Morgunblaðið - 08.06.2007, Blaðsíða 24

daglegtlíf
Á VEFMIÐLI MSNBC segir frá því að þó
nokkuð sé um meiðsl á börnum út í hinum
stóra heimi vegna skófatnaðar sem eru með
hjólum í hælnum. Þessir skór fást hér á
landi og verða vinsælli með hverjum deg-
inum. Dæmi um slysatölur sem nefndar eru
koma frá Írlandi þar sem 67 börn voru með-
höndluð í Dublin vegna meiðsla af völdum
þessa skófatnaður á tíu vikna tímabili síðast-
liðið sumar.
Ófeigur Þorgeirsson yfirlæknir á slysa-
varðstofunni í Fossvoginum segir að þar hafi
fólk ekki orðið vart við slys á börnum vegna
slíkra hjólaskóa.
Heimilið hættulegasti slysstaðurinn
„Kannski eru þessir skór ekki orðnir svo
algengir enn sem komið er. Við fáum aftur á
móti þó nokkuð af úlnliðs- og olnbogaá-
verkum vegna línuskautanotkunar. Ég tek
það fram að flest slys á börnum verða
heimavið, þannig að heimilið er hættulegasti
slysastaðurinn. Einnig er hætta fólgin í því
þegar börn fara að stunda hreyfingu. En ég
er ekki fylgjandi því að hreyfing sé bönnuð
til að forða lítt alvarlegum slysum, hvort
sem krakkarnir eru að leika sér á trampól-
íni, bretti, skíðum, hjólaskautum eða ein-
hverju öðru. Ávinningurinn af því að styðja
við hreyfingu er svo miklu meiri þegar fram
í sækir fyrir einstaklingana, heldur en að
ábyrgð á börnum sínum og þeir þurfa að
fylgjast vel með og gæta að því að börnin
séu vel útbúin, með hjálma og úlnliðshlífar
og olnbogahlífar þar sem við á. Foreldrar
eiga að hvetja til hreyfingar, vegna þess að
hreyfingarleysi er að verða gríðarlegt
vandamál hjá okkur og það er miklu alvar-
legra en minniháttar beinbrot.“
Ekki banna hreyfingu til að forða slysi
Við eigum alls ekki
að líta á hreyfingu
sem eitthvað hættulegt
fara að banna hreyfingu sem endar kannski
með að krakkarnir fara að gera eitthvað
annað, til dæmis horfa á sjónvarp eða fara í
tölvuleiki.
Úlnliðshlífar og olnbogahlífar
Við eigum alls ekki að líta á hreyfingu
sem eitthvað hættulegt. Foreldrar bera
Það er ekki til nein dæmigerðhelgi hjá mér,“ segir GretaGuðnadóttir fiðluleikariinnt eftir því hvað hún tek-
ur sér fyrir hendur um helgar. „Ég
er ansi oft að undirbúa tónleika eða
spila á tónleikum svo helgarnar eru
mjög óreglulegar hjá mér. Þeim
mun dýrmætari verða þær fríhelgar
sem ég fæ.“
Greta leikur með Sinfón-
íuhljómsveit Íslands en gerir út frá
Hveragerði þaðan sem hún keyrir til
borgarinnar til að sækja æfingar og
tónleika. Þar fyrir utan kennir hún
fiðlunemendum í Tónlistarskóla Sig-
ursveins svo það kemur ekki á óvart
að helgarnar séu erilsamar. „Sé ég í
fríi á föstudagskvöldi vil ég gjarnan
vera heima og slaka á eftir vikuna,
búa kannski sjálf til góðan mat og
hafa það huggulegt heima,“ heldur
hún áfram.
Með puttana í gróðrinum
Líkt og flestir nýtur hún þess þó
að sofa út um helgar áður en við taka
æfingar eða tónleikaundirbúningur.
„Ég er allan daginn að undirbúa tón-
leika sem eru þá síðdegis eða um
kvöldið. Reyndar þarf maður svolítið
að passa upp á að vera ekki á of
miklum þeytingi yfir daginn til að
vera vel upplagður fyrir tónleikana.
Hluti af því er hreinlega að hvíla sig.
Ef ég á hins vegar frí frá tónlistinni
finnst mér gott að vinna í gróðr-
inum. Ég er svolítið að dútla í
plöntum og er með garðskála en mig
dreymir um að fá mér gróðurhús.
Svo finnst mér líka nauðsynlegt að
skreppa út að hjóla eða í göngutúra.
Svæðið hérna í Hveragerði er frá-
bært fyrir slíkt – algjör Paradís.“
Greta segist vissulega gera betur
við sig í mat og drykk um helgar en
annars. „Mesta nautnin finnst mér
hins vegar felast í því að setjast út á
verönd í góðu veðri með kaffibollann
minn og njóta þess að vera heima.“
Hún bætir því við að ekki sé streit-
unni fyrir að fara í Hveragerði. „Ég
keyri hreinlega keyra út úr stress-
inu í Reykjavík og strax við Rauða-
vatn fer maður að slaka á og njóta
lífsins. Mér líður vel í Hveragerði og
það er auðvelt að gleyma öllum erli
og jafnvel líka því sem maður ætlaði
að gera, sem er kannski mjög gott.“
Ástin og Beethoven
Þessa helgina á tónlistin hins veg-
ar hug Gretu allan, eins og svo oft
því hún kemur fram á tónlistarhátíð-
inni Björtum sumarnóttum í Hvera-
gerðiskirkju um helgina. Hátíðinni
stýra hjónin Guðný Guðmundsdóttir
fiðluleikari og Gunnar Kvaran selló-
leikari. Auk þeirra koma fram Peter
Maté en þau þrjú skipa Tríó Reykja-
víkur, Víkingur Heiðar Ólafsson pí-
anóleikari, söngkonan Guðrún Jó-
hanna Ólafsdóttir mezzosópran,
Greta og maður hennar Guðmundur
Kristmundsson víóluleikari.
„Ég spila bara á tónleikum á
sunnudagskvöldinu í Schumann pí-
anókvintettinum,“ segir Greta og
bætir því við að vegna þess hversu
allir tónlistarmennirnir á hátíðinni
verði uppteknir við tónleikahald
verði ekki mikið um æfingar hjá
henni sjálfri. „Fyrstu tónleikarnir
verða í kvöld klukkan átta en þar
verður leikin tónlist eftir Beethoven.
Á morgun verður alþýðleg tónlist á
dagskránni en þeir tónleikar hefjast
klukkan 17. Tónleikarnir á sunnu-
dagskvöld bera svo yfirskriftina Um
lífið og ástina. Ég á því von á því að
vera mikið á tónleikum um helgina,
bæði sem hlustandi og flytjandi.“
Ekur úr stressinu við Rauðavatn
Morgunblaðið/G. Rúnar
Afslöppuð Greta Guðnadóttir nýtur rólegheitanna í Hveragerði þegar hún er ekki upptekin við fiðluleik.
Greta Guðnadóttir nýtur
þess að fara í hjóla- og
göngutúra þær helgar
sem hún er ekki að spila á
fiðluna sína. Hún benti
Bergþóru Njálu Guð-
mundsdóttur á dýrðlegar
gönguleiðir í nágrenni
Hveragerðis.
Göngutúrinn Að leggja við
mynni Reykjadals, ganga inn
Grændalinn, yfir hálsinn til
móts við Ölkelduhnúk og aft-
ur niður í Reykjadal. Fá sér
svo bað í heita læknum þar.
Ganga svo meðfram honum
til baka. Þetta er frábær
hringur sem minnir dálítið á
Lónsöræfi enda gríðarlega
litríkt svæði.
Kaffihús Best er að fá sér
espresso á veröndinni.
Matur Að elda kjúkling með
mangó og kókosmjólk.
Sundlaug Auðvitað sundlaug-
in í Hveragerði.
Geisladiskur IBM 1401, a
user’s manual með Jóhanni
Jóhannssyni.
Greta mælir með
Vín vikunnar kemur frá Sikiley
á Ítalíu en eyjan sú hefur upp á
ýmislegt að bjóða þegar vín er
annars vegar. » 26
vín
Matreiðslumeistarinn Ragnar
Ómarsson matreiðir ofnbak-
aðar rauðspretturúllur og kart-
öflu- og sveppagratín. » 29
fiskur
Í matarklúbbnum Lærum að
elda er lögð áhersla á að kenna
fólki að matreiða rétti frá öllum
heimshornum. » 28
matur
Í BYRJUN vikunnar stóðu
yfir tískudagar nýútskrif-
aðra hönnuða í Bretlandi
en tæplega fimmtíu há-
skólar standa að baki
uppákomunum. Nem-
endur fá tækifæri til að
sýna hvað í þeim býr en tutt-
ugu sýningar eru haldnar á
fjórum dögum í London.
Hér á myndinni má sjá hvar
nemandi hefur veðjað á að bleiki
liturinn nái athygli sýningargesta. Reuters
Frumlegt
og flott
ben@mbl.is