Morgunblaðið - 06.06.2007, Blaðsíða 30

30 MIÐVIKUDAGUR 6. JÚNÍ 2007 MORGUNBLAÐIÐ
UMRÆÐAN
SAMTÖK um kvennaathvarf
urðu 25 ára 2. júní og héldu upp á
afmælið í Iðnó með frábærum
söng Brynhildar Guð-
jónsdóttur, í leikgervi
Edith Piaf, og ávörp-
um um forsöguna og
framtíðina. Und-
irrituð ávarpaði sam-
komuna fyrir hönd
Kvenfélagasambands
Íslands og fjallaði um
forvarnir ofbeldis og
vankanta á nýrri
áætlun gegn ofbeldi.
Ofbeldi gegn kon-
um og börnum er ól-
íðandi og samkvæmt
nýrri ársskýrslu
kvennaathvarfsins hefur skráðum
komum í athvarfið fjölgað. Ofbeldi
hefur lengi verið við lýði, en um-
ræðan um það og kynning á þeim
úrræðum sem fyrir hendi eru
skipta sköpum svo hægt verði að
stemma stigu við því.
Maður veltir því fyrir sér hvað
valdi því að fólk finni hjá sér þörf
til að beita ofbeldi – líkamlegu eða
andlegu – og hvers vcgna svo virð-
ist sem ofbeldistilvikum hafi fjölg-
að. Fjölgun tilkynntra ofbeldis-
tilvika má eflaust, á ákveðinn hátt,
rekja til þess að umræðan og
fræðslan hefur aukist og fleiri
konur hafa tekið skrefið – þær
segja frá – segja frá hvernig þeim
líður – segja frá hvernig önnur
manneskja hefur beitt valdi sínu
gagnvart þeim.
Birtingarmyndir ofbeldis eru
margar og vel má ímynda sér að
nútíminn leiði af sér fleiri og ný-
tískulegri birtingarmyndir. Því
miður má einnig ætla að gamlir
úreltir menningarbundnir þættir
sem tengjast feðraveldinu hafi
gert það að verkum að fólki hefur
fundist eðlilegt að ákveðin yfirráð
væru til staðar – og þar með hefur
ofbeldið viðgengist.
Ef hver og einn skoðar hug sinn
er ég viss um að hann finnur ein-
hver atvik úr lífinu, á heimili, í
vinnu eða annars staðar, sem bera
merki yfirráða eða ofbeldis. Til-
vikin geta verið þannig að við höf-
um e.t.v. fyrst í stað ekki áttað
okkur á, að ákveðin hegðun eða
orð væru ekkert annað en ofbeldi.
Birtingarmyndir ofbeldis eru
nefnilega margar og margvíslegar
og þess vegna getur verið erfitt að
ná tökum á því. Það má svo einnig
vera að sá sem ofbeldið sýndi hafi
ekki haft það að ásetningi og því
ekki gert sér grein fyrir áhrif-
unum. Það sýnir einnig hve erfitt
verkefnið er.
En hvað er til ráða,
hvernig sjáum við
framtíðina fyrir okk-
ur? Hvernig verður
starfsemi kvenna-
athvarfsins í framtíð-
inni?
Það er mikilvægt
að unnið verði mark-
visst eftir nýsam-
þykktri aðgerð-
aráætlun sem ætlað
er að vinna gegn of-
beldi á heimilum og
kynferðislegu ofbeldi
gegn konum og börnum, en þar
hafa bæði ráðuneyti og Samband
íslenskra sveitarfélaga verið gerð
ábyrg fyrir framkvæmd einstakra
aðgerða.
En ákveðnir vankantar eru á
áætluninni og ég vil hér gera þá
að umtalsefni.
Í fjölbreyttu samfélagi nútímans
er mjög margt sem félagsmótar
einstaklinginn og hefur þar með
áhrif á hegðun hans. Það er öll sú
margmiðlun sem tröllríður húsum,
það eru vinirnir, þjálfarar, skólar,
fjölskyldan og allir aðrir sem eiga
samskipti við okkur. Þess vegna
skiptir það miklu að reyna að hafa
áhrif á félagmótunina í gegnum
stjórnunarlegar stofnanir.
Gott leiðandi uppeldi er stórt og
mikilvægt atriði til þess að hafa
áhrif á hegðun og mikilvægt er að
foreldrar fái frá fyrstu stundu
stuðning og fræðslu um heppileg-
ar uppeldisaðferðir. Mín skoðun er
því sú að strax á heilsugæslustöð-
inni, í mæðraskoðun og ungbarna-
skoðun þurfi foreldrar að fá
fræðslu um heppilegar uppeldis-
aðferðir – leiðandi uppeldi, í stað
þess sem nefnt hefur verið skip-
andi, refsandi eða afskiptalaust
uppeldi.
Það ætti síðan að vera sveitarfé-
laganna að halda uppeldis- og
samskiptafræðslunni við og beina
henni til kennara, þjálfara, til
barna, unglinga, foreldra og for-
ráðamanna þeirra.
Og gleymum því ekki að þeim
sem beita ofbeldi líður illa og þeir
þurfa stuðning og jákvæða styrk-
ingu. Það er nauðsynlegt að innan
okkar skipulega uppeldis- og
menntakerfis verði gerðar gagn-
gerar breytingar þannig að göml-
um og úreltum menningar- og
kynbundnum þáttum verði útrýmt.
Nokkrar rannsóknir hafa t.d. verið
gerðar á samskiptum í skólastarf-
inu og hefur það sýnt sig að
hvatning og félagsmótun drengja
og stúlkna er ólík, stundum
óheppileg og gæti valdið óæski-
legri hegðun kynjanna.
Fyrirmyndir barna og unglinga
eru á heimilinu, í skólunum, í fjöl-
miðlum, í íþróttunum, í vinahópn-
um. Ákveðnir þættir þurfa þó að
vera fyrir hendi þannig að hegðun
fyrirmyndar verði leikin eftir, en
því brýnna er að strax í frum-
bernsku verði settur á fót öflugur
stuðningur við foreldra og aðra
uppalendur þannig að reynt verði
að vinna bug á ofbeldi sem leiðir
af sér allar þær hörmungar sem
eru kunnar.
Með forvörnum af þessu tagi í
gegnum heilsugæsluna í ung-
barnaskoðun, gegnum alla leik-
skóla og alla grunnskóla – með
fræðslu um viðurkenndar uppeld-
is- og samskiptaaðferðir – um
hvernig heppilegt er að leysa
vandamál – væri stigið stórt skref
til að vinna gegn ofbeldi í sam-
félaginu.
Ef þessi leið yrði farin og auk
þess unnið eftir aðgerðaráætl-
uninni gæti maður þorað að vona
að Kennaathvarfið þyrfti ekki að
stækka eins mikið og nú má allt
eins ætla. Því miður held ég að
Kvennaathvarfið verði aldrei
óþarft, en aðgerða er þörf.
Vankantar á
„ofbeldisáætluninni“
Una María Óskarsdóttir skrifar
um hvernig stemma má stigu
við ofbeldi gegn konum og
börnum
» Ofbeldi hefur lengiverið við lýði, en um-
ræðan um það og kynn-
ing á þeim úrræðum
sem fyrir hendi eru
skipta sköpum svo hægt
verði að stemma stigu
við því.
Una María Óskarsdóttir
Höfundur er varaforseti Kvenfélaga-
sambands Íslands og formaður jafn-
réttisnefndar Kópavogs.
FASTEIGNASALA
HÁTÚNI 6a
SÍMI 512 1212 FAX 512 1213
Bragi Björnsson lögmaður og löggiltur fasteignasali
BERGSTÆÐASTRÆTI - ÞAKÍBÚÐ
Foss fasteignasala, Hátúni 6a, sími 512 12 12, fax 512 12 13, netfang foss@foss.is
Stórglæsileg 87,2 fm þakíbúð með hátt til lofts í Þingholtunum í nýlegu
tvíbýli (ath: gólfflötur er hins vegar umtalsvert stærri). Íbúðin er öll endur-
nýjuð á þessu ári á vandaðan og smekklegan hátt, svo sem innréttingar,
tæki, gólfefni, flísar á baði, málning o.fl. Útsýni er fallegt og útgengt er á
stórar svalir, sem snúa í vestur. Verð 37,9 millj.
ÁSVALLAGATA - NÝUPPGERÐ
Stórglæsileg 92,4 fm 4ra herbergja íbúð á annarri hæð í vel staðsettu þrí-
býli við Ásvallagötu. Íbúðin er í skemmtilegum gömlum stíl, hátt til lofts
með upphaflegum skrautlistum og fullningahurðum og rósettum. Íbúðin
er öll endurnýjuð á þessu ári. Verð 33,9 millj. Björn Daníelsson, lögg. fasteignasali
Kleifakór - Kóp.
Þverholti 14 | 101 Reykjavík | Sími 595 9000 | Fax 595 9001 | www.holl.is | holl@holl.is
Hóll fasteignasala kynnir; í
einkasölu, glæsilegt, tveggja
hæða einbýli við Kleifakór í
Kópavogi, með frábæru
útsýni.
Um er að ræða 282,8 fermetra
einbýlishús, þar af bílskúr 35,8
fm. Eignin skilast rúmlega fok-
held að innan og fullbúin að utan
sjá nánar skilalýsingu.
Einstök eign á þessum frábæra
stað í kórahverfinu.
Verð 58,0 milljónir.
tákn um traust
Nánari upplýsingar og skilalýsing á
www.holl.is
Sölumaður Stefán Bjarni, 694 4388
OPIÐ HÚS
sunnudaginn 10. júní
KÆRI íbúi í Vogum.
Nú stendur yfir und-
irbúningur vegna hugs-
anlegs álvers í Helgu-
vík. Á næstunni verða
teknar ákvarðanir um
hvernig orkuflutningum
skuli háttað. Samkvæmt
hugmyndum Landsnets
í þessum efnum yrðu háspennulínur
frá fyrirhuguðum virkjunum á
Reykjanesskaganum til Helguvíkur
að verulegu leyti í landi Voga.
Náttúra Reykjanesskagans er ein-
stök á heimsvísu, í skaganum liggja
einstök tækifæri til ferðaþjónustu og
útivistar. Þar eiga íbúar í Vogum sann-
kallaða náttúruperlu í bakgarðinum.
Ef áformin um álver í Helguvík
verða að veruleika munu tekjur af ál-
verinu renna í sjóði Garðs og Reykja-
nesbæjar. Náttúruspjöllin og um-
hverfisraskið vegna virkjana og
orkuflutninga, verða hinsvegar að
mestu leyti í öðrum sveitarfélögum
Reykjanesskagans. Ekki síst í Vog-
um.
Sandgerðingar höfnuðu háspennu-
línum um Stafnes og Ósabotna, m.a.
vegna þess að þær myndu rýra gildi
svæðisins og minnka möguleika sveit-
arfélagsins til fjölbreyttrar nýtingar.
Í kjölfarið var ákveðið að leggja jarð-
streng frá Fitjum til Helguvíkur,
þrátt fyrir að áður hafi talsmenn
framkvæmdanna haldið því fram að
jarðstrengur uppfylli ekki kröfu ál-
vers um afhendingaröryggi.
Það er hóflegt og málefnalegt að
ætlast til þess að umhverfisraski sé
haldið í lágmarki ef til þess kemur að
álver rísi í Helguvík. Sól á Suð-
urnesjum hvetur íbúa í Vogum til
þess að verja hagsmuni sína og hafna
háspennulínum líkt og Sandgerð-
ingar hafa þegar gert.
Sumarkveðja frá Sól á Suð-
urnesjum.
Opið bréf til íbúa í
Vogum
Elvar Geir
Sævarsson
» Samtökin Sól á Suð-urnesjum hvetja
Vogabúa til að hafna því
að háspennulínur verði
lagðar um land þeirra
vegna orkuflutninga
fyrir álver í Helguvík.
Höfundar eru talsmenn samtakanna
Sól á Suðurnesjum, Elvar er tónlist-
armaður og Guðbjörg er heimspek-
ingur.
Guðbjörg Rannveig
Jóhannesdóttir
Elvar Geir Sævarsson
og Guðbjörg Rann-
veig Jóhannesdóttir
hvetja íbúa í Vogum
til þess að hafna há-
spennulínum
SANDUR MÖL
FYLLINGAREFNI
WWW.BJORGUN.IS
Sævarhöfða 33,
112 Reykjavík,
sími 563 5600