Morgunblaðið - 06.06.2007, Blaðsíða 22

Við völdum Vestfirðina með-al annars vegna þess aðþar var galdrafárið svæsiðá sínum tíma. Við tileink-
uðum hugleiðsluna öllum þeim sem
misstu lífið fyrir galdra og okkar ósk
var að við gætum hreinsað þá slæmu
orku sem vondir atburðir skilja eftir
sig. Konur á Íslandi fóru ekki var-
hluta af galdrafárinu og mörgum
þeirra var drekkt fyrir litlar sem
engar sakir. Kannski fyrir það eitt að
eignast barn. Við gyðjurnar sendum
öllum þessum konum okkar fallegu
hugsanir þar sem við sátum og svitn-
uðum inni í tjaldinu,“ segir Margrét
Margrétardóttir sem sjálf er galdra-
kona, en ekki af þeirri gerðinni sem
níðist á öðru fólki, heldur notar hún
hugarorkuna til góðra verka. Mar-
grét fór um síðastliðna hvítasunnu-
helgi vestur á Tálknafjörð ásamt
þremur konum sem kalla sig Gyðj-
urnar og þar vígðu þær gyðjutjald
sem Margrét hefur sjálf smíðað.
Tjald þetta er svitatjald og ætlað til
andlegrar og líkamlegrar hreins-
unar. „Við tjölduðum niðri í fjöru og
heyrðum í hafinu og kollurnar úuðu
allt í kringum okkur. Við fórum inn í
tjald klukkan tíu um kvöld og kom-
um út um tvöleytið um nóttina og þá
var kyrrðin mikil og náttúran
dásamleg allt í kringum okkur. Ætli
við höfum ekki barað hreinsað allan
kjálkann, ég er ekki frá því.“
Erfitt að haldast við í hitanum
Margrét segir heilmikla serem-
óníu vera í kringum svitatjalds-
athöfn. „Við þurfum að snúa okkur í
réttar áttir, ávallt að fara réttsælis
inn í tjald og annað slíkt. Fyrst
kveikjum við bál fyrir framan tjaldið
og þar hitum við í þrjá klukkutíma
steina sem við finnum sjálfar úti í
náttúrunni á hverjum stað. Síðan
færum við þá glóandi inn í tjaldið og
setjum þá í holu sem við gröfum í
jörðina í miðju tjaldinu. Meðan á öllu
þessu stendur hugleiðum við og för-
um með alls konar fyrirbænir, setj-
um jurtir á eldinn og hreinsum burt
alla slæma orku. Síðan setjumst við
inn í tjaldið, hringinn í kringum
steinana, í sundfötum eða öðrum
mjög léttum klæðnaði, því það verð-
ur mjög heitt þarna inni. Við ausum
vatni á steinana með reglulegu milli-
bili og þetta virkar í raun eins og
sauna. Vissulega eru til margar út-
færslur á því hvernig á að hafa þetta
allt saman en ég vil að allir séu hljóð-
ir og einbeiti sér að því að beina
hugsunum sínum inn á við. Þetta er
hljóð hugleiðsla í myrkri þar sem
hver og einn tengist sjálfum sér.
Þetta er líka ætlað til að hreinsa lík-
amann með öllum þeim svita sem fer
út. Þetta er einhvers konar end-
urnýjun, bæði andleg og líkamleg, og
fólki líður rosalega vel þegar þetta er
afstaðið,“ segir Margrét og bætir við
að það geti verið erfitt að haldast við
í hitanum og því sé fólki frjálst að
læðast út ef það gefst upp. „En við
förum út á fjörutíu mínútna fresti
fjórum sinnum, því það getur verið
erfitt að anda. Þá fáum við okkur
vatn að drekka og kælum okkur að-
eins, en förum svo aftur inn. Það er
líka hægt að gera ýmislegt til að
haldast við inni, til dæmis að þrýsta
lófum og enni að jörðinni.“
Sálin varð eftir á vígvellinum
Margrét segir að indíánar hafi
stundað það að fara í svitatjöld til
langs tíma en hún hefur ávallt verið
heilluð af þeirra iðkun í tengslum við
hreinleikann. „Þeir vinna með líkam-
ann og andann í þessum hreins-
unum. Þegar þeir komu heim úr bar-
dögum var gjarnan búið að hita upp
svitatjald fyrir þá og þangað fóru
þeir inn til að hreinsa andann og
finna sálina sína aftur, því hún varð
stundum eftir á vígvellinum þar sem
ljótu verkin voru framin og þar sem
augun sáu margt ljótt. Með því að
fara í tjaldið tengdust þeir aftur
sjálfum sér.“
Svitatjaldið hennar Margrétar er
kúlutjald og rúmar um tíu manns.
Það er samsett úr plasthúðuðum ál-
rörum, plastdúk og segldúk.
„Ég smíðaði þetta tjald að mestu á
gólfinu heima hjá mér og ég hef eytt
ómældum tíma í að hanna það til að
gera það einfalt og ferðavænt. Ég
get auðveldlega tekið það í sundur og
pakkað því saman til að taka það með
mér hvert á land sem er.“
Margrét ætlar að bjóða erlendum
gestum í svitatjaldið hjá sér á sum-
arsólstöðum í júní. „Bresk vinkona
mín kemur með Breta hingað í sum-
ar og við stefnum að því að fara með
þá upp að Heklurótum og svitna þar
rækilega í tjaldinu.“
Ljósmynd/Guðlaugur Aðalsteinsson
Vestfirskir töfrar Gyðjurnar Margrét, Inga Dóra, Miriam og Halla setja jurtir á eldinn sem hitar steinana sem settir eru inn í tjaldið, umvafðar fegurð Tálknafjarðar.
Morgunblaðið/G.Rúnar
Völundur Margrét leggur lokahönd á tjaldsmíðina heima í stofu.
Indíánar hafa til langs tíma stundað það að fara í
svitatjöld til andlegrar og líkamlegrar hreinsunar.
Kristín Heiða Kristinsdóttir hitti íslenska galdrakonu
sem bjó til sitt eigið svitatjald tileinkað gyðjum.
|miðvikudagur|6. 6. 2007| mbl.is
daglegtlíf
Svanhildur Þengilsdóttir hefur
lengi skokkað sér til heilsubót-
ar og þá stundum í hóp en líka
ein. »24
hreyfing
Tíðni blöðruhálskirtilskrabba-
meins hefur aukist hér á landi
og árlega greinast um 185 karl-
menn með sjúkdóminn. »28
heilsa
Gyðjurnar
svitna í tjaldi
Sviti Gyðjurnar komnar inn í hitann til að svitna og hugleiða.