri og
heimasíðu Akureyrarbæjar. Kynningarfundur verður haldinn í
bæjarstjórnarsal, Geislagötu 9, Akureyri 13. júní kl. 13:00
Tilboð verða opnuð 28. júní 2007 kl. 11:00 í bæjarstjórnarsal, 4
hæð, Geislagötu 9, Akureyri að viðstöddum þeim bjóðendum sem
þess óska.
Verkkaupi áskilur sér rétt til að taka hvaða tilboði sem er
eða hafna öllum.
Akureyrarbær • Geislagötu 9 • 600 Akureyri
Sími 460 1000 • Fax 460 1001 • www.akureyri.is
Geislagötu 9, 4. hæð,
sími 460 1128.
HOF
Menningarhús og tónlistarskóli á
Akureyri útboð á frágangi innanhúss
múrverk og tréverk.