Morgunblaðið - 06.06.2007, Blaðsíða 42
Sjónvarps-
stöðin Fasteigna-
sjónvarpið er til
sölu. Hlynur Sig-
urðsson, eigandi
stöðvarinnar,
segir að hann
hafi ákveðið að
selja þar sem
breytingar séu fram undan á hans
högum. „Annaðhvort ætla ég að
selja hlutafé í fyrirtækinu, eða allt
fyrirtækið, hvort tveggja kemur til
greina,“ segir Hlynur, og bætir við
að miklir möguleikar felist í rekstr-
inum enda fylgi nafn, tól og tæki
með í kaupunum. Verð stöðv-
arinnar er ekki gefið upp en Hlynur
bendir áhugasömum á að hafa sam-
band við sig.
Fasteignasjónvarpið til
sölu vegna breytinga
Ég veit ekki hvernig
Evu líður yfir þessu
öllu saman en ég býð henni
upp á vodkastaup næst þeg-
ar við hittumst … 45
»
reykjavíkreykjavík
„ÞETTA átti bara að vera eitt sumar en hefur aðeins farið öðruvísi,“ segir Benedikt Erlingsson
leikari um velgengni einleiksins Mr. Skallagrímsson sem nú er sýndur á sviði Sögulofts Land-
námssetursins í Borgarfirði. Mr. Skallagrímsson, sem byggist á sögunni af Agli Skallagrímssyni,
var fumsýndur 13. maí 2006 og eru sýningar nú að nálgast hundrað og tíu en hundraðasta sýning
var í lok maí.
Spurður hvort hann sé ekki orðinn leiður á þessu segir Benedikt léttur í bragði svo ekki vera
enda passi hann sig á því að leika ekki of oft. „Við ætlum að sýna fram í ágúst og sjá svo til hvað
verður. En þetta fer að taka enda,“ segir Benedikt, sem fékk á dögunum þrjár tilnefningar til
Grímunnar, íslensku leiklistarverðlaunanna, fyrir Mr. Skallagrímsson. Sýningin sjálf er tilnefnd
sem besta leiksýningin, Benedikt er tilnefndur sem besti leikari í aðalhlutverki og sem besti höf-
undur handrits. Auk þess var sýningin valin áhugaverðasta leiksýning ársins 2006 í Morg-
unblaðinu. Nánari upplýsingar má finna á www.landnamssetur.is.
Meira en 100 Mr.
Skallagrímssynir
Morgunblaðið/Golli
Velgengni Benedikt Erlingsson hefur leikið Mr. Skallagrímsson hátt í 110 sinnum.
Svona eru
menn kall-
aðist gjörn-
ingur þeirra
Einars Kára-
sonar og KK
sem fluttur
var í Landnámssetrinu í Borg-
arnesi á vetrinum sem enn er að
líða. Þar sagði Einar af uppvaxt-
arárum KK, sem ku hafa verið
skrautleg í meira lagi og mæltist
verkið afskaplega vel fyrir. Eins-
konar framhald verður á þessu
samstarfi skáldanna því á laug-
ardögum milli klukkan 18.30 og
19 í sumar munu þeir félagar sitja
í hljóðstofu Rásar 1 og rabba sam-
an um allt sem í hugann kemur,
atburði liðinna daga og segja sög-
ur úr fortíð og nútíð. Að sögn
verður hvorki tónlistin né gítarinn
langt undan.
Einar Kára og KK
saman á Rás 1 í sumar
Ultra Mega Technobandið Stef-
án mun um næstu helgi leika á
tveimur stærstu tónlistarhátíðum
Skotlands undir merkjum Iceland
Airwaves. Á föstudagskvöldið spil-
ar sveitin á goNorth, sem er haldin
í bænum Inverness, og svo á laug-
ardaginn á hátíðinni Rock Ness.
Þess má einnig geta að sveitin er
komin á samning hjá Cod Music, og
getur því verið ánægð með lífið
þessa dagana.
U.M.T.S. til Skotlands
Eftir Ásgeir H Ingólfsson
asgeirhi@mbl.is
HLJÓMSVEITIN Hraun átti lengi sitt andlega
heimili á Kaffi Rósenberg. En eftir hraunið kom
eldur. Miðbæjarbruninn í vor varð til þess að
loka þurfti staðnum tímabundið en á meðan má
sjá myndir frá Rósenberg á umslagi nýútkom-
innar plötu Hrauns, I Can’t Believe It’s Not
Happiness. Nafnið er dregið af bandarísku
smjörlíki enda segir Svavar Knútur Kristinsson,
söngvari sveitarinnar, að umfjöllunarefni henn-
ar sé eins konar hamingjulíki. „Platan er sú fyrri
í tveggja platna verki. Fyrri hlutinn er um að
vera hjálparlaus og varnarlaus og ná ekki alveg
taki í lífsins ólgusjó. Seinni platan er systurplata
hinnar fyrri og eins konar framhald. Hún fjallar
ekki síður um erfiðleika og vandræði, en mun-
urinn er að maður hefur meiri stjórn á að-
stæðum.“
Svavar segir að seinni platan verði ákveðnari
og bjartari en rauði þráðurinn verði sögur um
endurreisn, þar sem fyrrri platan lýsi eymd og
þrá eftir sáluhjálp. Þráðurinn er þegar að miklu
leyti orðinn til, hljómsveitin er þegar búin að
semja lögin á næstu plötu.
Lögin á nýju plötunni eru mörg undir sterkum
áhrifum frá bandarískum þjóðlögum þar sem
villta vestrið rennur saman við kalda norðrið.
Lög á borð við „Clementine“, „Goodbye My Lo-
vely“ og „Call Off Your Cavalry“ kallast á við
„Ástarsögu úr fjöllunum“. „Ég er náttúrlega
sveitastrákur …“ byrjar Svavar Knútur og held-
ur áfram: „Popptónlist í dag er oft afskaplega
ópersónuleg, menn eru alltaf að fela sig á bak við
grímu kaldhæðni og töffaraskapar. Ég held að
rosalega margir listamenn séu dauðhræddir við
að láta sjást þar á bak við. En almennileg þjóðlög
lifa lengi því þau eru svo hlý og einlæg. Mér
finnst mjög gott fyrir okkur að geta hleypt þessu
fram og verið opnir og einlægir en ekki með ein-
hvern töffaraskap.“ Er þetta sem sagt ekki töff
plata? „Við vorum einmitt að grínast með þetta:
– Strákar, það er ekkert svalt við þessa plötu.
Það eru ekki ein sólgleraugu á þessari plötu.“
Yrkisefnin eru líka iðulega persónuleg. Það er
fjallað um ástina, sambandsslit og föðurmissi. Og
Paris Hilton. „Það er kannski meira „Hiltonism-
inn“, hedónisminn sem stingur mig. Að vera
sama um sjálfan sig og aðra, vera sama um sjálfs-
virðinguna og gufa upp. Ég varð vitni að svipaðri
þróun hjá góðri vinkonu minni og þótti það mjög
sársaukafullt.“ Sveitin hefur þegar haldið
nokkra tónleika og stefnir að fleirum en planið
er þó nokkuð óljóst enda tekur brauðstritið sinn
tíma. Meðlimir Hrauns eru frístundaráðgjafi,
fataprangari, skrúfubraskari og kjötmaður.
„Ekkert svalt við þessa plötu“
Um hamingjulíki Hrauns, plötuna I Can’t Believe It’s Not Happiness
Morgunblaðið/Golli
Hljómsveitin Hraun Svavar Knútur, Loftur, Hjalti, Guðmundur og Jón Geir skemmta Úlfhildi Stefaníu.
www.hraun.tk