Morgunblaðið - 08.06.2007, Blaðsíða 21
MORGUNBLAÐIÐ FÖSTUDAGUR 8. JÚNÍ 2007 21
HÖFUÐBORGARSVÆÐIÐ
GRENIVÍKURSKÓLI fékk Græn-
fánann afhentan við hátíðlega at-
höfn við skólaslit 1. júní.
Grænfáninn er alþjóðlegt um-
hverfismerki samtakanna Fee og er
ætlað að auka umhverfismennt og
styrkja umhverfisstefnu í skólum.
Grænfánaverkefninu hér á landi er
stýrt af Landvernd. Nemendur og
starfsmenn Grenivíkurskóla hafa
unnið að verkefninu frá því í des-
ember 2004. Samþykktur var sér-
stakur umhverfissáttmáli, þar sem
lögð er áhersla á að auka umhverf-
isvitund nemenda, starfsfólks og
samfélagsins alls, að fegra og bæta
umhverfi skólans og stuðla að því
að íbúar Grýtubakkahrepps leiti
úrbóta á því sem betur mætti fara í
þeim efnum, að efla samfélags-
kennd innan skólans sem utan og
miðla vitneskju.
Grænt og vænt Valdimar Víðisson skólastjóri dregur Grænfánann að húni.
Grænfáninn
við Greni-
víkurskóla
MEIRIHLUTI landsmanna virðist
hlynntur Kjalvegi ef marka má við-
horfskönnun sem Capacent hefur
unnið fyrir félagið Norðurveg um
afstöðu gagnvart nýjum hálendis-
vegi um Kjöl. Um var að ræða
símakönnun og var úrtakið 3.200
manns.
Þegar spurt var á landsvísu kom
í ljós að 52,6% eru frekar eða mjög
hlynnt að lagður verði heilsársveg-
ur um Kjöl. 41% er mjög eða frekar
andvíg framkvæmdinni.
Um 45% aðspurðra töldu að ferð-
um þeirra milli áfangastaða á Norð-
ur- og Suðurlandi myndi fjölga með
framkvæmdinni en 55% töldu að
þeim myndi ekki fjölga.
Stuðningur við framkvæmdina er
mestur á Akureyri og nágrenni eða
67% og aðeins 24% á móti. Hann er
næst mestur á Árborgarsvæðinu
eða 65% með framkvæmdinni en
26,8% á móti. Meirihlutastuðningur
er einnig við framkvæmdina á höf-
uðborgarsvæðinu, skv. könnuninni,
eða 51,4% en 41,3% á móti.
Konur eru hlynntari fram-
kvæmdinni en karlar og þeir sem
yngri eru, eru hlynntari fram-
kvæmdinni en þeir sem eldri eru.
Þeir sem þurfa að fara hvað oftast
milli Norður- og Suðurlands eru
hlynntari framkvæmdinni en þeir
sem sjaldnar fara.
Halldór Jóhannsson stjórnarfor-
maður Norðurvegar ehf. segir þetta
ekki koma sér á óvart og niðurstaða
könnunarinnar sé hvatning fyrir
stjórn félagsins til þess að halda
ótrauð áfram í því að vinna málinu
framgang. „Stuðningur við verkefn-
ið á okkar nærsvæði sem og á Suð-
urlandi er yfirgnæfandi. Næstu
skref verða að koma verkefninu á
endurskoðaða samgönguáætlun og
væntum við góðrar samvinnu við
nýjan samgönguráðherra um það
mál,“ er haft eftir Halldóri í til-
kynningu frá Norðurvegi.
Félagið Norðurvegur ehf., sem er
í eigu um 20 einstaklinga, fyrir-
tækja og sveitarfélaga á Norður- og
Suðurlandi, stefnir að því að leggja
nýjan veg yfir Kjöl í einkafram-
kvæmd. Félagið segir leiðina á milli
Akureyrar og Reykjavíkur munu
styttast um 47 kílómetra og áætl-
aður kostnaður eru 4,2 milljarðar
króna.
Markmið Norðurvegar er að sem
fyrst verði ráðist í nauðsynlegar
undirbúningsaðgerðir. Félagið
stefnir að því að vegurinn verði tek-
inn í notkun árið 2010.
Meirihluti landsmanna
er hlynntur Kjalvegi
Morgunblaðið/Sverrir
Jákvætt Halldór Jóhannsson: Niðurstaða könnunarinnar er hvatning fyrir
stjórnina til þess að halda ótrauð áfram í því að vinna málinu framgang.
Mestur stuðningur
á Akureyri
Í HNOTSKURN
»Norðurvegur ehf. varstofnaður í febrúar árið
2005 og er undirbúningsfélag
um byggingu hálendisvegar
milli Norður- og Suðurlands
yfir Kjöl.
»Hluthafar eru á þriðja tug,einstaklingar, fyrirtæki og
sveitarfélög, bæði á Norður-
landi og á Suðurlandi.
AKUREYRI
SENDUM Í PÓSTKRÖFU
www.simnet.is/heilsuhorn
Glerártorgi, Akureyri, s. 462 1889
fæst m.a. í , Skólavörðustíg 16
Borgartúni 24 - Hæðarsmára 6
Fjarðarkaupum
Lífsinslind í Hagkaupum
Heilsuhúsið Selfossi
Kelp
Fyrir húð, hár og neglur
Garðabær | Bæjarstjórn Garða-
bæjar hefur í samstarfi við Horn-
steina arkitekta snúið sér til íbúa
bæjarins við að kanna framboð, eft-
irspurn og notkun náttúrutengdra
útivistarsvæða í nágrenninu. Þetta
er liður í stærri rannsókn sem bæj-
arfélagið tekur þátt í, en það er svo-
kallað COST-Evrópusamstarf
(European Cooperation in the field
of Scientific and Technological
Research).
Gunnar Einarsson, bæjarstjóri
Garðabæjar, segir markmiðin með-
al annars að vekja athygli á mik-
ilvægi útivistarsvæða og finna leið-
ir til að bæjarbúar nýti sér náttúru
Garðabæjar í auknum mæli. „Hér
er alveg einstakt útivistarsvæði allt
í kringum bæinn og merkilegar
náttúruperlur sem við viljum auð-
vitað að fólk noti.“
Ekki verður betur séð en að bæj-
arstjórinn hafi lög að mæla, því úti-
vistarsvæðin 15 sem könnunin tek-
ur til þekja alls um 26 ferkílómetra,
sem nemur um 63% af heildarflat-
armáli bæjarfélagsins.
Lítið er vitað um raunverulega
notkun á þessum svæðum eða við-
horf til þeirra og telur bæjarstjórn
Garðabæjar því löngu tímabært að
rannsaka það.
Garðabær ríður á vaðið
Rannsóknin er í raun þrískipt og
er fyrsti liðurinn þegar hafinn í
formi vefkönnunar á heimasíðu
Garðabæjar. Því næst verður könn-
uninni fylgt eftir með fundum með
hópum og félagasamtökum í
Garðabæ, og loks verður farið í
vettvangsferðir um svæðin þegar
líður á sumarið. Þetta mun vera í
fyrsta skipti sem íslenskt bæj-
arfélag gerir úttekt á útivistar-
svæðum með þessum hætti og seg-
ir Gunnar það vera í samræmi við
þá stefnu bæjarins undanfarin tvö
ár að gera Garðabæ að snyrtileg-
asta og umhverfisvænasta bæ á Ís-
landi. Nefnir Gunnar í því sam-
hengi hugmyndir bæjarstjórnar
um friðlýsingu á svæðum eins og
Búrfellshrauni. „Við viljum að
svæði hér innan bæjarins verði
friðlýst í framtíðinni svo ekkert
verði við þeim hróflað, sem er svo-
lítið sérstakt fyrir byggð á höf-
uðborgarsvæðinu.“
Gert er ráð fyrir að niðurstöður
úr þessari könnun liggi fyrir að
hausti að sögn Gunnars og er þá
ætlunin að byggja á þeim svokallað
„lifandi líkan“ sem á að gefa góða
heildarmynd yfir gæði og notkun
útivistarsvæðanna. „Við finnum að
fólk tekur þessu vel og það er auk-
inn áhugi, sérstaklega hjá ungu
fólki sem flytur í bæinn og er
áhugasamt um náttúruna í nánasta
umhverfi. Það er mjög ánægjulegt
að verða vitni að þessari vakningu.“
Útivist efld á náttúru-
tengdum svæðum í Garðabæ
Græn svæði Í Garðabæ eru mörg falleg svæði sem tilvalin eru til útiveru, golfvöllur Oddfellowa í forgrunni.
Norðlingaholt | Nýr leikskóli var opnaður í
gær af Vilhjálmi Vilhjálmssyni, borgar-
stjóra Reykjavíkur. Leikskólinn er í Norð-
lingaholti og hefur rými fyrir 88 börn á 4
deildum. Nafnið Rauðhóll varð fyrir valinu
eftir hugmyndasamkeppni meðal barna,
foreldra og starfsfólks. Í fréttatilkynningu
kemur fram að leikskólinn muni leggja
áherslu á umhverfisvernd og leik með nátt-
úrulegan efnivið. Vináttan og náin tengsl
við fjölskyldur barnanna verður í hávegum
haft og leitast við að kenna börnunum að lifa
lífinu hægt og njóta þess.
Mikið er um fjölskyldufólk í hverfinu
þannig að leikskólinn mætir brýnni þörf
fyrir fleiri leikskólapláss þar. Nýi leikskól-
inn er í fallegri náttúru og mikið lagt upp úr
því að lóðin sé hluti af villtri náttúru.
Leikskólinn verður í nánu samstarfi við
Norðlingaskóla, meðal annars um notkun á
útileikstofu sem býður upp á margvísleg
tækifæri til náttúruskoðunar.
Arkitektinn Manfreð Vilhjálmsson hann-
aði leikskólann en gulir pýramídar rísa upp
úr húsinu, grasflár ganga sums staðar upp á
veggi og spéspegill er nálægt anddyri til að
létta lundina.
Morgunblaðið/Kristinn
Fjölbreytni Leikskólinn býður upp á ýmis-
legt en stundum er góð bók allt sem þarf.
88 pláss á
Rauðhóli